Timenza  
  • Liz aventir n dda Qiqi
  • Taqbaylit : Aseẓreg n yedlisen n Salim Benkhelifa
  • TIƔWIST TANEGGARUT...
  • Γurwet wi nettut !!!!!
  • Ilmend n wass agraɣlan n yemrayen (14 furar) neɣ « saint Valentin »-Journée mondial des amoureux.
  • Tafaska n Mass Valentin (St Valentin) : 14 deg fuṛaṛ
  • tiɣri i usenfar (projet) : l´opéra s teqbaylit
  • Asmuḥyet n "Mathilde" - J. Brel - - Sεid At Mεemmer -
  • Amattak amecṭuḥ Asmuḥyet n "Petit pédé" - Renaud Séchan - ( Sεid At Mεemmer )
  • Tikti d tmetti taqbaylit
  • Agzul usarag "Amzgun d yelmeẓyen" n Waqbu (Yulyu 2014)
  • "Kimi Wa Pet" amanga n "Yayoi Ogawa" s teqbaylit
  • AKRAREN (Rezki Rabia)
  • BU TMELƔIƔT D BU TSELƔIƔT
  • Tafsut Nni
  • TIYERSI : ammud n yisefra n umedyaz MESƐUDEN Fahim yeffeɣ-d ass n 1 di maggu 2014
  • Tamacahut n yitran II
  • Lvachir Vouchlaghem - Ayen Akka
  • Creḍ ulawen qeblen
  • Deg wezniq-nneγ
  • A Reppi ttxil-k serreḥ-as-d i waḍu!
  • Tifranin ɣef tewwurt, idammen ɣef umnar!
  • "Di lǧerra-k ay awal" adlis n Murad IRNATEN yeffeγ-d tura di teẓrigin Lulu.com
  • Tukkist si "Winna kan d wayla-s" n MAX STIRNER
  • "Feṭṭiwej, Tamacahut n tbelfeḍt war afriwen" tamacahut n Djidji Nait teffeγ-d tura di teẓrigin Lulu.com
  • Ça va pas non !!!!
  • Izem d tsedda
  • A saɛid ulaɛmara
  • L. Lionni s teqbaylit d tunṭict n Nnewal i warrac d tullas-nneγ
  • Aneɣrim
  • TASKELMUḤYET TAMEGGAZT !
  • Tamacahutt s ddaw yitran
  • Apupi ukkarṭun di Laturifal !
  • WISSEN MA D YEMMA-S NEΓ D YEMMA (Rezki Rabia)
  • Tamacahutt n tuḥdiqt
  • Uguren yakk d tifrat (ahat?) n tmurt n Yeqbayliyen
  • Tagi d Sunna
  • Arraz Belɛid At Aɛli
  • Sεid at Mεemmer di BRTV
  • YUḌEN WEZGER, QQDEN AƔYUL. (Racid n Tiγilt)
  • Amdakkel-nni (Crif Wanuɣi)
  • TIQBAYLIYIN
  • Si tefsut n 1980 ɣer tefsut 2013
  • Mimmic d Lulum
  • Ma ur d yezwir winnik,wayed ur k-isenttaray!!
  • Warek d Wasin
  • Tamγart d teslit-is...
  • Iswan n tfaska n tmedyezt n teqbaylit/tamaziɣt ADRAR N FAD, Ayt Smaɛel (Bgayet) : Tamuɣli n yiwen n uɛeggal n tseqqamut
  • D SSALIMA !
  • D acu i teswa ddunit ?
  • spacer
     

    | | |

    BU TMELƔIƔT D BU TSELƔIƔT

     Ǧamal  BENƐUF

     

     

    BU TMELƔIƔT D BU TSELƔIƔT.

     

     

    I umaru-amedyaz-nneɣ ameqqran: Sɛid AT MƐEMMER.

