Tullizt,  A clean well lighted place , yura umaru amarikan Ernest Hemingway(1898-1961)  deg 1932, tasuqilt ar teqbaylit Amor Rekis.

                              Ulac ayen yecban tafat d tezdeg

Yedda lḥal deg yiḍ, medden akk fγen seg lqahwa anagar yiwen wemγar.Yeqqim, iferrawen n isekla ddurin fell-as tafat n teftilt. Deg wass, azniq yeččur d aγebbar maca tameddit nnda yettaṭṭaf aγebbar-nni. Amγar-agi iḥemmel ad yaεwez acku deg yiḍ tettili tsusmi. Ulamma d aεeẓẓug i yella, yettaki-yas ur iban amek i tsusmi m’ara d-ters .

Sin iqehwağiyen ẓran dakken amγar-agi yecceεceε cwiṭ. Γas akken d akliyan yelhan, ma yeskeṛ atan ad asen yenser war ma ixelleṣ.

 Ihi qqimen ttεassan deg-s.

"  Ddurt yezrin, ciṭ kan ad ineγ iman-is," i d-yenna yiwen uqehwaği.

"  Ayγer ? "

"  Yuyes. "

"  Γef wacu ?"

" Ur tesεiḍ d acu yellan."

" Amek teẓriḍ acemma ur yelli ?"

" Niγak, argaz yeččur ljib-is, d amarkanti f yiman-is."

Ṭṭfen i sin yid-sen ṭṭabla isenden f weγrab zdat tewwurt n lqahwa. Qqimen, sikiden amraḥ. Ṭṭwabel akkit tilmawin anagar tin yeṭṭef wemγar. Yeqqim yedduri ddaw isekla yetthuzzu waḍu s laεqel. Iεedda yiwen uεeskriw deg wezniq netta d yiwet teqcict. Azrar n iεeskriwen iεelleq, yettarra tafat.Taqcict ur terra acemma f uqerruy-is, tetteddu tama-s, tezreb tikli.

" A t-refden imsulta n iεeskriwen,"i d-yenna yiwen uqehwaği.

" Tewqaεek-d lmaεna ma yufa ayen yettnadi ?"

" Yifi-t ur d-yettγimi ara deg webrid, at ṭṭfen imsulta i k-d-nniγ, tura kan i d-εeddan."

Amγar yeqqimen f ṭṭabla yeččenčen s lkas-ines f tḍebsit. Ameẓyan deg iqehwağiyen iruḥ ar γures.

"  D acu tebγiḍ?"

Amγar isakked-it, yenna-yas : "

" Efk-iyi-d aBrandy nniḍen."

" Ad tsekṛeḍ," is yenna uqehwaği. Immuqel it wemγar, iruḥ uqehwaği.

" Ad yeqqim kra yekka yiḍ," i d-yenna uqehwaği i wemdakkel-is." La ttnudumeγ, werğin kcimeγ s usu qbel tlata n ssbeḥ. Yif-it limmer yenγa iman-is ddurt yezrin."

Yeddem uqehwaği taqraεt n Brandy d tḍebsit nniḍen seg ddukan, yedda armi d ṭṭabla n wemγar.Isers taḍebsit, yesmar-as-d lkas n uBrandy.

"  Yif-it limmer tenγiḍ iman-ik ddurt yezrin," i d-yenna i wεeẓẓug.

Iwehha wemγar s uḍaḍ-is:

" Rnu-d cwiṭ," i d-yenna.

Yesmared uqehwaği alamma yenγel uBrandy γef tḍebsit yersen s ufella tḍebsiyin nniḍen. Tanemmirt, i d-yenna wemγar. Yeddem uqehwaği taqraεt ar daxel lqahwa. Yaεna taγmert i deg yeqqim wemdakkel-is.

" Dayen yeskeṛ tura," i d-yenna.

" Isekkeṛ yal tameddit."

" Ayγer i yebγa ad ineγ iman-is?"

" Anda ẓriγ nekkini ?"

