Azul fell-awen,

Tazwara tanemmirt tameqqrant i Yemyura i ɣ d-yessawḍen tizlitt-agi. Neḥwaǧ tira n teqbaylit yal ass, yal tagnitt. Am yal tikelt, Lewnis yuklal tasleḍt n isefra-s. sya ara d-naweḍ ɣer din, atan cwiṭ useɣti n tira usefru i d-tefkam dagi (izirig n wafir d useɣti ines) :

4.    Yufa-d iṭij iqubel-it
7. Iberrez γef gma-s yeγli,
41.  Baba-s akk-en i d-yelli imi-s,
45.  Ini-as i baba-k unḥis,
46.  Mači akk-a i teddunt temsal
47.  Ma ad iyi-tceggεeḍ ciweṛ-iyi,
54.  Ɣer umecṭuḥ d ulemmas
57.  Ugareγ-ken di tmussni,

Ar tufat neɣ izen iḍen.
Nnaṣeṛ

Azul a Nnaṣeṛ,

tanemmirt imend useγti-k!
Ax ihi ula d kečč aseγti n wagulen yellan deg wayen tesseγtiḍ
Ar tayeḍ
Lxuğğa n mmi-s n Wemsed

41. Baba-s akken i d-yelli imi-s
46. Mačči akka i teddunt temsal
47. Ma ad iyi-tceggεeḍ ciwer-iyi,
54. Ɣer umecṭuḥ d ulemmas
57. Ugareγ-ken di tmusni
Ar tufat neɣ ar izen-nniḍen.

Wagi yelha:

54. Ɣer umecṭuḥ d ulemmas

Welleh ma qebleɣ! ma bebbeɣ!

Awal <akk>, nezga neqqar "Amek yettili baba-k? Ǧǧiɣ-t-in akk d wakk...". "akk" ur iteqqen ara ɣer imeskanen a, agi, en,-nni,...
yettwaru akk-a, akk-agi, akk-en, akk-nni, akk-agini, akk-inna,...

Maca nezga nɣelleḍ, nessexlaḍ ger "akk-en" (amernu n tɣara s umeskan) d "akken" (tasɣunt n yeswi). Amezwaru, nezmer a nerr deg wemkan-is "akk-a", "akk-agi, "akk-nni",..., ma d wis-in nezmer a nerr deg wemkan-is "bac", "i wakken", "ammar",...
Ɣef way-agi, amezwaru yesɛa ijerriḍ, wis-sin ulac.
Tagi d cwiṭ n tamsirt.

Ar tufat.

Ɣret : "ma d wis-sin nezmer", mačči "ma d wis-in nezmer".
Tanemmirt.

Ihi ad as-neğğ i llah ad yexdem ccγel-is.
"Lḥaraka wa ssukun, illa bi idni llah!".

Tagi d tarewla...
Acuγer ur tebγiḍ ara asqerdec?

Azul
Tamedyazt n Lunis lqayet nezzeh.Ait mengellat ttwaliv-t am umaru n Marikan Wadda (Chili) Pablo Neruda i d-yeqqaren deg wawal-is timsal timeqqranin s wawalen n yal ass.
Lufan i d-yella deg taγla n usefru yal afyir iman-is am wakka ahat ad d-yas yevbeḥ ugar.

Tafejrit tamezwarut
D ass amenzu di ddunit
Si lebḥer yeffeγ-d lḥut
Ilḥeq-d gma-s yettwali-t
Iberrez γef gma-s yeγli
Yečča-t uqbel ad isuγ
Ur ẓriγ ara acimi
Lamaεni
Ass-nni i d-yebda umennuγ

Azul fell‑awen,
anwa i deg d‑yelha d agi Lewnis:

La ttnadin γef tsarut, tawwurt werεad i tt-ufin
Ceγlen-d ma ad telhu tefust, nutni deg wegris γellin
Wa yenna ttḥebbiren i lqut, wa yenna mebεid i ttwalin
uγalen kul wa amek yettwali, gar-asen lefhama tluγ
ur ẓriγ ara acimi, lamaεni ass-nni i d-yebda umennuγ

?

