Sin imdukkal, Nittu akk d Gittu, ffγen ar ttberna. Qimen ttmeslayen, stewtiwen wissen γef anwa. Cwiṭ akka telli tewwurt n ttberna
s zdiḥ, ikcem-d yewwen umsaγ (akkelyan), ad-d-nini d ilemzi ma xas
ur illi d-tikkerkkas ma nenna-d d-amγar. Akken d ittban yekka-d seg
ttberna nniden, anda iqqim armi i-t-d-sqerqren. Imi d ikcem, ilddi
arquqen-is ittmuqul akka d wakka, am-akken yella win γef ittnadi. Imi
izra Nittu akk d Gittu ičča-ten s wallen. Iga akka irra γur-sen,
imderkkel γur-sen, imi ur izmir ad iddu srid.
Imi iwweḍ γur-sen, ibda ittmeslay yid-sen s-izegnan n wawalen.
Ad-d-iniḍ ittfeẓ imeslayen uqbel a-ten-id-suffeγ.
Akkelian(amsaγ): azul a kwenwi !
Nittu akk d Gittu: azul
Akkelian(amsaγ): a-yi-tsurfem…
Nittu: atan umdiq !
Akkelian(amsaγ): ur kkwen cewleγ-ara(ur kwen diranjiγ) ?
Gittu: ur-aγ-tcewleḍ
Akkelian(amsaγ) : d-lbaḍna γef acu i tettmeslayem ?
Gittu: awah ur tufiḍ dacu lbaḍna !!!
Teγli-d tsusmi gar-asen
Akkelian(amsaγ) (isers afus-is γef tayett n Nittu): a-gma…anda
tewweḍ tsaεett nni ?…tinna-inu fkkiγ-tt I useεaği a-tt-id-iqεed
Nittu:: mraw-semmus uqbel tamezwarut (00h45)
Akkelian(amsaγ): tettεedday-ed yal ass deg iwen wakud naγ tikkwal
tettεeṭṭil ?
Nittu: anta ta?
Akkelian(amsaγ) : tamacint
Nittu : deg yal tamersiwt (la gare) amek
Akkelian(amsaγ) iskkeṛ :…turaaaa ad-izg tewweḍ Mitta ar…anda
tewweḍ tsaεett nni i-d-tenniḍ?
Gittu: mraw uqbel tamezwarut
Akkelian(amsaγ) asekkran: …tewweḍ ger Gergani akk d Konttect…
tunag nettat d caf…(iwwet afus-is γef tabla). A-wen-iniγ, ay at-ma,
nekk ur tesseγ kra nniḍen…yiwet n tbbiyart kan…awi-d tabbiyart ay
agersun(aqehwaği) !
(Nittu akk d Gittu ttemsteqsayen s wallen anwa-t uterras-a ??)
Akkelian(amsaγ) asekkran ( i-sčenčen tabbiyart-is ar iqutiyen n waman n
tzurin n Nittu akk d Gittu ) : arjut…ad-d-uγaleγ.
(Gittu akk d Nittu qimen imanen-nsen)
Gittu : anwa-t wa ? Tessneḍ-t ?
Nittu : ur-t-ssinneγ
Gittu : qrib ad igrureb uγyul-is
Nittu: qrib kan? igrureb akkwya
Akkelian(amsaγ) asekkran ( yuaγal-d): Ay atmaten ! idda wakud
(iruḥ lhal) ? Anda tewweḍ ihi tura ?
Nittu : yiwet d mraw (1h10)
Akkelian(amsaγ): Tura wwḍen ar tmersiwt (la gare) n Titu: a-wen-d-iniγ, attan tettett timsemnin ar “Madame Marie”.
Gittu: anta ta a win ?
Akkelian(amsaγ) asekkran: Mitta…ur k d nniγ ara ya?…ay aqehwaği
ernu-d tabbiyart.
Nittu: ay amddakkel, anta-tt Mitta-ya ? Segzi-yaγ-d ihi, sfehm-aγ-d
ay argaz
Akkelian(amsaγ): amek ? ur tezriḍ ara?
Nittu: ur zriγ ara.
