Tasγunt Ayamun n Σ. Mezdad tewwi-d kra issalen γef ungalen id-ifγen ussan agi di tmurt. Tajmilt n dda Σmar meqqwert , amahil ines di tira, di tsekla neγ deg wannar n idles s umata γur-es azal anect-ilat. Awal agi id-iteddun γef ungal ines aneggaru ksaγ t-id di tesγunt ines Ayamun.

Ulac acu ur neţfakka. Kra i d-yeγlin γer ddunit ilaq ad yiwsir. Ayen yeẓzan, ţγaren iẓuran deffir ifurkawen. Kra iteddun, neγ yeţmuruden, kra yeţţarran nnefs, tγelli tgecrirt, iḥeffu weglim, yeţruẓu yifer. Ma d amdan, tikkwal yeţwaγ ula d allaγ-is.
Iseggasen-a ineggura, tamγart, cwiṭ cwiṭ, ixerreb leεqel-is, mačči d tinna n zik. Kra tennuγ d ddunit, ddunit taggara-ya terra-d deg-s ţţar. Mi ţ-yesni ad as-yales. Tura awal ma izad, ad iruḥ fell-as yiḍes, kra yekka yiḍ d asnirmet. Alamma yedden ccix, neţţat tiṭ-is ur teqqin. Imir, ad teddem ssḍel i tẓallit. Ad tesṭettun, ur tferren azal d yiḍ.
“ Selleγ-as mi ara tefk lfaţiḥa. Ɣur-s d tannumi lfaţiḥa mačči s tsusmi, teţmeslay ansi i k-yehwa ad as-d-tesleḍ, amar i-mi s teqbaylit i ţ-teţţak, teẓra acu teqqar “ A bab n igenwan d tmura ! A ssadaţ imeεzuzen !” Ad ţ-tawi akken azrar n ddeεwa n lxir, tatut ur teţţeţţu yiwen deg-neγ. Zik ula d Tawes teţţawi-ţ-id di lfaţiḥa. “Ad yeg Ṛebbi teẓza s ixulaf, ad terbaḥ ad tesserbeḥ.” Tineggura-ya, ur as-selleγ ara tbedder-iţ. Tekkes-iţ di lfaţiḥa, akken i ţ-tekkes deg wul-is. Uggaγ d tideţ γur-s, dayen temsa.
Mi tfukk taẓallit, tikkwal teggan alamma bdan medden tuffγa. Syin ad d-tekker, bezgent wallen, aqerru-s amzun d tissirt. Mi ara yi-d-taf deg wexxam, tugeţ d nek ara ţ-yezwiren s εelxir ; tikkwal ur iyi-t-d-teţţara ara. Mi teswa cwiṭ n lqahwa, ad tawi abrid n wennar, nnig Yiger-Usammer, din ara taf Nna-Faṭi. Seg wasmi temmut Tḥemmuţ, aţţan tuγal γer Nna-Faṭi, yerna tamexluqt-nni ul-is diri-t, ur ţ-ḥemmlen ara medden : mačči am tmettut am tayeḍ!

M.A.U

azul fellawen,
ass-ayi bghigh ad meslay-agh cwit ghef ungal "Ass-nni",
win yeqarren s tmazight, ungal-a ur ilaq ara ad tizggel,d lbumba (n tayri d talwit) tis 5 sghur Mezdad, argaz yerzzan asalu i tira, amusnaw id yeskfalen tamslayt lejdud, i yqedccen deg tmusni n yimrawen, ar ghures taqbaylit macci d awal kan, d tudert n myal-ass id iskanay deg adlisen ynes, d anamek n tudert negh, d abrid i deg inella, d tameddurt negh s wuguren-is, s umenugh-is, s tikli n umezruy d wayen s id igellu, "Ass-nni" d lemri n tmetti n isgwassen n 90, isgwassen n umenugh ghef tugdut, n usirem, d isgwassen dighen n rebrab, n imet'awen d tgejdurt id yeghlin fellagh.
ungal yettfakka s lmut d tudert, s lmut n Muh'end Amezyan (i yezemren ad yilli d yiwen deg-negh, ladgha deg asgwassen-nni n 90 ), s tudert i n tt-raju ad tt-kemel s tlalit n waraw n muh'end amezyan. D azamul (symbole) n umezruy i yteddun akw d wegdud yettqabalen tilufa nagh i ghef id ghlit tlufa.
nezmer ad ninni dakken "Ass-nni" d tudert n yal yiwen deg-negh ama s lferh'-is ama s lqerh'-is ardeqal dunit t tt-kemil tikli ma d Amar mezdad yettaru mbla asughu mbla zux, yqedecc i ybennu am tzizwit, ayla-s am'ass-a am'azekka ad naf, d afud i yidles.
tanmirt mass Mezdad.

Azul a gma Ǧamal.
Ssarameɣ di talwit akk d lehna i tettilim.

Rriɣ daɣen a k-snemmreɣ ɣef wungalen-nni n Ɛmer Mezdad i yi-d-tuzneḍ a ten-ɣreɣ. Ungal-nni : « Ass-nni » kfiɣ-t s tɣuri, yelha aṭas, asentel-ines d win ijemɛen ger waṭas n tlufa yeɛnan tamurt, ama di leɛwayed n zik, lɛeqliya n medden amek i temgerrad, idles, tasertit, tudert di taddart, tudert di temdint, amezruy, akken ufiɣ asentel d amerkanti s tikta ama d tatrarin, neɣ d tiqburin, yewwi-d daɣen ɣef rrebrab i izerɛen tugdi di tmurt, yakk d tmentilt ( sebba) i yellan deffir n yemdnen-nni i teffeɣ talsa, ar mi uɣalen d iɣersiwen yettsummun idim ( idim) n yemdanen. Yeɛjeb–iy aṭas, ma d wis-sin-nni « Tuɣalin » aql-i-n werɛad qqareɣ deg-s, ur t-kfiɣ ara, mi ara t-kfuɣ a k-t-in-rreɣ, tanemmirt mi yi-ten-id-tewwiḍ. I tikkelt-nniḍen, suref-iyi kan ma ɛeṭṭleɣ yes-sen.
Tanaṣlit seg Wehran.
tayritiziri@yahoo.fr

azul
A Mack ; ayen ur d-ttaruḍ ara s yisem-ik?D acu- unamek n wawal agi?lmaana ur tt-isai! Ma d tira d lxiṛ kan: amzun akken d tasuqqelt,tira ur nesai ṛṛuḥ n teqbaylit!Muqel ar weltmat nneγ Newaṛa tettak azal i tmeslayt; imeslayen-is bḥal targa iceṛcuṛen; ḥlawit...
Maca yif-it win iqeddcen i k-icban wala win isluččuxen am nek!
Ca tombe bien Amar Mezdad c'etait mon medecin traitant a bgayet!!!
In'as i Newaṛa ad k-tεiwen
Je continuerai a te lire quand meme!!

Tura limer teqqar akken I wulem atan tezriḍ d akken kra ittwarun γef udlis n Dda Amar ittwakkes-d s ya: http://ayamun.ifrance.com/Cyberlibrairie.htm

Tura imi d ashetref I wumi testufaḍ ula ara d-nenni!