Timenza  
  • TIƔWIST TANEGGARUT...
  • Asmuḥyet n "Mathilde" - J. Brel - - Sεid At Mεemmer -
  • Tikti d tmetti taqbaylit
  • "Kimi Wa Pet" amanga n "Yayoi Ogawa" s teqbaylit
  • AKRAREN (Rezki Rabia)
  • BU TMELƔIƔT D BU TSELƔIƔT
  • Tafsut Nni
  • TIYERSI : ammud n yisefra n umedyaz MESƐUDEN Fahim yeffeɣ-d ass n 1 di maggu 2014
  • Tamacahut n yitran II
  • Creḍ ulawen qeblen
  • Deg wezniq-nneγ
  • A Reppi ttxil-k serreḥ-as-d i waḍu!
  • Tifranin ɣef tewwurt, idammen ɣef umnar!
  • "Di lǧerra-k ay awal" adlis n Murad IRNATEN yeffeγ-d tura di teẓrigin Lulu.com
  • Tukkist si "Winna kan d wayla-s" n MAX STIRNER
  • "Feṭṭiwej, Tamacahut n tbelfeḍt war afriwen" tamacahut n Djidji Nait teffeγ-d tura di teẓrigin Lulu.com
  • Ça va pas non !!!!
  • Izem d tsedda
  • A saɛid ulaɛmara
  • L. Lionni s teqbaylit d tunṭict n Nnewal i warrac d tullas-nneγ
  • Aneɣrim
  • TASKELMUḤYET TAMEGGAZT !
  • Tamacahutt s ddaw yitran
  • Apupi ukkarṭun di Laturifal !
  • WISSEN MA D YEMMA-S NEΓ D YEMMA (Rezki Rabia)
  • Tamacahutt n tuḥdiqt
  • Uguren yakk d tifrat (ahat?) n tmurt n Yeqbayliyen
  • Tagi d Sunna
  • Arraz Belɛid At Aɛli
  • Sεid at Mεemmer di BRTV
  • YUḌEN WEZGER, QQDEN AƔYUL. (Racid n Tiγilt)
  • Amdakkel-nni (Crif Wanuɣi)
  • TIQBAYLIYIN
  • Si tefsut n 1980 ɣer tefsut 2013
  • Mimmic d Lulum
  • Ma ur d yezwir winnik,wayed ur k-isenttaray!!
  • Tamγart d teslit-is...
  • Iswan n tfaska n tmedyezt n teqbaylit/tamaziɣt ADRAR N FAD, Ayt Smaɛel (Bgayet) : Tamuɣli n yiwen n uɛeggal n tseqqamut
  • D SSALIMA !
  • D acu i teswa ddunit ?
  • Ahya Ssimra !!
  • Nnif adarγal sγur Murad Irnaten
  • Adrar Σebbi
  • Racid At Ali Uqasi: Slimane Azem 30 iseggasen seg asmi i aɣ yeǧǧa
  • D acu i teswa ddunit ?
  • Tafaska Umezgun Amaziγ
  • Tagara Umerri
  • Asenqed usidi "Nnaqus" n Murad Zimu s usefru
  • Amud isefra "Brut-as i wawal-iw!" umedyaz Nufel yeffeγ-d tura di teẓrigin Lulu.com.
  • Adfel d ideflawen
  • spacer
     

    | | |

    Amud isefra "Brut-as i wawal-iw!" umedyaz Nufel yeffeγ-d tura di teẓrigin Lulu.com.

    Nufel

     

    "Brut-as i wawal-iw!"



    Nufel ilul deg useggas 1981 di taddart At Yeččir, Tizi Γennif(Iflisen umellil), di tmurt n Yeqbayliyen.

    Ngum ad yinig γer tmurt n Sbanya deg useggas n 2009, yella d aselmad di tesdawit n Tizi Wezzu.

    Si 2010 ar ass-a yettidir di tmurt n Ddanmark.

    "Brut-as i wawal-iw!" d adlis-s amenzu s tmaziγt n yezwawen.

