| | |

Nna Fa ad tuγal ar Munryal deg Furar-agi   I lmend n tiγri i d-gren widak yesḥasfen imi zeglen tacequft umezgun Tidak n Nna Fa, I lmend daγen n tiγri n widak i tt-iwalan mennan ad as-alsen awali, S lfeṛḥ-nni swayes i tt-id-qublen ar ad uγal γur-sen ar Munṛiyal. Akken i tt-εuzen i tebγa aten-tεuz. Atan ihi Tidak n Nna FA ad tili di Munṛiyal ass 24 di fuṛaṛ 2959 (24 février 2007) af 19:30 di tzeqqa n Patro le Prfvost, 7355 Christophe Colomb (metro Jean Talon). Azal Unekcum: 12$ I waken ad tezṛem nig waya, walit: www.acaoh.ca Ansuf yis-wen ar temlilit d Nna Fa, Ṭbib d tefremlit. Ar temlilit ara kwen-yawin deg inig unecṛaḥ, n ṣwab d leḥnana.

Isalen & tidmiwin Sγur Hemmu Lemmer kan teṛğim "timγarin", 10 deg Meγres, ad tt-id-rrem ar Munṛyal. Wissen kan ma a d-tas ar Leγwi ? Sγur amesdrar aqlaγ nettraju a DVD, nekkni s wiyi ur ttnezṛa ara akka, nessaram ad ifeγ deg ussan-a. tanemmirt i mass Sexi d tarbaεt-is Sγur Ğamal Benεuf Azul. Akken γriγ azwel n tmezgunt-agi mmektaγ-d Newwara-nneγ n Wesmel, imi d nettat i iḥemmlen isem-agi n "Nna Fati"; dγa ad farṣeγ tagnit akken a s-ssiwḍeγ azul i weltma-tneγ Newwara, afud anezmar i terbaγt-agi-nneγ n Kanada ara d-yuraren tamezgunt-agi. Lemmer γas din i nella, neγ dagi i llan akken a tt-nwali (tamezgunt). Ur ẓriγ ara d ass n 10 meγres i d ass agraγlan n temγarin, a Dda Ḥemmu?! Tasekmut ( lεid) tameggazt i yemrayen ( iεeccaqen) ilmend n 14 furar, ass n tayri ( ideg yettwanγa Valuntinu, awines -- lqern -- wis-kraḍ deffir tlalit) . Tanemmirt-nwen(t) Sγur Angwmar Azul fell-awen, S elfarh d amuqran id rezzugh ghurwen imi zrigh cwacu id ttqabalem tighri nnegh. Tikelt agi, bghigh awni idinigh dacu i tekdem Nna Fa di Munriyal imi tughal i webrid wis qrad. Atan ihi wayen ig dran. Tanemirt i wafud nwen. Murad Muhand Said As n sebt-nni yezrin ( 24 di fuṛaṛ) i tikelt nniḍen tuɣal-d tcequft umezgun Tidak n Nna Fa, ar Munṛiyal. Nna Fa akken i daɣ-tṛegem, teseḍs-aɣ, tesru-yaɣ ciṭuḥ, tesmekta-yaɣ-d ayen akken nɣil nettu-t, netta ziɣ izdeɣ-aɣ deg ul. Segw akken, Nna Fa tuska-d af wul n yemnezhen, tuɣal d tajidatt akw n widak i tt-iwalan. Af akken i d-qublen imnezhen tacequft Tidak n Nna Fa, ur d-yegwri ccek, leqbayel ḥemlen amezgun. Sekra n win inezhen, yesteqsa-d : melmi ara d yeffeɣ uḍebsi (DVD) n tcequft ? melmi ara das-d-aεwdem? Ad testthegim tacequft tamaynutt ? Udem-nni swayes imnezhen qublen-d tacequft, yefka i widak i d-yuraren afud ameqwṛan. Alami aṭas i yɣilen d ṭbib n tidett, d tamɣaṛt n tidett i yellan zdat-sen!. Lfeṛḥ n yemnezhen, yefka aεwin usegwas i widak i d-ihegan tacequft n Tidak n Nna Fa. Mačči kan ala tacequft s timad-is i ysefṛaḥen, ula d leqdic, d uhegi, dayen yesfeṛḥen widak i d-yusan: tacequft tebda di lweqt, yal taɣawsa di lweqt-is. Nnan widak i nezhen: tasekurt timelalin. Murad Muhand Said Tekki da akken a d-tiniḍ kra neγ kra.