TAZWART

Σeddagh-d yiwen n wass si tama n wesmel « Myspace.com », ttnadiγ lakra n umaynut, kra n uγanib (style) amaynut n uzawan i d-yeffγen, yennecraḥ wul-iw.
Γliγ-d γef Lvacir a ddin rreb !!!
Mlaleγ-d Lvacir akk d  tuγac-is s « teqbaylit n webrid » akken yeqqar daγ netta.
Cfiγ-as i weqcic-a ass mi yella d anelmad am nek di tesdawit n Tizi-Wezzu : tuγ icennu di temzuγt (residence) Ireḥḥalen n Asif-εisi di Tizi-Wezzu ; yesgembir netta akk d terbaεt-is yal iḍ, a sen-d-zzin inelmaden, a skeεkikeεen s taḍsa.
Ussan-nni, d aqeṣṣer kan ger « li anciens » ; ad ṭṭfen taγect n Mengellat neγ Lḥesnawi, a s-beddlen imeslayen, as d-rnun «  imeslayen n lεib » (akken i s-yenna yiwen akken n Limam di lxeḍba n lğamuεa), a d-sufγen aεejbib seg wayen ur nelli.
Aṭas ahat i s-yeqqaren ussan-nni, ulac anamek deg wayen akka ggaren « imqewden » aki, maca ma neg tamawt ar « isefra » n Lvacir d imeddukal-is ; a naf belli ttruẓun imegdulen n tmetti (interdits).
 
Akka am Darwin, Lvacir yeqqar-ak belli :  awal ur nesseqdac ara (imi d lεib)  inegger! A nuγal a t-id-neqqar kan s tefransist neγ s taεrabt.
Lvacir, « l’ancien nneγ » yefka-yaγ-d s wudem (mačči s uqer….), yerra-d γef yesteqsiyen nneγ s wul zeddigen.
Wi iran a s-isel acu d-yeqqar Lvacir di tesfifin-is; atan wanda a tt-tekkim:

http://profile.myspace.com/index.cfm?fuseaction=user.viewprofile&friendid=230145075

TADIWENNIT

Imyura:  Seg wansi i d-yeffeγ Lvacir u amek i d-yufa iman-is deg uzawan?

Lvacir: Lvachir yebda ccna d uzawan segmi meẓẓi, yella yezga yesdendun, ama γef ubidun n zzit n ṣangu, naγ ayen d-yufa zdat-es, iḥemmel zzhu s waṭas, yuγal yettqeṣṣir di tmeγriwin, iteddu d “litchantours“ dγa yeqqel “dazartist“ , ixeddem la guitar triktrik naγ labbaz (akka ay seqqaren s teqbaylit n webrid) iwweḍ-ed yiwen lweqt, Lvachir yuγal yettqessir akked kra ichantouren yettwasnen di tmurt leqbayel, ahat twalaṭ acu kan ur teεqileḍ ara, ur yesεa ara icelγumen ussan-nni, atah amek i d-yufa iman-is deg uzawan.

I: Lvacir d aqcic n tmurt, i izedγen di tmurt u mazal yeskerfiḥ deg iγallen n taddart, ccna mazal akken d awezγi neγ dayen fessusen tura di tudrin?

L: Cfiγ yiwwas, ass mi bdiγ ttqessireγ adinan (guitare), εeddaγ-d di tejmaεt, dγa sliγ i yiwen umesqaε a s-yeqqar i wayeḍ:  “é porta, babas d argaz lεali !“  u mazalitt akka i tella.  

I-Azawan i teggareḍ, d azawan atrar (musique moderne), a naf daγen kra n imesliwen n “reggae akk d Pop” , i wacu mačči s derbuka, abendayer akk d umundul kan a Lvacir?

L: ḥemleγ azawan akken yebγu yili, ma yella yettwaxdem akken ilaq, ma yella yesεa “lidontiti“, mayella iḥekku-d kra, ma yella ḥlaw γer umeẓẓuγ, ma yella tecmumheḍ-d mi s-tesliḍ.... azawan ma turareṭ γas γef “la jonte layar kat” (R 4), ma yella thuẓẓeḍ aqarru-k mi d as-tesliḍ , dγa d winna i d azawan. Ma yella umundul d dderbuka, yuγal “dlespor national“ di tmurt leqbayel, yelha ma yella yurar akken ilaq, ḥemlaγ ṭṭbel d lγiḍa daγen, dayen i nesεa d agerruj deg uzawan amaziγ, nekkini xtaraγ adandun “a guitar“ imi dayen kan id-ufiγ d wayen imu sliγ di temẓi-w, selleγ daγen aṭas n uzawan n ddunit irkwelli, si lHend ala ma d lPiru, "byensur" mebla ma nettu Ṭumbuktu...

I: Mazal-iten kan akken am zik, neγ medden uẓen ar zdat (deg ttexmam/wallaγ nnsen)?

L:Anwi i d zdat, anda yella deffir? Ma nmuqel γer “loksidon“, ahat a s-nini d winna i d-zdat? Ur yezdat wara, ur tezmireḍ ara ad iniḍ kra, ayen akka ay nettεici mačči seg-neγ i d-yekka, awi yufan kra “liropéres“ iṣṣeḥḥan a neṭṭef deg-sen , a namen yis-sen, a nsellek ciṭṭuḥ ayen d-yeqqimen. Nek yewwi-yid rebbi zik-nni i tella lemqadra wala tura, d acu ara k-iniγ γef ayen iḍerrun tura, tettnak kan teqqim akken.

 I: Amek almi i yebda limam tukci (yettak) akken uγalen medden ( d wakraren) ar webrid “n rebbi”? U dacut yizen (message) i d-yekkan di tezlitt-a?

