AMYAG

Di tmeslayt taqbaylit, ugten Imyagen, ala nutni ma yella nezmer ad d-nini. Γur-sen azal meqqren deg usileγ² n tefyirin.
Aṭas n yesmilen i yesεa wemyag di teqbaylit, imyagen i nseqdac i wakken a neglem isem (neγ ameggay) ; wiyaḍ neţawi-ten-d ilmend a neglem tigawt. Imyagen inezmaren (wi ur temgarad ara tseftit ger yezri d wurmir, imyagen inammumen (wi temgarad tseftit nsen ger wurmir akk d yezri)
Di teqbaylit, nezmer a d-nsileγ ayen iγ-yehwa n yemyagen s usenṭeḍ n kra n yews’ilen ar yemyagen. Sečč, Myečč kkan-d seg wemyag Ečč. Nsilliγ-d neqqar imyagen izelman³.
A sent-nruḥ yiwet yiwet kan, a s-bduγ s yiwet n tbaduţ d tamecṭuḥt.
   

        Tabaduţ ⁴   
        Dda lmulud yufa-ya-d tabaduţ iwilmen i wemyag : » Amyag d awal ifettin i             lmend n wudem d tmez'ri ».

• Di tjeṛṛumt, nezmer a nselkem sin n waggayen n yemyagen : Imyagen imugna  akk d imyagen n tγara.
  

1. Amyag amagnu : Yemmal dacu yexdem umeggay.

• md. : yeffeγ weqcic, tenher aγyul, bedden γef iqerra nsen, iḍelli yerzef  ar   iḍulan-is. Llan  Aṭas n wiyaḍ n yemyagen, nezmer ad nader : zmer, ddu, ḥemmel, γli, atg⁶...

2. Amyag n tγara: Yemmal amek yexdem umeggay.

•   md. : teţnerni  teḥdayt almi tewweḍ d tameṭṭut, Simmal yeţnerni simmal  yeţiğhid, yugar ucerrig tafaweţ… Ţţimγur, Ţnerni, Ssemẓi, ugar...

g.t. Amyag n tγara deg unamek-is am werbib⁷ immal amek tga tγawsa.

Ismilen n wemyag
   Di teqbaylit, llan sin n yesmilen n yemyagen : amyag anezmar¹⁰   akk d         wemyag anammum¹¹

1 Amyag anezmar: γur-s taseftit n yezri¹³ ur temxallaf ara γef tin n             wurmir¹⁴. Γef umedya :
    izri : nek kecmeγ
    urmir : nek ad kecmeγ

2 Amyag anammum : γur-s taseftit n yezri temxallaf γef tin n wurmir.       Γef umedya :
    izri : neţţat mellulet
    urmir : neţţat aţ-imlul [ad timlul]
    Tafelwit-a d akessar kkseγ-ţ-id seg wedlis n Naït Zerrad :
    akk d wemyag anammum
Tafelwit n yemyagen inammumen & yemyagen inezmaren

acḥal-aya i bγiγ ad d-iniγ kra γef temsirin-a maca ttarraγ-tt seg wass γer wass, ass-a nniγ-as ilaq ad d-iniγ kra.
Tamezwarut tanemmirt ay amnay γef leqdic-a.
Tis snat , tira (la notation) n tmaziγt temmug i wakken ad naru yes-s tantaliwin (les dialectes) akken ma llant, temmug i wakken ad tesdakkel ayen tebḍa timewt ( l'oralité), yelha ihi mi ara naru awal ad t-naru d tayunt temmed ( unité entière) ur t-nettaru d azgen, γef waya ihi ay amnay llan kra n wawalen ttuγalen-d s waṭas ttwarun d izegnan amedya :
af < γef (Xseγ ad rnuγ awal af yemqimen < Xseγ ad rnuγ awal γef yimqimen, )
ar < γer (yewsilen ar yemyagen < yewsilen γer yimyagen)
a < ad (nezmer a d-nsileγ < nezmer ad d-nsileγ)
Tis kraḍt, yelha lamer deg tazwara ad d-tefkeḍ tabadut n wurmir imi anagraw amyagan n tmaziγt ( système verbal ) ur yebni γef wakud. ( urmir < war imir = war akud)