" Amek yexdem ?"

" Iεelleq iman-is s wemrar."

" Anwa i ygezzmen amrar."

" Yellis n gma-s ."

"  Ayγer i t-suksen ?"

"  Ugaden f terwiḥt is ."

"  Acḥal i yesεa isuṛdiyen?"

"  Aṭas."

"  Wisen acḥal di laεmer-is ? ad yaf lḥal issaweḍ 80."

"  Akken i d-iyi-ttban ula d nek."

"  A w’ufan ad yekcem s axxam-is, werğin kcimeγ qbel tlata n ssbeḥ.Mačči d lawan ara yerr bnadem s usu."

" Yettγimi acku iḥemmel ad yaεwez ."

" Yettxemmim f yiman-is kan, nek mačči d awḥid, γur-i tameṭṭut i-yi ttrağun deg ussu."

" Ula d netta zik yezweğ."

" Ur tezmir as texdem tameṭṭut acemma tura."

"Wi ẓran, yezmer lḥal ad tseggem liḥala-s s tmeṭṭut."

" Yelli-s n gma-s tetthella deg-s."

"  Ẓriγ, tura kan i d-nniḍ tegzem amrar."

"  Aγ yemnaε Ṛebbi seg tewser yicban ta, mi yewser wemdan ixeṣṣer."

" Tikwal ala, amγar-agi zeddig, ittes ur yessenγal. Muqel kan, yella deg awal yeskeṛ."

"   Ur bγiγ ara a temmuqlaγ. Bγiγ kan ad yuγal s axxam-is, ur yecliε ara deg ixeddamen."

Yerfed wemγar allen-is seg lkas-ines, yessaked deg iqehwağiyen.

" Abrandy nniḍen," i d-yenna, isleγ deg lkas-is. Aqehwaği iḥarren yusa-d.

" Dayen! " i d-yenna war ma ikemmel awal am ungifen m’ara ttmeslayen i wsekṛani neγ i wberrani."Ulac tameddit-a, neγleq tura."

"  Wayeḍ," i d-yenna wemγar.

"  Ala, dayen." Yesfeḍ uqehwaği tiγmert n ṭṭabla s ubeḥnuq ihuz aqerruy-is.

Yekker wemγar, yeḥseb s laεqel tiḍebsiyin.Yessufeγ taxriḍt n weglim seg ljib-is, ixelleṣ ayen yeswa, yerna-yas azgen n peseta. Iḍfer uqehwaği s uxeẓẓur amγar mi yettṣubbu azniq, tikli teεwej lamaεna deg-s iseγ.

"  Ayγer ur teğğiḍt ara ad yeqqim," i d-yenna uqehwaği ur nḥar.Ttaγlaqen ṭṭwiqan,"mazal ur d-wwiḍ ara 2 d wezgen."

" Bγiγ ad nejmaεaγ s axxam-iw, ad kecmeγ s usu af yiman-iw."

" D acu i d tasaεett aεni ?"

" Xemmeγ γef yiman-iw mačči fell-as."

"Tasaεett ur tettbeddil acemmek."

"  Ula d kečč tettmeslayeḍ am imγaren, yezmer ad yaγ kan taqraεtt a tt-isew deg wexxam."

"  Mačči kif-kif."

"  Tidett mačči kif-kif," i d-yenna uqehwaği izewğen. Ur yebγ’ ara a t-yeḥqer, iḥar kan d aya.

" I kečč ur tuggadeḍ ara ad tennejmaεeḍ s axxam-ik γef zik lḥal?"

" D acu tebγiḍ ad iniḍ a winnat ? wigi d rregmat !"

" Hombre, d aqeṣṣer kan i ttqeṣṣireγ."

"  Ala," i d-yenna uqehwaği iḥarren, ttgeγ laman." Yerfed iman-is mi yeγleq aridut n wuzzal."Ttgeγ laman, nek s timad-iw akk d laman."

"  Γur-ek temẓi, laman d uxeddim," i d-yenna uqehwaği imeqqren, " tesεiḍ kulci."

