Timenza  
  • TIƔWIST TANEGGARUT...
  • Asmuḥyet n "Mathilde" - J. Brel - - Sεid At Mεemmer -
  • Tikti d tmetti taqbaylit
  • "Kimi Wa Pet" amanga n "Yayoi Ogawa" s teqbaylit
  • AKRAREN (Rezki Rabia)
  • BU TMELƔIƔT D BU TSELƔIƔT
  • Tafsut Nni
  • TIYERSI : ammud n yisefra n umedyaz MESƐUDEN Fahim yeffeɣ-d ass n 1 di maggu 2014
  • Tamacahut n yitran II
  • Creḍ ulawen qeblen
  • Deg wezniq-nneγ
  • A Reppi ttxil-k serreḥ-as-d i waḍu!
  • Tifranin ɣef tewwurt, idammen ɣef umnar!
  • "Di lǧerra-k ay awal" adlis n Murad IRNATEN yeffeγ-d tura di teẓrigin Lulu.com
  • Tukkist si "Winna kan d wayla-s" n MAX STIRNER
  • "Feṭṭiwej, Tamacahut n tbelfeḍt war afriwen" tamacahut n Djidji Nait teffeγ-d tura di teẓrigin Lulu.com
  • Ça va pas non !!!!
  • Izem d tsedda
  • A saɛid ulaɛmara
  • L. Lionni s teqbaylit d tunṭict n Nnewal i warrac d tullas-nneγ
  • Aneɣrim
  • TASKELMUḤYET TAMEGGAZT !
  • Tamacahutt s ddaw yitran
  • Apupi ukkarṭun di Laturifal !
  • WISSEN MA D YEMMA-S NEΓ D YEMMA (Rezki Rabia)
  • Tamacahutt n tuḥdiqt
  • Uguren yakk d tifrat (ahat?) n tmurt n Yeqbayliyen
  • Tagi d Sunna
  • Arraz Belɛid At Aɛli
  • Sεid at Mεemmer di BRTV
  • YUḌEN WEZGER, QQDEN AƔYUL. (Racid n Tiγilt)
  • Amdakkel-nni (Crif Wanuɣi)
  • TIQBAYLIYIN
  • Si tefsut n 1980 ɣer tefsut 2013
  • Mimmic d Lulum
  • Ma ur d yezwir winnik,wayed ur k-isenttaray!!
  • Tamγart d teslit-is...
  • Iswan n tfaska n tmedyezt n teqbaylit/tamaziɣt ADRAR N FAD, Ayt Smaɛel (Bgayet) : Tamuɣli n yiwen n uɛeggal n tseqqamut
  • D SSALIMA !
  • D acu i teswa ddunit ?
  • Ahya Ssimra !!
  • Nnif adarγal sγur Murad Irnaten
  • Adrar Σebbi
  • Racid At Ali Uqasi: Slimane Azem 30 iseggasen seg asmi i aɣ yeǧǧa
  • D acu i teswa ddunit ?
  • Tafaska Umezgun Amaziγ
  • Tagara Umerri
  • Asenqed usidi "Nnaqus" n Murad Zimu s usefru
  • Amud isefra "Brut-as i wawal-iw!" umedyaz Nufel yeffeγ-d tura di teẓrigin Lulu.com.
  • Adfel d ideflawen
  • spacer
     

    | | |

    Racid At Ali Uqasi: Slimane Azem 30 iseggasen seg asmi i aɣ yeǧǧa

     

    (28 Yennayer 1983/2013)

     

     

    Seg wasmi I as-nesla yacna, i aɣ-yeɛjeb leɣna nḥeml-it.

    Awal-is akk d lmeɛna, yemmal abriḍ nḍefer-it.

    S lqimma-s akk ayen id yenna, yerna cbaḥa I teqbaylit.

