Ẓer-sel
 
   
 
 

| | |

Smail Medjeber, amyaru s tmaziγt: Tamaziγt teḥwağ wid a tt-id-isellken
 

Ta d tasuqelt  n tdiwennit i s-tuqem "la Dépêche de Kabylie" i Dda Smaεil Meğbeṛ.

Dda SmailD yiwen seg imezwura seg imaγnasen n tmaziγt, umi yeqqim iman d ilemẓi. Smail Meğber ittidir tagara-ya deg Fṛansa anda yettkemmil amahil d unadi ines. Yenna-yaγ-d tamacahut-is, yemmeslay-aγ-d γef iṣenfaren ines.

La Dépêche de Kabylie: Amek i d-ilul udlis inek i d-yeffγen γur tiẓrigin “L’Harmattan” deg Paris ?

Smail Meğber:  Amecwaṛ i d-yewwi udlis inu yebda-d seg tallit deg i d-tennulfa tesγunt ABC Amaziγ, deg useggas 1996(ifeḍ tzat tmiḍin tzat tmerwin d ṣdis). Tuffγa ines ur fessusset ara. Tazwara lliγ riγ a d-sbeddeγ axxam n useẓreg. Aseẓreg ad irefden tasekla tamaziγt, ama d ayen d-itteffγen ass-a neγ d tulsa i wayen i d-yeffγen yakan γef umezruy, idles akk d tutlayt tamaziγt. Iswi-w ad yili wexxam-a d tala seg ad d-ttagment tsutiwin i d-ittnekkaren.

Iswi meqqer wazal-is ma d taxṛiṭ d tilemt. Ssutreγ i kra n wid ilan adrim. Idrimen lan-ten ma d asusem susmen, wwten nneḥ…Iγaḍ-iyi lḥal maca ur ngifeγ ara. Iswi ameqqran ačaṛan ğğiγ-t, sbeddeγ «Tiẓrigin Yuba Wis sin ». Ssufγeγ-d s cwiṭ n wallalen tasγunt i tmerniwt n waffud i tutlayt, i idles, i tira n umezruy, i wansayen, i tnettit akk d imussuten imaγnasen imaziγen.

Asufeγ n tesγunt-a d ttar daγen i d-rriγ mgal adabu azzayri amesγullu, aḥeqqar n iseggasen iberkanen i d-iḍefren timunent n tmurt seg uzaglu n tehrest tafṛansiwt.

Adabu iḥewṣen kra yellan d azref n useẓreg, igedlen akk iberdan n usnefli n tutlayt tamaziγt. Ayen i γ-yeğğan, nek, Harun, Ceradi akk d imaγnasen nniḍen, nessuffeγ-d s tuffra deg teγremt n Lezzayer tisγunin am «Iṭṭij », « Taftilt »…Amedya ugejdur n weḥṛas i d-yellan γef usnefli n tmaziγt d aḥbas iḥebsen « Afaylu amaziγ» i yella yessuffuγ-it-id ubabat Jean-Marie Dallet, ameskar n waṭas n umahil d unadi γef tutlayt d yidles amaziγ. Gar akk ayen iga Jean-Marie Dallet a d-bedreγ sin imawalen. Annect-a akk acku ufan-d ar γur-i iserdasen(iεeskriwen)  kra seg wayen d yeffγen deg «Ufaylu amaziγ»

Akken yebγa wumdan inuda deg umezruy, ur d-yettaf ara kra n tallit anda imaziγen bedden ar tutlayt nsen. 3000 iseggasen-aya tura.

Yessefk a nekker a s-nerr azal i tutlayt-nneγ, a s-t-nerr nekni, i nekni, i tisutiwin i d-yettnekkaren.