"  D acu i k ixuṣṣen ?"

"  Kullec anagar axeddim."

" Ayen sεiγ tesεiḍt."

" Ala, laεmer sεiγ laman yernu teğğa-yi temẓi."

"  Aha berka askeεrer, sekkeṛ taḥanut."

"  Nek seg wid iḥemmlen ad εaṭṭlen deg leqhawi," i d-yenna uqehwaği ameqran." Nek seg wid ur nebγi ad kecmen s usu, nek seg wid yeḥwağen tafat n yiḍ ."

"  Bγiγ kan ad rreγ s axxam-iw ad kecmeγ s usu."

" Nek yid-k nemgarad," i d-yenna uqehwaği ameqran. Yelsa iceṭṭiḍen akken ad yuγal s axxam tura.

"Mačči kan d tamsalt n temẓi d laman, γas akken snat-agi cebḥent u s wazal nsent. Yal tameddit ttkukruγ ad γelqeγ acku yezmer wi ḥwağen lqahwa ."

"  Hombre, teččur ddunit s leqhawi yettaldin kra yekka yiḍ."

" Ur tefhimeḍ ara, tagi d lqahwa zeddigen yennecraḥen.Tella tafat, telha tafat. Yernu tura ddurin-tt iferrawen."

" Iḍ ameggaz," i d-yenna uqehwaği ameẓyan.

" Iḍ ameggaz," i s-d yerra wayeḍ.

Yessensi taftilt, ikemmel ameslay d yiman-is : "Tella tafat, lamaεna ilaq daγen ad tili tezdeg d nnecraḥa. Ur teḥwağeḍ ara lmuziga, tidett ula iwumi aẓawan. Ur tezmireḍ ad teqqimeḍ kan di ttberna s yiseγ γas akken d ayagi yellan di teswiεin am ti."

D acu yugad ? ala, mačči d tuggdi neγ d akukru. D ulac-nni yessen mliḥ. D ulac, amdan akken yella d ulac .

D ayagi kan, d tafat kan i yeḥwağ, d ciṭ n tezdeg d useqεed. Kra yemdanen ddren deg-s laεmer ḥulfan yes maca netta yeẓra dakken kra yellan d ulac d wulac akk d wulac.

‘’A yulac-nneγ yellan deg ulac, d ulac ad yili isem-ik, tageldit-inek ad teḍru deg ulac . Effkeγ-d mkul ass ulac-nneγ, surfaγ ulac-nneγ am akken nettsuruf i wulac iγ iḍelmen, sebεad fell-aγ ulac maca selkaγ seg ulac, ulac amin ulac.

Sslam fell-ak a yulac yeččuren d ulac, ad yili ulac yid-k’’.

Yezmumeg, yekcem ar yiwet ttberna, yeqqim. Tamacint n lqahwa tettfeğğiğ.

" D acu ara tesweḍ ?" i d-yesteqsa bu-ttberna .

" Ulac !"

" Atan yerna-d umexlul nniḍen," i d-yenna bu-ttberna. Immuqel anda nniḍen.

" Afenğan amectuḥ," i d-yenna uqehwaği.

Yesmar-as-t bu-ttberna.

" Tella tafat, yennecraḥ wemkan lamaεna ttberna-agi ur zeddiget ara mliḥ," i d-yenna uqehwaği.

Issaked-it bu-ttberna war ma yerra-yas-d, iruḥ lḥal aṭas af umeslay.

" Tebγiḍ afenğan nniḍen ?"i t-yesteqsa bu-ttberna.

" Ala, tanemmirt-ik," i d-yenna uqehwaği, yeffeγ. Ur iḥemmel ara ttbaren d leqhawi. Lqahwa zeddigen yeččuren d tafat d taγawsa yelhan d ayen kan. Tura war ma yerna axemmem, ad iruḥ s axxam-is ad yekcem ar texxamt-is . Ad yeẓẓel deg ussu-s. Tagara, m’ara yali wass, ad iṭṭes. D iḍes kan i t-yeğğan i d-yenna i yiman-is, war ccek aṭas lγaci iwumi yeğğa yiḍes.

