Taskelmuḥyet
tawlaft-agi yeṭṭf-itt-id Bussaεd Buεic
Ccan-is meqqer
Yeğğaγ-d d acu ara nγer
S yes-s ulawen ur ten-ntett
Aṭas i neṣṣber
Neεya deg wesberber
Yewweḍ-d lawan n tidet
Ass amenzu n nunamber
Aqbayli meẓẓi meqqer
Ad iderrez taskelmuḥyet
Nebγa a d-neffeγ seg yeγẓer
Ad nuγal s ayen iγef nennejla
Taskelmuḥyet tewwi-d aẓar
Si Muḥya yakkd tsekla
S tmuγli unaẓur ad nẓer
lğennet nettargu amek tella
A ssi Pertuf ṛṛeẓ nnwaḍer
A ssi Wakli aql-aγ neḥla
Tasetna
Ass-nni ad nettemserbaḥ
Taskelmuḥyet tameggazt
Deg iberdan ara nceṭṭeḥ
S umezgun yakkd tmedyazt
S Muḥya ad nzuxx ad nefreḥ
Nsenned telha tεekkazt
Mi d-nuki azekka-nni ṣṣbeḥ
Ulawen a d-ddmen tamadazt
Tasetna
S yisem-ik ay azamul n tayri
A kečč nefren d amedya
Ad neddu di lebγi i teγri
Ad newwet s wallaγ lbunya
D kečč ad nerr d lemri
Akken ad aγ-teffeγ nniyya
D kečč i d Ḥmed Umerri
N tegzi a Muḥend U Yeḥya
Tasetna
Neẓra ad yiγzif umecwar
Maca, la ntteddu s iswi-k
Γas ma d adrar ur yewεer
Ad t-nerr d luḍa s yisem-ik
A d-nessuqel ula i Buzitwar
A ssi Tadir ṭṭef imi-k
S yes-k ad nhudd yakk leswar
Ssarameγ ad yecreh wul-ik
Sεid At Mεemmer