|
|
|
Afus deg ufus (Mbarek Belqasem: www.tawalt.com)
Libya fus deg ufus
γer Geddafi s uherkus
Iceffaren(imukar) d yimanγan,
tarwa n Libya a ten-ssufγen
El Geddafi Wikileaks
A t-nessufeγ s kliniks
El Geddafi d amanγi
Wer yeğği mani wer yenγi
Idammen n iniγan
Ttazzlen am iγeẓran
Inni yewcin(yefkan) tudert-nsen
Wer tettut minxef(γef acu) mmuten!
Aγref n Libya ixes
Ad yeγḍel anagraw(adabu) nnes
Aγref n Libya wer ira
adlis nnes aziza(azegzaw)
S timγarin d yiryazen
a nazzel xef iceffaren
Zi Benγazi ar Zwara
Tarwa n Libya d imezwura
Zi Mesrata ar Γat
Tagrawla ar tarennawt(la victoire)
Tallest(ṭlam) n Libya terka
Tufat n Libya tefra
Tilelli d abrid-nneγ
Libya d tamurt-nneγ
Necnin nerzu tilelli
A nili niγ wer ntili
Mbarek Belqasem (www.tawalt.com)
Asabter yellan deffir wa | Asabter n zdat
Islam Bessaci
-
Tinin-is...YIR LAḤKEM
Ḥkan-iyi-d γef wid yeṭṭfen tamurt
Deg umenzu n tefsut
Ziγen ğğan-tt yerẓa-tt lhem
Dγa d wagi i d laḥkkem
Rran fell-as timedlin temmut
Tidett γumen-tt s tagut
Attan deg-s irekkem
Dγa d wagi i d laḥkem
Nnan-d zehr-is ifut
Kkert a d-naru-t
Akken a s-d-nerr asirem
Dγa d wagi i d leḥkem
Tikwal a -γ-d-inin arğut
Neγ akuya lḥut
Ma d nekni nezga newhem
Dγa d wagi i d leḥkem
Σegḍen-d fell-aγ s yiwen ṣṣut
Am win yuzan wayeḍ s tefruyt
Deg wul-nneγ i igezzem
Dγa d wagi i d leḥkem
Yibbas nemlal argaz tameṭṭut
Nebγa ad-nawi ttbut
Nenna-d ayagi yeḥrem
Dγa d wagi i d leḥkem
Yewweḍ-aγ-d rbaḥ γer tewwurt
Zzin-aγ-d am uweṭṭuf
Nnan-d i nekni mi iwessem
Dγa d wagi i d leḥkem
Nuγal nuğew-d lqut
Kkesneγ-aγ-t-id i terbut
Nnan lqut-agi yeqdem
Dγa d wagi i dleḥkem
Bγan ad ṣegden ula d tasekkurt
Σnan-tt alamma d tazemmurt
Sxerben-as lεec texdem
Dγa d wagi i d leḥkem
Σeddan-d iṣeggaden s teflukt
Slan la yettmeslay lḥut
Nnan lqut fell-aγ yeεdem
Dγa d wagi i d leḥkem
Nnan muḥal ad nettut
Tamsalt-nneγ a s-necfut
Γef wid i γ-yeswen ssem
Dγa d wagi i d leḥkem
Aqel-aγ nettwexneq di tusut
Deg wakken nesker rrhut
Γef wayenni yebna yedrem
Dγa d wagi i d leḥkem
Zik nnan-d ur tkennut
Ayen i tebγam a t-tarut
Ma d tura aqel-aγ nendem
Dγa d wagi i d leḥkem
Nnan laẓ a s-nexḍut
Γas ma ur telli teccuyt
Ula d seksu ur irreddem
Dγa d wagi i d laḥkem
Zik tella d tmezwarut
Tura tuγal d taneggarut
Rran-d fell-aγ ḍlem
Dγa d wagi i d leḥkem
Nnan-d ahat kan ad teḥlut
Fiḥel ad tedεut
Yerna ur tuḥwağem aleqqem
Dγa d wagi i d leḥkem
Nnan-d attan γur-neγ tsarutt
Mazal-iken tettargut
Gar-awen i tettnaγem
Ihi yexḍa-kken leḥkem
Islam Bessaci
-
Tinin-is...
Yura umezruy s yidammen
N tarwa εzizen
Akken lbaṭel ad yeγli
Yuli-d wass γef Yimaziγen
Bedden-d am yiwen
Ad idiren deg tlelli
Acengu-nni yezγezγen
Ur yeswi ziγen
Ha-t, fell-as, tuγal tili.
-
Tinin-is...
Ay ttruγ tugim at-trum
I-yi ğğan ur d-uγaleγ
Yeffeγ-ed fellaγ yir lqum
Adabu axṣṣim yernayaγ
Aεrab ma yeṭṭef laḥkum
Acḥal d abrid ay ssuγeγ
A wetma aṭṭas i kerzeγ
Qqaren yewεaṛ weγrum
Di beṛṛa gw-asmi d-kkreγ
Nenfa mačči d ayen anγum
Nekki f tilleli id-ruleγ
Albaz uzlig n uqamum
Am ass-a ar d-uγaleγ
Fellam ad yazef ulemlum
D leḥnana inem ictaqeγ
L'exil yuqqwel-i d amcum
a wetma wellah ar xaqeγ
Yal-ass fellaγ d anezgum