Tullizt-a, rran-tt d asaru awezlan deg 2005:

http://www.viddler.com/explore/pfhastie/videos/68/

D tasuqelt i gerrzen, tanemmirt ay Amor Rekis. Yiwet n tamawt kan γef idiwenniyen (les dialogues) deg tira taseklant: ayen akken d-yeqqar wemdan yellan daxel n tmacahutt (le personnage) yessefk ad yili ger stnat tuccar i wakken imeγri ur iεerreq ara gar-as d wayen d-yeqqar win d-yessawalen tamcahutt (le narrateur), netarra tacerriḍt (-) tazwara anda kan yella umeslay srid ger sin yemdanen, dinna war tuccar acku win d-yessawalen tamacahutt ur d-yeggar ara iman-is...

Swiγ-as yiwen u-Brandy γef iddra-k a Σemmi Ngway

Tanemmirt-ik, d amahil igerrzen a gma .

A s-tiniḍ d aqehwaği-nni n lqehwa iḍebbalen n Tizi-Wezzu!

A ddin uqabac! M' ara twaliḍ yiwen n wemxix am Hemingway, yewwi arraz Nobel deg useggas 1954, kra n iseggasen s-deffir, yenγa iman-is, tikwal a s-tiniḍ, a ddin rreb, amel almi qqlen imelγiγen neqqen iman nnsen di tagara n tudert nnsen?

Wa k-yinin akken belli imyura imeqqranen i d-yefka umaḍal, ččuren d laεqel yeskadeb. Tugett ger-asen ttuγalen d imexlulen; aṭas ur igezzun ara ayen d-qqaren.

Tasuqelt n Wamur tgerrez...ahat deg wussan-nni n Unebdu n Ihendiyen i s-igerrez leqdic.

wi kem-icekkren a tislit?
- D yemma teḥḍer xalti!
Imi tessneḍ taglizit, tafransist d tiyaḍ; acimi ur aγ-d-tettawiḍ ara Tulsṭuy, Maksim Gurki d wiyaḍ, ay imberyali n Marikan!
Qqaren-as " Asif ad iruḥ, ad iruḥ a d-yuγal γer lḥeddi-is", Aεemmur ad iruḥ, ad iruḥ ini yuγal γer xwali-s!
D acu i d-yenna akka wemyaru-yagi-inek?! Iruḥ fell-as yiḍes, ssyen iruḥ γer tγellust yeswa-d afenğal n lqahwa!
Ha, ha, ha, ha! Ha, ha, ha, ha! Ha, ha, ha, ha! Ha, ha, ha, ha!
Ur teḍlimeḍ ara, xuḍi d "laljirwa i telliḍ!
Zizi-twen

Way a yemma buṣaγ! Dayen, ad yekfu fell-i wesmel! Teḥrem ur εawdeγ ad sserseγ asekkil da. Yeεna asikritir n wesmel!
A gma-tneγ Σemmur εzizen, aḥeqq lkeεba crifa ma d nekk i d-yennan akka fell-ak "lpijuratif"! A wagi d ṣṣabuṭaj i yi-igan; wa lalla yemma, ifuk weγrum-iw deg wesmel!
Mmi-s n Wemsed meskin

A mmi-s n wemsed, yal m'ara k-γṛeγ ad tteglilizeγ si teḍsa.

Umeεna ur reffu yara fell-i, nniγ-ak-d akka s tegmatt.

Azul (s tergagit) la mitaq la ddustur qala Amnay, qala Amur.
Wa yemma ibusayi lhemm-agi! Ay atmaten, a tiyessetmatin! Ay Amur ameεzuz, ay Amnay a bu ugaẓuẓ; a nna Newwara a lgazuz! Tebra ma d nekkini, ar d silwi, nekk qqareγ-d ala i yelhan fell-awen.
Teḥrem ar teṭṭef-iyi "ladyari" seg txidas n wemcum-a.
Ad yeṭṭef i yugaren aya.
Mmi-s n Wemsed

Tidett a yamnay deg wussan-nni n n unebdu inendiwen i tt-γriγ.

