"Alakay" d tasuqelt n tezlitt i tura terbaat n "Mes Aieux", i yettidiren di Kebek di tmurt n Kanada.

Tizlitt-agi ḥemleγ-tt ayen din !

Tizlitt-agi tzemrem as-teslem akken i tt-cennun nutni dagi :

http://www.youtube.com/watch?v=CKf7CrmqKvY

Tasuqelt-agi, aarḍeγ amek ar ad d-tili akken yelha, maca yewaar tikwal ad d-yeg wemdan tasuqelt i tiktiwin neγ tidyanin ur nuriz ara γer wayen yessen netta.

Surfet-iyi ihi si tura, ma tufam ur d-giγ ara tasuqelt swaswa kan ( la dγa deg yeḥricen ineggura ), imi akken i d-nniγ, tudert d wayen icuyben amdan, ur yaadil ara si tmurt γer tayeḍ.

Tanmirt akkw

Attan ihi di lxaṭer-nwen akw

Farida At Harun

"Alakay" 

Zik Jedd n jeddi-k, yaaya yefres tafarka

Bab-as n jedd-ik, yedha yekrez i s-d-yeğa

Teqqim-d γer jedd-ik, yaateb tefak-yas-d ṣaba

Mi d-tegwra ar bab-ak, yezenz-itt m as d-tawi kra

I kečč-ini a gma, anda akka i d-tegwriḍ ass-a

Ul-ik di ddiq yezwi, am unebdu am ccetwa

Tebγiḍ ad a tettekiḍ, γer wid yerwan saaya

Di tirga tettwaliḍ, tettuγaleḍ d bab n tferka

Zik sett n setti-m, acḥal i d-tesaa n dderya

Yemm-as n sett-im, terna-d netta-t annect-a

Ass-mi d sett-im, nnig krad ur d-tesaa ara

Ma d yemma-m ur kem tebγi, teğa-kem-id kan s tmara

I kemm-ini a wletma, taqbaylit-im anda  i d-tegwra

Tetṭfeḍ di tberranit, di nnekwa-m ur d-tecliaaeḍ ara

Igenni-m teddel-it tagut, imeṭṭ-im issenfel tiregwa

M ur m-tefri anda i tetteduḍ, teḍmaaḍ laanaywa n imezwura

Zik Jedd n jeddi-k, acḥal di lḥif i yesaadda

Bab-as n jedd-ik, ijmaa ṭmen anda i t-yufa

Ass-mi d jedd-ik, yegwra-d d amerkanti yerwa

Mi d bab-ak iwret-it, icuḥ-asen akw di lbanka

I kunwi ay ilmeẓyen, amek i sent-beddem i tlufa

Tameddurt akken i tt-tḍemaam, nan-awen ur tt-tuklalem ara

Times deg-wen i yekkren, d urfan i tt-ismendagen ass-a

D ayen i tkesbem i zenzen, amzun ur tettalasem ara

Lejdud n jedd-ik s iseγ i mmugren tudert-a

Imawlan n jedd-ik zegren-tt xas akken i leḥfa

Setti-k d jedd-ik ḥerzn ayen ur sḥafren ara

Imawlan-ik mi d-kkren xarṣum ufan-d i tmucuha

I keččini tura, anda teddiḍ ur k-yebbwi ara

Bru i ukukru i tlemdeḍ, amezruy deg-ek i yerğa

Ma tmektaḍ-d ansi i d-tekkiḍ, ad tafeḍ amkan-ik yella

Xas ugin ar d ad tiliḍ, ddu-yasen di nneqma !