     

     

     

     

     

     

     

    Agzul :

     

    Tadyant n tmezgunt-a tebna ɣef yiwet twacult, ladɣa sin iɛeggalen seg-s. Amenzu deg-sen d Bu tmelɣiɣt. D netta i d aqerruy n twacult, d imḍebber zuni. Maca, d acu ara d-yekken seg wuzlig n wallaɣ, ɣas ma d bu umelɣiɣ i yella? Wis-sin d Bu tselɣiɣt, d mmi-s n gma-s n Bu tmelɣiɣt, yekker-d d agujil. Akken i d-ldint wallen-is, tenna-yas ddunit ṭṭef ɣur-k! Ssya d ɛemmi-s yedda-tt fell-as, acku ur yessaweḍ ara ad yerr tameṭṭut n gma-s d tislit-ines, temmut mi teṭṭef s waddud n Bu tselɣiɣt. Yeṭṭef-as-tt d tuḥsift alammi i t-yessuseq seg wexxam. Di taggara yeffeɣ-as leɛtab ɣer tafat i Bu tselɣiɣt : yekfa fell-as ucali n lɣerba, yeḥla si tiferḍest i iselɣen ixef-is, yeḍḥa-d d amerkanti, yerna yeḍḥa-d s tmeṭṭut-is i s-d-yessunṭec umeddakel-ines Mqidec Bu lehmum.

    S Bu tselɣiɣt-a dɣa ara nissin iwadamen-nniḍen: Amuḥuc, Azeddi-Muḥ, ameslub n taddart, uḥdiq d umeddakel-ines ungif, agellid Yugurten deg tkurmut n Ṭulyanum...

    Annect-a yakk a ɣ-t-id-imel umala (win d-yemmalen) s isefra ger tfelwiyin, ssyen a ɣ-t-id-uraren imariren yal wa s nnuba-s. Lḥaṣul, tamacahut-nneɣ mačči d tin yesganayen imdanen…

     

    Tazwart:

     

    "Tameddurt d amezgun, yal wa yetturar deg-s turart-is" i yenna William Shakespeare deg wawal-is. Ma d Bertolt Brecht, aqemqum-nniḍen deg umezgun agraγlan yeğğa-yas-d imeslayen-agi i yemma-s n tẓuri: "Amezgun yelhan mačči d win d asen-iεeğğben i lγaci kkaten-as afus, maca, d win yettbeddilen deg-sen kra."
    Dda Ğamal Ben
    εuf, amyaru-amedyaz-argaz umezgum n teqbaylit ameqqran mačči kan d imhanayen i ira ad aten-ibeddel s tmezgunt-agi "BU TMELƔIƔT D BU TSELƔIƔT", maca, lewhi umeyyez-is yakk d tmuγli-s yezmer wemdan ad yini, zegren i wayagi d-yenna unaẓur-agi ameqqran almani akin, netta, ameskar aqbayli ira ad asen-yeldi allen yes-s ula i yergazen d tilawin umezgun n teqbaylit, yessuter deg-sen s wallus imeslayen n Kateb Yasin, akken ad rren amezgun i wegdud.
    Abeqqa imeslayen-agi yakk d widak n tal
    γa tamsefruyt swayes akk yura tamezgunt-agi yesseṛbak di leḥnak n wulawen.
    Dda Ğamal Ben
    εuf d anaẓur ameqqran ssnen akk wid yessnen taqbaylit war ma ssugteγ awal γef waya, nekk s timmad-iw, ssneγ deg-s ugar n wannect-a:
    D aselmad-iw n teqbaylit yakk d tẓuri.

    Tella kan t
    γawsa-yagi, yekcem-iyi deg-s ccekk:
    Wissen d
    γa ma yella uklaleγ yiwen am nekk ad iyi-yerr tajmilt uselmad-iw, maca, ẓriγ ira ad iyi-yernu ifadden, ad iyi-yessebγes, acku sxerbubuceγ acemma s teqbaylit ula d nekk.
    Ayagi zemren ad walin yes-s yemdanen dda Ğamal d bu tmusni yakk d tegzi yernan tehrew n wul yeččuren d tayri taqbaylit tazedgant. S te
    γzi n tudert-ik ay anaẓur ameqqran!"

    Hanuver – Lalman-, ass n 16 Yennayer 2014.

    Sεid At Mεemmer

     

     

    Kra n tewlafin si tmezgunt« Bu tmelɣiɣt d Bu tselɣiɣt» ahanay n 20 yebrir 2014 -  Wehran.

                                                                           

    Tukkist si tmezgunt-a:

     

    Tafelwit tis-mraw d sat (17).