L: Limam nneγ, yettak seg wass mi i d-ilul neγ balak ‘avant‘, akken i iga, rebbi a t-iεin di cγel-is, ma d-yizen, d acu ara ak-iniγ, yal yiwen amek ay yettwali, amek ara yefhem, nekkini ẓriγ kan belli win yettẓalan, d ineslem neγ dayen nniḍen, a t-iεin rebbi daγen, nek xḍiγ i ccγel agi, win yufan iman-is di ceγl-is ikemmel deg-s, ur d-yettas ara kan a d-yeccnu γef uqarqu… uqaru-yiw, dγa din i ttenṭarayeγ, akken i s-yenna yizem nneγ.

 

I: Llan ahat wid a s-yinin belli tarriḍ-tt kan d lweεd uṭeyeḥ. Kra ad as-inin: Lvacir d “apurngraf” (pornographe), acu tenniḍ?

L: Cennuγ akkagi acku akka ay hedreγ, yerna mačči waḥdi ay lliγ (assagi atan ṭfeγ ciṭṭuḥ iman-iw), daγen bγiγ ad wteγ taγrast “sukudpyi” ad d-iniγ “mird” i wid yurzen ilsawen almi nettu taqbaylit, i  wid yurzen tiktiwin almi iγ-yeεreq cced uyeddid, ma nekki d “apurnugraf” , ahat d ṣṣaḥ, ma yella twalaḍ akka, teẓriḍ nekwni s leqbayel amek i nga.
Nekki ttwaliγ , qwleγ d ‘ ‘ achanteur à succès ’’, tuγac-iw ttuεebbant (ttutelecharjant) aṭas si internet 11 n wagguren γef 12. Yeggra-d yiwen n waggur d Remḍan : dinna ttagwaden  a sen-yexṣer.

 
I : Win yettruẓun azaglu iteddu akken yufa….i win icennun γef limam yettakken, amek rray-is a Lvacir?

 L: Ziḍ wawal-ik ay Amnay a gma.  Tamuγl-iw d akken kullec am di tmurt neqwel armi iγ-d-ggran 20 wawalen di tutlayt nneγ. Dγa ruḥ  att-xeḍmeḍ  “carrière” s 20 n wawalen!

I :Sliγ-as i tezlitt-nni tis snat (Acεir), seg ma ara ttebdu alamma tfuk, tettmeslayeḍ-ed γef igmanen (organe) n tfekka (corps) n wergaz akk d tmeṭṭut, ahat win ur nessin ara “la science” a s-yini d aṭeyyeḥ kan ala teṭṭiyeḥeḍ, acu tenniḍ a Lvacir? ahat dayen nniḍen i tebγiḍ ad iniḍ??

L: Aha, dayen kan i bγiγ a d-iniγ, d taγect n tayri… “ippi situ”.

 
I: A nεeddi ar wayen ttrağun aṭas n yemdanen: melmi ad teffeγ tesfift (neγ aḍebsi = cd) amezwaru? U dacu i tettheggiḍ deg-sent?

L: Mi thegga, att-id-nessufeγ, “l’albom” agi sawaleγ-as “tuγac n wecεir”, ad ilint degs azal n 10 naγ 12 n tezlatin, ilaq-iyi kan ad afeγ “liditur” . d ayen a yaεren mliḥ, naγ ma ulac, a tent-zenzaγ iman-iw di leswaq n tmurt nneγ,  ad ruḥeγ γer rreḥba n lmal a tent-id-ferceγ.
Tura tuγac i iheggan rriγ-tent γef “litternet”, a tentt-in γef myspace inu, “tsutilicarjayent” baṭṭel.

 
I:  Tanemmirt-ik a yaqcic lεali u nessaram-ak teγzi n tudert akk d waṭas n uzawan (musique)

 A k-iniγ tanemirt  ay amnay imi iγ-d-fkiḍ udem, ur k-qqareγ ara ruḥ att-fkeḍ, d bururu kan iwumi iwalem wawal-nni.
A k-iniγ, ssarameγ ad nemlil yiwen  n wass a nqeṣṣer akken ilaq.
Tanmirt.

  
Lvacir yettheggi-d tasfift imu ad isemmi: Tuγac n Wecεir. Akka tura wejdent krad (3) n tezlatin:

1. - Limam n taddart nneγ yettak 

2. - Acεir

3. - Jamidlevi

                                      ^{Tadiwennit n Lvacir sγur : Amnay}

Azul fell-ak ay amnay,

Teseḍs-iyi-d tdiwennit-agi tgiḍ i lvacir.

limam nneγ d apupi, limam nneγ d aḥcayci... :D

zeṭla d zzit uzemmur, iṭij, abeḥri, tili, jamidlavi yettargu aqerquc :D

"d la chosso n tayri, ipi sitou" hahaha awah weḥd-ek a Lvachir Vu Claghem !

ḥemleγ tuγac n Lvacir yerna ccah :D nettraji ara azalbum agi inek

tanmirt ay amnay !

hakim

Azul,

Lbacir-agi ma ira ad nuγal s yezwawen nettak anzi s igduden n tmura yeddan ( yuẓen ) γer zdat, acuγer ihi yettwali timsal s wallen γumment tindaw ( tumlilt n wakud )? Ira ad neffeγ si lbir n yiẓẓan s tẓuri-s, yendi-yaγ ticerket n yeḥliẓẓan s yimi-s.
" Ccix n taddart yettak" , dacu yellan deg wayagi?
D lεib fell-as imi yettak neγ ira Bu claγen a d-yini " d leḥram wayagi"? Mačči yal yiwen yessen amek ara yemḍel tamγart
n yemma-s?
Anaẓur d win yettekksen ayen icemten di tmetti ideg yettidir, yettlal-d yes-s wucbiḥ ideg yella unamek deg wadeg n umezwaru-nni.

A mmi-s n Wemsed, ma Mğahed Ḥamid yenna" ayen yelhan yelha", nekk a d-iniγ: " Ayen ur nelhi diri-t".