Farida At Harun

Azul Farida,

Igerrez xilla xilla wayen i ḍurid.
Tanmirt-im af leqdic-im iwaken a tidir tutlayt yewk adles n tmaziγt

Samia d Mohand
Ottawa

azul farida,
TANMIRT, akken nnuγ tanumi dinna ceγwl-im iggarez! nfreḤ ayen din yis-m.
XOXOXO

tanemmirt a farida. tasuqilt tussa-d swaswa kan, nnican ;-)
nekk yehwa-yi weḥric aneggaru amek i tt-tekfiḍ... yecbaḥ

tura imi tegreḍ iman-im ar "tiggi" ihi nettṛaju tiyiḍ!
hakim

Azul,
Igerrez wayen akka d-γriγ. Ula d nek, deg wasmi yi-d-iceyyeε yiwen wemdakel-iw Ḥakim, tizlitt-agi, brikuliγ-tt s tagi-nneγ, ad d-iniγ xemsa waguren-ayagi tura. Nemgarad amek i s-nṛuḥ ; kem d tasuqilt (traduction) nekk d asquceḍ (adaptation) akken s-iqqar Muḥya.
Nek, di tazwara, xemmeγ-as i wsentel "dégénration", akken twalaḍ, s tefransist, yuγal-d wazal umeslay akken ilaq deg usefru !! Dγa, s teqbaylit, muqleγ amek ara d-afeγ tuccar deg umezruy imezwura-nneγ akken ad ẓdeγ asefru fell-asent. Ufiγ, tidett kan, imezwura-nneγ, yugar wanida ccḍen anida bedden, wagi d ṛṛay-iw : knan i wecḥal d amnekcam, lemden tutlayin nniḍen, ... ma yehwa-yam ur aγ-d-ğğin ara tamurt akken i tt-id-ufan, yal tasuta tsruḥ amur-is, yal tasuta teğğa di leḥq-is i wcengu tt-yugaren... Imi bdiγ ttxemmimeγ akka mačči ufiγ-as-d ixef-is i wesquceḍ usefru !! Ufiγ-d d akken di tucḍa-nsen i nettkemmil mim nekkni , imi ala tarewla d tuffγa ar tmura nniḍen i d-nufa d tifrat i yir tudert i d-newṛet ar imezwura. Ha-t-en kra yefyar :

Jedd-is n jedd n jedd-ik
Kksen-as tamurt Ṛuman
Baba-s n jedd n jedd-ik
D aεṛaben i t-id-yaεnan
Ikemmel-as jedd n jedd-ik
Ur ifaq s "Tuṛk" mi d-usan
Aneggaru d jedd-ik
D iṛumyen i t-id-yufan !!

Baba-k innuγ d iṛumyen
Akken ffγen yuγal yendem
D lmizirya i t-id-iṣaḥen
Tamurt ččan-as-tt yemcumen
Keč ass-a i d-ilulen
Tufiḍ-d tamurt tekkuli
Tettaṛguḍ am win yegnen ...
Ad s-tetṛasiḍ ar litṛanji !!

Jedd-is n jedd n jedd-ik
Ur tt-yettaru am Yefniqen
Baba-s n jedd n jedd-ik
Yelmed tinn-a n waεṛaben
Wis kan amek almi ar jedd-ik
Qqimen-d kra imeslayen
Yeğğa-yas-ten-id i baba-k
Ass-a γur-k i d-qqimen !!

Keč ass-a ad k-qqaren
Tamaziγt γur-k i d-tegra
Imeslayen i d-yeqqimen
Γiwel ḥerrez-iten s tira
Keč d taglizit i k-ixuṣṣen
Akken "lbiza" ad d-yeγli
Ad t-lemdeḍ kra imeslayen
Ad s-tetṛasiḍ ar litṛanji !!

Tamurt n jedd n jedd-ik
Tejbed almi d ṣeḥṛa
Akal n jedd n jedd-ik
s wallen ur t-iqḍiε ara
Akal-nni d-yufa jedd-ik
Ikrez s εecṛa n tyuga
baba-k mi ara yekrez amur-is
S uqabac iwwet iεedda

Keččini d warraw εemm-ik
Tettnaγem γef tlisa
Akken ad tessufγeḍ iẓẓan-ik
Yugi ad k-yeğğ ula lmitra
Asmi d-yerwi ufelγis-ik
Tefkiḍ-as yiwet n lbunya
Trefdeḍ tabalizt-ik
Dayen yewweḍ-d "lbiza" !!

