IWṢILEN


IwṢilen n yisem akk d wemyag:


Amqim udmawan yezmer ad yili yenṭeḍ akk d yisem s tjerriḍt n tuqqna, neγ weḥdes di tefyirt.
Imqimen udamwanen am: Nek , kečč, netta(t), kunwi, nutenti... Wiki ad uγaleγ ar γur-sen di temsirin d-iteddun ar zdat.
Tura ad εerḍeγ ad meslayeγ af yewṣilen.
Kra n imedyaten

axxam-iw, ayla-w,agamabar inu
Aẓar-ik, ayla-ik ayla nnek,...
tamurt nsen, tikkessiwin nsent, abrid nwen,...

Ayγer kra n yewṢilen nrunna-yasen tajerriḍt n tuqqna wiyaḍ ala?
--Γef wakken i d-yenna K.Naït-Zerrad, nrennu tajerriḍt n tuqqna ’’-’’ ma yella wewṢil d awezlan akka am : k/ik, w/iw.
Arnu daγen af waya, ma yella wewṢil ur yesεi-yara anamek weḥdes, yessefk a ten-nsenṭeḍ ar yisem s tjerriḍt n tuqqna. ’’Axxam-iw’’ neγ ’’axxam inu’’ : “inu” yesεa anamek xas ma yella weḥdes di tefyirt. N win' it-ilan wedlis-a? Inu! /d ayla-w!

Ayγer i nrennu asekkil “y” zdat n wewṣil?
--Da daγen, llan-d kra n ilugan i t-id-yessegzayen :
“Ma d-mlilent snat tergalin neγ snat teγra ger sin yismawen, nrennu-yas “y” i tis snat: ayla-w /ayla-yiw, agella--m / agella--yim.”

Ismawen n timarewt
Ismawen n timarewt γur-sen iwṣilen d imaẓlayen. Amqim udmawan n wasuf amezwaru ula γur-es awṢil n timarewt, nettaru akka:
mmi, yelli, dadda...
Imqimen udmawanen nniḍen, n teqqen-asen awṣil s tjerriḍt:
yemma-tneγ,
gma-s,
weltma-tkent,
baba-tsen
xalt-tkent,
dadda-twen


IwṢilen n tenzeγt
--Iwṣilen amek bγun ilin, neṭḍen ar tenzaγt s tjerriḍt.
Tinzaγ iselkamen iwṣilen d ti:
deg; seg; γur; yid; zdat; deffir; nnig
Ma yella d asuf, tezga teγri tilemt ”e” zdat n yewṣilen :
zdat-(e)s, γur-(e)s, γur-(e)k.
--Tinzaγ “fell, ddaw, ger” sselkament iwṣilen irusrad: fell-asen, ger-awen.

--Tinzaγ “i” d “am” sselkament imqimen ilelliyen: am nekkni, i kečč.
Iwṣilen n wemyag
Llan sin n waggayen n yewṣilen n wemyag: Irusrad d usriden.
I wannect-a, ad qneγ tafelwit ilmend a tt-gzim aya. D tafelwit id kseγ seg wedlis n Naït-Zerrad:

IwṢilen usriden
ASUF
Nek : (i)yi ----->teğğa-yi, trewl-iyi
Kečč : (i)k
Kem : (i)kem
netta : (i)t -----> tuγa-t,tesrewl-it
nettat: (i)tt
ASGET
nekkni : γ/aγ/yaγ/naγ/anaγ/yanaγ
kunwi : (i)ken ---> yekkat-iken
kuntwi : (i)kent
nutni : (i)ten
nutenti: (i)tent ---> tesmexl-itent