Azul
Amedyaz, qqaren-as s taεrabt " ACΣIR", ihi γur-k azref ad tilid' d acεir, ay acεir. Γas werεad sliγ, neγ werεad γriγ ayen i d-yenna umeddakel-agi-nneγ, maca, iban icuba-yi d theddurin; yegra-d kan ma d lh'ela ttetqifiyya, neγ yeqqar-iten-id kan di rrayeε, wissen, attan di ccek?! Ma si tama n tlelliyin d izerfan: Am tz'allit am tikcin, yiwen webrid-nsent: La nuferriqu wah'ida min hunna!
Azul i H'akim, imi cfiγ yessebγesi-yi asmi lliγ d "ablu" (amaynut) deg wesmel-agi.
Tanemmirt-ik a dadda Muh'end Ssaεid nat Sεid nat Mεemmer.
Abergaz

Azul
Yella yiwen akken zik deg tesdawit qqaren-as Kamal Buxerrub icennu akka diγen. Wissen ma yessn-it Ucεir-agi n Lvacir?

Ma llan wid ibγan ad gen ablog d ayen isehlen.

Rzut ar tansiwin-agi : https://www.blogger.com/

Ttuγ ta : http://niretrad.nireblog.com/

Tansa n ublog-iw : http://www.yiwenuyirat.blogspot.com/

Tanemmirt

" L:Anwi i d zdat, anda yella deffir? Ma nmuqel γer “loksidon“, ahat a s-nini d winna i d-zdat? Ur yezdat wara, ur tezmireḍ ara ad iniḍ kra, ayen akka ay nettεici mačči seg-neγ i d-yekka, awi yufan kra “liropéres“ iṣṣeḥḥan a neṭṭef deg-sen , a namen yis-sen, a nsellek ciṭṭuḥ ayen d-yeqqimen. Nek yewwi-yid rebbi zik-nni i tella lemqadra wala tura, d acu ara k-iniγ γef ayen iḍerrun tura, tettnak kan teqqim akken. " ....

Tazwara tanmirt tameqwrant ay amennay ghef uḍris-agi ... !
Xas izeggwaγ wudem-iw...ur skiddibeγ ara... aqli mmuteγ kan akka si teḍṣa!!!!

Ad yerḥem Yillew taabuṭ i-d-yeğan anaẓur-agi !
Ur yeḍlim ara di kra n wayen i d-yenna !!!

Ajenniw n ujenniw-iw !!! ( zriγ wid iyi-snen ad qerṣen dagi di teḍṣa ) ... mi ar ak-yini yiwen neγ yiwet-nneγ : "Ah !!! Di tmurt-nnγ ilaq ad tbeddel "la mentaliti !" ... Par ixemple ilaq ad djen tih'dayin/arrac ad lsen, ad εicen akken isen-yehwa ! "

Mi sent-tenniḍ ... Ah ok! kemm/kečč akken i tettlusuḍ di litranji i tettlusuḍ di tmurt ? Ak inin : Awah !! Alxir-im !! Akken as-qqaren yellis/mmis n flan yeffeγ ḍaruf !! Nekk ur ḥwadjeγ ara a yi-d-bedren medden s wawal n diri !! "

Tamurt ilaq ad tbeddel ...maana li brubru-nneγ isibilizin ... ur bγin ara ad zwiren nutni γer usakrifis....

Faqu!!!!.... ziγ d aymi yaaya bab-a inaal bab-as i yefγen s amadaγ ... iten-id-yedjan di lmiziriya taberkant !
Yezṛa ziγ yeqwa lxuruṭu n Iqbayliyen ur nuklal ara ad temmet ula d taweṭṭuft fell-asen !!! Imi mi tebbweḍ γer tidett...ak-qqaren...aha ...tixer ad yezwir wayeḍ, ad isakrifyi wayeḍ iman-is !

Imi γef ičelwiqen...ttagwaden... ula ay d-nini γef teqbaylit !!

Alih... cnu-yaγ-d ay anaẓur...qqed ulawen-nneγ...imi tečča cetla n igumiyen tamurt !!... Yarnu anda i teddiḍ, di tmurt neγ berra-s, aten-tafeḍ ṭojor PRESENTS !!!

Tanmirt tikelt-nniḍen γef uḍris-agi ...

Ay abergaz, a Tansa Yid-i i d-telham?

Mmi-s :`` A ba! Amek i d-fγeγ seg yemma?? ``
Baba-s: `` S lqedra n rebbi! D lmalayek ik-id-imeslen a mmi.``

Mmi-s: `` s talaxt ? `
Baba-s: `` ih a mmi! Tura aql-ik tessneḍ amek i d-yettkernenni llufan di tεebbuṭ n yemma-s``.

Mmi-s: ``tanemmirt a baba! Azekka a s-sfehmeγ ayaki id-nniḍ i tcixett-nni n `terbiya el-islamiya``.


`D la science a mmi-s, d la science`

Awah... nekk γileγ ur k-in-bbwiḍeγ ara ! :-)

Mačči d kečč ah ! Mmeslayeγ-d kan γef ayen i yi-sebbwen ul-iw acḥal aya...

Kkess aγwbel !
Tansa

Aγbel ur tesεiγ, ur yelli deg-i.
Ugadeγ kan ahat llan widak ur negzi ara ayen riγ
ad t-id-iniγ. Ihi win ur negzi ara, ngum tulya deg imi, yelha westeqsi.

Ihi tefra.
Tansa

Azul fell-awen,
Tasekla-yagi tella seg zik, maca akken teffer kan ddaw uqelmun, ur tt-id-ttaddren ara medden. D win ad yeqqimen deg tejmaεt ad yettkeεkiε d taḍsa ma a s-d-yeqqar yiwen izlan am wigi, d win a d-yawḍen s axxam ad yeγli deg mmi-s d tiyita ma yella yuddr-d γas uma d awal n tayri war ma yewweḍ akk anda yewweḍ akka Lvacir. Tikli n qaḥqac!!!!
Tasaεdit Yasin tḥawc-d aṭas izlan am wigi, dγa yella yiwen dinna yeqqar-as: "acεir-is ad yemxubbal"....wayeḍ: "
Aḥlil nekk yuγen amrabeḍ
Yezga yelha d lekwaγeḍ
Yeğğa tibbucin beddent"
Yella yiwen zik dinna γur-nneγ qqaren-as Qadri Ḥidduc (fell-as yeεfu ṛebbi), llan wid i s-yeqqaren "Pulis", yezga yettawi-d izlan diγen akka seg uγanib-agi.