Irgazen akk d tlawin, tagara-ya, d ifḍan(d luluf) n warrac, refden taεkkemt, yal yiwen s wayen i yezmer, i uslali i tikkelt nniḍen, i tmerniwt n wazal n tutlayt d yidles imaziγen. Asfel nsen ur yelli d ayen yezmer yiwen ad yektil. Imeskaren n yidlisen, wid d-isnulfuyen, simmal tettimγur tirni nsen deg wannaren n tẓuri, n yidles, n ccna akk d isura…

Maca, a nnegr a yul, amahil nsen yeqqim deg tesga ur ittwassen ara, seg ulac i s-ulac allalen.

Tasγart n tmaziγt attan gar sin ifassen: afus yessnen i yimru d wawal, akk d ufus yessnen i ukemmes n yidrimen d ustenyi n cakk n lbanka.

Maca, a tawaγit nneγ, wid ilan tiktiwin, tixriḍin nsen d tilmawin, wid umi ččurent texriḍin nsen d idrimen, ulac γur-sen tiktiwin; Akken d-yella deg wawal : « Tella tasa, ulac tasga ; tella tasga, ulac tasa. »  Neγ akken nniḍen : « llan wid isεan allalen, ur sεin ara ul; llan wid isεan ul, ur sεin ara allalen.»

Akka i d-ilul ABC Amaziγ : "Win yettṛuzun asalu, ixeddem akken yufa, mačči akken yebγa" Akka i t-id-yenna Mammeri.

Seg tikti ar tawḍin n tesγunt ar imeγriyen, war ma nettu asiggez(impression), seg uṭun ar wayeḍ, ncerw-itt merriγet.

Ncerw-itt merriγet ? D awal kan ! Mači d ayen a d-yini yiwen akken tella taluft. Erret-d gar wallen nwen aγrabu(lbabuṛ) yesedday yiwen wumdan kan, eṭṭf-ed da, eğğ dihin…

« Foundation for endangered languages » (Agraw γef tutlayin i yezemren ad negrent) issufγ-ed deg usmel ines Internet, tiγri i d-greγ i wsellek n tutlayt tamaziγt, deg teγremt n Lezzayer aseggas 2000 (sin ifḍan)

Imi mlaleγ uguren, mdeṛkaleγ, greγ tamawt dakken ulac imeγriyen imazγawalen.

Imeγriyen i yellan d ifṛansawalen. Ur ssinen ara ilugan n tira n tmaziγt akken bedden ass-a.

Ma γas ran tamaziγt, ur zmiren ara. (cwiṭ-a yessnen ad γren tamaziγt skanen-aγ-d dakken tugett ur ssinen ara)

Annect-a i yi-iğğan ḥeṣleγ gar lebγi inu ad as-rreγ azal i tira d usiweḍ n wayen ittwarun s tmaziγt i tugett n yemdanen akk d ulac i s-ulac imeγriyen ddeqs.

Tidukkliwin tidelsanin neγ timaγnasin – neγ wid yerran iman-nsen qaḥqac d imaγnasen – summen-ten ikabaren n tsertit neγ qqimen kan ttfeẓẓen deg lazuq nni n yilindi, nutni εuẓẓgen i tiγri n yidles nni γef iqqaren ttḥuddun-t.

War aseẓreg, ur tezmir ad tili tutlayt, ur yezmir ad yili yidles, s inumak nsen itraren, n wass-a. Tutlayt nneγ akk d yidles nneγ kecmen tiniri, tagnitt n ulac, deg ayen yurzen aseẓreg. Ayen ittwasẓergen ur yezmir ara ad yeqqim yedder war ma llan imeγriyen neγ afus n tallalt n wid yeseddayen idrimen n tmurt neγ n tmura. (Ulac tasudut ittḍebiṛen γef yidles, taγelnawt neγ tagraγlant, i d-yettakken afus n tallalt i useẓreg s tmaziγt γas s taγin n wayen i d-itteffγen)

Tuffγa ines tis snat γur «L’Harmattan », deg yulyu n useggas 2005 (sin ifḍan d semmus), d asali n uṣenfar i lliγ bγiγ ad ssaliγ deg Lezzayer: asegrew(ajmaε) n 12 (mraw d sin) n uṭṭunen n tesγunt deg yiwen n wedlis yal tikkelt…Ur ssawḍeγ ara ad xedmeγ ayagi. Maca ur s-briγ ara i tekti inu, ferneγ-d kra n iḍrisen deg yiwen wedlis…Tiẓrigin « L’harmattan » teldi-yi-d tiwwura-s teqbel ad tesseẓreg sin idlisen. Adlis wis sin a d-yeffeγ akka cwiṭ ar zdat.