    Asayes 1

    Dagi, deg Ruma.

    Amala a d-yeqqar asefru, Bu tselɣiɣt  a d-yetturar ayen d-yenna.

    Amala:

    I yedda uḍar amcum

    Asalu rẓan-t wid yezwaren

    Akk iberdan ttawin ɣer Rum

    Tamaneɣt Irumanen

    Yesla i wanza ur nessusum

    “Ur nkennu, d Imaziɣen”

    Yessaweḍ ɣer Ṭulyanum

    Anda yensa Yugurten

    D wi ibeddlen adrum s weɣrum

    D Buxuṣ i t-yezzenzen

                                                                                                Asayes wis-2       

    “Ṭulyanum” isekraf/ takurmut/ abniq/ lḥebs anda yettwanɣa - d ameɣras- ugellid Amaziɣ YUGURTEN.

     

    Di Ṭulyanum.

    Bu tselɣiɣt yeqqim ɣef tgecrar afus-is ɣef umayeg-is amzun akken yettru. Yugurten yettwarez s leqyud.

    Yugurten:

    Asmi yedder Mass-nsen

    Yes-s yeddukel wegdud

    Yenna “Tafriqt i Yefriqen”

    Nerẓa i wefniq leɣrud

    D nnuba  Irumanen

    Mi ara d-yaweḍ wakud.

    Deffrir Mass-nsen d Mikawsen

    Iga leqrar i umenkud

    Ger warraw-is d Yugurten

    Tagelda Tanemdit mi d aɣ-tt-imudd

    Yenna “a tarwa iḥercen”

    Ɣurket acengu a ken-ihudd!

    Ma yella tekker gar-awen

    A d-iger iman-is zuni a ken-iḥudd

    A wen-yernu deg iɣisiyen

    I ccetla-s ad yeg amud

    D aklan ara ken-rren

    Deg wakal n tmurt n lejdud

    Ur ttamnet icenguten

    Ur llin d atmaten, ur ttɛudd!

                    Asayes wis-3

    Bu tselɣiɣt a t-yesteqsi s lḥir meqqren:

    -      Wi k-ilan?! I wacu tettwarzeḍ akka?!

    Yugurten ad yerẓ leqyud, a s-d-yerr s taɣect ɛlayen:

    D nekkini i d Yugurten

    D agellid Imaziɣen

    Ɣas ma di Tulyanum nettwacudd

    D yir gma i yi-yezzenzen

    Buxuṣ yettwabexṣen

    Yes-s i yi-rran leqyud

    D nekk i d iman ilelliyen

    D azamul imesnaɣen

    Ttun ttlaleɣ-d d yal agrud

    Anda llan Yefniqen d Irumanen

    Di tallit-a negren

    Am yiɣed yeǧǧa merɣiɣud

    Amaziɣ d tutlayt-is ddren

    S tamust-is m ifadden

    Ɣer tlelli abrid d amaɣud.

    Asayes wis-4

    Bu tselɣiɣt ad as-yerr s usefru-ya:

    Nefka i Yugurten lɛahud

    Miḥyaf a t-nhudd

    I d aɣ-d-yezzin si yal tama

    Ad nennaɣ ɣef wayla n lejdud

    Ad as-nernu afud

    I tedmi n timmuzɣa

    S tdukli ad nerẓ leqyud

    I ikeblen agdud

    I tallit n sin igima (n)

    D lawan yewweḍ-d wakud

    S tigawt d waddud

    Ad as-d-nerr udem i tɣerma

    S uselmed d talqayt usekkud

    Tamusni a d-tger amud

    A d-nifrir ger tmura.

     

    Ad xsint teftilin…

    Tafelwit tis-mraw d yiwet (11).

    Asayes 1

    (Dagi, di taddart)

    Amala a d-yeqqar asefru, Bu tselɣiɣt a d-yetturar amek t-id-yemla umala.

    Amala:

    Neffu si taddart d lemrar

    Wi yi-yecban a wen-yini

    Afurk ma yettwakkes-d seg uẓar

    “Tuɣalin” ur tettili

    “Yugar ucerrig tafawet” yezwar

    “Tuzzma tujjma” ur d-tegri

    “Lemmer a d-yuɣal zzman” meqqar

    S “lkuraj n tyaẓiṭ” a d-yini

    “Ansuf yes-m a lmut” s amnar

    “Ah ya ssimra”, yelha umekti

    S “imeṭṭi n bab idurar”

    Yunez zdat wid yeddren dagi.