Tullist-a (yeḍran di tmurt n Spenyul) tettbeggin aγanib n Hemingway, tifyirin wezzilen, ur yettεeṭṭil ara deg weṣṣef. Yessexdam adiwenni akken ad yesbeggen iwudam n teqsiḍt. Amedya ad naεqel aqehwaği ameẓyan seg imeslayen-is, laman i s iyettḥulfu yekkad seg akken yumen tuzuft d iṣurdiyen d nunti d kulci di ddunit.
Sin iqehwağiyen, yiwen meẓẓiy wayeḍ meqqer ttrağun deg yiwen wemγar ad yeffeγ si lqahwa. Aqehwaği ameqran yeẓra dakken ccrab, tafat d tezdeg zemren ad kksen lxiq, deg imi akka ur yebγa ara at iseγseb.maca ameẓyan yugi ad yesserbi amγar-nni, yessufγit.
Mi teγleq lqahwa, aqehwaği yebda yettmeslay d yiman-is, yettεekki s linğil. Tagara n teqsiḍt, tettbeggin dakken am netta am wemγar-nni.Ula d netta yeẓra, yefhem d acu yuγen amγar-nni ur iggan ara .

Wa Zizit-sen, d acu k yuγen ? Ur tzegleḍ ula d yiwen. Neẓra mačči d amaggad i telliḍ. Ma d tarusit ur ttessineγ ara , tillak Tulstuy a t nessenṭeq s teqbaylit.
Ssew kan ‘’copita’’ sγur-i.Tiwwura n wesmel mazal llin-t ar d-yali wass. Rnu tella tafat, tella tezdeg, tella nnecraḥa . Ak yaεjeb lhal a ttuγaleḍ ur tettfeγḍ ara sya.
Tixer kan i webdar n yesmawen d lecγal ur k naεni.

Tanemmirt f tedmiwin nwen.

Azul fell-awen
Amyaru-ya ur t-ssineγ ara, am wakken daγen ur ssineγ ara aṭas n yemyura yettarun s teglizit. Aql-i ihi ad issineγ "Ernest Hemingway" s lmendad n Wamur ( isem-agi igerrez daγen!). Amsuqqel n tullist-a nessen-it- yakan s tullist-nniḍen ( ur cfiγ ara γef yezwel-ines tura, maca, cfiγ akken yessefk γef wegbur d tedyant-ines: tawkilt ara yessextiren argaz, ger kraḍet (3)tunṭicin...). Ur γriγ ara aḍris anaṣli akken ara d-ssrewseγ gar-as d wagi yellan akka s teqbaylit. Aḍris-a iban yura-t bab-is s uḥiri, acku ddeqs i yezmer ad ireqqeε deg-s si tama n tmeslayt, si tama usenqeḍ ( γas tamsalt-a nuγ-itent akk deg-s), xerṣum asekkil ameqqran deffir tummiẓt neγ tummeẓt --taneqqiṭ--)... ahat a d-uγaleγ γer waya di kra n wussan. Ma nniγ-d aya mačči akken a d-iniγ ixuṣṣ weḍris-a, maca, akken ad yesεu ugar azal.
Tamsalt usentel-ines, d aḥerfi, d ayen ara fehmen akk yemdanen, u d ayen fessusen maḍi, mačči d ayen yettruẓun aqerruy. D ayen yettwellihen γer talsa, liser d webrid yelhan: adrim weḥd-s ur d-igellu s talwit... Ayagi daγen yemmal-d: Imyura umaḍal yuẓan γer zdat, ur sεin ara akukru akken ad arun γef yal tamsalt, di yal taγult... ur ttkukrun ara seg imeγriyen, ttarun i yiman-nsen d wamek ara xemmmen i wiyaḍ; d ayagi i itekksen fell-asen anezgum ukukru, i sen-d-yettawin akken ad arun s tlelli-nsen, mačči s iqerray n wiyaḍ.
Ma zegleγ, meεdureγ i lliγ.
Ğ.B