    Gar aneɣ d kra n wussan ad zrin 30 iseggasen seg asmi i aɣ yeǧǧa yiwen uzamul d tgejda n tezlit akked tmedyazt n Teqbaylit: Sliman n Lamara n At Wali, yettwasnen s yisem n Slimane Azem. Tasbeddit Takanadit Tiregwa tettheggi-d yiwen n wahil muqqren deg tɣiwant n Montreal, di temnaṭ n Quebec di Canada, i wakken ad smekti i Kanadiyen, ur nelli d Imaziɣen, akked tarwa n iminigen Imaziɣen yettidiren di Canada, d anwa-t Dda Sliman.

    Slimane Azem deg iseggasen imezwura n ccna-s

    Ihi ass n 26 yennayer 2013, tajmilit-a unazur amuqqran n ccna Aqbayli, ad yebdu ɣef 13h00 deg tzeqqa La Société Saint-Jean-Baptiste, anda Dr. Hacene Hireche, aselmad n tutlayt d tɣerma tamaziɣt deg tsedawit Paris VIII, ad yawi yiwen usarag-askasi, azwel-is: Tamuɣli ɣef Sliman Azem, amedyaz ameqqran yecban Si Muḥ U Mḥend.

    Dr. Hacene Hireche

    Daɣen ad tilli temzikkent n tugniwin akked ussenzer n usaru amaynut ɣef Sliman Azem

    Tameddit ɣef 19h, timlilit deg tzeqqa umezgun umi qqaren Théâtre Le Château id yezgan di 6956, rue Saint Deni, Montreal, anda tuget inazuren, icennayen, imedyazen, d warrac uɣerbaz n tmaziɣt n Ottawa d Montreal ad cnun, ad inin Dda Sliman yal yiwen/yiwet amek.

    Kra inazuren ad yecnun Dda Sliman asewjaden iman-nsen i tejmilt n wass n 26 yennayer 2013

    D ayurren aya segmi Tasbeddit Tiregwa tebda aheyyi n tejmilt-a i tebɣa ad tilli ɣef tugna n wergaz d uzamul Dda Sliman. I wannect-a ur tebɣi ara ad tilli kan di Montreal, maca d tajmilt tagreɣlant imi tefka-d daɣen afus deg uheggi n tejmilt deg tɣiwanin nniḍen am Bgayet, Paris akked taddart n Dda Sliman Agni Geɣran, anda ad ilin aṭas inazuren, d imedyazen akked imusnawen ad hedren, ad yecnun, ad yinin Dda Sliman. Deg umedya deg Paris, Ammas Adelsan Amaziɣ n Drancy (Centre Culturel Berbere de Drancy), tɛerḍ-d amusnaw Dr. Youcef Allioui i waken ad yegg asarag ɣef Slimane Azem. Di Bgayet d amusnaw nniḍen, Mas Abdenour Abdesslam ad yawin ameslay ɣef umedyaz Slimane Azem. Ma yella deg taddart Agni Geɣran, d asqamu n taddart-a ad iheggin tajmilt-a anda Mas Moussa Bedrane, i yetthegin adlis amaynut ɣef Sliman Azem,  ad yawi ameslay ɣef tuddert  d umecwar n ucenna i yefɣen tilisa n taddart-is i waken ad yekcem ul n yal Aqbayli/Amaziɣ, ama d aqcic/taqcict, argaz/tameṭut, d amɣar/tamɣart, seg asmi yebda ccna.

    I wemekti kan, di Bgayet d Tiddukla Tadelsant Tadukli  n tmezduɣt tasdawant Aɛemriw n tesdawit n Bgayet i yellan s deffir uheggi n tajmilt-a I Dda Sliman. Ahil ad yilli taɣezfan, deg-s:

    Timzikkent n tugna, idebsiyen uddisen akked idlisen, ass kamel s uzawan n Dda Sliman. Daɣen seg 15h ɣer 17h: Assenzer n usaru n Mas Aḥmed Ǧennadi anda tella Nna Ḥeǧila, weltma-s n Dda Sliman Azem deg taddart-is Aguni Ggeɣran. Ma yella seg 18h d asawen ad yilli, akken id nenna asarag-askasi akked Mas Abdenur Abdeslam. Ad t-id-ḍfer wiyet n tmeɣra tameddit akked l’Urkistr TILANIA s ddaw n tmehla n Maystru Athman Belaid akked inazuren n ccna am Yacine ZOUAOUI, Abdelakader BOUHI, Ferhat HAMDI akked Souad HANNIZ.