    Asayes wis-2

    (Dagi, deg usemṭel - timeqbert)

    Amala a d-yeqqar asefru, Bu tselɣiɣt  akk d win yeqqazen iẓekwan a d-tturaren  amek ten-id-yemla umala.

     

    Amala:

    Yekcem d wi yeqqazen iẓekwan

    Yufa “Asxerbubec-iw” f tmedlin

    Yura s usekkil areqman

    Yettwali deg-s tugniwin

    Banent-as-d ttjur n yeɣsan

    D yiwen wedrar n tecriḥin

    Zzin-as-d sin iɣeẓran

    N wadif , idim, d uyefki d tigergurin

    Mlalen din sin iselman

    Ula d nutni llan d tiwekkiwin

    D tagi i d taqṣiṭ n wemdan

    Tudert d tmettant d tigzirin

    Ɣas ma ur telliḍ d Einstein

    Ggar tamawt i termitin.

    Dɣa ma testeqsaḍ Ṭṭaliban

    Yella wacu ara k-inin

    A winnat xzu cciṭan

    Neɣ a d-ssmesden ɣur-k tiferyin

    Netta kkawen deg-s imetman

    Mi yefka usaru n tigdin

    Tura uɣalen akken llan

    D wi yeqqazen iẓekwan i t-id-yettlaɛin

    Dagi, wi yeqqazen iẓekwan a d-yeddem takemmict n wakal si lqaɛa, ad yesked akal-nni, a t-yezzuzer. Ad ilaɛi Bu tselɣiɣt, a s-yini:

    “Lemmer ddunit akk d ureɣ a flan

    Ɣef tkemmict n wakal ad negrent tudrin”!

     

    Ad xsin teftilin…

     

    Tafelwit tis-mraw d snat (12).

    Asayes 1

    (Dagi, deg webrid)

    Amala a d-yeqqar asefru, Bu tselɣiɣt a d-yetturar amek t-id-yemla umala; ma d Askuti yezga yeṭṭafar-it sdeffir.

    Amala:

    Atan yehmel “iḍ d wass”

    Yerna yedhem “tagrest urɣu”

    “Askuti” am tili di lǧerra-s

    Yettkel ɣef “yiɣil d wefru”

    Di “Tizi n ṭṭlam” m tillas

    Yesla i “teɣwist n bururu”

    Yettgallan s yixef n yemma-s

    Ar tenger “ la gestapo”

    “Amezdaɣ n wul” yessen lḥara-s

    Mi s-d-yebda “amacahu”

    Asayes wis-2

    (Dagi, di lwali n wedrar)

    Amala a d-yeqqar asefru, Bu tselɣiɣt a d-yetturar amek t-id-yemla umala.

    Amala :

    Ur yejhil, ur yenni amin

    Yumen akk tidyanin

    D “10 tmucuha i yiḍes”

    Yeḥṣa  a t-ɛassent tewkilin

    Ara s-d-yessiɣent tiftilin

    Di “lwali n wedrar” mi ad yens

    A ccix Muḥend U Lḥusin

    D ssi Muḥ U Mḥend aḥnin

    Ɣas wennɛet-as targit-ines

    Tillumẓi d m tfeswin

    Tecbeḥ d tiwiztin

    A wi yufan a tt-ifareṣ.

    Asayes wis-3

    (Dagi, di lwali n wedrar)

    Bu tselɣiɣt ad yili igen, yettargu zuni akken yeḍfer aferṭeṭṭu.

    Amala:

    Aḥlil meskin d anubi

    Deg-s yal lɛib a d-yettnulfu

    Yefka lemqud i tayri

    Mi akken i t-yeẓẓuɣer uḥulfu

    Tirmit n tzizwit ur tt-yesɛi

    Yettferfir kan am uferṭeṭṭu

    Yebɣa a d-yegmer seg yal imɣi

    D ilili neɣ d asisnu

    Ɣur-s kullci d tahuski

      Am lyasmin am qlilu.

