wow! Acḥal di ticett-is (laâmer-is) Lunis ?

Tanemmirt a Wansen imi d-tesserseḍ asxerbubec-agi n Lewnis-iw! Nekk γileγ aya ad yeqqim kan gar-aneγ :-)
@M. A. U, Ass n 28.07 ad yemmed tẓa(9) iseggasen.
D tidet yettaru akka isefra imecṭaḥ am wigi, timucuha, ahat(wissen) yezmer ad yaru mi ara yimγur, maca, nekk a d-iniγ fell-as d anaẓur ameqqran di ddabex(taciret uḍar), ma ikemmel akka yella tura. Mi ara tettwaliγ yetturar tura, tettuγ ddabex d adal, ttγilliγ-t imiren d taẓuri kan. Ahat imi d mmi???
Akka d afella ad awen-d-awiγ kra n tvidiyut ad twalim amek yetturar tura. Ssya s imiren walit dagi snat-agi, amek yella yetturar mi yella yesεa ukkuẓ(4) iseggasen d wezgen.

http://www.youtube.com/watch?v=4GotgtkQBTw

http://www.youtube.com/watch?v=yTdFdHetrIw&NR=1

Mi ara t-ttwaliγ*

Di Roissy nedfeε lekra
Aṛuplan ad icali
Abrid metwal agafa
S Liṛlande ara nezri
Ad ṛuḥeγ a-kem ğeγ a Fṛansa
Neεya d agi di Paris

Nfel tura i-Leggliz
Nekcem s agaraw meqwṛen
Sersen-d imekli d wenziz
D ifelfel kan ig-xuṣen
Di laviu aqlaγ nettmeyiz
Nettwaḥid deg iminigen

Albaεḍ ay teddu ad izuṛ
Yezdeγ tamurt ihenan
Wayeḍ icuqed lebḥuṛ
Yuγal s axam n imawlan
I kečči ay azeṛẓuṛ
Iwacu tεzbeḍ s iγnan ?

Sâid: atan mmi-k izmer i yiman-is! Gedha!!
Winna: arnu yaγ-d wiyaḍ ttxilek.

Ay ul aderγal wali
Tidet teqqel am tafat ass-a
Argaz yezga yettcali
Win iγef tetteḥdiqir tasa
Tura deg igenni yuli
Wissen ma yessen tansa

Yeqqar ad kem-yeğğ a Faffa
Ad iffel akin i Legliz
D abrid metwal agafa
Ğuğu la tettegliliz
Ttifxir-as ul-iw ma yerfa
Wala ad iyi-yernu d abaliz

Argaz ur iḥemmel ibibbi
D amaziR bu ifarrawen
Ur d iyi-yettawi deg irebbi
Umedyaz ameqqran ger yezwawen
A mmi wekkleγ Rebbi
Teskuferraḍ ulawen

Ğuğu(k?)

Ur ğaγ ig-geṛğa urewet
Yesentan tuzzar iqim
Yettṛağu ad ikker ubeḥri
Ad yefru lḥeb γef alim
Nekk ay uṛğaγ d ṣut-im
Γef ul yezuzuf lγim

Di swayeε qrib mraw
Seg-mi d-nekker si paris
Γuzzif webrid n ugaraw
Ya ṛuplan aεjel tikli
Aqlaγ nessendi uraw
Annezger ur nettnuγni

Nfel akin i-wgaraw
Zegzawen am zun d nilla
Tura nbeddel amenẓaw
Mačči d kra i d-nettara
Ulama amaḍal hraw
Wezzilet dunit tura

Uγal-d ay uḍrif
Ul-iw yebbehba
Tzedγeḍ-iyi adif
Γas tugareḍ baba
Tayri ur tesεi nnif
Leεmer γur-s kif kif
Tewweḍ-d nnuba
Zegreγ-d i wasif
Tura ad yekfu lḥif
Uγal-d a bu rrehba

Ass-a win yekkren
Dγa ad yessefru
D ul i k-ifernen
Mi d-teddmeḍ amru
Deg yiṭij-ik ffren
D aya iwumi zemren
D wagi i d aγurru
Ul-iw k-iḍefren
Yerna ur d-iberren
Aḥlil ma nettru

Kečč d agerruj, d iseγ
A win ur nessin
Fell-ak ma ssefraγ
La ttrağuγ tisin
Ini-d "a d-uγaleγ
Di Lpari ad n-akleγ!"
Ifadden ur fsin
A yemma selbeγ
Maca, ur uksaneγ
Ḥemmleγ Lḥusin

Ğuğu-kkkkkk!!!!