Azul,

Tanemmirt i ccix aḥecraruf n Ilulen umalu.Tanemmirt daγen i Ğamal γef uwelleh-agi. Xarṣum ad walliγ anida ccḍeγ akken ad reqqεeγ ayen iwumi zemreγ acku deg weḥric n tira s teqbaylit mazal-iyi d abujad. Ur lliγ d asikritir n wesmel akken d-yenna mmis n wemsed . A w'ufan ad iyi mmlen imeγriyen anida ixuṣ weḍris d w'acu zegleγ.
Ma d azal aseklan n tullizt-agi , yal yiwen amek i t-yettwali . Ad nuγal ahat tikkelt nniḍen ad nemmeslay γef tira n Hemingway .

Tecfiḍ akken ilaq a Ğamal γef tullizt n Mark Twain (ameskar n Tom Sawyer), azwel-ines : Semmus tunḍicin n tudert(the five boons of life)

http://www.imyura.net/Timenza/tabid/57/articleType/ArticleView/articleId/113/Mark-Twain--Semmus-tunicin-n-tudert.aspx

azul!!
Tameγra tameggazt i tlawin nneγ
http://awzellagen.free.fr/cariboost3/

Azul
Tameγra tameggazt i yakk tulawin umaḍal, ladγa tid-nneγ ilmend n wass agraγlant n tmeṭṭut (ass n tam--8-- Meγres).
Tameddit-a a d-tili yiwet temlilit ideg ara yili wawal γef tmeṭṭut, a d-tili daγen tmedyezt akk d ccna sγur igerdan n talilt n ccna imeẓyanen; taggara a d-tegri s yiwet termest s tẓidanin. Ayagi a d-yili deg usideg n tiddukla Numidya n Wehran
Ğamal

I Ahwawi
Azul
Walaγ s wezrab kan ayen d-yenni Awzellag γef umezruy umennuγ n tmeṭṭut d wamek yuγal wass n tam Meγres d ass agraγlan n tmeṭṭut. Tanemmirt-ines γef waya. Maca, ayen tt-id-yebda si temlilit yeḍran di Kpengagen di 1910, acimi ur d-yebdir ara ass n tama Meγres 1857 asmi d-ffγent tlawin seg lewzinat iẓeḍwan di kra n temdinin n Marikan akken ad ssutrent tagada gar-asent d yergazen deg wakuden uxeddim akk d tjerniṭ?!
Ğ.B