    Asayes wis-4

    (Dagi, di lwali n wedrar)

    Bu tselɣiɣt ad yili igen, yettargu zuni yeḍfer yiwet m ujellab i t-yewwin ɣer yiwen uzerdab.

    Amala:

    Yeḍfer yiwet m ujellab

    S uwehhi i t-id-tluɛa

    Ur yeẓri i yeffer nniqab

    Ma d tasekkurt neɣ d llafɛa

    Almi d-yufa iman-is deg uzerdab

    Mi ddan lewhi n ssaɛa

    Qbel ad tekkes ajelbab

    Teẓẓull acḥal d rrekɛa

    “Ma tebɣiḍ ad nili d leḥbab

    Qbel jjwaǧ lmutɛa

    Ma ulac ad terwuḍ leɛtab

    Ulac dagi ccafuɛa

    Aql-ik deg irebbi n rrebrab

    Fiḥel a winnat lxelɛa

    Aql-i la ttraǧuɣ leǧwab

    Mi ara d-takiḍ si ṣṣerɛa”!

    Asayes wis-5

    (Dagi, di lwali n wedrar)

    Bu tselɣiɣt ad yili igen, yettargu zuni akken rsen-d ɣur-s Lunǧa d Ɛeṣfur u lehwa, sellken-t-id seg uzerdab ideg yella.

    Amala:

    I “umazan n tayri” inuja

    S “Imeṭṭi n tsusmi” yura-yas izen

    “Akin i tudert” yuzen-d Lunǧa

    M imezran iɣezfanen

    Ɛeṣfur ulehwa iguǧa

    Gar-asen yeldi afriwen

    Yessuli-ten-id am uɣenǧa

    Di talwit yessers-iten.

    Yufa-d Lunǧa am lɛelǧa

    Yewwet si tqrmmuct a tt-yessuden

    Tenna: A winnat rǧa!

    Ili-k seg wid iceɛfen

    Tayri mačči d leɛwaja

    Nekk d taxḍibt n waɣzan.

    Asayes wis-6

    (Dagi, di lwali n wedrar)

    Bu tselɣiɣt ad yili igen, yettargu zuni akken yemlal Zalgum, maca, yekkes-as-tt Uɛeqqa yessawalen.

    Amala:

    Yelkem targit s lehmum

    Atan yekcem Ɛemrayen

    Yemlal d zzin ur yennum

    Leḥnak s temlel d tezweɣ reqmen

    Ala amray yessnen i lɛumm

    Ara tt-imuqlen s allen

    Ma  d win yettnadin ɣef ccum

    Ad yerẓ ɣur-s imnaren.

     

    Yenwa ur yettil fell-as llum

    Mi ara tt-id-yezmeḍ s idmaren

    Tenna: Ay aqcic a bu lehmum

    Ul-iw  iḥemmel yiwen

    D nekkini i d Zalgum

    Taxḍibt  Uɛeqqa yessawalen

    Kemmel abrid-ik s adrum

    Anda ttemsawalen wulawen.

    Asayes wis-7

    (Dagi, di lwali n wedrar)

    Bu tselɣiɣt ad yili igen, yettargu zuni akken yemlal Ṭac-tač ɣerbal i yenwa d Selyuna.

    Amala:

    Iwala Ṭac-ṭac ɣerbal

    Mi d-yegrareb ɣer luḍa

    Yerra ɣur-s  yettazzal

    Yenna: Azul a Selyuna!

    “Muqel amzur-iw yemxumbal

    Lsiɣ ddil d lfuḍa

    Ay aqcic i d-yeǧǧa uḥemmal

    Nekk d Taxellalt-lfeṭṭa

    Ma triḍ ad nili kan d imeddukal

    Fiḥel tuzuft, a ssixṭa

    Ma ulac bru i wawal

    Argaz-iw d izem n tizza”!

    Asayes wis-8

    (Dagi, di lwali n wedrar)

    Bu tselɣiɣt ad yili igen, yettargu zuni akken tewwi-t Taklit n tayri.

