Asmi ara d-nawi tadsimant
Tilifun a d-teṣṣuni , tin, tin, tin…
- Alu, anwa?
- Azul fell-ak a gma, amek tettiliḍ?
- Awah gerrzeγ, ngerrez akken ilaq tura, tanemmirt!
- Awah tura dayen, mačči am zik., uruzmu !
- Amek?
- Nger-d nnefs, la k-yeqqar wagi.
- Tameddit-a?
- Ulamek, ttwaεerḍeγγer tmeγra umulli.
- Ala, ala, ad as-nanef kan i tikkelt-nniḍen,
fkiγ-as awal-iw, nniγ-as a d-aseγ yerna ad as-nuqem tamuffirt
iγef ur yebni, d tikkelt tamezwarut ara iderrez tameγra umulli-s di ddunit-is.
- Tesneḍ-t ih, d ameksa n At Hicem.
- Lemmer a d-taseḍ ad yefreḥ, ur yeẓri ara dagi i telliḍ ahat.
- Ma tusiḍ-d igerrez akk ah!
- Ad ak-mleγ tunṭict, maca, ttxilek ffer lbaḍna, ma ulac ad t-isliw.
- Ad as-nefk aqjun umekksa aqbayli d tunṭict ilmend umulli-s.
- Ih.
- Nniγ-ak ulac akk awezγi tura , kfan wuguren...
- Ayen ur nelli, ad t-id-nesnulfu.
- Ddem ihi amru ad taruḍ tansa n tzeqqa ideg ara tili tmeγra.
- Aru ihi, aru tura γef yiman-ik:
Tazeqqa n tmeγriwin
asensu azerreqman
abrid ijeğğigen uṭṭun semmus d semmusan.
-Nniγ-ak semmus d semmusan ah, mačči ssemm n wussan,
yir ussan kfan a gma.
- tamnaṭ?
- Di tmazirt umalu.
- D asensu n warraw n xali-k
- Xali-k Ḥmimic
- kečč teẓriḍ akk ayagi, terriḍ kan iman-ik d aεeggun.
Ah ya win ur k-nessin a mmi-s n tbudalit, aha kan aha!
Ha! Ha! Ha! Ha!
Ha ! Ha ! Ha ! Ha !
- Akka aseggas neγ sin.
- Melmi, melmi, anda ẓriγ melmi?
Ahat asmi ara d-yuγal Muḥend Ameẓyan si tmurt ur yessin
Neγ d acu tenniḍ?
- Ala, ala mačči akken.
Imiren akken a d-yejbu fell-aγ di tejmeεt, ad teẓḍem fell-as werdiyya n 13 s umuṭu-s.
- Arğu, arğu!
- Ih, ad teγli ad teṛṛeẓ ligaṭu.
- A nniγ-ak widen d imcumen, d ayagi kan i yettεassan di tejmeεt.
- Lemmer d zik?
- Ssusem kan, tili ala win ara s-yinin teṛṛeẓ-itent ikspri,
acku terzef-d Malika s imawlan-is iwumi teqqar lehl-is.
- Taslift-is.
- ad as-inin ttifxir ad ten-yečč wakal akken yečča tamγert n yemma-s n Malika, wala ma tečča-tent nettat seg ufus n tmeṭṭut n gma-s. Nniγ-ak sakin ad tt-yeqwu yejneε, yefneε, ay asaru, rebbi ireffed yesrusu.
- Ttifxir akka a gma, ters-d talwit tura, ah.
- Ass-a ur yelli uwareb, wala arzaf-nni yak.
Malika ma tedder d wargaz-is yelha, ma ulac attan tebded γef iḍarren-is d amdan ay tella, ad tekseb 4 leḥyuḍ-is anda i d as-yehwa.
Ya n gma-s(tameṭṭut n gma-s) ad telhu d wexxam-is d ddunit-is.