    Nna Haǧila, weltma-s n Dda Sliman akked unazur Yacine ZOUAOUI.

     

    Mas Mira Okba, s yisem-is d aɛeggal n Tiddukla Tadelsant Tadukli n tesdawit n Bgayet, ger wid yellan s deffir n tallit n tiddukla-a akked uheggi n tejmilt-a di Bgayet, yenn-a: Nekk lliɣ ger wid/tid yettḥibin ugar Dda Sliman i yellan d argaz, ur nezmir ad naf wayeḍ am netta. D azamul, d amedyaz, d argaz ixedmen aṭas I wedlis-nneɣ. Tiritit n tejmilt ad as-nexdem, d ayen yellan drus, acku yuklal ugar n wannect-a.

    Mas Mira Okba, aɛeggal n Tiddukla Tadelsant Tadukli n tesdawit n Bgayet

     

    S tewzel anwa-t Dda Sliman?

    Sliman Azem d amedyaz, d anaẓur n ccna n teqbaylit. Ilul ass n 19 ctember 1918 deg taddart Agni-Geɣran, i d-yezgan deg Lɛerc n At-Sedqa, deg tama n Yiwaḍiyen. Yemmut berra n tmurt-is ass n 28 yennayer 1983 deg temdint n Moissac deg Fransa.

    Sliman Σazem yeffeɣ taddart-is meẓẓi. Yella deg usemmud-is yan d mraw (11) n yiseggasen asmi i iruḥ ɣer Lezzayer tamaneɣt i wakken ad yexdem ɣer Iṛumyen deg tama n Sṭawali. Asmi yewweḍ 19 n yiseggasen yezger agemmaḍ ɣer Fransa, yexdem deg Paris deg tkebbanit RATP. Kra n yiseggasen syin, yeṭṭef yiwet n lqahwa. Dɣa din yella icennu i yiminigen. Taɣect-is tamezwarut A Muḥ a Muḥ yessuffeɣ-itt-id ɣef yinig. D tizlit i d-yeldin abrid i tamudi n 50 n yiseggasen n ccna igerrzen. Yecna ɣef yinig, tamharsa akked ɣef tasnareft I yeṭfen Lezzayer seld-azarug. Dɣa i lmend n waya gedlen tuɣac-is ur d-tt-ɛeddint ara deg Rradyu n teqbaylit seg useggas n 1967 ar 1988. Deg 28 Yennayer 1983, yemmut u yemḍel berra n tmurt-is, deg Moissac (Fransa).

    Sliman Azem akked yiwet n twacult n Wegni Geɣran di Paris

    Sliman Azem akked unazur Kamel Ḥamadi

     

    Sɣur Racid At Ali Uqasi,

    Canada 23 Yennayer 2013

     

     

     

     

    Kra imeslayen n Dda Sliman:

    Lejdud n zik amek llan
    Γef akken i aɣ-d-ḥkan
    Ṭṭfen di lḥerma n tjaddit
    Ṣebren i lḥif sεeddan
    Qublen s wayen yellan
    S nnif akked tfenṭazit
    Waqila widenni kfan
    Neɣ ma mazal llan
    Tura ad yeṣbeḥ qlil-it

    Illemẓyen d-yekkren tura
    Ttmenniɣ ad fehmen merra
    Lumur akk i ten-iwulmen
    Lefhama, nnif d ccṭara
    Ma rnan-as yakk leqraya
    Ur asen-yezmir yiwen
    Neḍleb Rebbi taggara
    Ad akk mǧazin merra
    Ad yekfu lhemm gar-asen