    Amala:

    Qbel a d-yeḍru lmuḥal

    Tewwi-t Taklit n tayri

    Teẓẓuɣer-it ɣer tala imulal

    Aḥulfu din yettmiri

    Yettazzal  d tiḥemmal

    Yeswa seg wurawen yessemdi

    Segmi yessared metwal

    Ddɣel deg-s ur d-yegri

    Tismin yečča-tent wakal

    Tala teqqel-as d lemri

    Anza seg-s la s-d-yessawal

    “ Nekk d yemma-k, kečč d mmi”

    Fiḥel tuḥsifin d ccwal

    Tullas teẓriḍ akk d nekkini

    D udem-iw i k-yezgan d lexyal

    Yettuɣal-ak  d nutenti

    I talsa ttak azal

    Ulac tayri war tilelli.

    Asayes wis-9

    Bu tselɣiɣt yeṭṭes di lwali n wedrar, Taklit n tayri tessaɣ-as snat tcemmaɛin, tezga-d zdat-s.

    A d-yekcem wesmug-asayes, a d-isuɣ ɣef umala:

    -      D acu i k-yuɣen akka, a winnat?!

    Amala:

    -      D acu i yellan?

    Asmug-asayes:

    -      Waqila, tettxayaleḍ-d deg yiman-ik belli kečč d Freud?!

    -      Ur d-xuyleɣ iman-iw, ur ssawaḍeɣ ad iliɣ d Freud!

    -      Ihi, d acu k-yewwin ɣer tayri n lejnun, n lmalayek, n truḥaniyin…

    -      D kunwi i yebɣan tayri.

    -      Nekkni, nenna-yak awi-d ɣef tayri taḥerfit, tin ssnen akk medden. (ad yesferfud di lekwaɣeḍ-is)  Atan wayen d ak-nenna: Yiwen iḥemmel yiwet teqcict tecbeḥ nezzeh, yuɣ-itt. Daya.

    Amala ad yeǧǧ adeg-ines, ad yaẓ ɣer zdat, ad yettmeslay i yiman-is kan:

    -      Yiwen iḥemmel yiwet teqcict tecbeḥ nezzeh, yuɣ-itt. (ad yeqqim sadda, ad yettmeslay i yiman-is) Lejnun,.. lmalayek,… tiruḥaniyin…

    -      Ilaq-ak ad teẓreḍ apsikulug, a winnat!

    A d-tekker Taklit n tayri, ad tteddu s leɛqel kan ɣer wesmug-asayes, a s-teqqar:

    -      Yiwen iḥemmel yiwet teqcict tecbeḥ nezzeh, yuɣ-itt. (ad tekkes aɣummu i wudem-is ara d-ibanen yexṣer) Tecbeḥ akka am nekkini?! Init-d, a wid yettmeslayen ɣef tayri d leḥmala!...

    Asmug-asayes ad yagad, ad yefriwes, ad yettuɣal ɣer deffir. Taklit n tayri ad tettaẓ ɣur-s, a s-tini: Ah, tugadeḍ-iyi ɛni?! Ihi mačči d tayri akk d leḥmala i tebɣam? Ihi d afareṣ i tettfaraṣem di ccbaḥa n tmeṭṭut!..

    Asmug-asayes ad yeɣli, yefsex di lqaɛa. Taklit n tayri  a s-tini: Ilaq-ak wepsikulug, a winnat. (Ad teffeɣ).

    Amala yettɛudd  d asmug-asayes i s-d-yennan ilaq-ak wepsikulug acku ur yeẓri ara d acu i iḍerrun deffir-s.

    Amala i yiman-is kan: D tidet, ilaq-iyi wepsikulug.

    A d-yefriwes Bu tselɣiɣt yellan yeṭṭes, a d-isuɣ:

    Yemmaaaa!!!

    Ad xsint teftilin…

     

             Tafelwit tis-mraw d kraḍet (13).

    Asayes 1

    Deg yiwen ugemmaḍ i d-yettqabalen taddart.

    Amala a d-yeqqar asefru, ameslub a d-yetturar ayen d-yenna umala.

    Amala:

    “Ameslub n taddart” yeṭṭef agemmaḍ

    Yettsuɣu ɛinani di tɣaltin

    “A lqum yeddren di leɣlaḍ

    Ffɣet-d si tekwatin

    I wemteddu ad nbeddel tirkaḍ

    Akken a ɣ-lhunt twenziwin”.