Azul a Wurkis,
Γas ma ur telliḍ d Abraham Linkuln, ferḥeγ imi ur
d-tuγeḍ ara aẓar, ur d-tcettleḍ ara si Kamal Belqasem ( winna akken i igedlen tiririt γef dda Lmulud asmi d-yenna fell-as leɛǧeb « Imettaken n temsirin » deg weγmis Lmuǧahed) akka am umeddakel-nni-inek i yettgallan deg-i ur d-keccmeγ ara asmel !
A ziγ mačči akken i tent-id-ttaruγ i tent-teqqarem! A ziγ mačči akken i tent-id-ssrusuγ i tent-tgezzum! Maca, ulac aγilif ay ameddakel.
Yenna yiwwas dda Muḥend Aɛrab Bessaɛud: “ I ma yezgel Mulud Mɛemmri?!” Tura ma yessaweḍ yezgel dda Lmulud, amek ur izeggel ara yiwen am nekk neγ am kečč, neɣ wayeḍ…
Atan ihi wayen yessefken a t-teẓreḍ ay ameddakel, maca, γas ḥṣu mačči s tin n tugdi neγ s tin n wesqizzeb:
Aḥeqq lbaz ger yesγan, yeččan seg umerγan ma ssneγ-k, ma ẓrant-k wallen-iw, ma mlaleγ-k ula di targit! Tecfiḍ asmi k-nniγ mlaleγ-k di Dzayer, nekk d winna akken i irefden ajuṭabl”. Ihi aḥeqq kra n win yeγlin d asfel ma kecmeγ Dzayer si 2001, ar kra din d aqeṣṣer kan; i ma nniγ-ak-n kečč d l Aljirwa d acu i yellan deg-s?! I ma bedreγ-d isem n Newwara neγ n Mack neγ n wayeḍ yettwassnen (i yettarun ) deg wesmel, d acu yellan d ihwah deg waya?! I wacu tuccar-agi akk?!!
Ayen i yessefken daγen a t-teẓreḍ, imi ahat d iznan n wass-a i d ineggura-inu deg wesmel: Ur d-usiγ ara γer dagi akken a ken-rẓeγ, neγ akken ad rẓeγ asmel ( akken i yi-d-yenna umeddakel-inek “Amnax”), acku d acu ubaγur i sɛiɣ deg waya?! ḥṣu ttaǧǧaγ lecγal-iw, rniγ ttṣerrifeγ acḥal deg “les cybers” akken a d-rnuγ kra i yedles-nneγ mačči akken ara ɛeǧbeγ i yemdanen, neγ akken a ten-rẓeγ.
Di taggara: Teẓriḍ acimi ḥebseγ tira n tedyanin neɣ n tullizin ? akken ur ttiliγ ara seddaw tecḍaṭ n imaẓragen, akken ara d iliγ d ilelli, a d-iniγ ayen riγ war aḥebber. Teẓriḍ acimi i ugiγ “dikta” n Waɛraben? Akken ur ttiliγ ara seddaw uzaglu n Leqbayel (yecban ameddakel-ik)
“ LḤIF N TEGMAT YUΣER, YESSEWRAT DDEL” I yenna Yusef Uqasi.
“AWER NILI D YIR AXENFUC ΓEF YIRI N LKANUN” I yenna Ccix Muḥend.
Simmal ara nemlil yiwwas, ǧǧiγ-k di talwit.
Zizi-twen.

Azul a zizi-tsen,

Izen inek atan neṭṭfit, neγrat, sarameγ kan tikkelt-a negza ayen tebγiḍ ad iniḍ . Ilaq a teḥsuḍ d nek i yekksen iznan inek, am akken sefḍeγ iznan n Umnay, ur rğiγ ara armi d assa. Rnu d netta s yiman-is i d-yennan γas ekkes ayen akken i s d-nniγ i Zizi-tsen.

Γas ddmeγ timqessin i d tikkelt tamezwarut . Atan ihi mačči akken ad gedleγ azref n tiririt i medden, ur ḥemmelγ ara kan rregmat. Ẓriγ ayen i k yettawin ar da d tayri n teqbaylit akka akk am iqeddacen nniḍen n wesmel.

D kečč i d-yennan medden akk teccḍen, ula yelli w'acu yellan deg-s. Tawacḍa tseffeḍ, ilaq a nmuqqel ar zdat tura.

Ma tebγiḍ aγ d-azneḍ yiwet si ger tedyanin neγ tullizin tettaruḍ, atan s lferḥ ara tt-nessufeγ deg wesmel.

S tegmat

Riγ kan a d-rnuγ deg wawal n gma-tneγ Urkis, acku yesmekta-yi-d imeslayen-nni n taggara n tezlit " Tibratin" n Lewnis.
D awalen ucbiḥen, bubben anamek ameqqran.
Ihi ata wakken yenna umedyaz:
" Ma nexdem akken yexdem, neγleḍ, a n-tezzi a n-tenneḍ,
a nettuγal ansi d nekka.
Lqum-nni n zik yecceḍ, tawacḍa tseffeḍ,
muqel-t γer zdat tura!
Tiγri nesla mi n-tetteḍ, tezwar kull ( yal ) tayeḍ,
γur-wat ad s-tebum ass-a!
Zik wa ihedder-itt i wayeḍ, ass-a di lkaγeḍ,
a tt-id-afen ineggura".