    Iḍebsiyen n Dda Sliman

    1. Ma tedduḍ a nruḥ (amuh amuh, aḍebsi yefɣ-d i tikkelt tamezwarut deg  1948)
    2. Aṭas i sebreɣ (akked tnazurt Bahia Farah)
    3. Nekk akk-d kemm (akked tnazurt Fatma Zohra)
    4. Nekk d lmir (S Teqbaylit akked Taɛrabt n Lezzayer)
    5. Akagi id yefeɣ lexbar
    6. Amek ara nilli ṣusṭa (S Teqbaylit akked Taɛrabt n Lezzayer)
    7. Debza udmaɣ (akked unazur Mohamed Hilmi)
    8. Lalla Margaza
    9. Zahar di ččina
    10. Annaɣ ay aɛebuḍ
    11. Ṣeliw af nnbi
    12. Ay ul-iw utub
    13. Allah ɣaleb
    14. A Rebbi lmuddabar
    15. Ata lqum ad ittenkar
    16. Ṭixraṣ I lɛebd ad yehḍer (akked Mohamed Hilmi )
    17. Idrimen Idrimen
    18. Dunit tettɣuru
    19. Ur ideqar
    20. Rebbi kečč d amɛiwen
    21. Ayul-iw ilik d Lḥer
    22. Zzman ixarweḍ
    23. Aḥbib n wul-iw iruḥ
    24. Afrukh Ifileles
    25. Ffeɣ ay ajraḍ tamurt-iw
    26. D aɣrib d aberrani
    27. Zzux d lmecmel
    28. Iḍehr-d waggur
    29. Neḍleb Rebbi add aɣ yafu
    30. Berka-yi tisit necrab
    31. Nettruḥu nettuɣal
    32. Ikfa laman
    33. Inna-s i leflani
    34. A tamurt-iw
    35. Terwi teberwii
    36. Azger yaaqel ggma-s
    37. Lahvav lwaqta
    38. Zman elɣaṭṭi
    39. Akem-ixdaa rebbi a dunit
    40. Baba ɣayu
    41. A Muḥ a Muḥ (S wudem nniḍen deg 1967)
    42. Amkerker bumddun
    43. Taqṣiṭ bumkerker
    44. Inas i leflani (S wudem nniḍen deg 1967)
    45. 19 Meɣres
    46. A tamurt-iw aɛzizen (s sin n Liritm)
    47. A Tigejdit
    48. Aha lala lala
    49. Annaɣ ay aabuḍ (S wudem nniḍen deg 1967)
    50. Argaz d tmeṭut
    51. A Rrebbi Lmuddebrr (S wudem nniḍen deg 1967/68)
    52. Ayamuḍin
    53. Ayul-iw henniyi
    54. Cfiɣ ttuɣ
    55. Ukk Aayiɣ
    56. A nekkar laḥsan
    57. Wah rebbi Wah
    58. Muhend Uqasi
    59. Iya wiyak Aḥmed
    60. Lqarn Rrbaaṭac
    61. Lful d ibawen
    62. Tlata Yeqjan
    63. Duminu
    64. A ttnaddiɣ  ad mektiɣ
    65. A Madame encore à boire
    66. Amenṭas
    67. Awin ilan d Lfahem (Adebṣi urreɣ 1970)
    68. Lweqt aɣeddar
    69. Ggumaɣ ad mektiɣ
    70. Lukan ulac lukan
    71. Ul-iw baqi yettxemim
    72. Wiyak a Lfahem
    73. A nxemem
    74. A tagiṭart-iw
    75. A tamurt-iw (S wudem nniḍen, s ugiṭar kan)
    76. Asefru
    77. Bu nadem
    78. Dda Mezyan
    79. Ddunit
    80. Zzhar iɛewjen
    81. Lejdud n zik
    82. Nukni id nukni
    83. Si muḥ u mḥend yenna-d
    84. Si zik
    85. Tabrat
    86. Taqbaylit
    87. Taqṣiṭ n Muḥ
    88. Taqṣiṭ n lewḥuc
    89. Wa ibennu wa itthudu
    90. Ya muḥend
    91. Yir lexbar n lmut
    92. Zik ɣileɣ d aqeṣer
    93. Carte de residence


    Tabṛatt i dda Sliman ∑azem. (Lettre à Slimane Azem)

    Sγur : YEḤYA YANES.

