Yal taddart di tmurt-neγ tesaa amezruy-is. Yal yiwet d acu i wumi i d-cfan warraw-is. Iẓuran-nneγ ur as-knin ara i wakud i yaaddan, ur ddin ara am yiγden deg waḍu i d-yettsuḍun. Arğan kan aten-id-nessekfel, aten-nerfed, aten-nwali akken llan. Tirugza d yiseγ ttilin γer win-nneγ, yettağan allen-is llint mi d-yettsuḍu waḍu-nni. Ur yettagwad ara iγden i d-yewwi yid-es a t-ismundel.

Ay-agi i d-iteddun, d yiwen n weḥric deg umezruy n yiwet n taddart deg tuddar n Iqbayliyen ... 

Tizi n temlelt d yiwwet n taddart n Yiflisen n lebḥar.

Telles-ed yelli-s n temγart n zikenni γef ansi i d-yekka yisem n taddart-agi. Tenna-k at zik qqaren-d belli yiwen n uqbayli iḥemmel yiwet n tanẓa (une sirène), yuγ-it.

Aaddan wussan, ar mi d ass mi i d-yeḥder ad terbu. Taadda tekcem axxam-is, tenna-yas I wergaz-is “ Ur yi-d-tabaa ara, ḥader anda I d iyi-d-ṭṭiliḍ ”.

Tazwara yuγ awal-is, yeqqim di beṛṛa. Yeqqwel ibγa ad iẓer d acu akka yellan, yaadda iḍal-as i tmeṭṭut-is si ṭaq.

Iwala-tt, mi d-tesaa yiwen dγa ad t-tečč, mi d-terna wayeḍ ad ternu ad t-tečč. Akken akken, ar mi d-tesaa wis saa (7), twala argaz-is yeṭṭilli-as-d, tedduqqes, tekker terwel seg wexxam, teğğa-mmi-s-nni γer deffir.

Argaz-is yerfed agrud-nni, yettabaa-itt ad tt-iḥellel ad d-tuγal. Nettat tettazal metwal lebḥar, ad truḥ.

Yettazal, yessawel-as, yenna-yas : “ Amek ar as-semmiγ ”. Tezzi-d γer deffir nenna-yas : “Mallul … Awer ak-timlul ”. Qqaren-d akka I d-yekker umezwaru n wedrum n Imallulen, s γur i d-yekka imar yisem n taddart n Tizi n temlelt.

Am akken neẓra, γer Iqbayliyen – neγ Imaziγen s umata – tiwaculin ttegen-asent isem γef wergaz, mačči γef tmeṭṭut. Meḥsub, ma tezweğ yiwet, arraw-is, xas ssawalen-asen arraw n flantegga, maca isem n wedrum-nsen yurez γer twacult n babat-sen, mačči n yemmat-sen.

Ihi, tella yiwwet n tmeṭṭut n wedrum n Imallulen, I yzewğen γer temnaṭ-nniḍen n tmurt n Iqbayliyen. D acu i yessewhamen, di taddart-agi wuγur I d-tezweğ, tawacult-is nettat d wergaz-is – dderya-nsen - ssawalen-asen medden Imallulen, γef yisem-is n imawlan-is nettat, mačči γef imawlan-is netta !

Ass-a, ineggura I d-yettlalen, xilla I yγilen belli qqaren-asen imallulen γef babat-sen, yuγ lḥal γef yemmat-sen isen-qqaren akka !

Teswir-agi tettwakkes-ed si : www.csdm.qc.ca