TIMEẒṚA^[1] N WEMYAG

Taqbaylit temxallaf af tutlayin nniḍen di tseftit ama di talγiwin n
yemyagen ama deg yemqimen i nseqdac. Timeẓṛa i nessen di teqbaylit
mačči dayen yesεan agdazal² akk di tutlayin nessen. Di teqbaylit, nseqdac imyagen i weglam ^[3] . Tikwal amyag azal-is, d azal n tigawt ^[4] af tikkelt. Imi taqbaylit d tagelmawt ^[5], timeẓṛa-s teddunt ilmend n wannect-a.
Ma yella neṭṭef talγa-ya : kečč ţţafeg (amyag « afeg » yeftin ^[6]
ar wanaḍ ussid) a ţ-naf belli temxallaf af telγa-ya : kečč afeg.
Talγa tamezwarut nezmer a d-nini belli d tagdazalt akk d tmeẓra «aoriste intesif » n tegrigit.
Ulac timeẓri « imal » di teqbaylit akken i ţ-nessen di telmanit neγ di tefrensist. Dda lmulud isemma-yas akka maca ma yella negra belli «imal= future », a neḥṣel.
Walit kan snat tefyirin-a :
Izri : heggan-as-d imensi ad yečč , yeğğat-id akken.
Imal : Azekka ad yečč di tmeγra.
« ečč » yefti ar wurmir (imal) : nezmer a t-nseqdec deg yezri neγ deg yimal.
Af wannect-a i nekkes imal nbeddel-it s wurmir.

ALUGEN: i lmend unamek, yal amyag γur-s 6 n tmeẓṛa.

1. ANAḌ ^[7] : m’ ara s tiniḍ i walbaεḍ t ad iger
kra (yiwet n tikkelt kan). Deg wana neţmeslay i win, tin,wid d tid
yellan tama-neγ [kečč, kem, kunwi, kunemti]
m.d.: - meslay tutlayt-ik[m].
-Beddet af warraw nwen.
- Cebḥemt taggniţ.


2. ANAḌ USSID ^[8] : m’ ara s tiniḍ i walbaεḍ ad iger kra (aṭas n tikkwal) :

m.d :- ţmeslaytutlay-ik (yal ass).
- ţbeddat af warraw nwen.
-ţcebbiḥemt tagniţ.

                Neţsiliγ anaḍ ussid :

- s wezwir n wewṣilen ţţ, ţ(e) neγ t(e) :
(ddu) ţţeddu,
(afeg) ţţafeg,
(ezzi) tezzi.
- s tmerniwt n yiwet n tergalt : (ẓer)

ẓerrem, (ger) ggar.

- s ubeddel n yiwet teγri : (ssken) sskan.
- neγ s 3 ayaki yezrin.

g.t.
--Ma yili usekkil amezwaru d targalt, nzeggar-as kan yiwen usekkil ţ :ţrus, ţnadi.
--Ma yella usekkil amezwaru d taγri, nzeggar-as s 2 isekkilen ţ : ţţafeg, ţţaddam.


3. IZRI : d tigawt yezrin(iεeddan tekfa).
Meslayeγ-d di temsirt yezrin (c.f Amyag) af yemyagen inezmaren akk d yemyagen inammumen, nenna-d :
Ar yemyagen inammumen, talγa nsen deg wurmir ur temxallaf af tin n yezri. Ma d imyagen inezmaren, talγa nsen deg wurmir temxallaf af tin n yezri.
m.d. Smizγeγ, ḥemleγ(ad ḥemleγ), nekcem (a nekcem), swiγ( ad sweγ)...

4. URMIR ^[9]: D tigawt taḥerfit. Akken yezmer ad imel izri, yezmer daγen ad yessken
imal ^[10] .
Urmir ur t-nseqdac ara weḥdes. Nzeggar-as(zwir) dayem azermyag ^[11] ‘’ad ’’. “ad” nrennu-ţ ticki nexsa ad nmeslay af yimal, neγ af wayen [nella] neţmenni[t].

5. URMIR USSID^[12] :am akken deg wanaḍ ussid, Urmir ussid yesselkam tigawt yeţεeṭṭilen(yeţdumun deg wakud), i d-yeţţuγalen...

        - Nek kerzeγ tamurt-iw (aseggas yezrin), nek kerrzeγ tamurt-iw(yal aseggas)
        - Nwala-ten mi neẓrurḍen (send id’elli tameddit),

neţwali-ten m’ ara d-εeddin (tal tameddit),

- Teţruḥu t-ţuγal-ed,
- Iteddu am ujeḥl(n)id’ uyaẓid’…


6. AMAΓUN^[13] d ameskan n wemyag. Ur ifetti ara ilmend n yemqimen udmawan.
Tal timeẓṛi γur-es amaγun-is.
m.d : amyag afeg

Izri
-->;Ilaw^[14] : nek yufgen, neţţat yufgen, nukni yufgen....atg.
-->; Ibaw^[15] : nek ur nufig, neţţat ur nufig….

Urmir(ulac γur-s amaγun ibaw waki)
-->;(ara) yafgen
urmir ussid
-->; ilaw : yeţţafgen
-->; ibaw : ur neţţafeg

---



¹ aspect
² équivalent
³ description
⁴ action
⁵ descriptive
⁶ du verbe "Fti"= conjuguer
⁷ impératif
⁸ impératif intensif
⁹ aoriste
¹⁰ futur
¹¹ préverbe
¹² aoriste intensif
¹³ participe
¹⁴ affirmatif
¹⁵ négatif

AzuL s umata i wid i qqedcen deg uzzeT'a yagi u tannemirt yemden 'umenay'gar Ticcaw ,asteqsi innu:accimi amaYun ur iFetti ara iLmend n yimeqimen ?.- Azn-it limmer axir i turid'(Azen)!!!

azul,
Asteqsi inu ghef weskil "ţ" ghilegh askil-agi yettwakkes, yughal d "tt"... Tura ma d tidett yettwakkes weskil-agi "ţ", amek ar a naru "ţţafeg" imi d "tt" yerna yessed ihi ad d-yeffagh "ttttafeg", yella wugur daggi negh ala?