Ay ixf-iw kker ur ggan
Sbeh zik di tewlellas
Abrid-ik yedher iban
Σelli di tegnaw ḍelq-as
Meqqer uzwag iy inγan
Tasmunt-iw rzu fellas

I nekk iεezben s iγnan
Acḥal tura d aseggwas
Ur nfaq mi zrin wusan
Ay ul-iw ṛecdeγ kullas
Ay agellid i t-yencan
Γit-aγ ad yazef lweswas

Tayri-m tuẓẓa-d ar iγes
Ul-iw tneddh-as tmes
T-tiγimit yidem ay nuyes
Melmi am nuγal d amwanes

Awi yuqlen d ifirless
Ar γurem ad iγewwes
Yak ṛebbi lexbeṛ γures
Ar γuṛem ig-gelha yiḍes

A tasmunt asefru-m weḥdes
Mi-snesla ufwad yefriwes
Naεret ay iεesasen n delles
I teddun mbγir lḥess

Aqli am tegnawt m-meγṛes
Yal ass d anefḍes
Γit-aγ-d ay ibaḥriyen
Qbel afud ad yerresres

Tudert at-tezri am-maḍu
Akud la iserru
Nekwni la ntezi ntenneḍ

Ula d iṭij ad yemḥu
Ad yexsi am-safu
Ad yaf iman-is semmeḍ

A tasmunt n zaylellu
Kulci yettfukku
Di dunit d ayen i-t hawṣeḍ

Rebbi nekk yes-s ur umineγ
Ur k-yexdim ur k-yerri
Ma tumneḍ s leḥmala-nneγ
Uγal-d tura γer Lpari
Ini-yi-d anda ad k-mlileγ
Anida ara γliγ s irebbi n tayri

Deg wexxam n tayri ur d-nettḥuğğu
Ma yella tugi ulac ad xedmeγ
Ihi ad k-iniγ tura arğu
Tagi yessefk ad tt-ẓreγ
I kečč tḥemmleḍ Ğuğu?
Ttxilek ini-yi-d ḥareγ!
Iḥeqqa tturareγ abanğu
Isefra-k yes-s ad ten-id-bbeεzaqeγ

Tudert-iw ger usefru d leḥmala-k
Ssefruyeγ akken rebbaγ fell-ak tasa
Ḥemmleγ-k akken ssefruyeγ
Nekk ur teffreγ ara ula γef icenfiren-iw
Isem yettbibbi yiles-iw
Lḥusin Ukerdis, mmi-s n Yeflisen Umellil
D acu ara d-iniγ tura γef lqedd-ik
Γezzif almi dayen kan, ma d tameddurt wezzilet
Yak akka?
Lemmer ad iyi-d-testeqsiḍ d acu ara ferneγ
Ma d kečč neγ d tameddurt-iw
Ad ak-iniγ, ttifxir-iyi tameddurt-iw
Dγa ad trewleḍ fell-i
War ma teẓriḍ d kečč i d tameddurt-iw
Lemmer ad ddreγ yid-k
Asmi ara mmteγ
Ur yessefk ara yakk ad tettruḍ fell-i
Ma ulac ad terfu fell-ak tayri
Kečč γur-i am CO2
Nekk daγen ur zmireγ ara ad ddreγ war CO2
Ma ulac ulamek ara d-rreγ nnefs
Ur sεiγ la itran, wala iferrawen ad ak-ten-fkeγ d tunṭict
Maca, γur-i sin ifassen zemren ad tk-ẓemḍen s idmaren-iw
Γer tebbucin-iw tileqqaqin
Ticuffiḍin
Yakkd wul k-iḥemmlen
Lemmer ad afeγ akka tura
Ad iliγ yid-k
Ad k-ssudneγ si temgert
Ad summeγ icenfiren-ik s leḥkar
Ad mmeslayeγ yid-k γef ddunit
Ad lḥuγ yid-k γef yiri n la scène
Di teẓgi n Bois de Boulogne
Ad aγ-d-yini yiṭij
Yelha wayagi la ttwaliγ
Aṭas i yeẓriγ γur-wen di sin
Berka-yi
Yerna d ayen yelhan war ccekk


Ğuğu-k a ddin qessam!