    * Γef dda Sliman ∑azem

    S leḥzen d imeṭṭawen
    D usefru yewzen
    Γef uγrib teğğa tmurt-is
    Ḥulfaγ i wul-iw yegzem
    Γef lbaṭel yessḍen
    Geddac ḥuzan wuglan-is
    Wi yebγan tezdeg a t-tedhen
    Ad isbeṛ i lhem
    Ẓẓur iεedda lḥedd-is.

    *Tabṛatt i dda Sliman ∑azem.

    Rtiḥ deg umkan-ik a dda Sliman, awal-ik ur t-tezgileḍ d kečč id-yennan:

    « Urgaγ wid yemmuten
    Ufiγ-ten mazal ḥyan
    Steqsaγ d acu ten-yuγen
    Ziγ mazal deg-sen urfan
    La ttrun γef widen yeddren
    Amzun γer medden mmuten. »

    S tidett taqerḍalt acku win yemmuten ikcem ahat di tudert nniḍen deg ulac lbaṭel, wama tagi deg nella tebna γef tezmert amuqran yečča amecṭuḥ u simmal γer deffir, akken truḍ i Si Muḥend U Muḥend assagi nettru akken:

    « Dda Sliman a wi i k-iḥkan
    Ad twaliḍ zzman
    Ma ak-γaḍen widen yettrun
    Aγ-d-cnuḍ γef wayen iεeddan
    Akk d wayen illan
    D wayen ara d-iteddun
    Ayen iγ-d-ğğan yimawlan
    S yiseγ akk d leḥsan
    Tura kkren-d widen it-yettun. »

    Annaγ a Dda Sliman anef-iyi ad a k-nruγ ulamma d lbaṭel ula i ken-ruγ, lγerba-nni i ken-icegben zik, ass-a tuγal d targit-nneγ, tuγal d lğennet i warrac d awal-ik a Dda Sliman:

    « Susem kan anef kan
    I wayen akk iεedan
    Kulleci iṛuḥ wer d iban
    D lmektub i gebγan. »

    Assagi a Dda Sliman nnif d lḥerma, nnif γef wayeg tsebblem temẓi d ṛṛuḥ, d abrid ad d-gwrin d tamacahutt, ldint akk wallen adrim d lfani, win yesεan frank ad ixdaε ula d win t-id-ixelqen, akken teqqareḍ deg wawal-ik:

    « Ulamek i t-id-neṭṭeṛğem
    Ay akken yebγu nxemmem
    Acemma ur nefhim ara
    Xas ad d-tiliḍ d lεalem
    Ay akken tebγiḍ xdem
    Ak-γummen ur d-ṭahaṛeḍ ara
    Wi ibγan ad yesεu isem
    Ilaq-as ad yessusem
    Ma d nekni ur nezmir ara. »

    D awal-ik ay amγar azemni, ay argaz n lebda, ay amedyaz ur nettwattu, γas akka lḥif irẓa-yaγ, imencaf sersen-d isiḍ, maca wid tṛebbaḍ s tmusni-k ur nelli d menwala, mazal-iten-ṭṭfen am yeẓra n wasif akken ibγu yeḥmel acku laṣel itabaε tara.
    Semmeḥ-aγ a Dda Sliman d ulawen i yeččuṛen, ala s yisem-ik i nḥulfa nezmer a ten-id-nesfi, s yisem n kra n wid i k-iḥemmlen, s yisem n tmurt d wayen tεebba, nessuter akk γer sidi Ṛebbi aḥnin amur di lğennet γer kra yellan d ṣṣelaḥ.

    *D awal-ik a dda Sliman ∑azem.

