Yugar ucerrig tafawett, ungal sγur Ḥmed Nekkar.

Tadyant agi tebḍa d iḥricen, γef tlufa ttidiren iselmaden deg iγerbazen seddaw tecḍaḍt n imasayen nnsen, seg inemhalen ar imaswaḍen n tkadimit...Mḥend, d yiwen seg-sen; akken kan i d-yeffeγ si twizi n tmara deg iseggwasen nni (80) yufa-d iman-is deg wεarqub n tlufa.

D aεeṛqub yeččuṛen d tidyanin tiberkanin, yezgan di tudert n tmetti. Ayen i wimi qqaren medden: "Tidett yesruyen, tin ttagwin ad d-bedren.Ḥemmelen lekdeb yessefraḥen, win ttawin deg wul d iseγ".
-Tayri yebnan γef wul, teqwel tebḍa d iceqfan, tegla-d s beṭṭu ur nebni.
-Taγennant n wul yeččuṛen d tismin yettandin tisegnatin deg webrid ttawin sin imarayen.
-Taγuri yebnan γef tkerkas yeččuṛen iberdan leḥbas...
-Tixurdas d tbannaḍin ẓẓan imadhalen usamer di Lezzayer.
(Wid-nni i wimi ssawalen:"ATMATEN ICQIQEN").
D tidyanin n Aεli, d aselmad n Tutlayt Taεrabt di Fransa.
D tidyanin i d-ilulen seg wadif n weγref, si zẓmik asnarfan yessertemen tuyat-is.D timsal i wimi ḥulfan akw medden.
D tidett ttkukrun ad d-bedren; ttwalin deg izerfan nnsen meččen, nutni kukran ad d-neṭqen.Aqezẓul n udabu yesluled tuwdayt deg yemdanen, ttbibbin-tt am tγareft n ifekker ttdarayen deg-s armi d-yemγi deg-sen usekkak, ttun iman nnsen d acuten, anta tamurt i deg i d-mγin, anta timetti γur ttuγalen...anwa amezruy γur ttwaqenen
D aḥmil i deg ugetent temqersa, zreεent deg-s tfawtin, icerrigen ayendin...



Tizrigin YUBA WISSIN , ISBN : 9961-880-00-5