La ttnadin γef tsarut, tawwurt werεad i tt-ufin
Ceγlen-d ma ad telhu tefust, nutni deg wegris γellin
Wa yenna ttḥebbiren i lqut, wa yenna mebεid i ttwalin
uγalen kul wa amek yettwali, gar-asen lefhama tluγ
ur ẓriγ ara acimi, lamaεni ass-nni i d-yebda umennuγ

A Muyyud. D wid yeddan d udabu neγ i s-yefkan afus, am Weld Σli lhadi, Khalida Tumi, Said Sadi...atg i d-yelha, i iγilen γas ur sen-d-ldin ara tawwurt, ur tt-ufin ara, γilen ufan tasarut s wayes ad ldin tawwurt ur sen-d-sskinen ara. Nutni daγen i iγellin deg wegris n udabu, nutni ttargun tafsut n tugdut, ur yellin ur d-yettilin sγur adabu. Llan wid i iqqaren ttḥebbiren γef nnfeε-nsen, llan wid i iqqaren mebεid kan i ttwalin ur cliεen deg yiwen. Dayen ibanen kul wa deg-sen amek yettwali; lefhama gar-asen, am gar Xalida Tumi d Said Sadi ur telli, tluγ.

Tura γas yelha-d d wayeḍ, tamedyazt n umedyaz, ticki i d-teffeγ seg imi-s, tettuγal mači d ayla-s. Amedyaz d amedyaz kan, mači d asertan, mači d nnbi.

Awal d tmuγli n Lunis γef tmaziγt d yimawlan-is ; rray-is γef umennuγ n zik d tura d wayen i d-yelmed seg umecwar-is, syen awal-is yezzi γef ccna.
Yenna Lunis :
zik amennuγ yella kan s ccna, win i d-ineṭṭqen s teqbaylit d ameγnas, xas ulamma llan wid yuran u ttnadin γef tmaziγt ; nezmer ad d-nader Boulifa, Hanotaux. Yella ula d yiwen usekles n 1880 di larebεa nat Yiraten iwumi sliγ γer Mahfoufi. Acu ayen yura Hanotaux γef tmurt n Leqbayel d agerruj. Ad naf deg-s akk leεwayed-nneγ d wamek teddun lecxal n leqbayel. Aṭas i d-yennan yewwet deg-neγ s leqsaḥ, nekk ad d-iniγ yenna-d ayen yellan deg-neγ :ayen yelhan d wayen ur nelhi axater yura-t i yirumyen. Tawaγit-nneγ, nuγ tannumi nettzuxxu s yiman-nneγ ; leεmer nwala udmawen-nneγ γer lemri. Skud ur nettemyuzzam ara gar-aneγ, ur d-ncebbu ara leğnas. Ula d aselmed n tmaziγ yella si zik, bdu-tt si Boulifa…acu kan mačči akka, ihi amennuγ yebda acḥal-aya.
Ma d tilibizyu n tmaziγt, γer γur-neγ i teqqim : ma nebγa ad tseggem ilaq ad nger afus γer daxel, mačči ad neğğ wiyiḍ ad xeddmen akken i asen-yehwa syin nekni ad nettcekti. Acḥal d abrid i d-gren tiγri yimḍebbren n tilibizyu-agi i wid yesεan kra ara d-mudden…ihi ma yella win ara nlum, ad nezwir deg yiman-nneγ.
Islam Bessaci

azul a lizaartist
mači f umennuγ la lutte neγ le combat i d-ihedder umedyaz lamaεni f umennuγ s unamek n ccwal, amberrez, lgirra, gar yiwen d wayeḍ neγ gar tarbaεt d tayeḍ gar tamurt d tayeḍ

Tanemmirt a Nnaser γef useγti-nni inek. Mwataγ yid-k anagar deg "akk-a" akk d "akk-en"; imir-a ur ten-sseγtayeγ ara maca ar zdat ticki ttwaqennεeγ, a ten-aruγ akka i d-tenniḍ. Gziγ ayγer i triḍ a ten-naru akken maca nekk γileγ uγalen d awalen s timmad-nsen ma γas azar-nsen akka i ten-id-tenniḍ.