 

 

 

Dépêche de Kabylie: Dacu d tiẓri-k γef tsekla tamaziγt ?

Smail Meğber: Mer akk imdanen – neγ ma ulac, ifeḍ(1000) n yimdanen kan - ẓerren tasekla tamaziγt akka i tt-id-ẓerreγ nek, ur ttafeγ ara anda ad rreγ iman-iw seg tumert(lfeṛḥ) ! Yiwen wass, 5 deg Yulyu 1974, deg yiwet n tmeγra deg Draε Benxedda, tama n Tizi Wezzu, anda tecna terbaεt Si Muḥand U Mḥand (ittikkin deg tuddsa tuffirt n iγallen imaziγen). Yiwen uqcic, imi i iy-d-yeẓra qqareγ-d asefru seg yiwen iffer n lkaγeḍ, isteqsa-yi-d : « Nezmer a nγer tutlayt nneγ, nezmer a tt-naru ?» Asteqsi am wa, deg tegnitt nni yuεeṛ, tiririt-is daγen tuεeṛ, ladγa imi yessefk a s-d-rreγ deg usawaḍ, a d-slen akk medden yellan dinna. Zdat n ubṛaḥ nni anda teḍra tmeγra, yella «ukumisaṛya » n imsulta. Ur uγaleγ ara ar deffir ma γas amihi(danger) meqqer. Ur zmireγ ara ad uγaleγ ar deffir imi tira n tutlayt nneγ ur tettwassen ara, imi medden γilen d tutlayt tamawit kan. Aqcic nni s tegzi-s n win ittṛuḥun ar uγerbaz(lakul) imir nni iγil d tafransist kan akk d teεrabt i s-selmaden i yettwarun. Tutlayt ines tayemmatt, netta, ur yezmir yiwen a tt-iγer, ur yezmir yiwen a tt-yaru.

Imi i d-yesla i tririt-iw deg usawaḍ dakken tamaziγt nezmer a tt-naru, nezmer a tt-nγer, yekker ittsuγu: Tamaziγt ! Tamaziγt ! Dγa yesseḥma wid yellan akken dinna.

Ass-a, nesεa qeddac d amyaru s tmaziγt, imyura n ungalen, imedyazen, imsuqalen, imnuda...

D tagrawla taseklant i deg i nettidir ass-a : s ttawil, s tsusmi, war zzux, war ahṛuḥut. Deg kuẓ(4) tγemmaṛ n Tmazγa. Nadia Benmouhoub d yiwen umedya (tzemrem ad tafem awal fell-as deg uṭṭun wis 29 n tesγunt n ABC Amaziγ), temmut drus-aya. Neγ Nadia Djaber; ilemẓiyen akk d tlemẓiyin kkren ttḥawacen tira n tmucuha, iznan d wayen d ğğan wansayen n imezwura.

 Tagrawla-ya i yewwin  tutlayt nneγ ad tezger seg ugemmaḍ n tutlayt tamawit ar ugemmaḍ n tutlayt tatrart ittwarun, γur-s udem n twizi tameqqrant n wegdud akken ma yella. Maca n wegdud kan, tawaγit, tuddsiwin n udabu ur ttikkint ara deg twizi-ya. D tagrawla taγerfant, d tagrawla n wegdud, n weγref, i yekkren a d-yelqef tuγac tineggura uqbel aselqef d wengar nsent. Skud nsell i wawalen, yella yettmeslay Sifaks d Sufunisb d wid yellan deffir-sen, yessefk a nγiwel i tira nsen akken ad qqimen, akken ad idiren deg wafriwen n lkaγeḍ. Tudert n wawal deg lkaγeḍ d azgen n tudert maca yif tamettant n wawal nni. Izen n Mammeri d tiγri i wegdud akken a d-isellek tameslayt-is.

