Ageffur ad yekkat setta wussan setta wuḍan, aman ad d-γlin seg igenni yerna ad d-alin seg uzegza. Kra yellan yumes ad yirid, kra yellan yerka, ad yuγal zeddig. Iγezran isaffen akken ma llan ad d-hemlen, aṭas ara iγummen seg tγezza d idurar; tugett n tzemrin, tugett n tselnin ad zzrent, isekla yakk ad d-qellεen seg iẓuran! Lmal agugam, wid yettferfiren, wid yettmuruden, wid yessurufen, akken ma llan ad menεen! Ma d imdanen arraw n wergaz d tmettut, amur ameqran ad ddun yakk deg waman: anagar urẓinen akked igellilen ara iselken; seg lehhu lhan d nniyya-nsen ur tezzren ara: mi ṭṭfen deg leεnaya-nsen, ad ten-id-ssusfen waman!
Mi yurad kra yellan, imir ad d-ters yiwet n talwit dayen kan, tamurt d wayen i tt-yeččuren dγa amzun ass-nni i d-lulen. Ass-nni Rebbi-ameεzuz ad yefreḥ ad t-id-tuγal tasa fell-aγ (...)
Ad d-iγer i tgerfa ad as-yini: " Axx, a tagerfa, tikkelt nniḍen ad am-fkeγ lamana: tayemmust-a, d tin n yedrimen d tmussni, ta nniḍen, d tin telkin d ilefḍan. Tin n telkin d ilefḍan, awi-yasen-tt i Nutni, smir-itt fell-asen, tin n yedrimen d tmusni smir-itt γef Leqbayel! "

Σmeṛ Mezdad
Tuγalin



Adlis-a wis 3 n Mass mezdad d ammud n 7 tullizin. Izwal mxalafen si tullizt ar tayeḍ maca qqnent awk ar wansayen d tudert n imezdaγ n tmurt n leqbayel.
yeţţawi-d umeskar awal af kra n iminigen i yufan iman nsen neγ wiyaḍ fuγef ur teffeγ-ara "lγerba".
Yella daγen wudem nniḍen i d-isekfel umeskar di kra n tullizin: d assaγ yellan ger tisutyin timezwura akk d ilmeẓyen n tura. Azal n tmeṭṭut ar wegdud, laḥnana n tyemmaţ dayen ur nesεi agdazal ar yegduden nniḍen.
Taγuri n wedlis n Mezdad ahat am win ad yafen agerruj imi ayen awk icudden ar wegdud Azwaw imeslay-ed fell-as! Ama d insayen iqburen i mazal nseqdac-iten γur-neγ, ama d awalen awk i d-isekfal akken ur ten-tettun medden, ama d taγara(façon) n tudert n imesdurar...Mass Mezdad ifaz aṭas aṭas deg weglam i d-yeggar deg yedlisen-is.
Deg yiwet ger tullizin n wedlis, yeţţili wawal ger 2 n yemdanen. Amezwaru d ilemẓi d amussnaw (d amejjay dγa akka am neţţa) ma yella d wayeḍ-nni d yiwen n wemγar iminig i yesεeddan azgen n tudert-is di Fransa... Ameskar yeεreḍ a d-ibeggen dakken tarmit n tudert tugar s waṭas tin n "yedlisen". Ger wemγar i s d-yekkan acḥal timura d unelmad n tesdawit, yella wasif i ten-iferqen...
Am di yawk idlisen n Mezdad, lmuţ d azwel ar a naf deg yawk tullizin. Ahat ameskar γur-s tamuγli temgarad af wiyaḍ af lmuţ, wi yeẓran.
Axatar deg waya awk, d udem alqayan i s yeţţak Mezdad i Teqbaylit, tira-s zuzunent-aγ.
Nessaram ad ilin yedlisen nniḍen n Dda εmer.
Qneγ-d, akessar-a, yiwet n tukkist seg wedlis Tuγalin

azul fellawen,
Amar Mezdad d yiwen gar imyura imqranen idefka tswiaata, argaz agi yessen taqbaylit akken yilaq, yelddi abrid i tsekla tatrart, yettaru s tmeslayt i zemren ad fehmen akw medden, taqbaylit-is yeseqdaci-tt s wudem atrar, yesxdam tatiqniqit (technique) i sexdamen imyura imeqranen n dunit,
adlisen-is degsen tamusni tamuqrant skanayen-d abrid ar teqbaylit (la kabylité) i yellan d'abrid n talsa (humanisme).
win yebghan ad ighar tasekla i deg yella unamek (amezruy, amenugh ghef tmetti, tinekit..)i yghar ungal ines id ifghen assgasa (2006) azwel is "ass-nni" d wid id yefghen yakkan : tughalin (2003) tagrest urghu (2000), id d wass (1990), tafunast igujilen (tamdyazt).
afud yigarzen , teghzi laamer mass Mezdad

tella dighen tsghunt "ayamun", leqdic-is d win ygarzen atas, tzemrem attarzum ghures: www.aymun.com.
ar tufat