Akkelian(amsaγ) asekkran: d-tametut-iw aaaaaa g..m…a
Gittu: yelha a-winna…ur tugadeḍ-ara a-tt-teğğed iman-is deg iḍ deg
zenqan
Akkelian(amsaγ) asekkran: Ur ak-d-nniγ ara ya dakken ur tell-ara
iman-is ?…yella yid-s caf…
Nittu: yelha yelha, negza nekkni, maca…γef anecta akkya…am akken…
tametut-a iman-is i tella (isqewqiw Nittu, ur izra amek a-s-t-id-
yini)
Akkelian(amsaγ) asekkran: ur teg-ara anezgum i iman-ik !…ifaguten
n tmacint γur-sen tixxamin bḍant γef sin…kcem, snes tafat, err
asaber(ariddu), rgel tawwurt seg wgensu (s zdaxel)…nniγ-awen
tixxamin ur dduklent ara, bḍant, mgaradent, teslim naγ
ala ?…tzemreḍ ad-tegneḍ, yiwen ur-ki-ttcewil..armi d
FILIAK..tamacint utun 163…anda tewweḍ temrilt(tsaεett nni ihi tura?
Nittu: tezri(tεedda) yiwet d uzgen
Akkelian(amsaγ) asekkran: tegla (truḥ) si TITU…tezri γef MATASARU.
Mitta iwwi-tt iḍes tura…
Gittu: I caf ?
Akkelian(amsaγ) asekran: caf ?…igen ula d netta….surfet-iyi, ad-d-
uγaleγ.....iruḥ
Nittu: iwenneε wa…
Gittu: inneεneε !
Nittu : arju kan. Tura ilaq a-nzer amek tga Mitta ya ines.
Akkelian(amsaγ) asekkran (yuγal-d ar umdiq-is): Iman-is, werğin ur-s-unfeγ ad-teffeγ deg iḍ. Tametut d-tilemzit, ur tt-ttağan medden ad-teffeγ
iman-is…llan kra n iγyal deg zenqan imawlan-nsen ur sen fkkan ara
tiqit n usinen (ttrebga)…
Gittu: εad ma zeddiget …
Akkelian(amsaγ) asekkran (iterḍeq d-tadsa): d-tazedgant !…Mitta, d-tazedgant….
dacu-t wawal-a a winna ?…surf-iyi…mačči kan d-tazedgant,
tihuski-ines tsejmad aman….arju kan, a-tt-twaliḍ…(ittnadi
deg lğib-is, ikks-ed atezḍam-is, deg utezḍam ikks-ed awlaf (teswira),
imudd-itt I Gittu d Nittu i-tt-ittakken wa i wa. Gittu d Nittu baten zdat n
thuski n tmetut nni ttwalin deg uwlaf nni…
Nittu : ihuh !! Akka itemmug, d-tidett ??? d-afelleq !
Gittu: d-aseγres
Akkelian asekkran (ičur d zzux) : awlaf ur d irra-ra tihuski-ines
akken ma tella…mer a-tt-tezreḍ zdat-ek ihi a winna, ad-teγliḍ deg
uxlaε.
Nittu: d-taγezfant ?
Akkelian(amsaγ) asekkran : d-talemast
Gittu: d-taceεlalt ? D-tablondit ?
Akkelian(amsaγ) asekkran: amzur-is d-ureγ, ur illi dayen nniden.
Tγiled illa kra s wayen t-t-ttarra d-aselban, akka itemmug s γur Illu,
d-agama (la nature) I-s-t-ifkkan.
Nittu: achal iseggasen i γur-s ?
Akkelian(amsaγ) asekkran: achal a-s-tefkkeḍ ?…aha ini-d kan
akka..akken tt-tettwaliḍ deg uwlaf nni ?
Nittu: ad-d-zegg warem d semmus (25) iseggasen
Akkelian(amsaγ) asekkran: twalaḍ ? …rnu tenniḍ-d tbated twehmed
Deg-s imi tt-twalad deg uwlaf…werεad tessawed ula warem d yiwen
(21) iseggasen.
Gittu: atan ihi akka a winnat, a-k-tt-iherz Rebbi. ! …Kečč tezriḍ dacu
i tferneḍ…triḍ-tt ? (themmleḍ-tt ?)