    Adrum ur yesli i leɛyaḍ

    A ziɣ d tameɣra n dda Lḥusin

    Ameslub ul-is icaḍ

    Yuɣal yettwehhi-yasen-d s teftilin

    Akk imezdaɣ n leḥnad

    Ttullsent-asen taṭṭucin

    S usafu n tafat yura ticraḍ

    Yerqem merra tiblaḍin

    Segmi yezri wakud d timaḍ

    Bnan-as 99 tqebbtin

    S wannuz i “jeddi ablaḍ”

    Leqbelleč d imuzzag n tejmilin

    Lemmer yeddir Kamps d wat leɛraḍ

    Yili seddan-t-id di tezrawin

    Xerṣum ad yili d yiwen wanẓad

    Di “Ccfawat d tamust” i tsutwin

    Ihi fiḥel ma nerǧa kra useqqaḍ

    Azul i umeskar n “Warek d Wasin”!

    Asayes wis-2

    Ameslub:

    Kkreɣ ad nadiɣ tagmat

    Ahat ad afeɣ atmaten

    Skud ay sɛan tayemmat

    Tin akken i ten-id-yurwen

    Ziɣ teǧǧa-ten daxel n tekwat

    I tlafsa tessuṭeḍ-iten

    Ulawen debɣen s tinwat

    Ur frin d izerman neɣ d imdanen

    ***

    Kkreɣ ad nadiɣ tayri

    Ɣileɣ a tt-afeɣ ɣer tullas

    Xulḍeɣ-tent merra d tirni

    Yal yiwet amek tga ṣṣifa-s

    Ayen bɣiɣ deg-sent ur yelli

    Xulfent irgazen kan s umeqyas

    Ma yella kan d tuzuft-nni

    Ula d tagmart tesɛa ammas

    ***

    Kkreɣ ad nadiɣ tamusni

    Yal adlis dliɣ fell-as

    Ahat ad yili wayen nettnadi

    I yal taluft a s-d-afeɣ tifra-s

    Asmi d-mmektiɣ Galili

    Leḥlal d leḥram gan tilas

    Teḥweṣ-iyi tselbi

    Graɣ-d i tugdi yakk d lweswas

    ***

    Kkreɣ ad nadiɣ ccbaḥa

    Ger lelwan ferneɣ temlel

    Wwiɣ-d seg war cceḥḥa

    D lekfen i d iyi-teqqel

    Ɛemmdeɣ ddiɣ di nnefḥa

    Tɣurr-iyi nnesma n wedfel

    Ɛuddeɣ deg uẓekka ad afeɣ rraḥa

    Ziɣ temlel s tebrek tbeddel

    ***

    Kkreɣ ad nadiɣ tissas

    Ad issineɣ azal n trugza

    Asmi ddiɣ am yiḍ am wass

    Ufiɣ nnif n zik yenza

    S leɣder d tyiti n lemwas

    Mucaɛ yisem n ihuẓẓa

    Uḥdiq ur nekcim leḥbas

    Ad yeqqel d lɛar ger tizzya

    ***

    Kkreɣ ad steqsiɣ zzman

    Ufiɣ imal iɛeddan

    Bɣiɣ ad ferzeɣ ussan

    Ziɣ ttwaḥsaben s yetran

    Kkreɣ ad nadiɣ amkan

    Anida yezdeɣ laman

    Kerfeɣ ur ufiɣ umlan

    Ccah lemmer xḍiɣ ayen i yi-yexḍan

    (Ad yeg tasellalut ad yexneq iman-is, ad yemmet)

    Asayes wis-3

    Di lemqam i s-bnan i umeslub.

    Inerzafen ad ssekren lweɛda s ibendyar (ibenduyar), ccna d ccḍeḥ.

    Ad xsint teftilin…

    G.M: win/tin iran ad iɣer yakk tamezgunt-a, a tt-id-yessuter di tansa-ya:

    tigawtdwawal@gmail.com

    «Tigawt d wawal » (allusen - répétions) n wass n 11/04/14) Wehran.

     

    Awlawal seg Wehran.

     

    Asabter yellan deffir wa | Asabter n zdat

    Zdi-t deg Facebook
    Copyright 2006 imyura.net
    Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s