D amussnagamaw (physicien) adanmarki, ittwassen γef leqdic-is di tussnagama tanaɛurt (nucléaire) d ubelkim (atome).

Ilul di Copenhague, tamaneγt n tmurt n Danmark. Baba-s d afiziulug (physiologue). Bohr, ikcem γer yesnidi (laboratoire) n Rutherford (iqdec yid-s) di Manchester.

Deg usseggwas 1911, Bohr ikfa almud ines di tesdawit n Copenhague, yeffeγ-d s Doctorat.

Deg usseggwas 1922, Bohr yuγ arraz Nobel γef tiẓiri γef temṣukt (structure) tabelkamit (La théorie de Bohr sur la structure atomique). Tiẓri d-iffγen gar usseggwas 1913 d usseggwas 1914.
Bohr, iḍfer leqdic I d-yeǧǧa Rutherford (1871-1937), I d-innan abelkim yebna γef yiγes I γef tezzin iliktrunen.

Tiẓri n Bohr, d aseγwen n tiẓri takantikt d tiẓri n Planck (assaγ gar lqedd n ukantum (quantum) d usnagar n uzenzar) : abelkim ur yesɛi ara azenzar alikrumagniti, anagar ma illa aliktrun ibeddel aswir akanti. Lebbni-ya idegger ar sdat s waṭas tussnagama n ubelkim s wayen akw is d-ewwi d amaynut.

Deg usseggwas n 1916, Bohr iqdec d asalmad amussnagamaw di tesdawit n Copenhague. Deg usseggwas 1920, yuγal d anemhal n Institut de physique théorique di tesdawit.

Deg ttrad amaḍal wis-sin, Bohr irwel ar Marikan, ikki di leqdic n lbumba tabelkamit, Projet Manhattan deg Los Alamos di New Mexico.

Mi ikfa ttrad, Bohr yuγal d azamul mgal ttrad abelkami : Abelkim I Talzit (Atoms for peace).



M.A.U d Y.A.Y