Faskan, d amdan iḥemmlen talwit aṭas, d yiwen iγuccen ma ad isel i yemdanen ttemcečawen neγ ttemčaqlalen γef kra neγ kra. Yiwet tikkelt iga akka ad yefru sin, yečča-tt-id s tεekkazt. Dγa yennuγna ugar γef ayen yenneqraḥ. Yenna d yiman-is seg imir-nni ad yennejli γef taddart-nni ines. Dγa yeddem aεekkaz yeffeγ si taddart. Teẓra-t-id yiwet tjeğigt tamecṭuḥt, tenna-yas: anida tettedduḍ akka a Faskan. Yerra-yas: ad nnejliγ γef taddart-agi nneγ deg yegget wemceččaw gar yemdanen; a d-nadiγ anda ur ttnaγen ara medden ad zedγeγ dinna.

Aḍris akken ma yella

Aḍris akken ma yella

Aḍris akken ma yella

TAZWART

Timucuha, neγ timεayin, ṭṭuqqtent deg timawit n Tmaziγt. Maca, yal tama n Tmazγa temmal-d tamεayt₁-ines akken-nniṭen, yal wa yemmal-itt-id akken i tt-yessen.

       Ger tamawin₂-ayi nefren-d yiwet taddart ger tudrin iγef d-nerza, tudrin-ayi d tid n Leqbayel n Berğ bu Σririj, yecban akka Ilmayen, Ijjeεfer, Aεeccabu, Tawrirt, Izzexnin...atg. Ulayγer a tent-id-nsemmi yakk, ṭṭuqqtent tudrin.

       Ad neṭṭef kan yiwet gar-asent, ad nfareṣ tagnit a d-nemmeslay akka fell-as, a d-nemmeslay cwiṭ γef taddart n Σeccabu n tγiwant n Teffreg, imi deg-s i d-nelqeṭ tamεayt-ayi i wumi semman da tamεayt n Felfla. Llan daγen wid i s-yessawalen Σeṣfur u Lehwa, wiyaṭ fkan-as isem-nniṭen.

       Ayen ara d-nini γef taddart-ayi icuba ayen yellan deg tudrin i s-d-yezzin. Ulamma γas, yal taddart tettwassen s kra i tesεa, yella wayen ara tt-iferzen γef tid-nniṭen...

Aḍris akken ma yella

Deg yiwet n taddart,llant snat twaculin; yiwet terbeḥ, γur-sen tafunast.Ma d tis snat ; rrbeḥ nsen d taγaṭ.Tamuγli nsen ala ar taγaṭ nni ; win tt-id-yerran si tyessawt irfed-itt wayeḍ!At tfunast nni ttqejjimen deg-sen:ar slaḥ kan mačči d tayuga ay tesεam yili wissen amek!!!!
Acu kan tafunast nni tugi ad tarew!Ma d taγaṭ nni ,llah ibarek,rnan γur-s sin yiγiden d yen kan! Timaẓẓagin-is tezzuγur-itent deg lqaεa deg wakken ččurent d ayefki!

Aḍris akken ma yella

Zik yella weγyul n dda Qasi n Tubirett yesdeḥdiḥ γef yiman-is, yettεebbi-yas mraw  ( 10 ) n tikkal deg ass ḥala ma yugi ad yeddem, d awezγi yella melmi s-yenna ay aqeṛṛuy-iw, εeggu ur t-yessin.

Imiren ula ma yili dda Qasi ger yemdanen yettqadaṛ nezzeh, γas ma llan ttmeslayen γef temsal timeqṛanin, ulac tagnitt neγ taqsiṭ ideg ur d-yessekcam ara aγyul-is deg umeslay, ḥala yes-s i yettlejlij.

Ass mi i tent-id-tenna tgecririt-is, γlin icekkaben-is, ur yezmir ara yakk i tuddma, ira a t-yezzenz neγ a t-yessufeγ seg axxam.

