Ifaγ-k a ifil ! (en defensia propia) sγur Fernando Sorrentino seg tmurt Tarjentint, tasuqilt ar teqbaylit Amor REKIS

Ass n 25 di yulyu, εarḍeγ ad aruγ asekkil A s tmacint n tira greγ-as tamawt I yiwen uzumbil yersen γef tleṭṭaṭ n ufus azelmaḍ . Deg ass wis 27 yettban-d yerna teγzi tehri.Deg ass wis tlata n γuct, ddmeγ timisit tban-iyi-d ṣṣifa-s, yettban am akken d ifil amecṭuḥ. Ifil amecṭuḥ akk n ddunit maca d ifil s timmad-is. Iqqen ar uḍaḍ-iw seg traṭiwt-is tamecṭuḥt . γas iqqen, izga itteddu amek is yehwa acu kan tikli-ines teqqen ar tikli-inu d lebγ-iw .

S zzux, s tuggdi, s ukukru, saknaγ-t I imdukkal-iw . Wehmen akk, nnan-iyi-d dir-i ad sεuγ ifil deg uḍaḍ-iw, weṣsan-iyi ad ẓreγ amejjay n weglim . Ur d-asen sliγ ara, ur ẓriγ amejjay, ur uγaleγ aten ẓreγ nutni, qqimγ-as I ifil ttεasaγ-t mi yettimγur yettnerni .
Taggara n wayur n γuct, yuγal d ifil amecṭuḥ amelḥan, ini-is am iγiγden, annect n taḍaḍect-iw di teγzi, maca zuret cwiṭ fell-as . Zik tturareγ yid-s yal-ass . Tikwal ferḥeγ mi-s-ttedduγ di neqqma, tteskikiḍaγ-t, selmadγ-as ad ineggez γef tγawsiwin timectiṭaḥ: taqrast n ẓalamiṭ, aseslaf neγ tasemsut.

Imiren nniγ-as yewweḍ lawan as geγ isem, xemmeγ γef kra n ismawen iseḍsayen, yuγen tanumi medden asen semmin I ifil am Dumbo, Jumbo d Yumbo …maca mi εyiγ semmaγ-as kan : Ifil.

Laεzzaw mi ara seccaγ i Ifil . suzzureγ γef ṭṭabla iftaten n weγrum, iferawen n cclaḍa, tubbiten n imγan d iḥedran n cakula . Ifil ad imbarraz akken ad yaweḍ ar ucc-is maca ma ẓẓmeγ afus-iw, d awezγi at yaweḍ, sbegneγ I iman-iw d akken Ifil d tubbit –tubbit iḍeεfen – seg tfekka-w .
Kra n ussan kan iwweḍ Ifil annect uγerda, awen-t-id-iniγ kan, ur d-as zmireγ am zik. Taleṭṭaṭ-iw mecṭuḥet aṭas fell-as .Imiren mazal γileγ aγbel ameqran d anerni n Ifil . Faqqaγ macci d win kan mi yessaweḍ annect izimer, assenni ula d nek annect izimer I lliγ .Iḍ nni, d kra n uḍan iten iḍefren, γef tεabbuṭ-iw I ṭṭseγ, afus azelmaḍ berra ussu . Ifil γef tγerγert I yeṭṭes . syen ilaq-iyi ad ṭṭseγ udem-iw γef lqaεa, aqerruy-iw γef uraṭiw-is, iḍaren-iw γef uzagur n Ifil. Din din kan ufiγ d akken tacriḥt seg wammas-is berka-itt. syen, taraṭiw-is kan . sufella n traṭiwt-is id gwriγ, uγaleγ annect uzumbil, ur izmir ḥed ad iyi-iwali .

