IMEṬṬI N BAB IDURAR d imeṭṭi-nneγ akk s yemdanen d-yekkren di taddart TIZI N WAḌU.
Aṭas n yemdanen i yessneγ gar widak yeγran ungal „ IMEṬṬI N BAB
IDURAR“ mgaradent tmuγliwin-nsen tiseklanin, yal wa dacu n tezlit icennu
γef tmacahut-agi, maca, akken ma llan sliγ-asen nnan imeslayen-agi:
„ Seg wasmi d-luleγ yezdeγ-iyi yir aṭan, lliγ ttḥulfuγ amzun tenger tizeṭ, tessegra-yas-d i tmeddurt-nneγ aḍu γer deffir. Lliγ daγen gezmeγ akk asirem γef lehhu, ula d tirga ttuγ-tent.
Ẓriγ annect-a yakk yekka-d seg wekraf yeckuntḍen am jebbirdu γef wallaγen-nneγ, maca, εeddi kečč ini yasen i imurar yeqqnen iẓuran yettaken tafat i tmuγli ad fsin!
Asmi γriγ ungal yura dda´ Akli ay ameddakel, yiwet n tyita.
Akken ssuliγ taγuri-s, mačči kan jjiγ imiren s tγawla, ḥulfaγ daγen s yiman-iw amzun ulseγ-d talalit tikkelt-nniḍen”.
Annect-a ahat d tasusant, acku d tawuri yuklalen ugar, maca, mačči d acebbeḥ n
lehdur γef wulac. D tidet i d-qqareγ, d nettat ( tidet-agi ) i d-iyi-yessawḍen almi
akka riγ, ḥareγ a d-bḍuγ yid-wen ay IQBAYLIYEN, yid-kent a TIQBAYLIYIN tamendit tameqqrant yerba isali-agi deg iciwi-s:
Ungal-a “ IMEṬṬI N BAB IDURAR” yezmer wemdan tura ad t-yaf ula di tmurt.
Adlis deg-s: 140 isebtar
Azal-is: 390,00 idinaren n Ledzayer
Atah wanida d-yeffeγ
Tiẓrigin: L´ODYSSEE ( EDITION L'ODYSSEE )
Boulevard Krim Belkacem, lot Thala n° C6, 15000 TZI WEZZU.
Uṭṭun usiwel: 213 20600831
Amayel: lodyssee_edition@yahoo.fr
Nnaγ a win ara yilin d amusnaw n tsekla akken ad yessiweḍ i tmenna n xerṣum
ulamma d kra imeslayen iwulmen akken ad walin yemdanen dda´ Akli ( ameskar n wungal ) d amejjay n wul, n wallaγ d wallen. Ungal-a d tamacahut tawezlant ibubben idurar n wuraγ.
Ihi win neγ tin iran ḥellu ( tujjya ) n wulawen, allaγen d wallen n
YEQBAYLIYEN, yal amdan ara izemren ad yaγ ungal-a i iman-is neγ i widak d
tidak iḥemmel, ulac tunṭict yifen ta!!!
D ungal ideg nezmer ad naf aṭan-nneγ d wansi d-yekka yerna llant deg-s tifrat:
Abrid γer ḥellu ( tujjya ) s usirem, tayri n teqbaylit d tmusni.
Tanemmirt s tussda a dda´ Akli, ssarameγ-ak tudert γezzifen!!!
Sεid At Mεemmer