Yenna-yas i temγart-is: M´ur s-d-tefki ara twenza-s win ar a t-yaγen ngum amenzu n yennayer, a t-awiγ metwal Beclul, a s-ḍelqeγ, ahat ad glun yes-s waεṛaben-nni n Seṭṭif yeznuzun taεeṭṭaṛt. Ur stufaγ ara ad ttruẓuγ aqeṛṛu-iw amek d wacu i s-ar a yedder umerdiḍ-inna yerna d tagrest m-smaḍiḥ i d-iteddun.

Aγyul ageswaḥ γas akken γlin imeẓẓuγen-is, yesla-yas i bab-is dacu d as-yettheggi.

Yenna-yas i wul-is, γas akka d aγyul i lliγ, yessefk ad afeγ ttawil amek ar a rrnuγ ussan i d-yegran di liser. Ala, ala tudert ger Lεelma d Lyacir di tlemmast n waεṛaben isemmamen  ur d-rennuγ ara i uqeṛṛu-iw ( A win yeddan d win t-yifen ad yettεanad a t-yaweḍ, wamma win d-nemsawa, ulac wa ay refden wayeḍ)

Aḍris akken ma yella

Assmi tuḍen massa Ufella, tameṭṭut umeṛkanti ameqqran  n lεeṛc awaquṛ, akken kan twala iman-is tenteṛ, tetsawam-itt-id tmettant, tessawel i yiwet yelli-s tesεa, tesγam-itt-id γur-s γef yiri n wusu i deg tella teẓẓel, tenna-yas:

A yelli n tasa, ili-kem d taqcict yesεan anamek, ayen n dir akk xḍuy-as! Yakuc ad yili yid-m yal ass, ma d nekk a kem-id-ttwaliγ seg igenni, ad ttεassaγ fell-am.

Akken tessuli ameslay, bernent wallen-is, teẓẓel-as i tmettant deg irebbi-s, taγawsa tewweḍ bab-is.

Taqcict tessefqad aẓekka n yemma-s yal ass, tettru fell-as war cceḥḥa, teqqim daγen d tuḥdiqt tuγ-as awal.

Mi d-tewweḍ tegrest yessa wedfel am tmeḥremt tacebḥant γef uẓekka n yemma-s, akken d-tezzi tefsut, iḍall-d kan yiṭij akka acemma γef tmurt, iderrez-as baba-s tameγra n rcil, yewwi-d tameṭṭut terna tegla-yas-d s snat terbibin.

Aḍris akken ma yella

Ḥmiṭuc  d Duduc deg teẓgi n ṭlam

Tella yiwet n teẓgi n ṭlam s ddaw taddart n at Weεban, win a tt-ikecmen deg uzal qayli, ad teccirew yakk ṣṣura-s, ad iḥulfu s ucebbub-is yuli deg igenni seg rrebrab tessekcam s ulawen.

Dda Mira bu-yesγaren d tmeṭṭut-is Miγisa d warraw-nsen Ḥmiṭuc  d Duduc zedγen deg tlemmast-is. Dda Mira yettarra-tt ḥala i unegzum n yesγaren, maca amzun ulac dacu yettsami deg-sen, seg wakken temcubbak akk teẓgi n ṭlam am akken yal afurek yellan deg-s yesni γer wayeḍ.

Tawacult-agi n Dda Mira bu-yesγaren d taẓawalit almi d ayen, iεeggalen-is ur lḥiqen ara yakk iman-nsen, ula d aγrum aḥefrur ur teṛwin ara.

Yiwen wass ger wussan, akken d-tewweḍ tmeddit , yeẓẓel dda Mira bu-yesγaren deg teγmeṛt , yeṭṭef aqeṛṛuy-is yettnezgum, yuγal yenna-yas i tmeṭṭut-is: Amek ar a nekkes tura laẓ i warrac-agi? Nukni s timmad-nneγ ata yeṭṭḍ-itt mmi-s, ur d-yegri kra n weεwin i s a nemmager ussan xerṣum a nessebded tigecrar-nneγ”.