Yeqqim-d amek i tt-kfiγ, tagi d tamacahutt nniḍen, ad tt-ğğeγ i wass nniḍen.
Surfet-aγ kan ma nexḍa, ar wayen i tessaweḍ tmusni-nneγ.
Alih filaman,

Azul a Akw Fellawen,

Tamezwarut Tanmirt a Zimu af tuγac-ik s umata. Tikelt tamezwarut sliγ-asent γer Ḥakim, seg wassen nuγal akw d les fan n Zimu deg wexxam. Ayen bγiγ a d-iniγ: mačči ala yiwet n tsuta i k-iselen. Nserll-as nekwni s imezyanen...mana ula d baba i qrib 50 i seggwasen iḥemmel tuγact-ik a yendin. Tanmirt :-)

Tisnat. Farida i nessen acḥal iseqqwasen aya, nuγ tanumi d leqdic-is aẓidan, aẓedyan....cfiγ am-assa asmi iγ-d-tebbwi tasuqelt n taγect-agi. Ihi farḥaγ aṭas imi walaγ sin inazuren i hemlaγ atas bedden γef yiwet n taγect. Di sin tamuγli-nwen tefka-d snat n tektiwin mxalafent maana ẓident. Afud ameqwran:
P.S A Zimu ma yella truhde-d ar Kanada ur nugi ara :-)

Djou-Djou (am taγect-nni n yiwen ucannay ;-)

Azul a Zimu !

Ar mi d ass-a i γriγ izen n Ḥakim i d-yennan : Σass iman-im !!! atan Zimu akem-id yeṭṭafar !

Ec-akin !! Zwareγ-k γur-es !

D aqesser kan i ttqessireγ a Zimu ! :)))

Igerrez wayen i d-γriγ ula d nekk...

Teẓriḍ, ass-agi : 27/11/2007 ttawiγ ttaraγ ger isefra-inu nekk, tizlatin n Lewnis akwd tid-ik keč. S waya i saaddayeγ akud mi d-ttuγaleγ si leqdic... adfel yekkat di beṛṛa.

Sliγ i tinna n wemdakwel acḥal n tikal... ula d nekk saaiγ yiwen akken...maca amdakwel-iw d winn-ik ...mačči yiwet n sen.

A wi ik-id yufan zdat-i, ad nawi ameslay akken ilaq γef ayen i γ-d-ğan, neγ ayen ur aγ-d-ğin ara imezwura...

Maca nekk aqli berraγ :) ... nekk d ''tabugaṭut''-nsen ...

Ma tebγiḍ, ḥess-as i usefru-nni anda id-ttmeslayeγ γef ''Usifi d iγerbalen''...

Iḍ ameggaz a gma.
Farida

Azul akk fell-awen,
Akka i ilaq ad nexdem, d timeḥzizwar akken ad d-nesquceḍ ayen yelhan i warrac-nneγ. Tella yiwet n tcennayt daγen a Farida yelha limer ad temuqleḍ amek ara s-id-takreḍ kra di cna-ines !! Tagi d Lynda Lemay, d axessar ay acḥal ḥawteγ amek ara d-squcḍeγ imi ccna-ines d ccna n tmeṭṭut d imeslayen-is γef wayen tettḥulfu tmeṭṭut ur yezmir ara ad ten-yaru wergaz am wakken !! Nekkni di ccna n teqbaylit tagara yagi, ekkes-d kan ayen tecna Ḥnifa, Crifa ... d Zuhṛa ... akk ticennayin am Newaṛa d irgazen i sent-ixedmmen imeslayen !! Dγa ma yehwa-yam nxuṣ di taluft-agi, ihi, ma yehwa-yam muqel san amek ara s-tekkeḍ i ccna n Lynda Lemay, amer ahat ad d-nespiri akken !!

alih filaman,

A ḥeqq n ddin n jedd n jedd n jedd n jedd ... n waεraben ar d iyi-iεğeb usefru-agi "jedd n jedd n jedd-ik" , tanemmirt-ik a Mass Zimu ! ula d nek gerneγ γef yinekcamen s umata ladγa ačraben.
bu ugernin

Azul d aḥmayan,
Afud amuqwran iwayen ukk d aṣṣawadem i tamazi&t.
Ilaq adafem acenay ar ayacnun imaslayen agi.

