 | | |  |
 |  |  | |
|
|
|
IMDUKKAL N TKELLAXImdukkal n tkellax  Yella yiwen wemγar di tallit tamezwarut, ila kuẓ(4) warraw-is. Kraḍ meqqrit, ssnen medden. Yiwen d ameẓyan, ur yessin yiwen. Amγar-nni γur-s yiwen umdakkel kan. Nnan-as warraw-is: „Nekkni γur-neγ imdukkal aṭas.” –Yenna-yasen: “Imdukkal-nwen ur nfiεen ara.» Yenna-yasen: γur-i yiwen umdakkel yif akk imdukkal-nwen !“ –Nnan-as: „Lhan imdukkal-nneγ a baba !» -Yenna-yasen: „A nuqmet yiwet tnaεurt. A nceyyeε i imdukkal-nneγ; Anwa ara d-yasen ad idebber fell-aneγ. “ –Nnan-as: “Acu n tnaεurt-agi ? » -Yenna-yasen : « Nγet-d ilef. “ Ruḥen; ṭṭfen-d yiwen yilef. Nγan-t, rran-t γer tesga. Dlen-t s yiwen uceṭṭiḍ. Yenna-yas i umeqqran deg-sen: „Ruḥ tura, a mmi, ar imdukkal-ik s i tettzuxxuḍ, in-asen a d-asen. A nẓer tura ma ad tafeḍ yiwen ara d-yasen ad iḍebber fell-ak. “ Iṛuḥ mmi-s nni, yenna-yas: “A baba, acu unamek imi a sen-iniγ: ad tḍebbrem fell-i ? Γef acu ad ḍebbren ?” –Yenna-yas baba-s: “Ini-yasen: Aqlaγ nenγa yiwen imekreḍ iḍelli. Amek ar as-neg ?” Iṛuḥ mmi-s nni ar imdukkal-is, yenna-yasen: “A imdukkal-iw, aqli-n nγiγ yiwen imekreḍ iḍelli. Tura εewqeγ amek ar as-geγ. Ma yella kra n wayen ad tḍebbrem fell-I ?” –Nnan-as: “ur nezmir ara a nḍebber di tγawsa-yagi.» Yuγal-d s axxam. Yenna-yas: “A baba, ur ufiγ ara yiwen ara iḍebbren fell-aneγ deg imdukkal-iw.» Yenna-yas baba-s i wayeḍ: “Ruḥ ṭra keččini γer imdukkal-ik.» Iṛuḥ. Ur yufi ula d yiwen ula d netta. Yuγal-d, yenna-yas: «A baba, ur ufiγ yiwen ula d nekkini.» Yenna-yas baba-s i wayeḍ: “Ruḥ diγ keččini.” Iruḥ winna, diγen, wis kraḍ nni. Ur yufi yiwen ula d netta. Yuγal-d, yenna-yas: «A baba, ur ufiγ yiwen, ula d nekkini.» Yenna-yasen: „Yak, nniγ-awen: ur ssugutet ara imdukkal. Uqmet yiwen umdakkel n tidett yif aṭas n yemdukkal n tkellax.“ Yenna-yas i umecṭuḥ-nni: „Ruḥ keččini, a mmi, ar umdakkel-iw, in-as: „La k-yeqqar baba: Eyya, as-ed ad tḍebbreḍ fell-i amek ad geγ ?» Iṛuḥ weqcic-nni, yewweḍ ar wemdakkel-nni n baba-s, yenna-yas: „ A mass, a k-yeqqar baba: nenγa yiwen umakur iḍelli. Tura, as-ed. Amek ar as-neg ?“ –Yenna-yas umdakkel nni n baba-s: „ihi s yexf-iw ! Ar d-εemmreγ abeckiḍ-iw. Ula d nekk ar s-rnuγ tiyita inu deg-s. » Yusa-d, yedda-d akk d weqcic nni. Yewwi-d abeckiḍ akk yid-s. Armi d-wwḍen, yenna-yas: Acu γef i d-tuzneḍ γur-i ay amdakkel ?» -Yenna-yas: “Ay amdakkel, nγan warraw-iw yiwen umakur. Tura ceyyεeγ-ak-in ad tḍebbreḍ amek ar as-neg. » -Yenna-yas umdakkel-nni ines: “Anda yella ? Ad rnuγ deg-s tiyita inu. » Yenna-yas : « Atan deg tesga, idell s uceṭṭiḍ, idell