Tasga n Ṭṭlam


Tasga n ṭṭlam d yiwen gar wungalen imeqwranen d-ureb tsekla taqbaylit tatrart. D ungal n Ssaεid Iεemṛac immuten send ad yeffeγ wungal-a ines. Iğa yaγ, ur yeḥḍir, ur iwala, ur iγellet ayen issali s tidi-s.

Am Belεid At Σli, d tawenza-s is tt-yefkan, d aṭṭan it-izuγṛen ar ddaw tmedlin kan akken d ameẓyan, kan akken s waffud d tebγest-is. Maca, xas netta ulac-it ass-a, iğa yaγ-d s wayen a t-id nesmetkay, s wayen ar as necfu.
D tayri-s n tmaziγt, d tayri n tira, n tsekla taqbaylit it-idegren, is ifkan affud yis iyewweḍ yura Tasga n ṭṭlam xas akken d amuḍin i yella.

Di Tasga n ṭṭlam illa-d wawal akk γef temsal yettin γer tudart umaziγ n wass-a. U Ssaεid ur iffiẓ ara, ur icebbeḥ ara awal, inna-d srid ayen iwala di tudert, d tikli teddun yemdanen am netta ar idisan-is.

Win iγṛan Tasga n ṭṭlam igza d akken tiṭ n Ssaεid mači d ttiṭ am tiyaḍ Tiṭ-is tẓer u tettwali. γur-s iẓri d tmuγli d-ssufuγen askud, ibedi amusnaw issargagayen u isargagin tizya-s.

A wi yufan a-γ-d-yuγal Ssaεid neγ, imahat, a-d-lalen wiyaḍ am netta !

Taγuṛi igarzen !