Akkelian(amsaγ) asekkran: atan gedha yis-ek kečč…amek ur tt tettrid ara tmetut am ta ?…d-ayen yugaren kra illan a winna, ma tebγiḍ ak-
iniγ ihi !!…Dinna γur-neγ, deg tmersiwt n tmacint, d-axessar !!!
Iminigen imi tt-id-zran, ttezzin-d akken ma llan iqerra-nsen ar γur-s,
qimen ččan-tt s wallen armi zelgent tmegrad-nsen…
Nittu: Ihi akka…I caf anda iqim ?
Akkelian(amsaγ) : iqim ula d netta yid-neγ d caf n tmersiwt (la gare)
Gittu: caf γur-s tawacult ula d netta ?
Akkelian asekkran: awah, ur ibγa-ra ad-ig i iman-is tawacult…iqar dakken ur ira-ra tullas. Mitta tettemat d-tadsa deg-s ma ad-d-yini
akka…nettat tezra ihemmel tullas…ihwa-yas i Mitta a-t-serfu..mer
ad-tezred ma ad irfu..d axessar !…yiwet n tikkelt, ur zriγ amek i t
tenğeε, dγa nnuγen…qimen wa ur ittmeslay i wa ass ikkmel.
Nittu: ar deqal ?
Akkelian(amsaγ) asekkran : ar deqal mluεan…ters-d talwit gar-asen,
ur izmir-ara ad-iqim atas war ma imeslay yid-es…d-iwezγi ur tettlaεid ara yiwen, ma tzerred-t yal-ass, tttetted yid-es…d-iwezγi !…iqim akka
ikres armumen-is..igli (sérieux)…dγa inna-yas : « surf-iyi, ma chère(
1), azgal s γur-i i-d-ikka « …dγa nterdeq d-tadsa akken ma
nella.
Gittu : i caf –a amek iga, amek immugg ?
Akkelian(amsaγ) asekkran: d-tament i d ifkka Illu deg-s.
Nittu: mačči d-ayen i-d-qesdeγ…amek immugg…idda deg tmeddurt-is
naγ d-amezyan ?
Akkelian(amsaγ) asekkran: ayah !!!…ur iwwid kradet (30) iseggasen…dacu kan , a winna, mer a-t-tezred tihuski i-s-ifkka Illu!!…arju, ttuγ ur-wen-t-in-sekneγ-ara.
Nittu: sekn-aγ-t-id ihi (ittezmumug)
Akkelian(amsaγ) asekkran (ikks-ed awlaf nniden seg utezdam-is) :
atan !
(Gittu d Nittu ttsiggin, ttwalin, ar uwlaf nni s kra n tmuγli teččur d-tismin)
Gittu: wa d-argaz ihuskin.
Akkelian(amsaγ) asekkran : mer ad-t-tezred zdat-ek ihi ad-tjeεred
seg thuski i-s-yefkka illu i tfekka-s…deg lqed yugar-ik…deg uwlaf-a
ur tzerred amek udm-is igzeggwaγ…d-ayen ur tettamnem ay atmaten…γur-s kra icelγumen iberkanen, timi am-akken s imrun immugent. tickki d tezri tmacint deg tmersiwt nneγ, tullas illan deg
tmacint akken ma llant ttezzint-id iqerra-nsent ar γur-s…ttγamayent
ččantet-t s wallen arma dayen truḥ tmacint nni…mer mačči d-tacacit
nni tazeggaγt n cmandefir ilsa, ili ttγemizent-as-d temcumin…
Nittu : ak-steqsiγ…γur-k tarwa ?
Akkelian(amsaγ) (iterdeq d-tadsa): dacu d tennid akka a winnat ?…
semmus (5) n wayuren aya kan isekkreγ axxam…
Nittu: Yah ?…ihi ur t deggrem-ara akud kan akka…ar zdat ad-tili
γur-wen tarwa..
Akkelian(amsaγ): akka i nsarram ula d nekkni….anda tewwed tsaεett
nnii ?…muqel muqel kan !
Gittu: snat akk d mraw-semmus (2h15)
Akkelian(amsaγ): ihi tura tewwed ar LEORDENI
Nittu: ma tsurfed-iyi, ad rnuγ a-k-steqsiγ…dacu i d-amahil-ik kečč
dinna deg tmersiwt n tmacint (lagare) ?