Ayen γef acu ur ttwaqennεeγ ara, dakken annect-a ad iεiwed tikli neγ tidmi i wegdud. Ur ḥṣiγ ara. Ayagi ad yeqqim i unecṛaḥ, i tukksa n weḥṛas yettaṭafen imdanen. Win yekkren ar wayeḍ a s-yini: "ur ḥerrṣ ara iman-ik"..."ur tt-ttaṭaf ara deg cedda"..." ur tt-ttaṭaf ara anda teẓmek"...atg. Akka tikkwal yiwen yessefk a s-yefsi tiyersi. S taḍsa, s uẓawan, s uqeṣṣer, s...
I wakken a d-tili taḍṣa, yessefk ad yili wayen a d-yasen mgal tigzi, mgal "lalujik" neγ mgal imegdulen(interdits). Lemmer lecγal-agi γef i d-yemmeslay Lvacir ur llin ara megdulit, ili yiwen ur sen-yeskkir akk azal, ili Lvacir ur t-id-yettawi ara akk umeddaḥ deg tezlit. Maca imi i d-yenna agejdur, ihi nenna-yas akk: "AY AGEJDUR, YENNA-D AGEJDUR!!!!!!"
Tamsirt i d-kkseγ seg inaẓuren am Lvacir d akken: mači kan d tuzert n wudem i iceṭṭḥen, tikkwal ula d tigzi tettekker ar ccḍeḥ."

A s-iniγ i Deqqic, Kamal Bu-Xeṛṛub, ssneγ-t, d amdakkel-iw, atan tura di " Luṣtrali "

Nekk ur walaγ ara yakk anida-t ugejdur d-yenna.
D anamek kan i urufiγ ara deg wayen d-yenna.
Ad alseγ ayen d-nniγ usawen: " Dacu yesseḍṣayen ma yettak wemdan?".
Ma ira a d-yini ayen ur nelhi ara γef limam n taddart, yessefk a d-yader ayen ur nelhi deg wayen ixeddem, ma d ayen ideg tella taḍṣa, yessefk a d-yini ayen yesseḍṣayen, maca, ma yeggan wergaz d wayeḍ neγ tameṭṭuṭ d tayeḍ iγef yessefk ad neskeεkuε, ad aγ-yeḥlu Qasi!
Neγ ahat yusem s limam, ira ad s-yawi amḍiq-is, acku d netta i yessnen dacu ilaqen d wacu ur nlaq ( D ṭaṛiq lmustaqim ).
D tidet yal amdan γur-s tilelli ad yini ayen d-as-yehwan, maca, ma ur irekkeḍ ara di tlelli n wiyaḍ.
Init-as tura kennwi " wagi mebla rebbi ar yettak".

Azul fell-awen!

A Ssaid a gma, ttxilek segzi-yaγ-d tamuγli-k s tin fessusen!

Syin a sen-εawed asqerdec i temsalt-a!

Ẓret aspace-inu, ma llan yeqbayliyen isεan amkan dinn.

http://blog.myspace.com/index.cfm?fuseaction=blog.ListAll&friendID=336472490

Ay Amnay, yerbeḥ a gma.
Riγ kan a d-iniγ lemmer ahat d-yenna ccix-agi yettakar, ur yessawal ara tidet neγ izellu imdanen tili yezmer wemdan a d-yini Lbacir-agi γur-s azref.
Maca netta yenna ccix n taddart yettak ( anamek-is wayagi, yeṭṭes d wergaz neγ d yergazen).
Si tama ira a d-yekkes zṛubat, yenna-d ayen ur zmiren wiyaḍ ad t-id-inin ( ahat iγil ayagi), si tama-nniḍen yedda di lebγi i widak yettεassan γef zṛubat-agi akken ur γellin ara war ma yuḥtam d yiman-is.
Ira lbacir-agi a d-yini ahat " netta d argaz bu claγem, ur yettak ara neγ yekkat taqeffalt deg waman? D tagi i d taqbaylit? D tagi i d tamussni? Akka ara d-nessufeγ iman-nneγ si tesraft n war talqaεt?
Ssarameγ tura tegziḍ tamuγli-w.
Sεid

I dda Sεid
Triḍ a k-n-iniγ: yal yiwen d taqbaylit-is! Γurk azref ma ur tgezzuḍ ara taqbaylit-inu, acku kečč si "lagrund", ur tgezzuḍ ara asqewqew-inu!!
Wi k-yennan yir awal, wi k-yennan regmeγ-k-id?! Dagi i wumi qqaren akken " ttaqi ccer min aḥsenta ilayh" akka i t-teqqarem kunwi s wat zzawiyat! La s-qqareγ "tanemmirt a dadda Ssaεid" netta la k-yeqqar "ma yidi i d-dhiḍ akka?!"
Teḥrem ar lemmer d wiyaḍ, ar d as-iniγ aya" Tekkseγ iselfan i weydi, yečča-yi!"!!!
Ur teḍlimeḍ ara, xuḍi "amγar" ma yeεwej, yebγa ad yejweğ"; ulayγer a k-εandeγ, kečč tebbehbaḍ γef yiman-ik


Azul fell-awent

Mmmmmmmmmmmmmmmmmiεεεεεεεεεεeeeeeeewwwwwww!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!Γurwemt a tiqcicin!! tin ara d-ikecmen γer da (gar iqelwacen-agi), teḥrem ma fkan-as akud akken ad tessenser ula d takilṭ-is, ar d att-tawi (takiluṭ-is) akken deg ufus-is tettiqqi!!!
( fiḥekl daγen ad tcukkeḍ fell-am a nna Mer....)
ẒIKUṬ