Ass-a, imi yal amγar ad yemmten, d tamkarḍit i tettett tmess, yessefk i tisutiwin i d-yettnekkaren ad rnun deg ubrid i d-neğṛen Ṭawes Amruc, Bensedira, Bulifa, Belεid akk d Mammeri. Yessefk ad arun ayen d yeqqimen seg wawal n imezwura.

Ma ad imuqel yiwen dakken yal tamacahut, mači kan d tamacahut i warrac akken ad ṭṭsen neγ ad dhun, maca d tamussni, d aktay amawi, yeqqimen akken yella, ur t-yesserka wakud, yettbin-d wazal n uḥiwec d usiweḍ i wiyaḍ n wayen d-nγellet seg idles n imezwura meqqer nezzeh.

 

 

La Dépêche de Kabylie: Dacu i yezwaren a t-ig wumdan i tutlayt-a ?

Smail Meğber: Yessefk imaγnasen - wid n tidett – ad uγalen d isellaken n tutlayt tamaziγt. Aseqqif deg ad teddari ass-a d tiḥuna n yidlisen.

Nniγ-t-id ur yelli d tikkelt ad as-d-alseγ : mači alma yeffeγ-d usaḍuf(lqanun) i wakken ad yezmer ad yekcem wumdan γer tḥanut n idlisen akken a d-yaγ adlis ittwarun s tutlayt tamaziγt. Taqacuct i bγiγ ad awḍeγ ass-a d aseẓreg n yiwen udlis yal ayyur i yifeḍ n imeγriyen ma ulac akk. D ta i d tiririt  tameγnast i teγri n umedakkel-iw Mulud Mammeri a d-ssumreγ. Acku tafyirt tanegarut n yizen amεemri immun am aman: tutlayt-nneγ d yidles-nneγ yessefk ad zegren seg tmawit ar tira, anamek-is ar yidlisen, send a ten-temger tmettant. Axxam tnder deg-s tmess. Mas Rezki Issiaxem, deg tezwart yura i wedlis n Saεid Iεemrac, Tasga n Ṭlam i d-yeffγen seg mi yewweḍ anda a naweḍ, yenna : « S tγuri n ungalen am wa s wayes ad yemγur ucihwi n tγuri n wayen ittwarun s tutlayt-nneγ, daγen s wayes a neḍeggeṛ tikerkas n tesγart tucmit tasqurmaṭ i s-d-iṣaḥen. »

Yessefk ur nqebbl ara a namen dakken imaγnasen ituqqten n tmaziγt akk d iglafen n imesbaniyen i leḥḥun deg iberdan ma a d-taweḍ Tefsut Imaziγenn ur ssinen ara ad γren.

Tamentilt i d-ttafent teẓrigin ittggammin ad sẓergent amahil-a i d yeğğa umeskar-is d ulac i s-ulac tabaγurt deg usufeγ n umahil ittawarun s tmaziγt. Ihi γef-aya i d timerniwt n umennuγ ma a d-yaγ wumdan adlis s tmaziγt, d tiγunsa, i wakken ad d-nessken llan imeγriyen n tutlayt tamaziγt, d askan dakken « ass-a, azekka, tamaziγt tella, tella.» mači d awal kan ur nli anamek…akka a d-yeffeγ waṭas seg wayen ittwarun s tmaziγt send ad mmten imeskaren nsen. Tafsut Imaziγen n ibrir 80 yesneddr-itt wegdal igedlen asarag γef tmedyazt taqbuṛt, yella waya neγ ala ?

