La qqaren itij γef medden irkelli. Irkelli. Init-iyi-d kan tura mara yeceεceε alamma yesseḥma adif n yeγsan-ik imir ad izleb abrid ad d-teggri kan tafat-is..d asemmid. Tthellileγ agama ad s-yernu azgen n dqiqa d cwit i tegnitt-nni ddaw tmurt, mi mcubbaken yiγallen, mi fukent ad sutreγ cwit daγen ad hiwteγ ad helleγ zzman amcum xas yugi ad igen ad aγ yerju. Inna-k : ini "Amcic deg uculliḍ " niγ akka a Dda Reẓqi?
Ihuh, ziγ medden ttarjun lexrif ad terren d xerfayen nekk d tagrist i umi fkiγ azuγer. Tuγ nnda tewwi-yi ar ugemmad ad d-sentdeγ times. Hesbeγ akk itran, walaγ ilemmasen, imeqqranen, imezyanen, winna γef ay unageγ s yizlan d iftiwej.... Awwah, ttfeγ asafu disiniγ yis deg usebter n tilin ik, xelqeγ-d itri. tettrajud-iyi? Si melmi?
Atan tura aru s usafu neγ s yimru, deg igenni-k neγ af weglim-iw ayen akk ur d-yenni yimi k i yimi-w xas weccmeγ seb3a tecrad. I wumi nhetteb itran la nettani igenwan? Iggra-d ad nkellex i wallen ad sent-nini : ala ah, xzumt Sidna Iblis, assa d yidelli d atmaten.
La qqaren yiwen yendekwal-d ur yezri d acu-t ma d argaz ma d tamettut ma d asemmid ma d aγurar neγ bitta anda akk t-tuγ, yufa tinna tezwar-d γer tedmi-s. Ad t yexzu inεel- it wagi d acitani d asfaqsi! Wagi d ahcayci .
Nekk tura aqli ddaw tmurt, yemmghi-d wadal felli achal aya.Tamurt sufella tettemlehwaj , Nuwal, tiftilin, aman, ddiban, aẓarif la ineggi,..mi macci d annect-nni kan i bγiγ a sid bghigh ad n-ughlegh ad k-"iwdegh ahemmel! D asmuhbel d asbudel. Ziγenni a d awezγi!
Iba d awezγi ih akka i wen yehwa! A winna, xas ddew lqaa d yigenni waqil d tagi i d tayri.