 | | |  |
 |  |  | |
|
|
|
Taqcict-nni !Taqcict-nni !
Lqedd-is yebded, acebbub-is iruḥ s tewreγ, udem-is yecbeḥ, muhab, m' ad tettmeslay tettruẓu yiwet n tiṭ, irennu-yas-d agejdur n sser….!
Ansa a s tekkeḍ i sser am wa…!?
Nniγ-as ad tt-id-ṭṭfeγ deg umeslay, syin a s-afeγ amek !...
ulac amek... !
D asif n lheddra, ruḥ tura keč, d acut wakka !
Asmahit d Rrumm-inna i tesgergur akka amzun d inifif, ur ẓriγ ara ! nniγ-as win iheddren aṭas, yesuguten awal, tamara ad yecceḍ…
I d-tenna, I d-tenna, I d-tesmar d ameslay, mačči tecceḍ, tettensar am sselbaḥa ! anda-t yimir-nni deg ad s-tafeḍ tawwurt, a yat leεraḍ !
Tawaγit skud tettmeslay skud trennu isγaren i tmes… ad temteḍ ur tt-tettawḍeḍ !
Ṭṭfeγ imi-w, smuzguteγ, ttrajuγ di rebbi !
Yenna ccix azemni awal d ayla-nneγ nekkni s wigi !
Anda-k ay awal, εennaγ ar imezwura, at wawal, ma yi-d-ẓren, ulac !
Ihuh ! fkan afus deg-i neγ dacu-t wakka !
Inṭeq-d win yellan zdat-i, dindin tgezm-it tmenǧert, iεedda fell-as weydi ibezgen !
Akka i tḍerru d win iḥemqen
Mačči s yir lheddra ad t-qableḍ bu-wawal, a neyya !
Bu-wawal yir lheddra izemr-as
Win yessnen ad yesmuzget deg teswiεin n ddiq tleddi-yas-d tewwurt, yettban-as-d webrid !
Ulama tettru muhabet, d uzzal mačči d uffal… !
- yeččur wul-im a ta, yernu mačči seg ass-a !
- mačči seg ass-a, dacu ggulleγ deg ass-a ar yir amdan ar d a s-geγ tilist, ar yiwen mačči yuγal ad d-yeffel zzerb-iw...
Tetturar s wawal, yernu tezmer, yal awal s wazal-is, yezga-d deg wemṭiq-is…
Iggiru aneggaru tkkeyf-it s talwit…
Yuli wass d tafrara, teγli-d tsusmi, taluft tekfa,... lxiḍ ur t-id-ṭṭifeγ ara !
Kra din yeqqim d udrig ! Ğamal at Udiε Asabter yellan deffir wa | Asabter n zdat
Malek ubezwi
- Tinin-is...Azulk a Ğamal
Cwi kan tella targit, lufan ulac-itt talfi i tt-id-yesnulfa umedyaz. D annar war tilisa, d ayen tebγiḍ sserwet-it deg-s.
Targit-ik tebdiḍ-tt s tayri tawezγant n teqcict i d-tgelmeḍ akken i d-qqaren deg tmucuha-nneγ: yella wayyur deg yigenni nettat tella deg lqaεa...
Tuγaleḍ γer win ur nessin i wawal acku awal d netta i d kullec...
Tanemmirt γef usefru-a turiḍ d tasrit, deg tmaziγt ulac aṭas n tmedyazt am ta.
- Tinin-is...am ackit usefru-yagi, d imeslayen snin wa deffir wa, s wazal d lma3na.
tanemmirt -ik ,
- Tinin-is...ayen kkibaeden ettut,iqqaren wat zik,maena ahat d'ebnadem,s timad -is,igg sebeaden f iman-is kra n'tγawsa aezizen fellas di tilawt.maena t-ttuγaledd γures di targit.mi iddyuli ssbeh,targit t-tteqeddim-itt tilawt. | |  |  |  | |
|