Asteqsi: Tikli n 20 yebrir yefka-yas MAK isem n tikli n tlelli ar deqqal yeffγ-d unabaḍ uεḍil n Tmurt n yeqbayliyen. Aṭas n yemdanen i iγilen dakken iswi n MAK mači d timanit maca d azarug
Ferḥat:Amussu n Timanit d win i d-ilulen di tazzla n idammen di 2001. Ass mi d leḥbas d tidebzin, newwi-tent, maca ass mi tewweḍ ar idammen, iεedda wayen ur ilaqen ara ad iεeddi, nuki dakken aγref ur nesεi awannek, anabaḍ ines, ur yezmir ara ad iḥareb γef yiman-is. Ma ur nḥureb nekkni γef tarwa nneγ ulac wa ad iḥarben fellas. Imi nwala dakken adabu d win i yessemεuzzugen γef ayen i nessutur. Nenna-yas, wagi ma yella ur nḥettem ara fell-as tikti n Timanit werğin ad imuqel γur-s. Ihi nessuter s wudem unṣib Timanit i tmurt. Werğin d-rrin kra.
Nceyyeε tabratt tis snat i wakken a d-nesmekti tabrat tamenzut ur d-rrin ara. Ihi nessawl-d ad yili 20 yebrir d ass n tikli n tlelli. ula d timanit d tilelli( mači kan d azarug i d tilelli). 21 yebrir nenna-d dakken a nesbedd anabaḍ uεḍil n tmurt. Ihi ass n umenzu n yunyu a nesbedd anabaḍ amenzu. A d yeslalen s wudem amaynut adabu n tmurt yeγlin ass-mi d-kecmen ifransiwen 1857
Asteqsi: ayγer mači d MAK ad igen ayen ad yexdem GPK
Ferhat: Abrid i iṛuğan GPK d akken ad yessengagi ddunit merra akken ad testeεref γef weγref aqbayli. Llan wid i d-yeqqaren rajut tifranin. Maca am akken ur ẓran ara belli deg tmurt ur zmirent ara a d-ilint tefranin γef aya. Neqneε dakken aγref i wakken ad yesεu isem deg ddunit yessefk ad yesεu anabaḍ, ad yesεu awannek
Asteqsi n Malek: deg innaw inek di lMerruk tenniḍ-d ma yella yessaweḍ udabu azzayri ad yessizzel idammen n yeqbayliyen i tikkelt nniḍen a nεeddi ar usuter n uzarug....
Ferhat: skud yella webrid n talwit yif-it ma neqqim deg webrid n talwit. Maca ma tewweḍ ar idammen, ulac win yettmettaten γef timanit. Ihi iḥettem lḥal ma nekker i umennuγ s wuzzal a nekker γef uzarug mači γef timanit. Win i wumi mmuten warraw-is, a k-yini i wacu-tt timanit-agi ma yella d wigi ad aγ-iḥekkmen dima
Asteqsi: nnan-d temlaleḍ akk d Sadi di lMerruk..ma yella waya?
Ferhat: nekk mači d win i yettεawaden ifeẓẓ i wayen i yettwannan deg iberdan neγ deg leqhawi
Asteqsi n Farid Lalam: ma llan ikubar i d-yefkan tayett s wudem unṣib i MAK. Ma llan imeṛkantiyen i yettakken tayett s wedrim i umussu?
Ferhat: llan iγerfan ur yesεin ara adabu am nekkni, am Ikatalunen iwalunen, ibaṣkiyen, iflamunen i ibedden yid-neγ deg umennuγ nneγ. Maca timura timeqqranin, ur zmirent ara ad steεerfen s weγref aqbayli ma yella ur yesεi ara anabaḍ. Ihi ass mi ad yesεu anabaḍ, ad yesεu weγref aqbayli awal ger tmura. Ihi ar d-ilal a s-neg isem a s-nsemmi Belqasem...
Ma d imeṛkantiyen, ulac imeqranen, maca tella lemεawna sγur imecṭuḥen. Llan wid i d-yettceyyiεen cwiṭ s webrid n PayPal deg wesmel n Umussu n Timanit.
Asteqsi: d acu i d iswi; d timanit tahrawant ? Ma yella ad tili tamendawt n tmurt n yeqbayliyen?