S tegmat,
Ṣεid

Azul fell-ak a Sεid, d acu-t unamek n "twacḍa" ?

Azul ay ayirat,

Tuccḍa, yecceḍ.
at Yiγil bbammas ( Ibudraren ) qqaren tawacḍa.

Ccḍeγ aṭas n tikkal, ata sseγtaγ ayen i wumi zemreγ.

" Ma nexdem akken yexdem, neγleḍ, a n-tezzi a n-tenneḍ,
a nettuγal ansi d-nekka.
Lqum-nni n zik yecceḍ, tawacḍa tseffeḍ,
muqel-t γer zdat tura!
Tiγri nesla mi n-tetteḍ, tezwar kull ( yal ) tayeḍ,
γur-wat ad s-tebrum ass-a!
Zik wa ihedder-itt i wayeḍ, ass-a di lkaγeḍ,
a tt-id-afen ineggura".

Tanemmirt a Sεid γef usegzi-inek.
(uγeγ-d adisk-nni-inek n tmedyazt ufiγ-t igerrez ayen din).

Tanemmirt.

Tanemmirt ay ayirat.
Anwa deg-sen? Ssufγeγ-d sin di 2001( 1- A baba,2- I kečč a Lwennas" nekk uriγ-t Lunnas" ).
Di tefsut-agi ad ffγen daγen sin isidyen imaynuten
( 1- TADSIMANT " timanit", 2)- I Muḥend U Yeḥya ).
Yal yiwen llan deg-s semmud d mraw ( 15 ) isefra am imezwura-nni.
Tanemmirt i tikkelt-nniḍen!
Sεid

Tamawt: 1)- Anida d-tuγeḍ asidi-w?
2)- Riγ kan a k-iniγ, d nekk i d Yiwen weqbayli-nni
temmeslayeḍ deg wesmel-nniḍen.

ISIDIYEN MAČČI ISIDYEN

A ziγ d kečč ay uffir ! d winna n "baba" i d-uγeγ dagi di Paris ar tsedlist n yeqbayliyen-ikriṭyanen (imasiḥiyen) yellan di 20 eme, ma tessneḍ Paris? Ur ufiγ ara isidiyen-inek nniḍen.

Mi d-ffγen imaynuten-nni a ten-id-aγeγ, acku a k-d-iniγ ayen tettgeḍ yuklal ad iwet fell-as wedman ar lğib-is.

Ssneγ acemma Lpari, zedγeγ deg-s aseggas.
Wehmeγ ansi d-wwin isidiyen-iw.
Sεan aṭas sseg-sen?

Anagar yiwen-agi d-uγeγ.

Imawlan n tsedlist-a ur d-ttaγen ara s waṭas, am akken teẓiḍ tiγawsiwin zeddigen yuran neγ yettmeslayen s tagi-nneγ ur ttnuzunt ara akken yessefk.

Azul,

Bγiγ ad iniγ medden akk tteccḍen, γellṭṭen, ur yelli w'acu yellan deg-s. Lεib ma yeẓra yiwen iman-is yecceḍ, yettkemmil deg yir webrid...ah ya taγennant ah !
Awal-nni γef tuccḍa neγ tawacḍa wwiγ-t-id seg tmedyazt n Lewnis, ẓriγ uḥdiqen ad fehmen anamek-ines, ẓran amek yettkemmil usefru.
Assa ilaq a nemyaεqal d atmaten , '' ifuppa strumppi dinmi '' akken qqaren kra dagi.

Wi bγan ad ini kra γef tseqqult , telha neγ diri-tt, anṣuf yis melmi s yehwa .

S tegmat

Igerrez uḍebsi-nni "Baba" n Essaid!

Sliγ-as ula d nek...xas akken ur yettnuzu ara da di Kanada.
Sliγ-as ar kan n imeddukal. D Essaid u sen-t-id-yuznen!

Nettrağu melmi ad yeffeγ umaynut a t-naf a t-id-naγ!
;o)