Yir adabu n twaγit igdel asarag, dayen yellan...tusa-d seg u-FLN, aεṛaben-ibaεtiyen, yella waya...d iglafen n inelmaden i d-yeffγen deg iberdan a d-sseknen tuččḥa d reffu nsen mgal tamḥeqranit n umahil-a γef tmedyazt taqbuṛt n Mulud Mammeri, akk d mgal tamḥeqranit n yidles amaziγ, yella waya...yezga-d...d asaḍen win igan aya…a d-yeqqim deg umezruy…Maca, ass-a, aḍra iglafen nni n inelmaden neγ arraw nsen ttakken affud i tmedyazt ittwarun s tmaziγt ? Atan usteqsi...ar d-taweḍ tririt i usteqsi-ya, deg tḥuna n idlisen, ur ttemdemmaren ara lγaci. Wid yeddan deg ubrid n Mulud Mammeri, takemmict n imedyazen issawaḍen a d-sẓergen adlis n temdyazt, ttbeddaden γef tewwura i wakken a t-zenzen.

Llan γur-neγ imyura n ungalen akk temyura s tutlayt tamaziγt. Amahil-nsen yegda tasekla taklasikit tafṛansiwt : Araz Mulud-Mammeri ittwafkan yal seggas sγur tidukkla «Agraw Adelsan Amaziγ», ittwafka ar tura azal n 10(mraw) tikkal. Ayen uran yessefk a d-yeffeγ, a d-ittwaseẓreg. Maca, aḍra a sen-ilin imeγriyen akk tmeγriyin ? Llan γur-neγ daγen imeskaren deg deqqs n wannaren: tullisin, d tisuqliwin, d anadi, d imawalen...Ass-a takemmict i d-itteffγen, ttwasẓergen i lmend n umeskar. Zik, medden qqaren : «  ulac imyura s tutlayt tamaziγt !» Tura, d imyura i yeqqaren : ulac imeγriyen s tutlayt tamaziγt !»

Γef aya icqerweγ imaγnasen: ma nessaweḍ a d-naf ma ulac akk 1000(ifeḍ) imeγriyen, ayen yettwarun s tmaziγt a d-ittwaseẓreg akken ma yella, ama d nek neγ d tiẓrigin nniḍen a t-id-sẓergen. Targit-iw d ass ma ad ttemdemmaren kra n urawen n imeγriyen, ma ulac akk, akken ad mlilen amyaru amazγawal i wakken a sen-d-ibudd adlis.

Targit-iw ad teffeγ kra wass ?

War aseẓreg ulac tutlayt s unamek-is atrar. War imeγriyen, ulac aseẓreg. « Ur zmiren ad ilin imedyazen war imeγriyen, ur zmiren ad ilin imeγriyen war aγerbaz, ur yezmir ad yili uγerbaz war tamendawt(constitution). » Dayen immunen am aman i d-smektaγ deg uṭṭun wis 4 n « ABC Amaziγ», daγen srid deg umaṭṭaf n Ṛadiu taγelnawt, send(uqbel) tafrent i d-yellan i lmend n ubeddel n tmendawt. Sya ar d yuγal uγilif n useẓreg s tmaziγt d aγilif n udabu, ayen yellan d azref, tira, aseẓreg, aselmed, asiweḍ n tutlayt nneγ ad yeqqim gar ifassen kan n imaγnasen. Ladγa imal(avenir) ines.

 

 

La Dépêche de Kabylie: Dacu i d iṣenfaren inek ar zdat ?