Imiren ugadeγ ad negreγ, ad qqleγ d aεeqqa kan n traṭiwt n Ifil . Zrin ussan tεada-yi tugdi-nni, uγaleγ tetteγ . Lemdeγ amek ara secceγ iman-iw, s tisigar, s imγan, s zerriaε, s ibeεac ur nettban .Aya zik, ma d tura ḥarraγ amekkan igerzen sufella uraṭiw n Ifil. γas akken liḥala-w ur tban ara, maca tura zemreγ ad ṭṭfeγ agerguc ad walliγ war ma ẓern-iyi inerzaf n walma n iγersiwen. Imiren, tban-iyi taluft. ẓriγ Ifil ibda yettiwzil .imdanen ttεadayen, ttaken tiẓiḍanin, γilen I Ifil kan imi d netta isen yettbanen, ur ccukten din I lliγ, ur d-as gren tamawt I wayen id yettasen, ayen yeqqimen yeffer si laεḍil ad iffeγ . ttḥulfuγ s iman-iw meqqrit fell-as, ifaγ-t .


Azumbil: lxana .
Asekkil : lḥerf .
Ifil: lfil neγ ilu .
Timisit : zdaj yesimγuren udem n tiγawsiwin .
Amejjay : ṭṭbib .
Ini : llun .
Taraṭiwt : tazaεkukt .
Tiγerγert : lqaεa.
Tasemsut : taγawsa is inseffeḍ ayen nura .
Agerguc : taligaṭut.
Alma n iγersiwen : zoo.

A.R 19/03/2006

Dear friends,
I saw my short-story about the elephant...
But, what language is yours? And what country are you from...?

All the best,

FS

hi,
I found your story in http://www.short-stories.co.uk/ and I liked it a lot . I decided to translate it into kabyle, which belongs to the berber (amazigh) group .
Kabylia is the homeland of the kabyles .
thanks

Tannemirt ay Amur γef tsuqqelt n tullizt agi n Ifil.
Ayen iyi ihwan aṭas deg-s d tilelli n tikti, d amrar ifka umeskar-is I wallaγ akken ad illem deg unnar aseklan. Akka I d asnulfu di tsekla: d tilelli war tilisa akw tikci n wudmawen n kra tγawsiwin s wudmawen imgaraden γef wid tessen tiṭ.

S tullizt-a aql-aγ deg umaḍal illan deg iqwerray n "at tsekla". Wammag amek ara yimγur yifil seg tḍadect n umdan alama erra yas tili? I sakin mi meqqwer amek I yuγal d aliluc I medden? Ayen sakin ameskar inwa yif Ifil d-ifγen seg-s, id-iskar?

Ar tagara akwen steqsiγ, dacu-t yifil-a? D tawekka nni izedγen amdan ittxemmimen? Neγ d udem n umdan I wumi mcubbakent?

Azul !

Tanmirt a Amur γef tullizt-agi i d-terriḍ γer Tmaziγt. Acki-tt!
Tesmekta-yi-d ciṭṭuḥ s teqsiṭ-nni n Micromega n Vulter !

lfil-nni akwd bab-is, d tamsalt-nni n uḥetmun ibubben abur.
Wissen lfil-agi d acu-t γer bab n tullizt-agi? Wiss-en ma icuba-t γer tudert i s-yefkan kra n wugur, ur yaaqil ara d ugur. Ur as-yefki ara azal, yiγil d urar kan! Ugur yettimγur yeqqar mazal armi qrib yesseblaa bab-is. Yessaweḍ armi, win-akken niqal ar a yessnegren, d netta i qrib ad yenger. Γer tagara, d allaγ-nni ur yesseqdec ara ass-amezwaru, ar a t-iselken ahat !?

Tansa

d asteqsi i yelhan aṭṭas a Mack, d accu-t ifil-agi?

nekk γef akken walaγ d tikti... tiktiwin ttγimant-ed xas bab-nsent iṛuḥ.... di tullizt-agi, tikli terra tili i bab-is.... tajmilt i wid/tid i d-yesnulfuyen! akka am Amur :-)

ḥakim