 | | |  |
 |  |  | |
|
|
|
Ṣut n tlawin
ha-tent-id yessis n tteryel, fflent-id seg idurar
imesḍan tibbucin εeryan, mači ar tukksa ibawen
aḥeq akk ayen bubbent, aḥeq aman d-ugment
ayen ččant akk n tiyita, ass-a ar d kksent ṣrima
win umi berrik wul, yaggad, mači d tameγra
win umi berrik wul, yaggad, ad tettnakk tikkelt-a
ṛuḥet ad tefkem s nnif-nwen, kenwi ay iḥeqqaren
di tejmaεt ur nettikki ara, nelha i ccetla d tarrda
cerbiṭa ay nesεa ger iḍarren terram-t d nnif-nwen
deg iḍ ma ur uzzilen idammen, sselεa i bab-is a tt-terrem
win umi berrik wul, yaggad, mači d tameγra
win umi berrik wul, yaggad, ad tettnakk tikkelt-a
"tagi d tudert-iw a baba, ad xedmeγ yes-s ayen bγiγ
akka i y-yehwa a "lgumri", win umi ur yeεğib lḥal, iṛuḥ ad iqewwed
muqelt muqelt a lγaci, tḍelmem-iyi a ddin ṛṛebb!
tura dayen sifini, yiwen ur d-yettass ad irebbeb!
anfet-iyi di lḥal-iw, win d-yuẓan nekk ad wteγ nekk ad wteγ nekk ad wteγ"
wagi d ccna n tid yettwarzen, yessusmen yeggugmen
ass-a imi neεzel deg idurar, mači d tuffra ay neffer
nekkenti a neqqim gar-anteγ, kenwi ṛuḥet ad tefkem
ass imi a wen-d-hwun idammen myeqqut gar-awen
win umi berrik wul, yaggad, mači d tameγra
win umi berrik wul, yaggad, ad tettnakk tikkelt-a
ad tettnakk tikkelt-a!
ad tettnakk tikkelt-a!
ad tettnakk tikkelt-a!
mači d tameγra
ad tettnakk tikkelt-a!
mači d tameγra
ad tettnakk tikkelt-a!
"SAOUT ENNISSAA" sγur "Lvachir"
tamawt: aḥric-nni s uzegzaw, s taεrabt, neεreḍ a t-id-nerr ar tagi-nneγ! tzemrem ad teslem i tezlit-agi "SAOUT ENNISSAA" dagi
Asabter yellan deffir wa | Asabter n zdat
Ubezwi
- Tinin-is...Tameṭṭut, akka tura tezmer i yiman-is, eǧg-itt ad tdafeε ɣef yiman-is s yiman-is yerna mabla ma tessexdem amawal-a amenεul i tessxedmeḍ kečč seg tazwara n usefru-k almi d taggara-s. Kra yekka usefru, teddemd-d amawal n urgaz tessufɣeḍ-t-id seg yimi n tmeṭṭut. Ma bɣant tlawin ad smneεlent mačči d lehdur-a i qqarent, wigi d lehdur-ik ay argaz... Steqsi-tent ad twaliḍ...
- Tinin-is...Taqqeṛṣeḍ yerna swadda sufella ay abezwi(Malek Ḥud). Ur zmireγ ara ad ssugteγ yid-k ameslay, acku temdel tewwurt uqerru-k!
- Tinin-is...Ur qqareɣ azul i yiẓẓan
Nwiɣ yelha ma fkiɣ-d rray-iw, d aya kan. Imi ziɣen wid i d-ufiɣ sdat-i d iẓẓan, caaaah deg-i mi qerbeɣ ɣur-sen yerna ɛefseɣ-ten-id... Awal ur t-id-rennuɣ akka d tasawent imi terriḍ askasi d tazulixt.
- Tinin-is...Azul fell-awen
akken yebγu yili, yelha imi d-tefkiḍ tidmi-k a Malek. Ma yella nettnadi a nesεu akk yiwet tedmi, i γ-yettrajun d nnger...ad yessifen d akud ma γas tikkwal yettεeṭṭil akken a d-yini awal-is aneggaru.
- Tinin-is...Ur yesεi ara yakk azref a d-yefk rray-is wagi a gma Winna. :-)
Argaz (anaẓur, Lbacir) yessekcem taglimt-is di tin n tmeṭṭut iwumi wwḍen waman γer temgert seg at cclaγem-agi, isuγ-d tiγri n tmeṭṭut, sakin imeslayen d as-yehwan ad ten-yesseqdec, d netta i d ameskar, d netta i yeẓran, i iḥulfan, ṣṣuḥaba(imedyazen) am wagi, la d as-yeqqar, tameṭṭut tezmer i iman-is ass-a, anef-as ad temmeslay nettat! Ini-yas ziγ s yixef-ik, imi tezmer i iman-is tmeṭṭut, ihi yessefk ad teẓreḍ, yeεğeb-as nezzeh usefru n dda Lbacir, imi tessusem, ur d-tenṭiq ara.
Neγ d netta i d-sbeddent d Maître Budima Meεεahu-nsent?
- Tinin-is...Azul,
Yal wa yaεğeb-it ṛṛay-is ! Awal d azref i-medden akk.
Ihi ula d nek, surefet-iyi, sεiγ cwiṭ n ṛṛay :
- taqbayli icban tagi n Lbacir tesεa amekkan -is di tira Xas ad yilli wid a-t-sengugi kra, ur asen thebbu yara, wicqa, udem n tmeslayt mači yiwen.
- awal n tmettut seg-imi bbargaz ! Ilmendad-is neγ mgal-is, nezmer at-id nesers ar tbaqit umeslay, ayγer ala ?
D acu deg-aya akk, win irefden awal, illaq ad-as yizmir (aγ-d iqenaε yes) mulac, ad negwri deg nebec nni ur nesεi lmaεna.
tanemmirt.
- Tinin-is...
Ay aferṭeṭu ucbiḥ areqman
Qqen deg_gifg-ik εelli
Nirr-as metwal Michoacan
Qbel asemiḍ ad yezzi
Zgger tiγezwa n Marikan
D San Luis Potosi
Tarusi-k deg durar n zan
D watma-k xas zdi
Ṭṭef agazu i-k yahwan
Taṛğuḍ tagrest at_tezri
Zdat maγṛes neγ ḥeyan
S agafa i-k tecbaḥ tikli
| |  |  |  | |
|