Yeḥma-tt useqqi, acku Leqbayel ḥemmlen akk tigi; maca ur d-ttasent ara kan sγur mmi-s n Wemsed! Ula d wid ur d-nejbi seg useggas-nni n Qarun atnad rzan-d! Ad iεiwed kra n yiwen a yi-d-yini "ur d-qqar ara lεib" a s-seṭṭleγ acεir-is, a t-ğğeγ war ssuna!
Ay axuẓẓiḍ ma leḥdaqa fell-i kan nekkini!
A k-yerḥem Rebbi a Ssi Muḥend Wemḥend i yennan:
"Ay AḤEČČUN bu tfenṭazit
Yelsan tijilit
Yebγa ad yuγal d lekmanda
Yewwet-it WEBBUC yeqleb-it
Yerra-t d tinnegnit
TIBBUCIN rwant taḍṣa"
( "takiluṭ" dagi yerra-tt d tijilit, acku ur ssinen ara medden isem-is zik-nni)
Dadda-twen

Ay abergaz,

Lewnis ira a d-yini s imeslayen-nni " yiwet teqbaylit kan i yellan, mačči 145", maca imi s usefru i d-yenna ayagi, tegziḍ ayen-nniḍen.
Nniγ-ak tregmeḍ-iyi? Nekk γilleγ steqsaγ-k kan ma yid-i i d-telhiḍ, acku tefkiḍ-d tamuγli-k deffir wayla-w terniḍ tenniḍ ayagi:
" Amedyaz, qqaren-as s taεrabt " ACΣIR", ihi γur-k azref ad tilid' d acεir, ay acεir"
Yak akka? Ihi nekk steqsaγ-k kan ma yid-i i d-telhiḍ, acku ula d nekk ttaraγ iman-iw d amedyaz, ma yella ur teẓriḍ ara ayagi, atan ihi tura uqmeγ tasusant i yiman-iw γef teεrurt n Lbacir.
I tagi n lagrund kabili i wacu? Yella wass ideg tegreḍ tamawamt
γlin-d yiẓẓan-agi seg yimi-w?
Taneggarut: Tenniḍ-iyi tanemmirt, maca, tessegraḍ-d deffir-s dda Muḥend Ssaεid. Azarisem-iw Sεid, mačči d nekk i ifernen ayagi asmi d-luleγ, d imawlan.
Ssaεid ufiγ-as aqerru, i Muḥend-nni acuγer? Triḍ ad-iyi-teqneḍ afeggag n wuraγ?
Tanemmirt ay abergaz!
Sεid

ak iniγ, tanmirt ay amnay γef tadiwant agi.
lbacir si zik is akka! akudpi di teγwrast!
wid it yesnen di tizi zran d lwahc di tgitart akw d itteblucen (les percussions).
d aγen iban d anarciw (anarchiste)!
taqsit agi n limam ulac d ges. ur d yargim yiwen. d acu kan nekwni γurnaγ limam ur yezmir ad yefk, ur yezmir ad yerd.
lvacir yehka d γef YIWEN(yiwen kan) n limam yettak. après tout, limam d afonctionnaire!
ajenyur yezmar ad yefk, tbib,,,ma d limama , ala?
bγiy kan as d arraγ iwinna ik yennan d akken tazlit n limam ur tessedsay ara. ak inγ agma, m ur k id sseds ara taγect a, ulac taγect ara k id yessedsen. amek? limam yettakwer ak id seds, limam yettak ala?

tanmirt i bu claγen!

Aha tura berkataγ imenγi ah,ayaaaa, tekkar jiniral, éééww, ayah myiḥmalet tura :) tanemirt a "nekki" γef ayen i duriḍ felli, iban keč d aḥcayci.

Azul fell-awen
A Essaid!

Tamuγli-k s wazal-is, s tidett kan.
Maca, ger win isellen d win yeggaren tamuγli, yella wemgired.

Ass mi sliγ i tezlitt-a tikkelt tamenzwarut , ayen id-yusan deg wallγ-iw mačči dayen akka i d-tenniḍ deg wawal-ik.
- Ma yella nesla-yas i taγect, a naf Lbacir yeqqar-as: limam nneγ d aḥcahci. Aḥcayci yetteε lxaṭer-is; yefka-yas i tmeddurt s rrkel, yerna-yas wayeḍ s `u ku d pyi`.
Lbacir yewwi-yaγ zdat n yiwet n tugna d arebbeb! Limam yettaken...arnu at-taddart nnecraḥen.
Di tmuγli-w, Lbacir ur d-yecliε di tukci n limam-nni, neγ deg yettramğiyen-nni i s-ittezzin γef txennart-is; aqcic bu-icelγumen icennu-d γef wayen ixemten di tmetti nneγ.
- Ayen ixemten ddaw uqelmun (akkan yenna Winna), dayen imu nessel kan γer wiyaḍ; werğin iṣaḥ-eγ-d a t-nẓer.
Ur yelli, acku d lεib kra n win ad d-imeslayen fell-as.
Aqcic-a akken ttwaliγ yessendiw tilewt; u win yellan d ahuẓẓi ur yettaf yid-s iman-is.
Ur yettεekki ara limam-nni yettakken, maca timetti-nni i yerran tizfi deg uḍellaε almi i nuγal nettu ula d imeslayen.
- Llan wid a ten-id-iseḍs limam-nni yettakken, llan wiyaḍ ahat ad xerxren d taḍsa seg wid-nni `yespunčayen`

Ğğiγ-ak talwit

A lvachir Bu-icelγumen...

Melmi akka a d-naf i tiγin rebbi n tesfift-nni??