IwṢilen irusrad
ASUF
Nek : (i)yi/yi
Kečč : (y)ak /k
Kem : (y)am /m
netta : (y)as/s
nettat: (y)as/s
ASGET
nekkni : γ-aγ-yaγ-naγ-anaγ-yanaγ/γ
kunwi : (y)awen/wen
kuntwi : (y)akent/kent
nutni : (y)asen/sen
nutenti: (y)asent/sent





amawal
awṢil/iwṢ̣ilen = affixe
tajerriḍt n tuqqna = tiret d'union
amaẓlay = particulier
yessefk = ilaq/il faut
amqim udamwan = pronom personnel
arusrid = indirect
usrid = direct

azul,

tennid'-ed belli ma yella wewqim aws'il yes3a anamek wah'd-es ur ilaq ara a t-nsent'ed' ar yisem. ihi d iws'ilen n wasuf kan ima ar a nxeddem ajerrid n tuqna? [ -iw, ik/im,-is]? Ur zrigh ara ma d Mass Kamal Nait Zerrad i d-yennan akka negh tura akka akw i ttarun?

Dighen walagh tferqed' iws'ilen ghef kra n yeh'ricen, ah'ric-nni " Ismawen n timarewt" d accu i yemgaraden deg-s d "t" nni kan i yella deg wemkan n "n". " tamurt Nsen", "yemma-Tsen"...ahat waggi d ttbut belli "n" negh "t" ur yettiki ara deg wemqimen-nni,(yemma n sen??)

Ahat di tira , d ajerrid' n tuqna akw i deg yella wugur ameqran i wid ilemden tamazight, ma yella wamek ad d-nughal ghur-es sya gher

tanmirt si tura,
hakim

sya gher zdat! (ur d-fukegh ara ameslay zgelli :-)

Azul a Ḥakim!
Tamawt i d-griḍ s wazal-is. D tidett, azwel-a n tjerriḍt n tuqqna mačči dayen fessusen i tigzi. Ayen i d-dmeγ di temsirt-a, dayen fuγef yeqdec aṭas mass S. Caker, Naït Zerrad yerna-d/yerra-d azal af waya deg wedlis-nni ines aneggaru.
γur-ek azref deg wayen i d-tenniḍ maca iwṣilen n wasuf, llan wid yettwarun s talγa tawezlant(-iw / -ik / -im).. llan wiyaḍ ttwarun s talγa taγezzfant; inu, inem/nnem, inek/nnek..
Axxam-iw -/- axxam inu
Ayla-m -/- ayla inem...atg.

Ihi i wakken a d-rnuγ af wawal-ik/wawal inek, ad iniγ dakken, tajerriḍt n tuqqna tettwakles ger "yisem d wemqem" ma yella ur tselkam ara anamek di tefyirt.
N win i t-ila wexxam-a? Inu!
negh s telγa nniḍen akka:
N win i t-ilan wexxam-a? d axxam-IW.

Ismawen n timarewt dayen i d-leqḍeγ ar Naït Zerrad. Di tazwara, lliγ ula d nek ttaruγ akka: Yemmat-neγ, gmat-nsen.(neqqar Tagmatt, tayematt, taweltmatt..)
tettban-ed temsertit ger t-n...γef waya nuγal ntekkes asekkil "n".
Dacu yemgaraden akk ger tira-ya akk d tinna nniḍen:
"Ismawen n timarewt" neεreḍ amek a sen-nger talγa tamaz'layt i wakken a d-nwelleh dakken nettmeslay af "twacult". Nettaru "yemma-tneγ" deg tesga n "yemma nneγ".

Tella daγen temsalt nniḍen anda temgarad tira n tzelγiwin n wayla (possessif).
-Axxam nneγ ( tazelγa n wayla: da ntessed af usekkil "n")
-Gma-tneγ (amqim udmawan: da ur ntessed ara af usekkil "n").
-Ger-aneγ/ Ger-awen (am uneggaru-ya: amqim udmawan...)

Ad yili wesqeredec af waya deg wussan i d-iteddun.
Ar tufat

Ayγer ur nettaru ara ismawen-agi n tyessa d yiwṣilenn nnsen deg yiwet n tayant?
Pouquoi ne pas écrire les noms de parenté avec leurs suffixes en une seule unité?
Sγur umeddakkwel nnwen Iṭij si Lmeṛṛuk.
Amayel: azaxmam@yahoo.fr
afud ameqwran i Yemyura nneγ!