Aḍris akken ma yella

Yal taddart di tmurt-neγ tesaa amezruy-is. Yal yiwet d acu i wumi i d-cfan warraw-is. Iẓuran-nneγ ur as-knin ara i wakud-d i yaaddan, ur ddin ara am yiγden deg waḍu i d-yettsuḍun. Arğan kan aten-id-nessekfel, aten-nerfed, aten-nwali akken llan. Tirugza d yiseγ ttilin γer win-nneγ, yettağan allen-is llint mi d-yettsuḍu waḍu. Ur yettagwad ara iγden i d-yewwi yid-es a t-ismundel.

Ay-agi i d-iteddun, d yiwen n weḥric deg umezruy n yiwet n taddart deg tuddar n Iqbayliyen ...

Aḍris akken ma yella

Tamacahutt n Uhuskay Uḥric

 Tamacahutt agi sawalen-tt-id at –zik i warraw nnsen i wakken ad issinen tiḥerci n uhuskay agi.

Aḍris akken ma yella

Seg uḥeggan n Wakli, ḥmed ḥamum yufa lbenna I tira. Asurif-is wis sin deg unnar n tira igla-d s tmacahut-a n umqerqer d temqerqert. Zik lkanun d aγerbaz n teqbaylit, timucuha d timsirin. ḥmed ḥamum I d-ilhan d tira n tmucuha, ahat imi d aselmad ;

Aḍris akken ma yella

Sγur Ḥamid UBAΓA....
(Aselway n tdukkla Imedyazen)

Macahu!
Ad yeg Ṛebbi ad tt-yesselhu
ad tt-yeg amzun d asaru!

Yella yiwen yesεa sebεa warrac. Teddem tmeṭṭut-is tadist, yeḥdeṛ-d ad d-tarew. Heddṛen medden di tejmaεt, nnan-as:
-Leflani ad yernu γur-s weqcic, yerna atmaten-is di sebεa usmen, ur t-bγin ara.

Aḍris akken ma yella

Tella yiwet teqcict γur-s izimer. Tettawi t yid-s. Yiwen wass tṛuḥ γer tala a d-agem. Tewwi izimer nni yid-s. Armi tewweḍ ar tala, teqim ad tečaṛ aman. Taswiɛt terḍa-d. Teqim ar tettḥellil deg izimer nni. Tenna yas: “γur k ad teḥkuḍ i wexxam nneγ !” Izimer nni ittḍa, nettat tettḥellil deg-s, teqaṛ as :”ttxil-k, ur qqaṛ ara i baba; ad k fkeγ tazlegt. “Netta akk-nni ittḍa. Nettat ar as teqqaṛ:”ttxil-k, susem! Ɣur-k ad teḥkuḍ ! Ad k fkeγ amendil. » Armi i s tessels akk iselsa ines, teqim nettat ala deg yiwet tqenduṛt. Netta akk-nni irennu ittḍa. Ar tettru. Tṛuḥ-d.

Aḍris akken ma yella

Bṛiṛuc d yiwen uqcic amecṭuḥ γur-s tizimert. Yiwen wass issufγ itt ad tt ikes. Imi yewweḍ ar iciqeṛ, ikkat-ed ugeffur, diγen d-asemmiḍ ittṛuẓu tuγmas. Inna yas Bṛiṛuc i tzimert ines: “a tizimert yyaγ, a nuγal ar wexxam, Bṛiṛuc inγa t usemmiḍ.” Tenna yas tzimert ines:”ur ttuγaleγ ara, werɛad ṛwiγ tayessawt.” Inna yas Bṛiṛuc: “yyaγ naγ a s d γṛeγ i wuccen.” Tenna yas tzimert: “γṛ as-d!”

Aḍris akken ma yella

Azlaf n chawinet.com
Qqaṛen yya n zik hella qli n taǧalt γar-es tlata(kraḍ) n drari. Amečuk maẓuẓ i yiɛzizen fell as labas. Aytma-s ḥemzen s yis, xsen ad at weddṛen baca ad thennan s is. Ass deg wussan kkren nnan i yemmat sen belli umat sen maẓuẓ iqedd as ad yaf Lxedmet baca ad hen-ed iɛawen. Σla xaṭer sxuṣṣen labas.