    Idlisen d-yesker yakan s tutlayin tiwerdaniyin:
    Pensées Pensantes, Tamedyazt, Ledzayer 2006
    Espoirs Déchus, Ungal, Fransa 2008
    Algérie : Banquet des nonchalances, Fransa 2009
    Du haut de nos Potences, Fransa 2011
    Imazdayen :
    Sønderho Havn Antologi, Ddanmark 2010
    Fri ord på Flugt(Free Words on the Run), Ddanmark 2011
    Attah tezwart d as-yura umedyaz Sεid At Mεemmer i wamud-agi isefra:
    Tazwart
     
    "Lalman. Tamacahut n tegrest.": D tadyant s yefyar n utihi yura umedyaz almani Heinrich Heine.
    Udem-is n berra d lemri iwumi ibedd zdat-s webrid d-yuγ umeskar s timmad-is di tegrest useggas 1843 si Lpari (Fransa) ideg yella yedder imiren almi d Hamburg (Lalman). Inuda-d    Lalman seg wenẓul ar ugafa.
    Azwel n wadda "Tamacahut n tegrest" twehha γer tmezgunt "The Winter's Tale" n William Shakespeare. Yezmer wemdan a d-yaf dagi, azrar isefra-yagi yessken-d yes-s Heine tanmegla i usefru n tedyant n ifeḥliyen "Atta Troll" iγef mmden kraḍ iseggasen seg wasmi d-yettwasker yakan. Ula d azwel n wadda n "Targit n yiḍ unebdu" n H. Heine yessken-d yes-s umeskar, si "A Midsummer Night s Dream" n W. Shakespeare i d-yefruri. Ma d ayen yugaren aya: Assaɣ n talɣa ger snat tedyanin-agi, am "Atta Troll" neγ "Tamacahut n tegrest" di sin sεan 27 n waxfiwen, tiseddarin-nsen daγen d imkuẓen.
    Ayagi yakk d-uriγ, riγ a d-iniγ yes-s, Heinrich Heine s lebγi-s i d-yemger si tebḥirt n Shakespeare, maca, Nufel Buzebja mlaleγ-d γur-s tikta d tmuγli n Henirich Heine war ma yeẓra netta s timmad-is annect-a ahat. Tuget isefra yellan deg wamud-agi isefra n Nufel, win ara ten-yessemlilen, a d-yaf ttaken nezzeh anzi s ayen yura H. Heinrich Heine di "Lalman. Tamacahut n tegrest.". D acu kan amedyaz almani yessefra γef Lalman n tallit-nni, aqbayli yessefra γef tmurt-is di tallit-agi ideg nella ass-a.
    Tiwenziwin n tudert n sin inaẓuren-agi ttemyuttakent daγen anzi: Yiwen yeğğa tamurt-is yedder deg yinig di Lpari, acku netta d bu laṣel uday di Lalman n wass-nni, Nufel yedder di tmurt n Ddanmark, d aqbayli di Ledzayer n wass-a. Yiwen uεekkaz i ten-yewwten neγ yezmer wemdan ad yesseqdec dagi imeslayen-agi n tezlit "Arğu-yi" n Lewnis At Mangellat:
    "Γer tmacint uliγ
    D irfiqen i n-ufiγ
    Udem-iw am wudmawen-nsen
    Deg-sen ttwaliγ
    Γur-sen ttcabiγ
    Yiwen uεekkaz i d aγ-yewwten."
    Maca, akken ad yegzu wemdan anamek n tidet n wayen ira a t-id-yini umedyaz, yessefk xerṣum ad iγer isefra-s. ihi iwakken a d-temlilem ula d kenwi d wayagi yesduklen neγ yettemyettaken anzi ger tuget isefra n Nufel yellan deg wamud-agi yakk d wayen yura H. Heine di "Lalman. Tamacahut n tegrest", γret tafem agerruj! Ayen ideg yella wemgired ameqqran gar-asen d tameslayt, maca, mačči imi yiwen s talmant, wayeḍ s teqbaylit i uran. Riγ a d-iniγ, almani yeγra tutlayt-is tayemmat deg uγerbaz yerna tbedd γef iḍarren-is, tecceεceε daγen ger tutlayin timezwura umaḍal, ma yella d aqbayli, mačči kan ur tt-yeγri ara deg uγerbaz, maca, terna tettwarkeḍ almi d tikli ad tenger s lebγi n yemḍebbren n tmurt-is d-iγeḍlen isiḍ γef wegdud-is, tamagit-is, idles-is yakk d tilin-is d aqbayli neγ d amaziγ. Yal win d as-yessnen ulammer acemma kan i tmedyazt yezmer ad iḥulfu s ukukru irekben ul n Nufel mi akken yettaru isefra-s s teqbaylit yakk d tmusni-s lqayen d tayri-s metwal tutlayt-is tayemmat yerran akukru-nni yeffer ur d-iban.