Ssegzu-yaγ-d acuγer a Winna s yixef-ik!

azul, Luwnis at Mangellat nḥemml-it aṭas, asefru-s yugar wiyiḍ, seg zik mi rrwint fell-aγ a γ-ten-id-yefru s usefru-s, yezga yessakay deg-nneγ yettara-yaγ-d asirem d yiseγ i γ-yettruḥun tikwal, armi i γ-d-slan i Wehran akk d Σennava, dγa nefcel, ula d netta yefcel yid-nneγ, "lamaεni" maca tura nuγal nerra-d tixenfyac ar γur-nneγ, nedda d weldalilhadi nsel-asen deg Tizi-wezzu.

ferqen larẓaq watmaten, kul yiwen yelha wayla-s
yekker-d umeqran deg-sen, γer umecṭuḥ d ulemmas
i wumur n'teqcict andda-t daggi?ayen amecṭṭuh d-umeqran kif kif,ma ara yilli ekkren-d di dduks.ger win yesεan 50 isggasen,d'win yesεan 20,macci d'sswav!&er iqvailiyen,ma ar add laleḍḍ d'amazuz,am akken tervheḍḍ-d la lotri.ma d'amenzu, ay ahviv xedem ne& qim.amek ur yett kkar-ara umenu& anda ulac taedilt?

A Lxuğa

γas ur neqqar ara "akk d wakk" maca neqqar "akka d wakka" neγ "akkin akka lḥebb yugar takka"; ayen ibanen: ar tagara n wawal d ameskan i yellan "a", "agi", "en", "nni", "ihin", "ihinna". Γef akka i s-nniγ gziγ ayγer i triḍ a naru akka i d-yenna.

Tanemmirt a Winna ilmend usegzi! Imusnawen-agi-nneγ n tesnislit, wigi la neṭṭafar di tira, γas ulamma nedda di leεqab-nsen, maca, nutni ufgen am weεbar zdat wallen-nneγ, neggumma ad ten-nelḥeq, acku zwaren-aγ s lqern mi yebdan tikli. Ihi wigi iγef la d-ttmeslayeγ ur ttarun ara akka d-yura gma-tneγ Nnaser. I wagi tura d asnulfu ara tegzuγ neγ d acu-t? S uqerru-w ar zgiγ ma ttafeγ-asent-d ixef-nsent i temsal.
Wissen ma tegziḍ-iyi?

awid ukkan imi nesεa idukturen i isellen i nnda ma a tekkat. ma d nekni ur nessaweḍ ara ula a sen-nsell i nutni s akken iγeṣben tikli.cwi kan nsell s yismawen-nsen ttwanasen-aγ a lxir a tafat. a nnegr-im a taγeddiwt.jmiεliman lemmer ad uγaleγ d duktur ma tuγalem ad teslem yes-i akken a yi-tcuffem aqenduṛ a ccetla ixeddmen liviraj deg luḍa.

Tanemmirt nwen, a Winna, a Lxuğğa d Dabqa γef wawal-agi i d-teksam.
A wen iniγ kan d akk-en yal wa deg wemkan-is : amussnaw deg tussna-s, amyaru di tira-s, imeγri di tγuri-s, win yessawaḍen neγ d-yessufuγen idlisen,... ula d tiyemmatin yettarwen; teḥwağ-aγ akk tmaziγt.
Akk-en yebγu yili, ma d tamsalt n tira n tlatinit, tamaziγt tewwi-d abrid γezzif. Si lqern wis-19 ar ass-a, tennerna mači d izli ladγa imi, ilmend uselmed ines d takit n wid-is, gren-d wallalen n usufeγ itraren (imprimerie) d wallal n wantirnat taggara-gi.
Akk-a i nnernant tutlayin akk, yerna feṛḥeγ aṭas s tira nneγ tura acku, iseggasen-agi ineggura, drus i la yettbeddilen di tira. Amzun akk-en "yemmed" weslugen-is (la normalisation). Ssarmeγ wid yettarun ad ggaren tamawt i way-en d-iteffγen, ma wid yettnadin ad γiwlen deg unadi. Maca tajmilt tameqqrant i wid yettarun.
Ar tufat.
Nnaser

Surfet-iyi...
γret "tira s tlatinit" deg wemkan n "tira n tlatinit".
Ar tufat.

Tanemmirt a Nnaser!
A Dabqa, s uqerru-w ma gziγ-k akken iwulem, maca, ḥulfaγ γer γur-i i d-terriḍ nnican. Ma yella ur zgileγ ara, wissen acuγer triḍ ad as-txedmeḍ tifettusin d tqejjirin i wayen ur nelli???