Atan wakken i gziγ imseγret-agi.
D ass deg tamurt n yeqbayliyen ad tidir timanit d ass deg a nesfeḍ s timanit n tmurt ayen i s-ḍlan i tmazγa-nneγ. Aγlan aqbayli a d-yufrar GER tmura mačči nnig tmura mačči ddaw tmura. Yal yiwen a γ-yissin s yiman-nneγ mači s yiman n wiyaḍ. Nnig-neγ ur d-yekki kra. Mači anamek-is nif kra yellan d agdud; anamek-is yiwen ur aγ-d-ibedd γef iqerra-nneγ a γ-d-yini dacu-yaγ.
Tajmilt tuγal i tebγest akk d tawin i nettawi taẓayt war ma neḥbes tikli. Akken i k-yehwa tiγzifeḍ ay iḍ, ulaqrar ar d yali wass. Ur ntettu ara iṭij i s id-neflali d win umaziγ. Aẓar i yettabaε d tara-s. Tanekra ur s-nberru ara. Tilelli.Tafat n tmussni akk d tezdeg n wallaγ. Di ṭṭrad nezmer a nili d isufa. Iseγ yuγalen d lḥerma, ass-agi nerra-t akken yella: d ISEΓ D WAZAL
NEKKNI D TAMURT-NNEΓ, TAMURT-NNEΓ D NEKKNI
IMI NḤEMMEL TALWIT I NEZMER I WUZZAL D CCWAL AKKEN A TT-NEḤREZ
D imeqranen i nella mači d iqrar. Nezmer i wawal n tifrat d umatawi nezmer a neddu γef wezref, ur nusir yiwen a γ-yeṭṭef afus. Ur nettkal γef yiwen a γ-yesseč, ur nettγanfi axeddim, ur nettγanfi tussna. Teḥres neγ d llwi, nezga nebges.
Nekkni d afzim a s-yerren azal-is i umaziγ s tilawt mači s tirga.
Yella waya yella wayen yugaren aya.
ASS N TLELLI
D ass-a i d ass n tlelli
D ass i deg aγlan aqbayli
Yal yiwen ad-d-yettwali
Taseddaṛt i f i nuli
Xas ma tikkwal nγelli
Werǧin i neḥvis tikli
Iṭij i s i-d-neflali
Assa azekka a nili
Nekkni d aγref n tlelli
Nekkni d tafat i tmuγli
Nekkni d tamurt d igenni
Nekkni d aggur d tziri
Nekkni d tiẓet d tayri
D talemmast akk d yiri
Nezmer i tniri d tiẓgi
Afus ur yettergigi
γef talwit nezmer i ccwal
Nekkni d azref d isekkim
Ger imeqranen a neqqim
Nekkni d afḍis d ugelzim
Yeddan d tussna d uvelkim
Fell-aγ teḥṛes neγ d llwi.
Isem nneγ Aqvayli d afzim
F nyir d Amaziγ d urqim
Fell-as lḥif a t-nezwi
Kkert akk a γ-id-twalim
D nnuva-nneγ a γ-d-tezzim