s uceṭṭiḍ.” Iṛuḥ γur-s, yerfed-as aceṭṭiḍ, yufa-t d ilef. –Yenna-yas:”Ay amdakkel, wagi d ilef aya !” –Yenna-yas: “Ihi, d ilef ay d-neṭṭef nekk d warraw-iw. Bγiγ ula d kečč ad teččeḍ deg-s. Ceyyεeγ-ak-in γef iddra-s akken a d-taseḍ ad teččeḍ deg-s.” –Yenna-yas: “ihi nekkini usiγ-d ad ḍebbreγ. Γileγ dγa d amdan ay tenγam; A t-nawi ar yilel, neγ a t-nemḍel deg iḍ, neγ a t-ḍeggreγ ar kra yeγzer i wakken ur isell yiwen. Imi d ilef ay d-ufiγ, tanemmirt-nwen, imi yi-d-temmektam; aksum yilef mačči yal ass." Yenna-yasen wemγar-nni i warraw-is: «Yak, nniγ-awen: ur γur-wen ara imdukkal ara ken-isellken deg tegnit n ddiq !” Asabter yellan deffir wa | Asabter n zdat
Yiwen
- Tinin-is...Tamacahut-agi ssneγ-tt yakan, maca, s uqerru-w ma teffeγ fell-i.
Acuγer?
1)- Yezmer yiwen ad ilin γur-s 100 imeddukal lhan akk, wayeḍ ad as-yessali asawen yiwen umeddakel.
2)- Yezmer ad imeyyez wamedan daγen akken--nniḍen a d-yaf win ur nesεi ara aṭas imeddukal almi ur yelhi ara.
3)- Win ara yesεun aṭas imeddukal ma diri-ten, d nutni ur nelhi ara, mačči d netta.
4)- Ur yessefk ara a d-nesker timetti ideg yal amdan ad yesεu yiwen umeddakel kan.
5)- Yelha ma yessen wemdan ad yefren imeddukal i t-iwulmen,
dagi riγ a d-iniγ ayagi:
Nekk ma sεiγ ameddakel ad iniγ amdan-nniḍen, acku yuker-as tibexsisin si tebḥirt, tiḥlawatin si tḥanut neγ ineγman seg ukufi ad berriγ deg-s.
Ameddakel-iw a d-yasen s ubeckiḍ-id akken ad as-yales tamettant i ulaxert, mačči d amdan.
- Yessefk a d-nessufeγ taqbaylit si tekwatin-agi idel uγebbar, ur yelhi ara yakk wayen d aγ-d-ğğan imezwura, ma mačči kra d aγ-d-ğğan diri-t...
- Tinin-is...Riγ a d-iniγ:
1)- wemdan
2)- Ad ineγ amdan-nniḍen, mačči ad iniγ
- Tinin-is...Akken tt-fehmeγ, tamacahut-a tra a tini ttif yiwen umeddakel n tidet wala aṭas n tkerkas, ur tra ara a tini yelha yiwen ad ineγ γef umedakkel-is!
- Tinin-is...Azul,
Sliγ-as ya kan i temεayt ayyi, imlayittin yiwen umdakel, n-Iwaḍiyen, u netta islay-as sγur baba-s...Maca netta aken itt-idyeḥka, mači d-ilef id sttaḍen, d-ikkerri izlan.
Ma d-amdakel id yennan amek ar as-ikemmel i win immuten!
Zemreγ ad iniγ d-aken tamurt neγ tesεedda tiswiεin qessiḥit, ur kqqareγ ma yella si tnakra n 71 γerda, niγ uqbel...anida ḍ draε itt-yeččan, am "les cowboys". LLan; xelṣ-it ad irruh ad ineγ...Ma nniγ-ak, aken id ḥekkun, yella yien yuγe tamghltt ttamaynut, iteddu g brid-is n ttuγalin, imlaled yiwen imxel (d-ameslub), i tiri fella-s, innay-as: Mqqar ad εerḍaγ, tamegḥeltt-a ma telha...U keč ak henniγ g yir ddunit...Amedyaten ttuqten. | |  |  |  | |
|