Ferhat: tamendawt ad tt-igen d wid ad yettwafernen. Imir-a nesbedd asqamu ad ixemmen γef ayagi. Imir-s ad yili tura yiwen n lqanun lsas γef ad yelḥu unabaḍ.
Asteqsi n Σmer: amennuγ-agi n timanit. I wakken a d-nessiweḍ aṣenfar-agi, ilaq ad ddun akk leqbayel γef yiwen wawal. Amek tettwaliḍ amennuγ-agi, anda ad yessiweḍ war ma nedukkel.
Ferhat: Lemmer nufi ṛṛay nneγ ad yeddukkel deg yiwet n tcacit. Werğin ssawlen yeqbayliyen i wakken RCD neγ FFS ilaq ad ddun akk yid-sen yeqbayliyen akken ad mmeslayen γef iṣenfaren nsen. Wid yumnen s tektiwin ines, s wahil ines, ad ddun yides. Nekkni newjed i tdukli win i d-iṛuḥen ar tegmat anṣuf yes-s
Asteqsi: adlis n Sadi yedda xilla. γriγ-t ussan imezwura imi i d-yeffeγ. Skud i t-qqareγ, steqsayeγ iman-iw ma yella Sadi yumen ula d netta s usenfar-agi n TImanit. Maca ar tagara ufiγ yenna-d dakken aṣenfar-agi n timanit ur iwulem ara i tmurt.
Ferhat: tefkiḍ-d asteqsi. Terriḍ-d kečč. Sadi am akken a sen-yeqqar ma tebγam MAK ur yettwḍ ara ar yiswi-s, fket adabu i RCD a t-iqareε
Asteqsi: llan aṭas qqaren s wayes ad yidir weγref aqbayli ma yella ur aγ-d-iṣaḥ ara lpitṛul... Γef tegmat, tessawaleḍ ar tegmat d tidet. Yal yiwen yessawel si lğiha ines. iweḥḥa-yi ṛebbi yessefk a s-d-naf tifrat i taluft-agi n tegmat
Ferhat: tura newweḍ ar tegnit n unabaḍ mači d tinna dacu ara nečč. Maca timanit mači d azarug. Anabaḍ n tmurt n yeqbayliyen ad yewwet γef izerfan-is, a s-d-yiṣiḥ umur-is deg tedrimt n Lezzayer. Ass-agi anwi i izemren ad yessuter azref n yeqbayliyen. Igensasen yellan deg wegraw aγelnaw, ttgensisen ikubar nsen, ur ttgensisen ara aγref. Tayeḍ: yif-itt a nečč iḍγaγen wala a neğğ ad ttneḥilen deg idammen n tarwa-nneγ yal ti
kkelt. Timura irefden iman-nsent, d tid yebnan γef iγalen nsent. D axeddim i d-yettawin tadamsa. Nekkni d aγref n tefhama, n leqraya, n tmussuni. S wallaγen n tarwa-s ad terfed tmurt n yeqbayliyen iman-is
Asteqsi n Malek: taqbuct umaḍal n ddabex uḍar ara d-yilin deg Tefriqt n wenẓul. Amek tettwaliḍ, ma yella tarbaεt-agi n tmurt Lezzayer tezmer ad tefk udem i tmurt n yeqbayliyen
Ferhat: γas llan yeqbayliyen deg-s, mači d tarbaεt n tmurt n yeqbayliyen. Ad yawin cciεa d awannek unṣib n Lezzayer. Iγaḍ-iyi lḥal imi sṭaxren Ghilas ass mi yerfed aseğaq n yeqbayliyen..
Asteqsi n Arezqilvacir: tgiḍ innaw yelhan aṭas deg lMerruk. Aṭas i yeqqaren dakken iqbayliyen kkaten deg wiyaḍ akk deg inselmen. Dacu-t wemḍiq n ddin deg Timanit
Ferhat: deg uṣenfar nneγ nemmeslay-d γef azalen n tmurt n yeqbayliyen. Nenna-d d tallakt ad yesseddun taluft-agi n ddin deg tmurt. D lemqaddra ger ddyanat. Neẓra dakken deg internet neγ deg yeγmisen qqaren dakken nekkni d iεdawen n ddin lislam. Nekkni ur nelli d iεdawen n yiwen. Nettqadar akk ddyanat maca ur nxeddem ara miḥyaf ger ddyanat. Wid yettarun deg internet neγ iğernanen, d wid i yekkanten akken tamurt n yeqbayliyen ad teqqim ddaw uzaglu. DRS tesεa yiwen asqamu, tawuri ines d acmat n umussu n Timanit.....