Tin yusan γer tayeḍ s nnubba d tinebgiwt n lεezza d lḥerma.
Amafus a d-yeṣṣunay bim, bim, bim…
- Ssuref-iyi kan a gma, ata wissen anwa i d iyi-d-yessawalen s amafus, waqila d mmi-s n Wemsed, bu Lizavuntir-nni n dda Qiqi.
-Ihi ar tameddit a gma!
- Alu
- Azul ay Aṭlas, amek telliḍ?
- Ifuḥ yimi-k a gma, annect-a tura mačči d lammud dayen
neγ teččiḍ lekwaγeḍ-ik?
- Mazal-ik kan am zik ay afuḥan.
- Anwa? Ameddakel-ik? Lbacir?
- Sliγ yercel γef yiman-is yerna yufa lxedma.
- Yezweğ d ccix n taddart-nsen, ixeddem dinna kan zdat lğameε, deg yiwen yiger ibawen.
- Lğuher-nni tezweğ 4 iberdan, win tuγ ad as-tebru, tufaten akk d ičefčufen, teggul ur tuγal ad tedder d wergaz, sliγ attan tura d Pupay-nni yellan zik di lḥebs, tinna akken iweccmen akk ifassen-is, yid-s ay tedder.
- Ma myeḥmalent neγ ala ulac anwa i ikecmen s ulawen-nsent, maca, ad iniγ ttemsefhament.
- Yessufeγ-itt-id Saεid Askuti imiren, di lawan-nni si lḥebs.
- D tidet ih, nettat yessufeγ-itt-id, netta yekcem-it imiren, d acu kan, netta yeḥrec γef yiman-is, a bba bba bba….
yekcem γef wayen yekcem, yeffeγ-d γer wayen d-yeffeγ.
- Lbacir ur iseṭṭel ara cclaγem-is ala, yessenγes-asen kan, yerra-ten annect n widak n Saεid n yimiren, ma d Saεid yekkes-iten akk tura.
- Cukkeγ lemmer mazal Zizi Lḥusin d amuddur ad ten-yeğğ netta tura, imi yekkes Saεid ayla-s.
Melmi ara d-nawi tadsimant?
Ass-nni
- Gmat-neγ Weḥmimi ur yettinig, ur d aγ-yettawi sani n kra, ur d aγ-yettağğa iman-nneγ.
- Ad yekfu ibibbi n tculliṭ γef Bubriṭ
- Faḍma ad tt-id-tesdenden si tegnit γer tayeḍ, argaz-is mačči d askerker ara tt-yeskerker, maca, d afus ad as-yeṭṭef yerna s teqbaylit ara heddren, war ma yeffeγ fell-asen wawal.
- Azekka-nni ma neẓra-tt(Faḍma) telsa-d takaskiṭ, ur ttergigint ara taswin-nneγ.
- Atmaten ma ḥemmlen tullas neγ tiyessetmatin, ur d as-neqqar ara ur ttsemṣeḍḥin ara, acku tayri d ayen yelhan, mačči d tixnanasin.
- Ṣṣalaḥ ad yewwet aberyanti neγ rwayeḥ, anda d as-yehwa ad imerreḥ, ulac anwa ara d-yelhun yid-s.
Ass-nni
- Mi ara yecnu yiwen γef teqcict m 16 iseggasen, ad t-nerr γer tkurmut(lḥebs), maca, ad as-nefk amejjay n nnefs ara d-yelhun yid-s.
- Taqbaylit mačči si Delles γer Mayu(imecdalen) kan ad tt-nγer, tamurt n yeqbayliyen ad nissin tilisa-s.
- Ifrax ad as-neqqar ifrax, mačči leḍyur, maca, ma nessawel-asen leḍyur, ad nẓer xerṣum d acu-ten yetbiren.
-Ad neγret taqbaylit akken yessefk ass-nni,
Asmi ara d-nawi tadsimant.
Sεid At Mεemmer