    Tuget n wawalen yesseqdec daγen deg wamud-agi, ur ttafeγ ara widak iwulmen swayes ara d-ssegzuγ tadyant-agi am widak yenna umedyaz Lewnis At Mangellat γef widak n tezlatin ucennay-amyaru Murad Zimu, "d imeslayen ifessasen ibubben inumak imeqqranen", d acu kan Nufel di kra isefra am usefru "Tamedyazt" yesseqdec awalen iγef inuda yufa-ten deg imawalen imaynuten n tutlayt-nneγ d-yeffγen s wudem n tussna deg iseggasen-agi ineggura swayes d aγ-d-yessaweḍ tamusni-s d wayen akk ira ad aγ-t-id-yini. Tikta umedyaz-agi ur llint d tidak d-ilulen ḥanun zanun am wayen nennum nsell-as neγ neqqar-it, mačči d "A Muḥed serbi latay, γef Muḥend yeğğan yemma-s neγ imi d tameṭṭut n gma mreḥba tessers i wallen-is". Anaẓur-agi mačči seg widak yesrusun imermuren-nsen deg uγerrabu n tmetti yettaken anzi γer winna n Tiṭanik iteddun ad yeγreq, maca, seg widak yettḥebbiren neγ yettnadin amek ara d-afen ttawil swayes ara menεen akk widak yellan deg uγerrabu-nni. Nufel d Henirich Heine n teqbaylit, d yiwen yellan am inaẓuren-nni n tallit talemmast d-yessufγen timura-nsen, tidak-agi yellan ass-a d timezwura deg umaḍal si tekwatin idel uγebbar. S yemdanen am Nufel yezmer ad iḥulfu s yiman-is Σli Ideflawen yuγal d ilemẓi, ad yekker ad yecnu s werfad uqerru, "idles tura yezger tilas, ay arrac ideflawen."
    Daγen mi ara yeqqar wemdan amud-agi isefra, yal mi ara yekfu asefru, a  t-yekcem lḥir ad iγer wayeḍ. Lhan akk, yal wa yewwi-d γef usentel-is yerna imdanen yeggaren akka acemma tamawt i tsekla tagraγlant zemren a d-mlilen di yal asefru-s tamuγli neγ talγa swayes yettaru umedyaz-a neγ wayeḍ yellan ger imeqqranen umaḍal. Kra imedyaten kan:

    - Deg usefru "Deg tmurt-iw" mlaleγ-d d ijenniwen n Muḥya: Ad as-tiniḍ, d tamuγli-nni, d tameslayt-nni, d talγa-nni, d tamurt-nni d uεekki-nni s unecreḥ-nni yesruyen ulawen mi ara ttaḍsan wudmawen.

    - Qqaren-d yemdanen, Lewnis At Mangellat, d tikta yellan deg "Ageldun amecṭuḥ " n Niccolò di Bernardo dei Machiavelli ideg d-yesmuḥyet tizlit-is "A mmi", ula d Nufel di kra isefra yellan deg wedlis-agi-ines ad as-tiniḍ ssyinna i d-yugem tamuγli yettaken anzi γer tin swayes xedmen axeṣṣaṛ yemcumen di tmurt-nneγ s yisem n ddiyanat.
    Nezmer daγen ad nger tamawt, a d-naf, yewwet azrem s aqerru ula deg wamek d-yura isem n "Jesus" s teqbaylit.
    Akken a d-yessegzu mačči snat tikkal i d-yuder tineslemt, ula d tamasiḥit yuder-itt, ihi yura-d " Yasuɛ amasiḥi". Ayagi ur t-nennum ara s imyura neγ imedyazen-nneγ-nniḍen. Lemmer d wiyaḍ, ahat a d-arun kan Σisa, ad γilen d tamasiḥit iγef ttmeslayen, ad ttun "Σisa" d nnbi kan di leqran. Amedyaz-agi yeẓra d acu iγef yettmeslay.
    D acu kan talγa swayes yura netta isefra-yagi temgarad γef tin n tezlit "A mmi", isefra-s d ilelliyen yerna ur γezzifit ara annect usefru umedyaz L. At Mangellat.

