 | | |  |
 |  |  | |
|
|
|
Nekk d allal atrar (sγur Malek Ḥud)Wigi d isefra γur-sen talγiwin.S tefransist qqaren-asen « les calligrammes » am usefru n Appolinaire "la colombe poignardée, les jets d'’eau.D tarmit-iw tamezwarut deg wanect-a.
Da llan 4 n yisefra: udi, aseklu, acwari, aâeqqa yessawalen. Nekk d allal atrar
Zedγeγ ifassen
Neṭḍeγ g meẓẓuγen
Mebla imurar
Leǧyub xliγ-ten
Tawant γur-i ulac
Sdrewceγ arrac
Fell-i ttjefjifen
Selbent teqcicin
Tal yiwet s waylay-s
Ttεeyyiḍent fell-as
M’ur slint i tẓidanin
________________________________________
Aseklu
Win
I iyi-iẓẓan
Iγellet yal aseggas
Agummu-w aẓidan
Ḥemlent-t ad t-γeẓẓent tuγmas
Asγar-inu yeqwan d aquran
Deg tegrest ssaγayen yis-s timas
S yiferrawen-iw yeẓdan
Tettddarim i tili-w yal ass
Abeḥri-inu aḥlawan
Ur as-giγ tilas
Akal ṭṭfeγ-t
S yiẓuran
D nekk i
D lsas.
Anwa i
D nekk?
Nekk d
Aseklu
_____________________________________ Udi
Zwir
Amezzir
Smir ayefki
Tssenduḍ tura
Awi-as-d ccna
Ad yuγal d iγi
Ad d-tifrir
Twarac n wudi
Udi n Lezzayer yezder
Yečča-t umrar neγ ujenwi
Zzmen-t uγalen gezmen-t, gezren
Tikti n tlelli yettawin ixef deg yigenni
Lqedd yezdi yessaram kan azekka lεali
D aẓekka i s-γzen d tlelli-s i t-gren
Tezdeg, tafat, temlel ad negren
Tebrek,aγurru, ilefḍan
D widak-nni n yiḍan
I yeṭṭfen annar
Deg Lezzayer.
__________________________________________
Acwari
Γas ma γur-s fkiγ anzi Mačči d « Z » n yimaziγen
Nekk mačči d aferṭeṭṭu Twalam-t-id amzun igen
Win iwimi d-εeddan yiḍarren-is deg-i Mačči d allal n ufessugan
Winna sswab ahat yid-s laεmer yeddi Yerran amdan akk d iqeẓlan
Yennum yerwa tuffẓa n lazuq n yilindi Nekk mačči d afus n uḍraf
I yessen kan d aγurru Neγ d arẓaẓen yezzin d aglaf
Deg yimdanen d astehzi Nekk d acwari ay Aqbayli
Akka i yessen ad yeddu Mi ara t-tfesreḍ yeldi.
Malek Ḥud Asabter yellan deffir wa | Asabter n zdat
Sidi Σebdelqader Ğilali s ukustim-is d uεudiw-is izegzawen
- Tinin-is...Ad yili Rebbi yid-i, sfaqeγ-tt γef yiman-iw.
Aseklu-w yefsi am wudi, yettqiṭṭir-d deg wecwari-w.
Faqeγ s tmusi-w teḥfa, d tidet mačči d urar.
Ngum ddiγ i leḥfa, snulfaγ-d allal atrar.
D nekk i d allal atrar, i d aεeqqa isawalen.
Awi k-yessufγen s wemrar a rruḥ-agi d iyi-yessumlen!
Fuḥeγ, fell-i tezzin yizan, teḍra yid-i am yir aydi.
A ziγ d aquzziz n yiẓẓan i wumi qqareγ talγa n wudi.
I wannect-a yakk d amesxer neγ d tidet ixuṣṣ yeẓri-w?
Ahat ḥwağeγ nnwaḍar? Xerṣum ad εeqqleγ iman-iw!!!
- Tinin-is...Azul a Sidi Σebdelqader Ğilali,
wissen ma telsiḍ-d meqqar taxatemt-i uεenni akken ad ssutreγ deg-k kra neγ kra neγ tettuḍ-tt-in si tuffγa n leεqel swayes tettheggiḍ iman-ik γer kra n temzizzelt n tmedyazt?
Uγalen imedyazen ass-a am ibeccan di tzuliγt(tazulixt), "azzel a wa, yeğğa-k wa!".
Maca, kečči ad tiliḍ theggaḍ-d akk lekwaγeḍ-ik iseggasen yezrin yakan, tesεiḍ tirrawt n tlalit(ixti d nisus), l kazyi ji disir...atg,
ttekleγ fell-ak yerna ad tettekiḍ war tugdi, acku yerfed-ak ccan-ik bu leḥnak-nni n Muḥend Taferka di brtv.
A yemma tuγal tẓuri am yemrabḍen-nni n zik d wučči neγ tuččit iyuẓaḍ n lemraqi.
- Tinin-is...Azul a malek Ḥud
D lawan i tmedyazt ad d-teffeγ si lqwaleb nni zik . Tanemmirt ik.
Igerrez .
mexluf
- Tinin-is...Azul a malek Ḥud
D lawan i tmedyazt ad d-teffeγ si lqwaleb nni zik . Tanemmirt ik.
Igerrez .
mexluf
- Tinin-is...Azul a malek Ḥud
D lawan i tmedyazt ad d-teffeγ si lqwaleb nni zik . Tanemmirt ik.
Igerrez .
mexluf
- Tinin-is...azul, tamezwarut isental iγef d-tewwiḍ awal ufraren imi d imaynuten deg tmedyezt taqbaylit, ma yella d tikti n talγa cukkeγ d timerniwt i d-terniḍ i talγiwin n tmedyezt taqbaylit, γef waya tajmilt-ik d tageεmirt, imi amedyaz d win yettnedin ad yefk udem amynut i yisefra-s.
- Tinin-is...azul,
igerrez leqdic, d "calligramme" yarnu d tidett (tura ilaqaγ ad d-naff isem i talγa-ya s tmaziγt :-) )
akka i tettnarnay tsekla, tettimγur, s "tarmitin" am tigi !
"Nekk d Allal Atrar" yesseḍsiyi-d aṭas !
d tidett allal-agi isderwec akk at tmurt, yexlayasen lğyuban nsen !
tanemmirt-ik | |  |  |  | |
|