Dayen tura aqbayli-nni n yiḍelli mačči d win n wass-a. Yerra tablaṭ i wul-is. Yebɣa ad yidir ula d netta di talwit. Tamurt ziɣ truḥ d iḥricen, netta ur yeẓri. Ccwal-nni yendeh s lexdeε. Drus kan tili iruḥ d asfel. Twalam tura Aqbayli-nni meskin. Netta mačči d imcewwel, maca iḥemmel talwit. Гas akken ul-is trekb-it teggdi, sya ɣer d-a tettaṭaf-it tawla. U yerna, Aqbayli-nni yerra iman-is di ṭṭeṛf, yexḍa i tsertit. Tura imi tennam talwit kan: adabu mazal ittwehhi ɣur-s. Ma d aselway-nni isutur ttbut. Hataya ihi awi-d lbayan belli d Aqbayli-nni i d-yeskaren ccwal di tmurt… cwi kan aselway-nni yeẓra amek teddunt temsal; tili ad yexdem ayen yexdem Si Deεli di lkufar.Tura imi tennam talwit nni: atan tεedda-d zdat n uqamum n Uqbayli-nni, ur ilaq ara ad yekmel iγalen-is. Ilaq ad tt-imager s iγalen acku teεna-t temsalt. Yenna-d “ d nnuba-w tura ad steεfuγ”. Mačči di taddart-is kan di  tmurt merra " talwit  tella, tella" Dayen tura yeεya deg usuγu. Tamurt truḥ truḥ, meqqar ad issuter lehna. Akken i d-as yenna ğehha:” axxam yerγa meqqar ad seḥmuγ”. Ihi a Yiqbayel xḍut i ccwal, imi Aqbayli-nni yerra tablaṭ i wul. Гur-s talwit tif yal taγawsa. Cfiγ asmi i s-yenna: " talwit, ḥemleγ talwit".

Ad tidir talwit!