Si zik i k-ḥemmleγ a Lḥusin
Tayri-w yeffer-itt fell-ak kan leḥsed
Ihedder-iyi-d fell-ak ziγ ur k-yessin
Ufuḥan-nni n mmi-s n Wemsed
A ziγ ul-is yeddem-d timqessin
Imi-s am weqjun yeṣṣeḍ
Ur iḥemmel ara ad mlilen sin
Ihi deg-k yewwet yessefsed

Tura faqeγ-as dayenni
Wezzilit iḍarren n lekdeb
Ula d Yir Nettat tenna-yi
Lḥusin a yelli d ddheb
Yufa-tt wul-iw yergagi
Ul iḥemmel-ik d leεğeb
Mmi-s n Wemsed ass-agi
Sliγ yes-s waqila yesleb


Ğuğu-k

Nemyusan werğin nemlil
a tağeğigt ifawen
a tin i-yi gan awri
turezḍ-i deg-selkimen
tura uγeγ tanumi
s isefra-m yettdawayen

nemwalaf aṭṭḥa nemlil
a tufrint n iwasifen
akud yidem yettiwzil
a mm tayri yettlehlihen
iγaḍ-i ṛṛehn-iw aḥlil
wisen m ad mmeẓṛent walen
-----
ay iṭij i d-ineqqṛen
ẓṛan-k akw medden
seg ugmuḍ i d-teṭṭiliḍ

aggwaḍ-ik γer tin εzizen
ul-iw yugwi ad yethedden
tasa-w tettqudduṛ d nnfiḍ

ay iεesasen n iflisen
la nedheγ yiswen
iḥeṛs-aγ wezger γer lḥiḍ

------
Aqli-yi am imiγer l-lebḥeṛ
iεecqen lubabeṛ
ay nunag m bγir aεwin

Yerra-yi zman d aεṭaṛ
si zik d anemḍaṛ
nudaγ-d meṛṛa timdinin

lwaḥc n tmeddit yuεaṛ
ula wuked nqeṣaṛ
naεṛ tura a-kem nissin
-------

A taṛwiḥt aṭas meḥneγ
Yissem i-nddurzeγ
Ay ṭṭseγ di nuttil

S yirr aḍaṛ ay ssuqeγ
Nfiγ-d meẓẓiyeγ
Ğğiγ-d iflisen umellil

D iminig g-wasmi d-kkreγ
Ay abrid ur frineγ
Nettcedhi s-ut umeddil
-----------
tayri-im id yuẓan s adif
ttezzu am uẓaṛif
tesdegdug deg-i am times

limer alaγ ur yesrif
ilezm-ikem ennif
a tasmunt aṭas nuyes

fellam aqlaγ netthetrif
a mm sxab d rdif
melmi ara nemwanes

ay aṣefṣaf
tayri tesseknaf
ata wul yennetlaf
ur yeẓṛi anida ar'a-tt naf

ay azraraf
ncedha tirezzaf
ur-aγ ssendaf
a tayri ur nezggil leryaf

ay ul ay acnaf
yeṛwan tikuṭṭaf
teḍṛa yidi am igufaf
yeččan seksu ur yufaf

Ay aflis umellil wali
Sel-d i usefru acu a d-yehder
Γas nekk d yelli-s n Micli
D Tawasift n seddaw wedrar
Maca, ḥemmleγ tilelli
Amendil aqerru-w ur t-yeffer
Tidak ay argaz lεali
Nadi-tent di tmurt n Mεesker

Ur d iyi-yessawal tasmunt a Lḥu
Ur ttnadiγ ad recleγ(ad zewğeγ)
Anef-aγ s tayri ad nelḥu
D nettat ad ak-fkeγ
Acimi taṛuẓi uqerru
Ur d iyi-yettaγ ur k-ttaγeγ
Eğğ ad k-yeskikeḍ uferteṭṭu
Targit γer tefsut ad ak-teffeγ