Akkelian(amsaγ): nekk ?…d-amagazini…aha ihi a-nernut aturni
Gittu: idda wakud…azekka ad xedmeγ tufat(sbaḥ)…
Akkelian(amsaγ): aturni kan…ay aqehwaği awi-d krad(3) n
tbbiyarin…
Nittu: I tura tewwid-d asgunfu ?
Akkelian(amsaγ): dacu usgenfu yagiiii ? I wacu ad-sutreγ asgunfu ?
Caf ittağa-yi ad qimeγ tickki i-yi-hwa. Zemreγ ad-qimeγ ur xeddmeγ-
ara tickki i –yi-d-inna uqerru-iw. Dγa ussan-a n tezγent (la crise), ur
illi watas umahil.
Gittu : a winnat, ihi anf-iyi ad sweγ tabbiyart-a i tezmert n tmetut-ik…
a-k-tt-iherz Rebbi.
Akkelian(amsaγ) : ak-iniγ “mersi” (2)….(s tefransist deg wedris)
Nittu: nekk ad-swett tabbiyart-iw i tezmert n caf-ik…a-k-t-iherz Rebbi !
Akkelian(amsaγ)): a-k-iniγ ula i keččini “mersi”
Gittu (ittess tabbiyart-is ittezmumug, cwit kan ili ibbeεzeq dtadsa…
iskker): a winnat !! (iεerḍ a-sen-ifkk tizeṭ i imeslayen-is) a
winnat, anef-iyi a-k-sudneγ ! (dγa issuden amagazini nni γef lhenk)
kečč tziḍed ugar n tament !! (ttadsan akken ma llan) Nekk…nekk riγ
ad-issineγ caf-ik…akk d tmeṭṭut-ik !! (iγemz-as i Nittu)…dacu ixeddmen
tura, itγileḍ ?
Akkelian(amsaγ) : ṭsen am win immuten…anda tewweḍ tsaεett nni ?
Nittu: krad tressa (fikks)
Akkelian(amsaγ) : tekcem ar PITECTI…deg PITECTI tettγamay 33
iminuten
(Gittu d Nittu ttmiγmazen…sudnen i sin amagazini nni γef unyer)
Gittu : a winnat ! kečč teḍsa-yak-in tmeddurt-ik…a-k-isider Rebbi
ugar
Akkelian (amsaγ) : akka…s lebγi n Illu !…tameṭṭut tahuskant γur-i, a-y-tt-iherz Rebbi !! Amahil γur-i, d-amagazini…caf, tikkelt am gma,
tikkelt am udeggal…
(Gittu d Nittu llan ttadsan a-sen-d-isel yiwen seg wgemmaḍ-in, dγa
imi d slan inna-d “adeggal” susmen din-din)
Nittu: amek akka d-adeggal ?
Akkelian(amsaγ) : amek ihi ur-ittili-ra d-adeggal imi d-gma-s n
Mitta !!…dacu i tγilem ihi ?
Gittu: ihi kra ur iḍri ????!!!!!…ur cerrgen igenwan ur ildi umaḍal !!!!
Akkelian(amsaγ) : amek kra ur iḍri ?…dacu itγilem ihi kenwi ?
Nittu: nekkni nγil…
Akkelian(amsaγ) : amek akka a winnat ? Tγileḍ ad-ğeγ tameṭṭut-iw
imuggen am tjeğigt deg iḍ akk d yiwen urgaz ahuskan am caf-iw,
mer mačči d gma-s iyella ? kenwi aziγ tqersem (iṭerdeq d-tadsa, yugi
akk ad ifak)…kenwi aziγ ackki-kwen…anda tewweḍ tsaεett nni ?
Nittu (irfa): dacu i k ikcem unezgum ???
Akkelian(amsaγ): riγ ad zreγ anda tewweḍ Mitta tura
Nittu (iremmeγ) : tezri kraḍ d uzgen (3h30)
Akkelian(amsaγ) : tegla seg PITECTI…eyyaw a-nerret ar ttberna nniḍen a-nsew kra n crab
Gittu: ur tufiḍ anda a-neddu nekkni
Akkelian(amsaγ): ayen ? acuγer ?
Nittu: ur d-iggri kra deg-k, anagar taremmiγt (ennui)…anfa-anaγ
akkiiiiiiiiiin !
Tasuqelt s γur Winna