Tullizin
 

| | |

Tikti d tmetti taqbaylit

Tawenza n tmurt n Yiqbayliyen mačči yiwet n tedyant i yezrin fell-as di semmusan (50) iseggasen-agi ineggura:

Ṭṭrad d wayen akk swayes i d-yegla, tasnareft  ideg nettidir ar ass-a n wussan, rrebrab i yeẓẓan tugdi d ukasan  deg wulawen n yimdanen, amennuɣ ɣef tmagit , tutlayt d yedles...atg., aya si tama.

Si tayeḍ, agdud aqbayli ur yelli d win iεezlen iman-is ɣef umaḍal, ddeqs n Yiqbayliyen i yeffɣen si tuddar, nnejlan ɣer temdinin yakk d tmura-nniḍen, tidak ideg d-ugmen, neɣ iseg d-wwin, tikta yakk d tmuɣliwin timaynutin d wayen yettaken anzi s aya. Rnu afara  atiknuluji, ladɣa agernet  simmal yessawaḍ neɣ yettarra igduden n umaḍal akken ma llan ttemqaraben, annect-a yettağğa-ten ttembeddalen tiktiwin i d-yettlalen gar-asen neɣ gar wegdud-a d wayeḍ.

Timsal-agi yakk ssawḍent ad beddlent timetti taqbaylit, Iqbayliyen n wassa ɣur-sen timuɣliwin-nniḍen, tidak i as-d-yezgan i tallit-agi ideg nedder.

D acu kan, yewweḍ ahat lawan ideg yessefk ad yesteqsi wemdan iman-is, ma yelha sani  i d-nessaweḍ? Am wakken yezmer wemdan a d-yemmekti dagi yiwen gar yesteqsiyen i d-yefka Ferḥat Imaziɣen imula di tezlit-is, "TIZI N WASS-A" .

Ih ttemyuttaken  anzi ula d inumak-nsen yesteqsiyen-nneɣ, ulamma dagi d asentel-nniḍen, maca, mqaraben.

Dagi wwiɣ-d awal swayes ttnadiɣ ad ẓreɣ ma yella wegdud aqbayli d abrid yessuffuɣen i yeḍfer neɣ d win yessuffuɣen i yergel s wayen ndir?

Mi ara iger wemdan tamawt s ayen yettwali d wayen i d-ssebganen Yeqbayliyen di tudert-nsen n yal ass, yezmer ad yaf aya:

Imesdurar d imezdaɣ n temdinin, 3 tmeslayin ttemyexbaḍent gar-asen, tiksiwin-nsen lḥiǧab d lqecc atrar, leǧwameɛ d yixxamen imasiḥiyen, iɣmisen isallen d yimsulen, tiḥuna, leswaq d ttbernat, amennuɣ, tismin d leḥmala... teḥma tɣerɣert tettawel, mlalen-d yemdanen di tlemmast, timetti aḍu i d-isuḍen yewwi-tt, tegla s yimdanen di lǧerra-s. Dɣa nuqqel akken i d-yenna umedyaz/amyaru Sɛid At Mɛemmer ɣef inaẓuren-nneɣ di Tisnimirin  “Tiṭ tettru, tayeḍ tettaḍṣa”: “Wigi-nneɣ ula d assa, ttrağun timetti ad ten-tbeddel, mačči d nutni i tt-yettbeddilen!”. Ihi ula d nekkni akken, d timetti i aɣ-ibeddlen, mačči d nekkni i icemmren i yiɣallen-nneɣ akken ad tt-nbeddel. Xas ulamma iswi-nneɣ ur yessefk ara ad yili d win ara yerren imdanen tteddun akk deg yiwen webrid amzun d iderɣalen. Iswi-nneɣ yessefk ad yili d win ara yesdukklen imdanen yemgaraden.

Amek ?

Am wakken i d-yenna Friedrich Nietzsche: “Yal agdud yemgarad ɣef wayeḍ, yal wa yefren isuḍaf-is d tmuɣli-ines swayes ifeṛṛez ayen yelhan d wayen n dir”. Ihi, tezmer tɣawsa megdulen  ɣer kra n wegdud ad tili telha ɣur wayeḍ. Ɣef waya, yal agdud yesɛa ansayen, neɣ tissas swayes iteddu, iqeddec di tudert-is, swayes i d-yeskar  tisutwin  i d-itteddun.

D acu-tent ihi tissas ara yesdukklen Iqbayliyen? Akken i d-yenna Albert Jacquard: “Nekkini mačči d win ara awen-yinin amek yessefk ad tili tmetti, maca, d win ara awen-yinin dakken timetti ara d-yasen ur yessefk ara ad tili am tin n wassa”. Ihi ahat asurif amezwaru ara nger yessefk ad yili d win swayes ara negzu  yessefk ad nbeddlet timetti-nneɣ, ad asent-nebru i tmuɣliwin tiqburin akken a d-nagem timaynutin si tala n tmusni.

Timura yegmen, yemmden di tiɣula  n tmusni d tɣaremt (civisme), d tidak iqeddcen deg wennar n tikta, tid yefkan  azal i wawal d weskasi. D ayen i tent-yeǧǧan fkant-d i talsa, mačči d yiwen umesnagay (philosophe), unaẓur neɣ umeskar ameqqran. Di tallit-agi i deg i d-tecɣel Tmurt n Yeqbayliyen d tsertit d umennuɣ ɣef tugdut d tlelli, d acu n wemḍiq i as-tga i TIKTI ?

Nezmer a d-nini dakken leqdic-agi yebda-t yakan Muḥya s webrid n tẓuri, ladɣa s umezgun d isefra yessaweḍ ɣer wegdud s tesfifin-ines. Ḍefren-t-id yemyura-nniḍen, maca ur uggten ara, neɣ ahat ur ttwassnen ara akken yessefk, widak-agi iwulmen i umager n tegnit, widak ara yemmeslayen ɣef teqbayelit s teqbaylit, akken ad sefḍen kra n dir yeckunṭḍen deg-neɣ yerna yezga yettarra-yaɣ ɣer deffir armi neggumma ad naẓ ar sdat.

Neḥwaǧ amussu aseklan, maca, tikkelt-agi i lebni n tmetti tamaynut, tasekla ara d-yessakin imdanen, imyura ara yessiwḍen tiɣri i wegdud, tiktiwin ara ibeddlen tudert n Yiqbayliyen am tidak n Wakli Kebaili (Azwaw) deg “Imeṭṭi n bab Idurar”, s yidlisen yettwellihen ɣer : tilelli n wemdan d tilelli tamazdayt (collective), tulut  gar wergaz d tmeṭṭut, izerfan d walasen  n iɣerman, tissas, tɣaremt, tayri, tuzzuft, tudert, tamettant... Akken ad yeqqel Weqbayli d AMDAN bu izerfan, mačči d ameḥbus n tmetti.

 

Lidya A. W.

 

Asabter yellan deffir wa | Asabter n zdat


Ulac win i d-yennan kra γef umagrad-a. Ilik(kem) d-amdan amenzu ara d-yinin kra fell-as.

Zdi-t deg Facebook
Copyright 2006 imyura.net
Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s