Asteqsi: i wid yellan berra i tmurt n yeqbayliyen dacu ad yeḍrun yid-sen
Ferhat: i wid yellan di Fransa, ass mi tewwi Lezzayer azarug ines dacu i sen-d-yeḍran. Nekkni dγa mači d azarug γef i nteddu maca d timanit. Ihi ayagi ur t-id-yewwi ara umeddaḥ deg teqṣiṭ. Daγen ma yella zik ulac win ad idafεen fell-asen, tura ad yili unabaḍ ad idafεen fell-asen
Asteqsi nniḍen daγen γef tegmat. Ferhat yerra-d: lemmer nufi, maca amezruy iga d akken yal yiwen yettcukku deg wa...
Asteqsi γef tebzert neγ leγrama.
Ferhat: d adabu alemmas i d-ijemmεen leγrama deg temnaḍin i ilan timanit. Ikaṭalunen ass-as ssuturen dakken d nutni a d-ijemεen tabzert...maca yal timanit temgarad d tayeḍ. L'écosse tesεa tadrimt temgarad d Pound n tmurt n legniz. Iflamunen sεan wid ibedden γef lecγal n berra n tmurt-nsen.Ihi temgared timanit ar tayeḍ.
Asteqsi: γef referendum γef timanitγ.
Ferhat: kra n win i izedγen deg temnaṭ n yeqbayliyen γur-s azref ad yefren ma yella bγan timanit neγ ala, d iqbayliyen neγ mači d iqbayliyen. Ma d wid yellan berra i tmurt n yeqbayliyen, ma yella ur zdiγen ara deg tmurt, ur sεin ara azref ad fernen.Maca daγen mači d izzayriyen akk ad ifernen ma tlaq-aγ timanit neγ ala
Ferhat: yenna-yas yiwen usertan amek a neg yiwet tfawett tazegzawt deg ṣeḥra yerγan n la dictature. Netta di ṣeḥra llan imukan anda tella tzegzewt. Ihi ula d nekkni am ugama nezmer a neg tizegzewt deg ṣṣeḥra yerγan n la dictature. Win yebγan lewqam ad yezwir deg at wexxam. Ma yella ur newwiḍ ara ar izerfan nneγ ur nezmir ara a neddu γef izerfan n wiyeḍ
Asteqsi γef igensasen: yuls-d i wayen i d-yenna yakan: igensasen yellan deg l'APN d igensasen n ikubar nsen mači d igensasen n weγref aqbayli
Asteqsi: amkan n tutlayt taqbaylit deg unabaḍ aqbayli
Tiririt: d tutlayt tunṣibt
Asteqsi: aqbayli ad yesεu sin idabuten ass mi a d-yeffeγ GPK. Ma yedda deg yiwen a d-yafi iman-is yeffeγ i lqanun deg wayeḍ.
Tiririt n Ferhat: tilelli γur-s azal, azal-is d amennuγ. Ulac dacu a d-yeγlin kan akka ar yimi war ma yedda yiwen fell-as. Amennuγ ad yili γef izerfan n weqbayli. Anabaḍ ad yili d win a t-iḥadden γef temḥeqranit a d-yekken sγur adabu n Lezzayer ula zdat n TPI ma ilaq, nessen abrid ar dinna. Asbeddi n unabaḍ mači d akellex, mači d tin n igerdan. Yal yiwen a d-iger afus-is, s tmusni-s, s tezmert-is, s tedrimit-is. Ssarameγ ad yili umenzu n yunyu-yagi i d-iteddun d ass deg a d-yerfed weγref aqbayli aqerru-s ger lğnas.
Uriγ-tt-id s tγawla imi tella tettεedday-d ihi yella wanda i d-uriγ kan anamek neγ amek i gziγ asteqsi neγ n tiririt. (winna)
Sell i rradyu Tamurt dagi: http://radio.tamurt.info/?page=player&lang=taq