Amdan iḥemmlen wayeḍ
Yessefk ad t-yegzu mi ara d-yusu
Cmumeḥ-d ul lebγi ad t-yaweḍ
Ḥemmleγ ad waliγ aseḍṣu
Tuγmas-nni is tcebḥeḍ
Iḥeqqa acimi tegganeḍ deg usensu?
Γur-i melmi a d-truḥeḍ?
Melmi ad k-d-heggiγ usu?

Ğuğu-k

Uḥeqq ul n wergaz yettrun
Tesseḥdaqer s tidet tayri
Di tmuγli-k ar d wehmen leqrun
Mi ara tbedd zdat lemri

Yiwen-is mi tella di dduḥ
Neγ d tamγart mi ara temmet
Deg-s ur yettbeddil wazuḥ
Akken qqaren at Bgayet

Ciao a Lḥu, ziγ d tidet i d-yenna fell-ak mmi-s n Wemsed!

Ğuğu n yiman-is

Yal tiyita deg-i s tefḍist
isefra-m sduqqusen
ma d wid tessedha dunit
ččan am izgaren ṭṭsen

Ulama ngen a tukyist
yuqaε nadam ger walen
i-γ yeğğan necba tisist
ay neẓḍa deg-selkimen

Talafsa terfed taddist
ziγma ggwten imcumen
uḥeq Timeẓṛit tiflist
tina yuεan s Imẓalen
d wid i tesdeγ tunḥist
i-γ yenfan seg iflisen

--------------------
Deg unafag aqli selbeγ
D kem ictaqeγ
A tin ifazen af tulas

Ur tnuγni ad uγaleγ
D kem ay ḥemleγ
Leḥmala n mebla tilas

Teẓṛiḍ di beṛa i d-kreγ
Aṭas i nddurzeγ
Seg asmi ibda ureqas

Uḥeq ṛuplan rekbeγ
Tin yes iwwiγ erreγ
Di tmura ibaεden aṭas

Abrid-a t-tidet kenfeγ
Fellam ay ḥenteγ
Tayri aqli d ttnaṣf-as
----
Ixf iččur d ayenni
amek ara d-yini
ayen ig-gezrin fellas

yerna yuγal yettnuγni
m'ara d yemekti
anyir-iw nek d amesas

aqlaγ neggugem am isγi
nenfa-d s teγwzi
mačči kan snat turdas

di tirwas ay la nsseni
lγurba tejla-yi
ẓẓayet amzun d amerwas

nqer-d a taflit igenni
ay aggur n tziri
fellaγ ad azfent tilas
--------

Yecna-d aΣli Amran isefra n at zik....

...''Af asen mig-ruḥ iflis
mi nerra sslam-is
netta iṛuḥ nekwni nṣubb-d
a tağaεbubt bbwegris
yecbaḥ weksum-is
deg ul-iw ur yettif ḥed
mi sliγ wi-d yebdern ism-is
yebbeḍ-d lexyal-is
s imeṭṭi la nεebba-d

lḥaṛa n baba d layas
mi εeddaγ tilas
ḥsiγ lγurba-w tḍul
asmi i yebγa uεsas
nettmeẓra kull ass
nekwni d leḥbab neddukul
ma d tura trab γer llsas
kulci bniγ fellas
erriγ-as tablaṭ i wul

lεaslama-inek a lbabuṛ
azegzaw innuṛ
a win-a yeddelwiḥen
sslam i-k uzneγ awit
lamaεna siwḍi-t
awit akw i yiγriben
innas i yitbir n ssuṛ
γurek di leγrur
tuεeṛ yellis medden...''

Ukerdis Iflis

azul i tsekkurt n djerdjer tanmirt γef usentel i d-tewwiḍ deg usefru maca nekk iγaḍ-iyi lḥal imi yegzem usefru-yagi γer tagara mačči d lḥeq γef wid tigezmen sḥasfeγ

Di lherzan is umedyaz acawrar..yif cwit bab as!