D aseγnaw (inventeur) amarikani. Ilul di Milan (Ohio), Edison yeγra 03 wayyuren kan deg uγerbaz. Tuγ fell-as 12 isseggwasen di ticett-is, assmi illa iznuzu iγmisen, mi ittxemmim γef tmacinin timikanikiyin d trisiti.

Deg usseggwas n 1862, isbedd aγmis amuqran Trunk Herald, i d-iteffγen yal amalas (smana). Edison, assmi id-issukkes yiwen uqcic gar ifassen n laxart, tella-d γur-es tissas d udem ar medden macci drus.
Ladγa Edison, deg wakud I deg istufa ittara lemdad-is ar tussna n imiren u ilmed Tiligraf s yiman-is. Aseγnew-ines amezwaru d télégraphe duplex.

Deg usseggwas n 1876, aseγnew-ines inza s waṭas, Edison issas-ed idrimen s wid I d-ibna isnidi-ines (laboratoire). Edison, isnulfa-d daγen microphone. Deg usseggwas 1877, Edison ikfa afunugraf ittaṭṭafen imesli. Sakin, sin issegwassen d assawen, isnulfa-d taftilt (tampult) n trisiti. Deg usseggwas 1882, tekcem tafat γer ixxamen di New York I tikkelt tamenzut u flalin izenqa ines.
Deg usseggwas 1887, Edison issemγwer isnidi-ines u dγa iqqim di West Orange di New Jersey. Deg usseggwas 1888, isnulfa-d Kinétoscope, tamacint tamezwarut n tugniwin ittembewwilen, dγa din iẓẓa I tikkelt tamenzut ayen yuγalen kra issegwassen syin d isura, d tiliẓritt neγ d ssalima akw ya.
Edison γur-es azal n 1000 (tawinast) d aseγnew neγ ugar, gar-asen:

- Adγaγ (Batterie)
- Tamacint n ucraw (La machine à ronéotyper)




Sγur Mack A. U d Yusef A. I