Sanda yessaweḍ umennuɣ n  Uqbayli-nni akken ad t-id-iṣaḥ wemḍiq ad yeddu akken iwala netta mačči akken bɣan at ufella? Dɣa mazal, ar ass-a n wussan, yettkemmil umennuɣ? Deg iseggasen yezrin ibedd Uqbayli s lqedd-is akken ad d-iḥelli  tilelli-is d tmesalyt-is d yidles-is akked izerfan-is. Yedda amecwaṛ, sakkin ileḥqit-id ukabar. Aqbayli-nni yellan deg umussu neɣ di tdukli yuɣal s akabar. Amennuɣ n Weqbayli-nni yuɣal d win n ukabar, d win n zzaɛim n ukabar. Yal yiwen sanda ijebbed Aqbayli-nni, yal yiwen  d amkan i s d-yessewjed di tmetti.
Aqbayli-nni yuɣal ibra i ṭbel deg waman. Tezzuzen-it tsertit n tedrimt d wid ittṛebbin tacriḥt .Yezzuzen-it ukkersi iqeɛden n parlement, n lḥukuma, n lwilayat, n tɣiwanin...
Ma akken i d-yelḥeq 20 deg yibrir, ad t-id qablen s iǧeǧǧigen, ad sfuglen tafsut s tẓiḍanin, ad as d-meslayen i Weqbayli-nni ɣef tefsut n Imaziɣen...
D tidet, illa wanda yessaweḍ Uqbayli-nni, i irekden...Maca d asurif kan. Rnu afcal-nni ifcel akken yezmer azekka ad yuɣal ɣer deffir, imi mačči d nutni i ibegsen i umennuɣ, d tasertit n ukabar i ten-inehren.
Aqbayli-nni i d yettnekkaren iḍelli, ulac-it ass-a deg wennar n umennuɣ ɣef Teqbaylit-is. D acu akka i t-iceɣben? Anda la-t, anda la-t Weqbayli-nni?
                                             Crif Wanuɣi