D anaẓur alsawi (artiste humaniste), aflurunti (Ṭelyan), d amekla (peintre), d asreqqat (sculpteur), d amasdag (architecte), d ajenyur u d amassan.
Léonard de Vinci d Aṭuskani (agafa n Ṭelyan), ilul ass n 15 di yebrir 1452 di temdint Vinci zdat n Florence. Ar usseggwas 1466 ikcem d anelmad (garzone akken isen qqaren di Ṭelyan) ad d-ilmed takult d usreqqet deg usakwen (atelier) Andrea del Verrocchio (1435-1488). Seg usseggwas 1478 Léonard de Vinci yuγal d anaẓur ilelli.

Deg usseggwas 1482 Léonard de Vinci ikcem d ajenyur n Ludovic Sforza amḍebber (duc) n Milan.
Deg usseggwas 1502 iqdec d ajenyur I César Borgia amḍebber n Romagne. Yuγal ar Milan deg usseggwas 1506. Deg usseggwas 1507 iṭṭef amḍiq d amekla n Louis XII n Fransa izedγen imiren di Milan.

Seg usseggwas 1514 ar usseggwas 1516 idder di Rome s ddaw ijufar n Ubab (pape) Léon X, izdeγ di teγremt (palais) Belvedère di "le Vatican", din iqqdec tussna.

Deg usseggwas 1516 Léonard de Vinci iwweḍ ar Fransa d aqeddac n François I. Asseggzas-ines aneggaru idder -it di teγremt n Clos-Lucé, zdat n Amoise anda immut ass n 2 di magu 1519.

Gar tiktulin n Léonard de Vinci llant:

- Madone Benois (v. 1478, asalay (musée) n Ermitage, Saint-Pétersbourg).
- Tugna n Ginevra Benci (1481, National Gallery, Washington).
- Saint Jérôme ur ikfi ara (v. 1481, pinacothèque du Vatican).
- La Vierge aux rochers, i deg llant snat n tugnatin (tamenzut, iga-tt deg usseggwas 1483,tella teḥrez di Louvre).
- La Joconde (1503-1506, asalay n Louvre).


Sγur Mack A.A d Yusef A.Y