Sufeγ-itt-id di Remḍan ma yella tzemreḍ

zuzul
Lvachir yewwi-d lachosso γef limam yettakken di lğama i wigad akk yettẓallan din. Safidir ur s-tuγal ara kan ar deffir umaana yuγal uxejjiḍ-is d tagennarit n tmacint. Γur leğnas-agi yettḥadden wid umi tuγal ar deffir, ur ttḥaddan ara wid-nni i tt-yessendayen mebla ceḥḥa mebla tilisa. Izerfan imattakken. Di tmurt ayen diri, imattakken ttwalin-ten yemdanen cemten, wid iteqqun arrac, ttwalin-ten d irgazen. At tafeḍ yiwen s warraw-is ittabaε arrac. Ipi yeḥseb iman-is d ggaggaḥ. Tikci-yagi akk d wetbaε n warrac dummeγ d lehlak neγ dacu i tennim deg-s?
tanpi

Ay Amnay,

ula d nekk mi akken sliγ i Lbacir tikkelt tamezwarut yesduqqes-iyi-d akka acemma, tawuri-s yal yiwen amek tt-yettwali, maca,
abrid-nni d-yewwi d amaynut yerna d tiyita n wezrem s aqerru.
Uγaleγ din din terεed deg uqerruy-iw, yenna-yi wul-iw " a tawaγit-nneγ, a ziγ werεad nfaq i tigi".
Lbacir s yimmad-is a d-yili yegza-yi tura yerna ẓriγ ur d-ssawḍeγ ara ula d tifdent-is di tmuγliwin-agi, dacu kan dagi atan yecceḍ, u nekk γef ayagi kan i riγ a s-ldiγ allen-is.

Mačči ala netta, icennayen-nneγ akken ma llan, yal yiwen zemreγ a d-aruγ γef tezlatin-is adlis. Ḥala Ferḥat ur ṭṭifent ara tqellaεin-agi yendi wuccen, ladγa d netta n yecnnan
" a nettemεassa γef yeγzer, akken ad tali tmurt n yeqbayliyen-nneγ", amek ara yecceḍ?
Ax sin imedyaten iwezlanen kan:
1)- Wali ttxil-k tamuγli.agi " azekka 21.02.2008 ad ilal weqcic di tmurt n yeqbayliyen, ad yekker dinna, kra iseggasen akka d afella kan ad isel s win yefkan aqerruy-is fell-as ngum talalit-is
( weqcic ) akken ad yedder i tlelli, d aqbayli, di talwit, war akk ayen icemten...atg.
Dagi riγ a d-iniγ Lwennas. Yak γef wayagi i yemmut fell-aneγ, γef weqcic-agi ara d-ilalen azekka yakk γef Lbacir akken a d-yni ayen i s-yehwan?
Aqcic-agi ur d-nlul d-yewwi umeddaḥ di teqsiṭ, ad yaweḍ wass, ad isel i imeslayen-agi:
" D tiḥdayin i ten-iceγben, nedder nettwali atmaten,
ur ttemseḍḥin ara"
Dacu yenna Wemnay-nneγ dagi?
2)- Wayeḍ yenna-yak:
" Ma yella ttamnen, ttawi tteṣbiḥ deg ufus-ik,
err iman-ik seg widak yumnen"
Zeggir-asen γas deg ul-ik d aγurru, rebbi yetteddu d widak iẓewṛen.
Γas ul-ik d akafri, yiwen ur t-yeẓri, kellex-asen i lγaci, ttamnen kan ayen ẓerren".

Asmi nγill yeγli leflani ( f.l.n ) di 1989, akraren-nni yellan deg ukabar-agi, imezdaγ n tmurt n yeqbayliyen, akka i yellan qqaren ula d nutni.
Lewnis yenna-yaγ dagi " mačči d lislam i diri, d widak yellan deg-s i s-yesεewjen tikli" yerna war ma yuḥtam s waygi.
Nutni nnan-aγ " mačči d f.l.n i diri, d beεḍ lmunaḍilin yellan daxel
ṣṣufuf ur neltazem ara kama yenbaγi s ssulṭa".
Muḥa a d-yini dagi: Si fini, si fini, cciṭan yenγa-t Xumayni".
-------------------------

Tikkelt-nniḍen d tadwilt γef mmi-s n Wemsed

Riγ a d-iniγ Muḥya mačči Muḥa.

Testtartureḍ kan a winnat...

Azul!
Aṭlas akk d uprenti nnes Ẓikuṭ uγalen am tderwict-nni imu qqaren akken: lalla mi iḥeckulen. Acḥal i t-seḥla n wid-nni imu ``ewten lmus`` deg wass n tmeγra!!! Dayen yessewhamen.
A tt-ewwet ar uεebbun-is (arnu ulac li sutyan) ad tessali lḥerz. Azekkani kan, aqcic ``yeḥla``.
Aṭlas yettaru leḥruz irennu yakkat-asen leğyub i li kliya!

Anta-tt lla Mertif a bu-qamum?

g.t. Ddu kan s ttawil akk d yismawen a mmi-s n wemsed

:o)

Aεezzul ay Amnay
Kečč seg wakken i k-h'emmleγ, teh'rem a lemmer a yi-tekksed' taserwalt-inu ur iyi-iγad' lh'al fell-ak, a Lbit'.
Keččini a Lbacir, ay udem uteqcir, ma keččini d "ttadya" "varsiti" n Tiji-Jejju; wa nekkini n i wumi qqaren "Abu.....!" fhem-tt akken i k-yehwa a bu tecεirt.
Tefred' taqerqurt (ssuref-iyi, riγ a d-iniγ:taqerruyt)-inek di Kanada, tusid'-d a γ-d-tecnud' γef wecεir ay acεir! Kiskisi "acεir di Kanada neγ di Laswis"?! d ulac, amzun ur d-tennid' kra, maca, yya-d γer dagi, tinid'-d "tacεirt", tez'red' d acu ara k-yed'run a tacεirt!
Ma tenwid' d ticlaγemtin-nni i d argaz, ay agaggah'; nekk, a k-iniγ: lemmer i lhant teclaγemtin yili ur d-ttemγayent γef yiri "ujeh'nid' " d uqerqur, a lbit'!
Ma tesεid' kra n yiwet ( taγect) efk-iyi-tt-id akken a k-tt-id-neh'h'leγ ( bardu" a k-id-leh'h'neγ), aql-i da a k-εiwneγ.