talwit xas ara yakat w adfel

xas akka akud ay teqes: zimu icennu ula d netta, li chosso ines d tibaḥanin, muqel kan zimou.fr neγ dailymotion.com/zimu

tanemmirt af laqdic aggi nwen,

atas i ferhaγ imi walaγ lblog aggi nwen,

afud i gerzen !

v&i& kan am-dini& tanemmirt ula d nekk hemmla&-tt atas tizlitt agi, imi d ttidett ayen id-qqaren, ufan-ed imeslayen ig-laqen i wakken ad-inin ayen yellan deg tmetti n le Quebec, imi atas atas n lxilaf id-yellan gar tmetti deg i nettidir lawan-a rakk d ttin n 50 n sna &ar deffir, imi simmal la tettveddil lihala. lama3na akken qqaren mkul wa at-i3in rebbi di c&el-is.
tanemmirt-im

ula- id-ini& igarrez, txedmed une adaptation c'est un travail tres prof. 100%.

Ḍeg w-assen mi tγaveḍ

Ḍeg w-assen mi tγaveḍ,
Avrid naγ yeεraq,
Tagmaṭṭ naγ tevḍa,
Tamurt naγ tegṛad,
I wid ur nuklal;
A dda Lwennas effkaγid tiγri,
Nḥud ayetm-ak, nḥud aṛṛaw-ik,
Aken ad nejjren avrid n lejdud,
Aken i teqared "di lhif id iṭvan w-argaz"
Atan lhif uγ yizgil w-ara,
Maεna, tiṛugza ni, tagmaṭṭ ni ....
Ṭunṭṭ, dayen ur zrin avrid ar-awin
Keč i llan di nna mllasen avrid ar-awin,
Mllasen avrid n tilelli, avrid n tagmaṭṭ,
Avrid n swav...
Ilaεna-yak mllasen avrid ar awin...
Mllasen avrid ar awin....Mllasen avrid ar awin.....

Massiva

Ḍeg w-assen mi tγaveḍ

Ḍeg w-assen mi tγaveḍ,
Avrid naγ yeεraq,
Tagmaṭṭ naγ tevḍa,
Tamurt naγ tegṛad,
I wid ur nuklal;
A dda Lwennas effkaγid tiγri,
Nḥud ayetm-ak, nḥud aṛṛaw-ik,
Aken ad nejjren avrid n lejdud,
Aken i teqared "di lhif id iṭvan w-argaz"
Atan lhif uγ yizgil w-ara,
Maεna, tiṛugza ni, tagmaṭṭ ni ....
Ṭunṭṭ, dayen ur zrin avrid ar-awin
Keč i llan di nna mllasen avrid ar-awin,
Mllasen avrid n tilelli, avrid n tagmaṭṭ,
Avrid n swav...
Ilaεna-yak mllasen avrid ar awin...
Mllasen avrid ar awin....Mllasen avrid ar awin.....

Massiva

Ḍeg w-assen mi tγaveḍ

Ḍeg w-assen mi tγaveḍ,
Avrid naγ yeεraq,
Tagmaṭṭ naγ tevḍa,
Tamurt naγ tegṛad,
I wid ur nuklal;
A dda Lwennas effkaγid tiγri,
Nḥud ayetm-ak, nḥud aṛṛaw-ik,
Aken ad nejjren avrid n lejdud,
Aken i teqared "di lhif id iṭvan w-argaz"
Atan lhif uγ yizgil w-ara,
Maεna, tiṛugza ni, tagmaṭṭ ni ....
Ṭunṭṭ, dayen ur zrin avrid ar-awin
Keč i llan di nna mllasen avrid ar-awin,
Mllasen avrid n tilelli, avrid n tagmaṭṭ,
Avrid n swav...
Ilaεna-yak mllasen avrid ar awin...
Mllasen avrid ar awin....Mllasen avrid ar awin.....

Massiva

am di yir targit kecmeγ

am di yir targit kecmeγ

mezyan

Ṣaḥit a gma

676767

bγiγ a d iniγ

azul fellawen