Aḍris akken ma yella

Illa uzeddam γur-s sin warraw is, d-imeẓyanen, akk d tmeṭṭut is. Tameṭṭut is tehuski aṭas, d-tasekkurt i d ifka Ṛebbi deg-s.
Iṛuḥ iznuzu isγaṛen, ittawi-d ayen tetten warraw is d tmeṭṭut is. Armi d yiwen wass, tenna yas tmeṭṭut is: “ ay argaz, kečini la txeddmed fell-aneγ deg kraḍ(3) yid neγ, nek d warraw ik. Tura ur aγ d-ttqaddiḍ ara. Tura, iyyaγ, sebγ iyi, err iyi d-taberkant am taklit; ad ttedduγ ula d nek yid-k, ad znuzuγ taγeddiwt i waken ar a d-nettawi snat(2) tqaṛkucin i warraw nneγ; ma ulac, keč iman ik ur illi ara wayen ar a d-xedmeḍ.

Aḍris akken ma yella

Awetay yen, ass nha amaḍal n Aheggar, deγ akal yen gennan-as Kel Ukal, sensan full nneγ Kel Uhaṭ, illa deγ d ameẓẓaγ n Isqamaṛen, abaraḍ yen isem nit Amellan ila tamidit nit deγ Kel Uhaṭ, tameṭ teddiwet. Ahel yen ibukk ad-issikel ales n tameṭ taṛeγ. Illeγet amidi nit yen, inna-has : « Ku temmuseḍ amidi hin hullan, eg tayti i ihan-in, tameṭ taṛeγ ur tt fliseγ.»

Aḍris akken ma yella

Lemmer neẓwer am Geṭṭuc tilaq idles-nneγ amaziγ ur ireq ara yal ass d nekni nrebbex iγallen !

Tamacahut n Geṭṭuc

Amacahu!
Ad telhu!

Yella yiwen wergaz yezdeγ netta d 7 warraw-is berra i taddart.
Yiwen wass deg wussan yekcem γer taddart. Mi yewweḍ γer yixf n taddart, yesla i tteryel ttett at taddart yiwen yiwen. Argaz yebren s tizzli γer warraw-is, yenna-yasen: "A tarwa, attan tteryel ttett at taddart yiwen yiwen. Attan ad tessenger taddart. Ahat tezmer ad tuγal γur-neγ. Ekkert fell-awen a nerwel".

Aḍris akken ma yella

Brahim Zellal : Mḥend Uccen

(Le Roman de Chacal)
Adlis s teqbaylit d tsuqelt s tefransist yura Brahim Zellal

sγuṛ Amor REKIS


Uxeldun yennad d akken : « Imaziγen ḥekkun aṭas tmucuha limer ad asen yeqqim yiwen aten yaru ad yeččar geddac n yedlisen ».
Yiwen dγa seg yimaziγen yeqqim asen i kra yesufγed adlis s teqbaylit yesedda-yas tasuqelt s tefransist .Mḥend Uccen neγ ‘’Le Roman de Chacal ’’ amek is isemma, d adlis n tmucuha i-d yelqeḍ netta d mmi-s seg 1920 ar 1942 di tmiwa n At Σisi , Tizi Hibel, At Yanni d Iwaḍiyen.

Aḍris akken ma yella

Zik nni yella yiwen uderrab, iznuz tirgin, ittawi-d ayen tettett tmeṭut-is akk d mmi-s.Yiwen ubrid gummant a-s-nzent tergin. Ur yufa ra wa ar a-yaγen.Qimen i laẓ. Tekkr-ed tmeṭut-is tenna yas : « eddu ar tlematin ad-susiḍ tuga, a-d-tawiḍ dacu a-nečč ! Aqlaγ inγa-yaγ laẓ. “
Iruḥ, yewwi amger. Armi yewweḍ ar telmatt isla i temqerqurt tettettru. Yuẓa γur-s, yufa-tt deg imi n uzrem. Yenna yas uderrab deg ul-is: “yak qaren-aγ, win d imenεen yiwen seg imi n uzrem, a-t-id-isaḥ ugerruj.” Yewwet azrem nni s umger igzm-as aqerru-is.

Aḍris akken ma yella