    - Deg Asefru "Tafgurt tuffirt" yella wanida yesdukel Nnbi, Zarathustra, Antoine d Dun Xwan, yesguccel-iten di yiwet tfeqlujt, yeẓmi deg imeslayen, iẓemmi deg-sen almi nuγal nezmer ad nwali amedyaz Nufel am wakken yeqqel zdat wallen-nneγ d amekni(arijisur) yerran Cocktail-nni d-yeffγen deg wayen yexleḍ d tamarirt(laktris) n Hollywood iceṭṭḥen treddeḥ s wejdab deg usaru ideg tella tetturar. Imeγriyen ara t-yeγren, zemren ad aten-yekcem uḥulfu n imawlan ulufan, mi ara ilin ṭṭsen cexxren, netta(alufan) ad yettsuγu alamma d tikli ad yafeg iziγer-is, nutni ad ttnaγen d yiḍes ara ijebbden deg-sen am wakken tjebbed tmettant imudduren tettarra d at laxert. Mi ara yezger tilas llufan-nni s wesreεreε d isuγan, a d-refden imawlan iqerray-nsen s taswin yettergigin, ad ttnadin tazwara d acu t-yuγen, maca, mi ara walin teqreḥ n mmi-tsen neγ tayellit-nsen teffeγ-d ula deg wulawen yakk d taswin-nsen ula d nutni, ad ten-tḥaz temsalt akken iwata, ad as-ḥulfun, imiren ur ttnadin ara yakk a d-afen d acu t-yuγen, acku ad as-ḥebbren i uḍegger n wakud, ihi ad nadin kan γef tifrat, γef ddwa, skud ur ten-ifat lḥal.
    Asefru-yagi γas ad ilin widak ur t-nfehhem ara akka am nekk, maca, ad ḥulfun s teγri ara ten-id-yessakin, ara ten-yeskikḍen, ara sen-ikemzen anida iwulem neγ ad asen-yefken abeqqa a d-ldin allen-nsen. Asefru-yagi, γas meẓẓiy, γas kra imeslayen ifessasen kan i swayes t-yura, mačči d lxuṭṭba-nni yettaken anzi γer tissit n lkif d-yessawel Saεid Seεdi deg Weγrib, mi akken yekker s areqqeε n sidi-s Ğeεfer, maca, d asuγu-nni n Friedrich Wilhelm Nietzsche di "Der tolle Mensch", anida yettsuγu lmettwet-nni yeqqar:
    "Sanda yuγal qessam n Rebbi? Tram ad teẓrem anida-t?
    Waaaa d nekkni i t-yenγan - Nekk yid-wen!
    Wa d nekkni i yessafgen leεmer-is!"...atg.

    Γef usefru-yagi, nezmer a d-nini daγen, ameskar-is yessefra s wallen umedyaz Paul Celan tamuγli n F. W. Nietzsche.

    - Asefru "Awal n tmeṭṭut" yessekcem yes-s umedyaz taglimt-is di tin n tmeṭṭut yettwarekḍen, tin rran yemdanen d taγawsa mačči d amdan. S tewzel d tγawla kan: Mi ara t-iγer wemdan, yezmer ad iḥulfu s yimi-s yelsa icenfiren n Alice Schwarzer lemmer d taqbaylit ay tella.

    Llan daγen isental-nniḍen iγef yessefra, yal wa s tmuγli d tegzi m wazal ameqqran, ama d leḥmala n yiman, asteqsi n d acu n wemdan d-yegran deg wemdan neγ tayri yellan d tayri n tidet, mačči d isefra neγ ccna-nni γef ukasan(lkerh) iwumi ssawalen Leqbellec tizlatin n tayri.

