Ass n 18 di yebrir d ass amuli n tmettant n Albert Einstein
50 d assegwas seld(après) tamettant n Albert Einstein, tacebbubt-is tamellat, claγwem-is ibarkanen akw d yiles-is id isken i umaďal d tirni qqimen-d d azamul n tigzi.
Ass n 18 di yebrir 1955, Albert Einstein, amusnaw akw amuqŗan n tallit tatrat, yewweď sani akw ara nawweď di Princeton deg Iwunak idduklen n Marikan (USA),
76 d assegwas γef ticet-is.
Asegwass agrud:
S nig amuli n tmettant-is, tiseddawiyin akw umaďal ad gent timeγŗiwin umuli-a wis-s 100 n « Usegwass agrud » n Einstein, 1905, deg win id-yessufeγ semmus (5) imagraden imassanen i ijedlen s wadda udem d tmuγli yersen γef akud (temps), tallunt (espace), tafat d tanga (matière).
U zrin mraw (10) issegwassen akken yufrar-d wayen ekkan s nnig akw tifiwin id-sebrurez deg sen : Tanezsrayt tamassaγt (la théorire de la relativité). U d netta s timad-is, diγen, itt id-yufan.
Nnig tigzi-s tmusanwt, udem-is areďban igra-d d azamul n tilizufit d talsa n umaďal arrufi d umarikani.
Illul-d d Uday n Llaman, yuγal d aγerman n tmurt n Sswis, iγŗa di Zurik send ad isselmed di tseddawit n Berlin almi d assegwas n 1933 i deg yerwel si Llalman tanazitt ar Marikan anda yetťef taγlent–is.
Tudert-is akw indeh γef Ufacizsri (fascisme) d meh’yaf u yelha daγen d temsal talsanin, talwizsriyin (pacifistes) s uzdi lqed d uqader isεa gar isartiyen d imudyaniyen.
Ittewt γef tmusni:
Yerna tudart yid-s ur telli ara dayen fessusen. Tella teččur d agwessar d ussawen : izweğ sin ibardan u ur iga ara aťas leqrar i tarwa-s. Izga ittewt γef tmusniwin. Maca, xas akken illa d taqabact di kra n temsal, wid it-isnen hemlen-t. U izga isabaty iten s tayri-s n tmedyazt d tufγiwin ar yil
Urğin ilmed asenhar n tkaŗyas, γef uďar id-ittuγal ar uxxam si tseddawit u war-tiqacirin γef iďaren d uqeeru yemmecc γef temsal n tusna d tid n tudart s umata.
Deg ussegwas n 1921, yewwi azal Nobel n Physique u isεedda akw ussan is d-iqqimen deg umahil γef tmassaγt tamatant (la relativité générale): E=mc2. D tanezsrayt taquŗant imi, ar ass-a n ussan aťas imusnawen ur as nufi abrid akw inumak teffer, iγef teqqim. Netta, Albert Einstein yenna-d fell-as : « ggert afus nwen ar lkanun irγan yiwet n tminut awen d-ban d tarmilt (1 heure), qqimet d teqcict tucbiht tarmilt awen d-ban d taminuť. D tagi id tamassaγt. »
Sγur Mack At Uwdiε