Azul fell-awen
I Hakim:
- asekkil "ţ" neţţaru-t "tt" di internet. Akken ţwaligh deg yedlisen n tjerr'umt, mazal seqdacen-t.
Imesli-ya yugget di teqbaylit, ma yella nekkes-it...agh-d-iban wayed' n weghben, am deg imedya i d-iwid'.

I Massiwes
tanemmirt s tussda af usebghes nnek.
Asteqsi-ik macc'i d win fessusen i wakken ak-in-fkegh tirirwt.
Dda lmulud isemma-yas Amaghun...acku ur ifetti ara ilmend n yemqimen.
--Tamawt i d-gid' daghen s wazal-is: "azen" deg wadeg n "azn-it", atan ihi ma yella yesla-yagh-d Wansen ma yezmer a t-iseggem dgha xas.

Tamawt-nni yeqqaren belli yessefk ad naru "tt" zdat n teghri akw d "t" zdat n tergalt d ayen yessewhamen! Anida tufam alugen-agi?
Ma yella T d ussid ilaq ad yili d ussid s tira u di yal talgha!

Tzemred' a tt-tafed' deg wed'ris n Tjerr'umt n tmazight tamirant (K.A-Zerrad)

azul yal
g tazwara ya demmlagh asebter nnwen yezoam guda d semded abrid nnwen an zzat.
uwwa(agma) amnay netc sugguragh f imyagen n tantala n taqbaylit yal sisen
kan gherwen g adlis agma nnkitit g tansa nnu yed:
Ifrinnefusa@hotmail.com

tanemmmirt agma
madghis-libya

deg uma3un amek ara n- aru amyag zzde3
i izzed3en ne3 izzed3en ne3 igzed3en

Amaghun n wemyag Zzdegh yettwaru akka:
Izri
--> Ilaw: izedghen
--> ibaw: (ur) yezdighen

Urmir:

urmir ussid
-->; ilaw : izzedghen
-->; ibaw : ur izzedghen

Azul
Deg tazwara, yewwi-d fell-agh ad d-nini tanemmirt i kecc imi tefkid-d kra seg lweqt-ik akken ad tged timsirin s tmazight ghef tmazight.
Qqaren s teqbaylit "Lecghal n taddart meqqrit, nekni mezziyit"; Amer yal yiwen iran tamazight ad yefsu ujejjig-is, ad d-yefk cwit n tmughli i tsekla d tira, ahat nessawed.
Bghigh ad d-ssutregh yiwen n useqsi. Deg temsirt n tmez'ra, mi tt-ghrigh, yettban-iyi-d lhal amzun, nessexled' gar tmez'ri d talgha n umyag.
1. Talgha d tin yettbeddilen seg yisental ; isemma-yas A. Rabhi "Askim". I yettbeddilen seg usentel n yizri gher win n wurmir deg umyag afeg, d tighri. Md. afeg yUfeg ad yAfeg.
Llan yimyagen ur yettbeddil ara uskim.
2. Ma yella d timez'ri, d anamek macci d talgha. Anamek yettak-it-id umyag deg tefyirt ilmend n wakud.
Md. Tugh yella deg uxxam.
Yella deg uxxam id'elli.
Amyag s yiwet n talgha, d tin n yizri. Ma d anamek ibeddel imi yezwar umalal "tugh" deg tefyirt tamezwarut.
Tikelt i d-iteddun ad swejdegh tamsirt ghef talgha d tmezri n umyag, ad tent-twalid.
Tanemmirt. Djidjou

Azul a Djidjou!
Ma lakra yellan ghur-ek, xas azen-d!
Nek mazal tt'fegh di "tbadutin-nni" n dda Lmulud. Timez'ri akken tettwalid', tettwaks-ed seg wemyag "z'er", ahat daya i yeqqnen anamek-is ar "aspect".
Maca yettban-iyi-d dakken azwel-a meqqer; talgha akk d timez'ri.

Aql-in ihi ttradjugh iznan-ik a Djidju!
Ar tufat

ΓΓΣČḌĞḤṚṢṬẒẓṭṣṛḥğḍčεγ

Askeεrer d zzux ulayγer a yaselmad n "ccilmun".
Ulayγer tiyita deg yemdanen ur tessineḍ ara a "yaselmad". Wissen amek ara a teḍru d inelmaden-ik ma yella akka i tgiḍ?

Igduden ttaẓen ar zdat afus deg ufus, wa yettḥadda γef wa, nekkni, mi yessen yiwen sin iqewqawen, ad isers akasan γef wiyaḍ. Amzun d netta i d-yeṭṭfen igenni.
Ala win izemren a s-yerẓ ifadden i wiyaḍ. Mi yessen yiwen sin iqewqawen ad iseγli adrar γef wiyaḍ. Nzan yemdanen γef ulac seg tismin akk d ukasan.
Aya neẓra-t DA, ur itekk ara deg wesmel n www.imyura.net. Wi tt-yenwan n tmenyik, xas ad imuqqel abrid nniḍen.

Ur iy-iγaḍ ara lḥal γef imeslayen-ik a "yaselmad", imi ur ttewwan(bb) ara: d tismin kan akk d ukasan i yessiwzagen tufaṭ-ik. I y-iγaḍen d wid-nni imu "tselmaḍeḍ" .