Azekka, aql-i a en-dsserseγ yiwen uyennat ( uεartikl) dagi.
Daγen ttheggiγ-d yiwen "ukasting" n yiwen usaru, isem-is "bismilah", aluγ! win iran a d-yurar deg-s, a d-yini.
Tamawt: Kra isekkilen ur d-ttbanen ara di ted'wiqt-nni usawen, uraγ-ten akken i ufiγ
Dadda-twen

Lbacir claγem n wecεir, di tmurt i yettidir a Yaṭlas εzizen am kuskus!
Ata-k yeskerfiḥ deg iγallen n taddart!
Mačči am kečč i yuγalen d ``mmi-s n lavil``

Ass m' ara d-isufeγ tisfifin-nni ines, a ten-tt-id-yefrec di rreḥba n wakraren di ssuq n Tizi-Wezzu. Aγas-en yiwet

Ma tkemmlem akka imyura.net ad yuγal megdul i wid ur nessaweḍ 18 iseggasen, neγ a tt-yetti ar tsekla tawaṛddit.

Ay Ayirat,
nekk akken walaγ, yal amdan ara d-yinin kra dagi, γef yisem-is, mačči γef yisem n wesmel.
imyura.net d asmel i yal amdan iran a d-yaru kra n s teqbaylit ama yelha neγ uhu.
Ihi yella deg-s wayen yelhan d wayen ur nelhi, akka i tga ula d yemma-s n ddunit.
S teqbaylit, asmel-agi d ddunit n teqbaylit war wahin neγ tahin.

" Γas ma nettnaγ, seg umennuγ ad yekk nnfeε.
Aẓar-nneγ, deg wul yebded, iṣeḥḥa"

S tegmat,
Sεid

Mmi-s n Wemsed i Ẓikuṭ: Ruḥ ssekcem-itt-id ahh! A dagi ulac miḥyaf, ulac “ssigrigasyu”.
Ngum (qbel) ad iruḥ ad yebdu ccna-yagi n “zwi-tṭ, rwi-tt” ala manyir-ines:
Sin iḍarren ɣef tuyat
irgazen rwan lxalat
nekkni deg ufus i tt-nekkat
ssired-itt, efk-itt
….
Mmi-s n Wemsed i Ẓikuṭ: “Fis d bbit” (“mmi-s n lqeḥba” d lɛib s teqbaylit!), i lemmer a k-d-tsel, ad ttɣil wagi d “lburdil” mačči d “lakabin”: “psikuluji, “rrulaksasyu”, uryunṭuliji/awelleh-uji, ttiraputik”!
A d-tekcem tmeṭṭut, a la ṭṭradisyunal/tamensayt: teqqen-d lḥenni, agusim…. a d-tebdu awal s tefransist-nni n largu: Jjiswi, jjiswi…
Mmi-s n Wemsed: A ṭṭixxer-aɣ akin seg “jjiswi”-yagi-inem! lemmer tessineḍ “tafransist” yili ad taɣreḍ kan “ la fam d ujurdwi/ tameṭṭut n wass-a neɣ tamirant” fiḥel ma tusiḍ-d ɣer dagi, akk!
Tameṭṭut-nni : Ssuref-iyi a sidi, g leɛmer ur ẓriɣ “aqemqum yettmeslay taqbaylit” ….
Mmi-s n Wemsed: Awal n “sidi” “ nigzizt pa” dagi, ɣas kkes-it; ma d ayen-niḍen, aql-aɣ “Fellaḥi” kan, akken i isemma Muḥya i teẓrigt/ lidsya, i d-yesnulfa tuɣal teqqur.
Aluṛ! D acu i kem-id-yewwin a massa?!
-Lmeṣṣa?!
- A mačči “lmeṣṣa”, nniɣ-am-d a “madam”.
-Wwiɣ kan cciɛa n yisem-agi “madam”, wama nekk, aseggas n jjwaǧ mazal-iyi akken d “madmuzil”…
- Ihi d taqṣiṭ-nni:
“ A Ṭaṭa n Ɛli
argaz-im d abudali
ur yessin a kem-idawi
a lemmer d nekkini
a m-refdeɣ aḍar-nni
A d-iban lɣar-nni
…..
- D tin, amek i tɛeqleḍ?!
- A d ayen ibanen, a lbiṭ ; di lḥeṭṭa-yagi ideg telliḍ akka, a teḥrem ula d aɣyul ma tessekreḍ-as-t-id! Rwaḥ a kem-awiɣ ɣer taɛrabin, teḥrem ula d lmeyyet, ar d as-t-id-ssekrent: d acu n ikerbuben, d acu n iqunniḍen…. d acu n ucebbeḥ, d acu lmakkiyaj, xeddment addal/ṣpur-nni n “ayrubik”; kullec deg-sent iṭennen: tibbucin beddent, iqerquren dewwren, iḥeččunen ttkerricen ( teḥrem ar sɛan uglan!)! kemmini, aql-ikem-id amzun d tamattart. Meɛna d ayen isehlen imi d-tusiḍ ɣur-i, mmi-s n Wemsed “ṭujuṛ” yezga ɣer tama n igellilen, “klas ubriyar” kuminist, Marksist, Lininist, Ṭrutskist, Sufajist….
Atah wamek ara txedmeḍ mi ara truḥeḍ ssya: Deg yiḍ mi qrib a d-yekcem ugaggaz-im, smir ɣef yiman-im ṭṭawa n waman yeḥman, err-iman-im d tamuḍint, tkecmeḍ s usu; mi ara m-yini “ akem-awiɣ ɣer ṭṭbib” kemm ini-yas “ ceyyɛeɣ taǧaret-agi-nneɣ ɣer yiwet teṭṭbibt isem-is “yelli-s n Wemsed ( ɣurk a s-tiniḍ d mmi-s n Wemsed, teḥrem ar d icukk wwteɣ-am tadellaɛt-im!) , yenna-yas-d “tagi, ddwa-ines attan ger iḍarren n wergaz-is”.
Ihi tura ɣas ruḥ ɣef yiman-im. Azkka ubunuṛ uɣal-d, err-iyi-d s lexbar.
- Ncalleh..
- Ulac dagi ncalleh, ma ulac teḥrem ar d yeqqim akken icemmeɛ uḥeččun-im !
Tameṭṭut-nni ad teffeɣ, mmi-s n Wemsed ad ilaɛi Ẓikuṭ: D acu ara tiniḍ di rrizulṭa/agemmuḍ ?
Ẓikuṭ : Ẓiru, ẓiruUr, mačč nul.
-Teḥrem ar tt-yewwet s « Terwa a ẓiru”!
Azekka-nni zik, ubunuṛ, a d-tekcem tmeṭṭut-nni s tadist, ad tebdu aslilew…
Mmi-s n Wesed: Aluṛ! Txedmeḍ akken i m-d-nniɣ? tura yerra-yam-tt d “agaraj”, yettɛedday waḍu “ali-rrutur”?!
- Xedmeɣ akken i yi-d-tenniḍ. Akken nekfa lbunt amezwaru, kkreɣ rriɣ iman-iw jjiɣ/ḥliɣ; dɣa yesteqsa-yi-d:” D nekk, i kem-yesseḥlan?!” nniɣ-as: ih, d keččini s uyennat-ik ( s useɛlaq-ik). Argaz yerfed acerɣit s ṭul ugerjum-is: xxah, xxah! Ddwa ger iḍarren-iw ǧǧiɣ baba yemmut! Lemmer ẓriɣ akka, yili ula d netta a s-geɣ ayennat-agi-inu, ad yekker ad yeḥlu ur yettmettat ara”!
Mmi-s n Wemsed: Awww!! Ula d baba-s yebɣa ad as-t-yessers! “Xdem lxir tura deg weqbayli” i yenna Muḥya.
Tameṭṭut-nni : I lexlaṣ tura amek?! ( a d-tkemmel awal-is s ccna)
Ɣur-i baba d yemma
D imectaqen n teryalin
Ma d lexlaṣ ar d ak-xellṣeɣ
A lukan s TEBBUCIN
Mmi-s n Wemsed : Wa lalla yemma wwah, wwah ! Sken-iyi-ten-id kan si mebɛid, a sent-sselfeɣ kan s wallen-iw; acku ttqadareɣ “ddyunṭuluji/litik” lḥerfa/tawuri n tujjya.
Tameṭṭut-nni ad teffeɣ, mmi-s n Wemsed i yiman-is kan” teḥrem akken ara ẓreɣ TIBBUCIN ini taɣ-iyi tawla, (dagi, ad yettnazaɛ: eh, eh, eh, eh!) , awi-yi-d ttiẓana a Zikuṭ!
Yettkemmil….