Smail Meğber: Zemren ad ilin γer wumdan iṣenfaren deg ugni n ulac ? A win yufan, i wakken daγen a nessiweḍ iznan yellan deg ABC Amaziγ, a neg adlis wis 3(kraḍ) s tutlayt tamaziγt kan. Adlis deg ad ilin akk iḍrisen iseklanen d wiyaḍ i d-yeffγen s tutlayt tamaziγt. Ttxemmimeγ ladγa γer imedyazen ilmeẓyen d tmedyazin : ar γur-i d yiwen n wamek s wayes a sen-rreγ tajmilt...D tiγri i tdukkliwin isemman i imanen nsent tidukkliwin n yidles amaziγ daγen d tiγri i wid d tid yeskarayen tameγra ass n 20 deg ibrir. Seg tama neγ tayeḍ : tutlayt tamaziγt teḥwağ-iken, tusr-iken.

 

Tadiwennit iga-tt Farid Ait Mansour

Dépêche de Kabylie, uṭṭun 3149 ass n umhad 9 wenbeṛ 2006

Tasuqelt d Winna (Ad iyi-suref Dda Smaεil γef anda ccḍeγ)

Isalen & tidmiwin
Sγur Tamsiwt
Tamaziγt tamaziγt !
Taqbaylit kan aṛṛa-yaγ, ass mi a tt-id-nessufeγ ar tafat, a nuγal γer tmaziγt.
Yenna-d Smail Meğber ulac tasudut ittεawanen asezreg. HCA d tasudut yesbedd udabu xas s yiγil maca s uṣurdi n udabu i tetteddu ass-agi. Taslenkit idlisen nneγ d HCA i tt-id-isbedden s uṣurdi n udabu, tessuffγ-ed 300 idlisen. Mači d aceyyet i ttceyyeteγ i udabu maca d tatut ur yessefk ara a nettu belli wid ixeddmen γef tsekla daxel n tsudiwin n udabu, i d-isukkes wegdud s umennuγ am umennuγ n Mas Smail Meğber, d ayen yellan mači d targit.

Tagrawla taseklant...révolution littéraire...dayen icebḥen aṭas aṭas akken yeqqar Kamel Tarwiḥt.

Sγur Amnay
Anwa i yeẓran acḥal n yedlisen i d-yessufeγ mass Meğber ?
Ur griγ ara tamawt ar waya-ki, acku yettban-iyi-d dakken yessufγ-ed azal..

Ayen i yenna yella aṭas n tidett deg-s. Maca, amihi ameqqran ass-s, d win i d-yettasen seg udabu n yenselmen/aεraben. Llan aṭas n leqdicat di tmurt neγ akin di berra, acu kan, medden ur sellen ara aṭas s-yisent, imi xuṣṣen wallalen i wakken a sen-siwḍen isallen.

Sγur Winna
Azul ay Amnay

Anagar "ABC Amaziγ" s tefṛansist, yessufγ-ed tisγunin nni "ABC Amaziγ" akka i t-id-yenna deg tdiwennit-a. Azwel-a n uγmis La dépêche de kabylie, Smail Medjeber auteur en tamaziγt, d tidett yezgel. Ula d netta deg wayen i d-yenna deg tririwin-is i isteqsiyen ur d-yenna ara d ameskar i yella, yenna-d d ameẓrag(éditeur).


Sγur Winna
...war ma nettu tisγunin-nni i yella yessuffuγ-ed akk d imaγnasen nniḍen deg iseggasen-nni n qeḍran, "iṭij", "taftilt"..

Sγur Mack
Ayen id-inna Meğber γef idles nneγ s umata d tidett, maca d ayen ẓran akw medden. Limer atan inna yas I uγmis agi DDK uxessar ayen nutni shetrifen kan s tefransist.

Tanemmirt γef tsuqelt-a a Winna.

