Alγu

Tazrawt-a tisserbaa i-d-iffγen di tmeγri n tmaziγt: tamezwarut (1967) t- " tajeṛṛumt n teqbaylit s-tefransist ", tissnat d " Isefra n Si Muḥend u Mḥend " γer umaẓṛag Maspero di Pari (1969), tissetlata d " amawal n tmaziγt tatrart " (1974).

Tagi t-tajeṛṛumt n tmaziγt s-tmaziγt.Naaṛeḍ at-t-nesshel ayen nwaa, acku, imi werğin tsenfali tmaziγt tussniwin icban tigi, iban beddu-s a-d-yezg di tazzwara iṣaab cwiṭ.Maca tameslayt n tussna dayem tṣaab cwiṭ ula di tmeslayin illan qedment (neγ qeddment ) di tγerma. D amedya, m'ara iγer bnadem adlis n tneslilsit s-tefransist neγ s-teglizit, ad yaf degs awalen t-tenfalyin werğin d asen isli yakw di ddunit .Maca mi-guγ tannumi yidsen a ten yaf sehlen, u ad yuγal netta s-yiman-is a ten issemras.


Akken ula t-tajeṛṛumt agi n tmaziγt s tmaziγt.Labud abrid amezwaru maa tt iγer umdan, a-tt-yaf tṣaab, maca mi-gelha degs accemma ad -as tishil.Ntetter deg meγriyen ad aγ surfen anda ur nuf'ara wwebrid i yess aad asen nesshel taluft ugar.Win ittruẓun asalu ixeddem akken yufa mačč aken ibγa.

Lezzayer , Tuber 1974

azul

ma-tsurfem-iyi ad smektigh deg-awal belli isem tajarumt ( gramaire) maci d-isem n tidett n-wehric-agi n tutlayt. maca d-dalmulud ad fellas yaâfu rrebi i-tifkan itjarumt. sebba, aken ad-yer tajmilt i-yiwen umusnaw amazigh n maruk; ilulen ger lqarn wis 12 d wis 13. amusnaw-agi ismi-s Iben Djarum. amusnaw-a, d-netta ig-utraren (modernisé ) tutlayt taârabt. Degiwen w-adlis iwumi isema staârabt nahw elâarabi ( les structures gramaticales) Adlis-agi imeslayed daghen fella-s Idir Aït Amran ( le président du haut commissaria à l'Amazighité).


Nezmer ad-n-inni d-gwassen ara-assa, y-is akw iqedcent tmura taârabin.

Anamek n w-awal tajarumt yussa-d degw-awal adjarum nagh agarum nagh aguram, imazal qarent di maruk iwin yellan yeqreb arrebi nagh ittgen timkariwin gweyen illhan (les miracles du bien ) ( l'homme saint, savant ou Marabout.

sghur Tiliwa

tanemmirt a tiliwa.