Tamawt:
Lakabin teldi i medden akk, “si gratwi li kunsilṭasyu”, ass-nniṭen (nekkni neqqar “ nniṭen” teḥrem ma nniɣ-d “nniḍen” a d-awiɣ ɣef yiwen akken yeqqel-as d abuxruf/ajeɣlal/aɛrus

* Win yesɛan acɛir ilaq a t-iseṭṭel deg unebdu, acku yettfuḥ, ma di ccetwa/tagrest a t-yeǧǧ, akken ad yerr fell-as asemmiṭ ( mačči “asemmiḍ), yerna d “ssunna muekkada”!
Mmi-s n Wmesed

Agujil
Win umi ksaγ baba-s
Ur s kiseγ-ara
Win umi ksa yemma-s
Ur s ğğiγ-ara
Akka i ttarwa n uγilas
Yarwan lḥif n tmara

D agujil yemma-s tella
Yezgga d arbib si tlalit
Lxiṛ-is twart-it tekna
Tesgen mmi-s di tẓalit
Isawel-as-d gmma-s yesla
Idduqes-ed iṛğa tallit

Isuγan sya wesya
D aẓaṛ-is i d-isawlen
Lbaṭṭel dges naεya
Segw ul neks-ed ayen illan
Lḥif urfan a tnaya
S idurar nneγ γlayen

Icceqaq udrar yettru
Γaf awal-is aẓidan
D llḥaq fell-as ad iru
Ğğan-t id widen iεadan
Iḥar yis melmi ad naru
Awal n mmi-s azedgan

Ay adrar ḥareb af arrac
Ffγen i tmegra n uγilif
Lufan di dduḥ yeḥrec
Ineṭq-ed yebwi-t nnif
Wanes-it ay adrar yewḥec
D leqraṛ bwin k iddem wasif
"Tnemmirt ar tufat"

Azul ay Amγid !

Acki-t usefru-agi ay amγid !!!

Yelha ayen din !!!

Tansa

Tanemmirt a Dda lbacir ad iyi tsurfeḍ ur ẓriγ amek
in iruḥ ar γur-k, la qaraγ isefra-k i iggerzen aṭas....
ufiγ isekilen i ilaqen iwakken ad aruγ isefra inu,
akken ad ten iddareγ " word".
"un faux jeste c'est parti vers vous"
nekk d amaynut γar imyura.net
ar tufat a dda lbacir

Tanemirt-ik ay amγid γef usefru ayagi iγ değğiḍ, yelha mlih, ansuf yissek melmi ik yehwa

zik tekkatem a yat laεraḍ deg uẓawan n ṛṛay teqqarem ur nezmir a s nsel yar twaculin tura nuγal nifiten deg usexser n imeslayen ,yerna nettzuxu seg wanecta, " A Rebbi s εewjj as rray is tesεejbeḍ as t" akka tura iγ teḍra i nekwni.