Seg wasmi id d-necfa aγenja-nneγ s leqbayel γer beṛṛa kan i yettseqqi, nezga nesserwat azezzu ḥafi. Abrid n umennuγ-nneγ yezga yeččuṛ d iẓṛa, aẓṛu nekkat yes-s, wayeḍ yuγal-aγ d ugur, mi nger aḍaṛ ad aɣ-yesseγli. Abrid yurad s idammen id d-ḥudden iẓekwan n wid yemmuten γef tidett, id d-imeqqin deg-s ass-a ala yir tismin yeǧǧuǧǧugen d dγel yezzin am ẓaṛb ɣef tegmatt.

            Di tegrawliwin nteddu d iqefafen, ma yella d tagrawla-nneγ negra-d deg-s d irbiben! Ula d tafsut teǧǧuǧǧeg i waεraben! Init-iyi ttxilwat anta tiyita n laɣder ur d-neǧǧi ifeddix di tfekka n tlilit-nneγ ? tiyita ara d-yernun γef lǧerḥ aqdim ara d-teγli, ala ljerḥ aqdim i la inedfen. Nuγal d abrid i yal tikli, tikli-nneγ yenneḍ webrid-is, neḍḥa-d d lemqam i yal yir taẓallit, d imi i yal tiγṛi, ma d tiγṛ-nneγ tegguma ad tefeγ imi. Nella ur nelli seg wassmi tella yemma-s n ddunit, sekrekren-aγ-d leqṛun s ass-a, fell-aγ amezruy yella d anagi, neggul ur nemlal ula γef wayen id-aγ-izdin ( taqbaylit ).

           Tasusmi n win ilaqen ad yebnu, d awal n win yetthuddun, agdud ass-a ma yella yesiwzel rrebg i tiγṛi-s, ma yella yeǧǧa si lḥeq-is ad iwzilen wussan-is. Amesbaṭli ur yelli d win kan ixedmen lbaṭel, amesbaṭli ula d win t-iwalan ur d inni. Lbaṭel yefṛuṛex di tmurt-nneγ almi yuγal yettwaqbel, yuγal d ayen yellan, d ayen ur nezmir anekkes. Lbaṭel ass-a nwala-t akk, tidett nessen-itt akk maca neqqen i yimawen lḥenni.

          Agdud aqbayli ass-a ma yella yextaṛ tasusmi γef wawal, ma yella yextaṛ lekdeb γef tidett, lmut di lzzayer γef tlilit di timanit, ma yella yextaṛ tanekra γef targit, ma yella yextaṛ lzzayer γef timanit; ansuf yes-k a nger, anida-t wexxam-im a tatut ? d acu k-ixuṣṣen a bu tnexsas d tineggas!

IRNATEN

TIKERKAS: Tafsut d tamaziɣt mačči d taɛrabt

Lekteb imzenneq, tacmuxt terreẓ zzit iɛelleq. Tikerkas sehlent ziɣen, akken yennum yeqqar yiwen umaẓwan (propagandiste) Alalman deg tallit-nni n ṭṭrad amaḍlan wis sin: « skudmal lekteb meqqer skudmal yettɛedday ».

Dɣa netta ɣef wayen akka iḍerrun deg Tferka n ugafa seg taggara n tegrest d tazwara n tefsut n useggas-a 2011, tigrawliwin i d-yettnekkaren din mačči deg tmura taɛrabin, semman-asent « Tafsut taɛrabt » neɣ « Tigrawliwin taɛrabin ». Timura anda ḍerrunt tegrawliwin-a d timaziɣin neɣ d tiferɛunin neɣ d tiberkanin, akal-nsent yezga-d deg umenẓaw n Tferka maca arbib i qqnen yineɣmasen aɛraben neɣ ifransisen i wawalen-a d wa: « tafsut d tegrawla » d « aɛrab ». Akka deg yisalan ayen i nsell kra yekka wass d wa: « Tafsut taɛrabt », « Tigrawliwin taɛrabin ». Arbib « Amaziɣ » yenger, yeɣba, ulac-it…

Wissen melmi ad ɣ-d-iwali umaḍal akken nella kan mebla ma yefka-aɣ tamagit taɛrabt amzun d abɛaḍ i yegullen fell-asen ur ssexdamen ara awal « amaziɣ ». Maca akka tura yewweḍ wass ad d-nerr azal i yiman-nneɣ nekkni s yimaziɣen. Ahat « tafsut taɛrabt » neɣ « Tigrawliwin taɛrabin », ɣas ma tinfaliyin-a wwint ismawen aɛraben, netta deg tidet , akud ixeddem i lfayda n tmaziɣt. Ma yella tagrawla tewwi-d tugdudt, tugdudt ad d-teglu s yizerfan n Yimaziɣen anda bɣun ilin deg wakal n Tmazɣa anda i ten-id-yufa lḥal din seg wassen i tebda ddunnit seg zik n zik.

Tafsut tebda-d amecwar-ines deg useggas 1980, deg wass n 20 n wayyur n yebrir deg tmurt n Leqbayel. Tura, a-tt-an, ijeǧǧgen-is ṭṭreḍqen-d deg Tmazɣa merra. Yewweḍ-d lawan ad nečč igumma-ines nekkni s Yimaziɣen n TMAZƔA.

Malek HOUD

Azul fell-ak ayaḥbib.
Di tazwara ak-inniγ mačči d amezruy n tefriqt n ugafa ur sineγ ara, neγ ahat d imawlan-is. ass-a " tafsut iyuγalen s aεṛaben " nniγ-t-id acku igrawliwen agi id yekren mgal widen isen-isiwzilen tudert, ur d kkiren ara s yisem n imaziγen, ur ilaq ara anzwir lebγi-nneγ γer zdat. wid n tunes, neγ n maṣar, neγ wid n libya ( ala di libya id-yebda cwiṭ n uḥarek γef izarfan ( tillilit ) n imaziγen ) wamag di tmura nniḍen ur yelli umaziγ d γeẓẓa tinzert-is...
Imaziγen di tegrawliwin agi ddan d irbiben, d iqefafen, surgen idamen-nsen cciεa tsaḥ-d wiyaḍ. akka iteḍra di tṛad nni 45 di lzzayer imaziγen ddan d iqefafen tagara acu iten-id-iṣaḥen d iseqi nni amesas... ma yella win yebγan iyi-man-is ad iskideb tidett tessen axxam-is, ma yella tebγiḍ ad inniγ ayen nniḍden " tafsut teğğuğğeg i yimaziγen " aya ur d illi, tafsut-nneγ tesutur-d ijeğğigen wideni yettwarekḍen di yal tallit..
Tanemmirt.

Surf-iyi bγiγ ad inniγ tṛad 54. tanemmirt.