Sγur amesdrar
azul fellawen,
tadyant agi n tira s tfransist tgguma ad aγ tebrru, ladγa nekkni s Leqbayel, ur zṛiγ ayγer !!??
lliγ qqareγ (sureft iyi ma yella heḍre-γ-d γef yiman-iw d amedya kan i bγiγ ad awiγ) ala s tfransist (d tutlayt n tmussni), γriγ tugett deg ayen id uran imyura nneγ imeqranen, Dda Lmulud,Yasin,At εemruc,Ferεun...atg, ufiγ bli γas akken uran s tefransist (tḥetmiten tugnitt) maca izen nsen (leur message) d tuγalin γer wayla nneγ, d asekfel n izuran i bγan ad aγ gezmen imnekcmen (Ilatiniyen,Aεraben,Ifransiyen), d asider n tmeslayt nneγ, leqdic nsen d tayerza (les défricheurs du terrain) iwakken ad zarεet tsutwin (nekkni) ad at-n-id-iḍefṛen, ihi iwakken ad a t nesfreḥ u ad aneddu deg ubrid id aγ mllan, yesefk ad anaru u ad anγar s tmaziγt u ad anissin tutlayin nniḍen.
ar tufat.

Sγur nasser abbassi
Azul di tazwara tajmilt attner i yal ameghnas akw d umeghras yeghlin ghef tutlayt akw d yidles amazigh.Amedya: muh uharun akw d dda smaεl meğbar.Tanemmirt i wid id is weğden timlilitn PARIS.Abrid ghezzif affus deg fus taεkkumt zzayen a ttifsus.Nnaṣar Σebbasi Amekfaḍu deg mattaf imazighen (BRTV).

Sγur amghid

Aul fella-wen maṛṛa .

Ayen d yenna smaεil Meğbar d tidet, iεetteb aṭas γaf tmaziγt.
Yaṛwa laḥbas, baṛwagia, taẓult, ḥekmen-as s lmmut kṛaḍ iseggasen ssnesla deg uḍar-is, yettṛağu melmi ad tenγen.
Nekk ssnaγ-t di baṛwagia, d arggaz d bab n llxiṛ, d netta i inufa
di lḥebs n baṛwagia deg usseggas 1985, accema ur d aγ-ixxus
Assa yiwen ur t-id ismekta, atan di fṛansa yehlek as-d yefk ṛebbi ccfa.
Ad faṛsaγ daggnit iwakken as ssiweḍaγ azul d aḥmayan, w'ad
ssutraγ deg udnaw a-s d yefk ḥellu d umatu.

Sγuṛ amar Mokrani iwaḍiyen

Sγur Smaïl Medjeber
Tannemirt ik a Amar. Ayen id enniḍ yekcem s ul iw.

Sγur amghid
Azul fell-awen,
Aseggas ameggaz i imaziγen anda ma llan,
tannemirt tameqrant i wesmel n yimyura id aγ-isemlalen
d umeddakel-nneγ Mass Meğber Smaεil i necedha aṭas.

Bγiγ ad as-buddeγ aseggas ameggaz i netta, d twacult-is
sarameγ d aseggas ara ad d-yeglun s tdawsa tameggazt
d wussan izedganen, yeččuren d asirem.

Ad faṛseγ tagnit i wakken ad sutreγ deg-s ad iyi-d yazen
amayel ines ( e-mail ) i wakken ad nemeγru.

Sγur: Amar Mokrani seg yiwaḍiyen

Sγur Smaïl Medjeber
Azul fell-ak a Amar,
Tannemirt tameqrant γef izen inek aḥmayan.
Aseggwas ameggaz, assegwas n tegmatt, n talwit, n tezmert, n lferḥ i keč d twacult-ik.
Ula d nek, ad snemreγ aṭṭas widak awk iqedcen deg wexxam agi n imaziγen, axxam azedgan, n tegmatt, n idles amaziγ : asmel n imyura.
Tzemreḍ i d aruḍ ar amayel-agi : defiberbere@hotmail.fr
Smail Medjeber


Yessefk ad tkecmeḍ ar wesmel akken ad tizmireḍ ad taruḍ kra γef imagraden.
Ma yella ur tekliseḍ ara iman-ik(m) kles da
Zdi-t deg Facebook
Copyright 2006 imyura.net
Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s