Wissen ma rsen dγa yeγsan-ik tesgunfaḍ acemma neγ teṛwiḍ imeṭṭi fell-aγ?

 Ass-nni mi k-wwten, kečč tkecmeḍ amraḥ n lebda, nekkni newweḍ sanda ara naweḍ akk, imiren i tekfa fell-aγ ddunit.

Ayen yeḍran yid-neγ deg wexxam n tmettant teẓriḍ-t akk, war ma steqasaγ-k, γef wayen i d ak-nniγ, teṛwiḍ imeṭṭi fell-aγ.

Ẓriγ ur tt-tḥemmleḍ ara tmettant-agi ideg nella, ideg d-negra zdeffir-k, ẓriγ yečča-k wul-ik fell-aneγ, nγaḍ-ik, negzem tasa-k, akka i d kečč, akka i d Lwennas, akka i k-nessen.

Yessefk kan ad teẓreḍ, γas akka nettwamḍel, seddaw wakal ay nella, kečč deg igenni, ay aggur ger yetran, maca, ur d aγ-teğğiḍ ara, iγallen-ik meqqerit, teẓẓleḍ-d afus-ik γur-neγ, yeslufuyeγ ar ass-a ubeεzeq n ṣṣut-ik.

Tanemmirt a Lwennas!

Sεid At Mεemmer