    Ihi tura, ur yessefk ara ad awen-d-feḍḥeγ akk lbaḍna n wedlis-agi, ad ğğeγ imeγriyen a d-afen s yiman-nsen aqerruj.

    Awal-iw n taggara: Lqebṭanat neγ imḍebbren imeqqranen n tkebbaniyin n lεesker di Ledzayer ssaγayen times nutni s timmad-nsen mi ara ten-id-teṛsel di tẓegwa n tmurt di tlemmast n yiḍ, sakin a d-ssakin ibaṭayunen-nsen akken a tt-ssensen, rennun qqaren-asen, ttifxir ad rγen 100 yeεsekriyen, wala ad yerγ yiwen useklu. Widak-nni ttarran iman-nsen am wakken ḥemmlen tamurt mi d asen-qqaren akken, maca, nutni ttaken aqerru n tarwa n tmurt-nni d asfel. Nufel yesker times s wedlis-agi mi akka la cexxren Yeqbayliyen, yessaki-ten-id yes-s, maca, yeqqar-asen kan akit ur gganet ara, ldit allen-nwen, yesteqsay-iten acuγer d wacimi akken a d-afen isteqsiyen deg yiman-nsen, γas ulamma ad iniγ ula d netta yeẓra, ahat ttifxir ad yemmet wezgen n Yeqbayliyen a d-tegri tmeslayt, wala ad temmet tmeslayt a d-grin akk nutni.
    Netta d iγeblan iḥulfan-nsen ten-yessumlen d lebda i ibubb neγ i yerba deg iciwi usefru-s "Riγ ad rewleγ".

    Ma d asefru-s "Awal umedyaz" akka i t-yekfa:

    "Ldit allaɣ
    Ldit ul d wallen
    A d-iniɣ
    A d-smireɣ
    Ayen ẓriɣ, ayen riɣ
    D wayen i d iyi-iceɣben"

    Win iwumi ur yecrih ara wul-is yes-s, awer yecreh la netta, wala ayla-s!
    Sεid At Mεemmer

    Adlis-agi yettnuzu dagi:
    www.lulu.com/shop/noufel-bouzeboudja/brut-as-i-wawal-iw/paperback/product-20033146.html

    Asabter yellan deffir wa | Asabter n zdat

    Zdi-t deg Facebook
    Copyright 2006 imyura.net
    Just how well will this year�s Air Jordan gamma blue 11s retro do give that it�s a colorway we�ve never seen before? We can�t exactly imagine an Air Jordan XI sitting on shelves for too terribly long, but we have a feeling they won�t fly off shelves as quick as previous years� �Concord� and �Bred� releases. The sneakers will land a bit earlier than we�re used to seeing them-December 21st is the due date. Stay with us after the break for extra images on the �Gamma Blue� Jordan 11 gamma blue 11s and watch for them soon at shops like Nohble.Gamma Blue 11s}Jordan 11 Gamma Blue}Jordan 11 Gamma BlueGamma Blue 11sJordan gamma blue 11jordan 11 gamma blueJordan 11 Gamma BlueJordan 11 Gamma BlueGamma Blue 11sJordan Gamma Blue 11Gamma Blue 11sJordan 11 Gamma BlueGamma 11sGamma Blue 11sGamma Blue 11sJordan Gamma Blue 11Gamma Blue 11sJordan Retro 11 gamma blueGamma Blue 11sJordan Gamma Blue 11Gamma 11sJordan Retro 11Jordan Retro 11 gamma blueJordan Gamma Blue 11Gamma Blue 11sJordan Retro 11Gamma 11sGamma Blue 11sJordan 11 Gamma Bluegamma blue 11sgamma blue 11gamma blue 11s for saleJordan 11 ChristmasJordan 11 ChristmasGamma Blue 11sJordan Retro 11Retro 11 2013Retro 11 Gamma BlueJordan Retro 11Jordan 11 2013Jordan Retro 11Gamma Blue 11s For SaleGamma Blue 11sjordan retro 11jordan 11 gamma bluejordan 11gamma blue 11sGamma Blue 11s For SaleGamma Blue 11sGamma Blue 11sGamma Blue 11s