 | | |  |
 |  |  | |
|
|
|
Yemma Ur zmireγ ad ten-id-rreγ d awal
Iḥulfan yeẓẓan deg-i
Amek ara ten-id-ssegzuγ:
uḍan ur d iyi-yettağğan ad gneγ
D kemm, a yemma, i d-ttmektayeγ
A taεzizt, a tasa, ttxilem ssuref-iyi
Γef taγart uqerruy-iw
Γef iberdan yessawnen ḍefreγ
Ssuref-iyi, a taεzizt, imi kem-ğğiγ
Imi i d am-scedhaγ isalen
Deg targit ssudneγ afus-im
Akkd yimi-m yezzmen
Ttruγ mi ara d-mmektiγ
Imi d am-sserwaγ tamara
Ssuref-iyi, a taεzizt
Ssuref-iyi s tayri-m i tikkelt taneggarut
Acḥal ur wwiḍeγ a kem-fehmeγ.
Ar ass-a i yi-d-yeggran ad at-gzuγ
A ziγ drus i ḥemmleγ
Seg wakken ur ssineγ dacu-tt tayri Ssuref-iyi, a taεzizt, imi kem-ğğiγ
Imi i d am-scedhaγ isalen
Deg targit ssudneγ afus-im
Akkd yimi-m yezzmen
Tayri-m ur tli tilas
Am usirem-im akkd tirga-m
Ssuref-iyi imi ur ḥdiqeγ
Ayen i kem-yesnuγnayen aṭas
Ass-a ssneγ γef tudert ugar
Ssawḍeγ ad gzuγ ddeqs tγawsiwin
Ttmektayeγ-d amek i d iyi-d-trebbaḍ
Bγiγ ad kem-id-ẓemḍeγ γur-i
Ssuref-iyi, a taεzizt, imi kem-ğğiγ
Imi i d am-scedhaγ isalen
Deg targit ssudneγ afus-im
Akkd yimi-m yezzmen
Asabter yellan deffir wa | Asabter n zdat
Sεid
- Tinin-is...Yelha, igerrez, yeddez yebrez yerna yekkat srid s ul.
Grazie a gma Winna!
Anef ad as-yini fell-i mmi-s n Wemsed, la sqizzibeγ!
- Tinin-is...Tanemmirt a Sεid. Atan sseγtiγ-t akken i yi-d-tenniḍ. Asefru s tmeslayt-is yakan igerrez nezzeh. Γas akken cwiṭ kan trusit i ssneγ, imi s-sliγ tikkelt tamezwarut icarrew weksum-iw. Ihi imi k-yeεğeb, atan am akken ur t-xdiεeγ ara unaẓur-agi. Tanemmirt-is daγen. A d-rnuγ fell-as d akken ilul deg tmurt n Latvia(Lettland). Ḥemmlen-t aṭas deg tmurt-is, ḥemmlen-t daγen deg tmurt n Ccin. Taγect-is qqaren-as taγect uεeqquc n ddiaman.
Ar tayeḍ
- Tinin-is...Greγ tamawt γer yiwen neγ sin isekkilen tettuḍ neγ ur ten-twalaḍ ara, nniγ-ak-ten-in awer lemziyya-w, daya i xedmeγ a Wansen.
Tgerrzeḍ-as ccγel yerna d tidet, tanemmirt!
Nekk ur tessineγ ara unaẓur-agi yakan, maca, greγ tamawt di facebbok mi tkecmeḍ s asebter-is, walaγ-d kra fell-as. Yes-k ay tessneγ, tanemmirt ilmend n waya daγen!(Ugareγ F.B.I. :-)
Ala, ala, twalaḍ di facebook, mi ara tkecmeḍ tzemreḍ ad twaliḍ, amedya: Winna Imyura iḥemmel Ameqran Agawa...atg. Akka i teḍra, dγa ḍefreγ rrebg.
I trusit, d acu k-yewwin γur-s a Wansen? Ur teğğiḍ tameslayt, Gedha!
| |  |  |  | |
|