    D awal-ik medden akk slan-t
    Ala win ibγan leγṛur
    Ass-a ṣṣwab lεibad rran-t
    Anef i win yennumen ẓẓur
    Wid yebγan ibidi lsan-t
    Wi ibγan ddel a t-isbur
    D awal-ik uḥdiqen γṛan-t
    S yis-s i ferrun lumuṛ.

    Uqbel a k-ğğaγ s tiẓẓeḍt d lehna ar tikkelt nniḍen a dda Sliman, ddmeγ awal-iw n taggara, i wakken dγa a k-d-hduγ isefra-agi sγur-i yur-k:

    *A Dda Sliman ∑azem.

    A tasekkurt iḥeznen
    Aweḍ γer Sliman ∑azem
    Yemmuten ur ssineγ udem-is
    In’as lehduṛ icebḥen
    Isefra d icewwiqen
    Siγret γef tenṭelt-is
    In’as win i d-icegεen
    D imeslayen-ik i yefhem
    Degmi i iṭṭef di laṣel-is.
    * * * * * * * * * * *
    Akken ibγu zzman idewweṛ
    Yettbeddil udem i kulci
    Ẓẓu lxiṛ mger-d cceṛ
    Lbaz iluqb-it yesγi
    Labud lḥeq ad yeḍheṛ
    Ṭṭir tuṛğat trusi.
    * * * * * * * * * * *
    Γli-d ay adrar fell-i
    Ad geγ lḥeq i yiẓri-w
    Wehhaγ udem-iw s igenni
    Yeḍra lmuḥal ger wallen-iw
    Uyseγ ass-nni ad yili
    Ad iffeγ ujṛad tamurt-iw.
    * * * * * * * * * * * *
    Win iddan γef tidett issaweḍ
    Nnan-t-id wid-akk yessnen
    Γas ass-a d ayen tγabeḍ
    Ṣṣut-ik ad as-slen
    Taqbaylit tin tḥemmleḍ
    Tefreḥ s ṣṣut-ik tewzen.

    YEḤYA YANES.

    *A dda Sliman Σazem.

    Almi d tura id as-ḥulfan
    Wid iγilen d ccna kan
    Asmi akken tesefrayeḍ
    I lbaṭel k-irẓan iγsan
    S tiyta n laman
    Ulamma tezgiḍ tbeddeḍ
    D Ṛebbi ig teggen leḥsan
    Yefra-yak ccan
    Γas tensiḍ dimma teddreḍ
    A dda Sliman Σazem..
    * * * * * * * * * * *
    Lehduṛ inek d isefra
    Bnan s lmaεna
    Mi i sen-yesla wuḥdiq yekker
    Lγerḍ iqsed γas yulwa
    S tusna-k yeḥla
    Am lettkal yezwaren i ṣfeṛ
    Teddreḍ d mmi-s n tsedda
    D izem bu lhiba
    Γas temmuteḍ isem-ik yedder
    A dda Sliman Σazem.
    * * * * * * * * * * *
    D lwali cehden medden
    Imγaren d yilmeẓyen
    Sebḥanu Llah di ccan-is
    Ig xelqen deg yirgazen
    Wid ifehmen ḥedqen
    Kul wa d aḥbib n tikti-s
    Am kečč a dda Sliman Σazem
    Ṛebbi a k-yerḥem
    Cna-k yal zzman d lweqt-is.


    Tukkist seg udlis id isewjad umi isema '' Tijmilin (Hommages).'' i Slimane Azem akked Si Mḥand U Mḥand, ad yefɣen deg Furar13 deg tezrigin la Pensée s lemɛawna n Tesbeddit/Fondation Tiregwa.

    Dépôt légal : 3520-2012.
    ISBN: 978-9931-355-14-4.

    Yahia Yanes <https://www.facebook.com/yahia.yanes>

     

     

     

     

    Asabter yellan deffir wa | Asabter n zdat

    Zdi-t deg Facebook
    Copyright 2006 imyura.net
    Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s