Amyaru ameqqran imeqqranen Σmer Mezdad yuklal aṭas n leqder, yuklal a s-nerr tajmilt ( mačči s tinna akken n wawal kan d ucekker) s tγuri n yeḍrisen-ines d wayen akk yura. Nekk seg wid i t-iḥemmlen aṭas, γas ma werğin t-mlaleγ, maca γriγ akk ayen d-yessufeγ: Ungalen: Iḍ d wass, Tagrest urγu, Ussan. Ammud n tullisin:Tuγalin. Ammud isefra: Tafunast igujilen. Γriγ ula d kra imagraden i d-ssufγen yeγmisen... Ayen yettaru d lebni di tsekla-nneγ. Ddeqs i d-lemdeγ sγur-s, ttεanadeγ a t-cbuγ, γas ma yeṭṭef taqacuct di tsekla tamaziγt. Ttwehhimeγ deg-s amek i yessusem, yeltha-d kan d uxeddim, yexḍ abrid n widak yessimγuren ayen meẓẓiyen deg-sen! A wi yufan a s-d-iḍer warraz n "Nubal" n tsekla, netta yuklal, tasekla-nneγ a tt-issinen akk leğnas. Tegra-yi-d tamawt-agi, ilaq a tt-in-rnuγ: Acimi ur yesseγtay ara agulen yellan di tira n yedlisen-ines?! Ẓriγ d ayen i d-yessuturen aṭas lweqt, maca ayen ilaqen ilaq. Amedya: Tagrest urγu yeččur, iεebba ayen i wumi ur yezmir n wagulen. Tikkwal ad naf awal yura-t akka, seddaw, neγ nnig a t-naf yura-t akken nniḍen ?! Temγer n tsekla-s ur tessuruf ad ilint deg-s tuccḍiwin di tira. A yi-yessuref γef tamawt-agi, ḥṣiγ yugar-iyi di tmussni. Yiwwas a n-fkeγ rray-iw s talqayt γef yedlisen -is, ma nedder.

Ğamal Benεuf.

Azul Djamel,

D acu-t unamek n wawal-ayi : "Agulen" ?

Tanemmirt

Azul fell-awen.
Agul, agulen d awal yellan deg " Umawal n tmaziγt
tatrart" , atan unamek ( lmeεna)-ines:
Agul/agulen: fautes (erreurs) d'orthographe.
Ğamal Benεuf.

azul fellawen,
ass-ayi bghigh ad meslay-agh cwit ghef ungal "Ass-nni",
win yeqarren s tmazight, ungal-a ur ilaq ara ad tizggel,d lbumba (n tayri d talwit) tis 5 sghur Mezdad, argaz yerzzan asalu i tira, amusnaw id yeskfalen tamslayt lejdud, i yqedccen deg tmusni n yimrawen, ar ghures taqbaylit macci d awal kan, d tudert n myal-ass id iskanay deg adlisen ynes, d anamek n tudert negh, d abrid i deg inella, d tameddurt negh s wuguren-is, s umenugh-is, s tikli n umezruy d wayen s id igellu, "Ass-nni" d lemri n tmetti n isgwassen n 90, isgwassen n umenugh ghef tugdut, n usirem, d isgwassen dighen n rebrab, n imet'awen d tgejdurt id yeghlin fellagh.
ungal yettfakka s lmut d tudert, s lmut n Muh'end Amezyan (i yezemren ad yilli d yiwen deg-negh, ladgha deg asgwassen-nni n 90 ), s tudert i n tt-raju ad tt-kemel s tlalit n waraw n muh'end amezyan. D azamul (symbole) n umezruy i yteddun akw d wegdud yettqabalen tilufa nagh i ghef id ghlit tlufa.
nezmer ad ninni dakken "Ass-nni" d tudert n yal yiwen deg-negh ama s lferh'-is ama s lqerh'-is ardeqal dunit t tt-kemil tikli ma d Amar mezdad yettaru mbla asughu mbla zux, yqedecc i ybennu am tzizwit, ayla-s am'ass-a am'azekka ad naf, d afud i yidles.
tanmirt mass Mezdad.

Tanemmirt γef awal-agi d-tewwiḍ γef udlis n Amar Mezdad "Ass nni"
Ahat s Amar Mezdad akk d wid t-id-iḍefren targit-nneγ ad teffeγ. Awi-d kan ur s-nberru ara. Awi-d kan yal yiwen ad ifk cwiṭ seg tezmart-is. Atan i teddu-d wass nni anda ad yaf deg tira s teqbaylit ula d win ittnadin adrim, win ittnadin cciεa. Ma newweḍ ar din, dayen targit teffeγ. Dayen ur nettiḥwiğ ara iwazziwen. Tira s teqbaylit ur tettiḥwiğ ara iwazziwen, ur tettiḥwiğ ara wid ittγanfin imanen nsen, wid ifkan deg wakud nsen.
Inna-yas yiwen, seg wid isejjay, i Amar Mezdad: "Gedha γef udlis-inek "Tagrest d Wurγu". Irra-yas-d Amar M. : "D temẓi kan, ur tufiḍ..."
Iẓra netta dakken win ittnadin cciεa, ur tt ittaf ara deg tira s teqbaylit ass-a; win ittnadin adrim, ur t ittaf ara deg teqbaylit ass-a. Ass-a teḥlağ iwazziwen. Awazziw ur ittnadi ara a d-iqqim ism-is deg umezruy, iswi n uwazziw d tamaziγt nni kan a d-tufrar. Ma d tijmilen ittmagar itent-id s ucmumeḥ.

Ar tayeḍ

Ssaεid Saεdi-agi d ageswaḥ.

Yessalay iman-is s wiyaḍ, amek?

Ugar i d-yemmeslay γef yiman-is, i d-yemmeslay γef mass Mezdad
yuklalen ur ttemlilen ara yisem-is azedgan d win n Ssaεdi yumsen.