Ass n tẓa di yebrir,
d ass i k-d-yewwin γur-neγ.
Tγileḍ a γ-tekseḍ ur neẓwiṛ,
mi akken teskeεrireḍ fell-aγ.

Tusiḍ-d a γ-twaliḍ i γ-tenniḍ,
ax ihi ṣṣserf-ik, ṭṭef:
Ar ass-a widak tenγiḍ,
mazal-iten mmuten a Butef.

Terniḍ teqqleḍ d amaziγ,
tlemdeḍ-d γer ben Bella.
Teggulleḍ tḥenteḍ a ziγ
tamaziγt tugiḍ, tella.

Tenniḍ ad mmteγ di talwit
imi k-nerfed a sidi.
I d-turweḍ a taqbaylit
d-yesεan Weld Σli Lhadi.

Weld Σli lhadi, Zidan,
Muḥend Crif Ḥennaci.
Ḥemmani d wid akk yeddan
mi k-d-nefqen akken lγaci.

Ṣṣaleḥ bu rwayeḥ
yessawel i Weḥmimi
Ad necnu, ad necḍeḥ:
"Acimi? Acimi? Acimi?".

Ulac tifranin ulac,
tura nuki-d d tirni.
Tidderγelt yeddem-itt nεac,
itran qqlen s igenni.

(d yiwen i t-id-yerran deg "tedmiwin" γef tdiwennit n Ferḥat, ur d-yerri ara isem-is)

Mačči kfan iyi wawalen, nekk dayen at narnuγ ar usebtar n yir vunadem. Akka ula ḍ zik, dačču tura ur nezmir as nesuref iwin igelan ḍ acengu n tmurt n yeqvayliyen.

Azul merra i Yeqbayliyen anda ma llan. i yeqbaliyen at nnif, at tirrugza mačči i wid ileḥḥun γef uεebbuḍ.

Ass-a 8 deg wagur n yebrir, yiwen wass kan send tifranin n lεar d tkerkas tid iγef nzan yergazen "yezgaren" , wid d-yeṭṭfen-d afus i ucengu, skecmen-t-id γer tγerγert, acengu γ-iregmen nnig n lkanun, acengu, yessazlen idamen n terwa taqbaylit. Ihi ass-a nerra-yas -d i udabu d akken agdud aqbayli am zik am tura, ur yettnuz ur irehhen, ur yettruz , ur ikennu i uzaglu. di Bouzeguene neffeγ-d d imeyyaten n lγaci nenna-yasen nugi tefranin -nwen, tifranin iqettalen, igumiyen wid yettaken afus i irebraben, neqqen deg imagdayen.
Nessaram d akken merra timnaḍin n tmurt n leqbayel a d kkren am Bouzeguene , a s-inin ala i udabu , ur nenzi ara.
ULAC LVOT ULAC

yettu umyaru-agi ur d yuddir ara Islam Bensasi imi ula d netta yedda deg lewhi n weld ali lhadi yettḥaraben ghef butefliqa , yurra-d aḍris fell-as deg uγemmis n " la deboche de kabylie", ihi rret awellih nwen γres imi ula d netta d aqeddac n butefliqa .

Azul!
Anda i yura "islam bessassi" amagrad agi ines?
Yesssawal ula d netta i wakken ad vutin' medden γef butefliqa?

A nnegr-ik ay ul!

A Winna,

kkes-aγ a gma s yixef-ik iḥuccan-nni n wezger-agi seg wesmel-nneγ!
Nekk si tazwara ur ufiγ ara kra unamek deg isefra-s, d ayen yezmer ad yaru yal d aεeggun neγ ma triḍ tettali-d teffaṭ-iw yal mi ar d-rsen deg wesmel, maca, ur lliγ ara d win yetteksen aqerru i yeγyal, ihi nniγ-as i wul-iw mi yemmeṛẓeγ yid-s ayagi:
Ssusem ay amcum, ula d nutni γur-sen azref ad ddren"!

Tura tewweḍ tfidi s iγes, wali a gma:
http://www.depechedekabylie.com/read.php?id=68943&ed=MjA4NA

Sεid At Mεemmer

azul
nniqal yeqqar deg usefru-ines: "D AMEṢṢUḌ atan icuba aydi, yettarra iman-is d Sidi, acḥal yewhem deg yiman-is, yiwwas a d-yessers leḥsab-is, ttmenyif ad qqimeγ weḥd-i, wala a yi-kksen tabidi, γurwat win inekren laṣel-is!" yenna-t-id γef uselway Butef asmi ibeddel tamendawt, tura yezwar yessames tabidit-ines "tabernust" d amezwaru, mi d-tura kan ladipic fell-as armi i d-icekker Butef, acku win yettmeslayen mgal-is ur t-id-ttarun ara i ladipic-is

Azul a dda Muḥ,

asefru-agi ( ma d asefru ) iγef tettmeslayeḍ, asmi d-yers deg wesmel tikkelt tamezwarut, dγa imiren i d-yennulfa dagi γur-neγ lhemm-agi(ma mačči d aceyyeε i d-yettwaceyyeγ), s tegmat d lemḥirat i t-snemmrem akk deg-s. Tecfiḍ?

Dadda-k Sεid yewwet-as taqerεet n Sidi Brahim, yesdenden-itt am wemrabeḍ-nni n teṛwazyam, yessaked isefra-s zelmeḍ, yeffes, yufa-d ayen yellan.
D nekk i d " Uday Brasi", wali d acu d-uriγ:
http://www.imyura.net/Timenza/tabid/57/articleType/ArticleView/articleId/476/Tamendawt-la.aspx

Azul fell-awen

A yi-tessurfeḍ a Sεid, ur mwataγ ara yid-k γef snat tγawsiwin. Γriγ amagrad-agi, walaγ d win n uneγmas n weγmis-agi, mači d win n umeγnas n Butefliqa. Tayeḍ, isefra n yislam Bessaci, ur zmireγ ara ad ssurfeγ i yiman-iw akken a d-iniγ diri-ten neγ n menwala kan. Taẓuri yal yiwen amek i s-yettaf lbenna-s, wa am ṣkker, wa am ilili. Isefra n Sεid diγen, llan i wid i wumi ur hwin ara. Γriγ isefra n Yislam Bessaci, yura isefra anda i d-yewwet γef Butefliqa, llan anda d-yewwet γef inselmiẓriyen, walaγ deg isefra-yagi anaẓur aqbayli yeddan d tallit-is. Tura ma yella ibeddel idis deg tefranin-agi, tacmatt i yiri-s.

Llan yeḍrisen dagi deg wesmel anda nεelleq ticrurin i Ziddan, yella weḍris neγ sin n Said Sadi...atg, maca uran s teqbaylit, ur llin ara d iḍrisen anda fkan tayett i icenga n tlelli, ihi tidmi-w, skud akka, ad qqimen, iga ṛebbi bab-nsen yedda ass-agi d qebbaḍ laṛwaḥ. Iḍrisen a nesfeḍ d wid kan yebγa bab-nsen a ten-nesfeḍ.

Tagi d tidmi-w kan, war tuffra war addari, ur tt-ttḥettimeγ i yiwen. Tanemmirt

A winna, azul a gma!
Tamezwarut, ur yelli γef wacu ad ak-ssurfeγ, maca, tanemmirt ilmend n tririt-ik m war tuzzya d tunḍa!
Tayeḍ, γur-k ad t-γileḍ ma nniγ-ak diri-ten isefra-s, acku riγ ad zgen wayla-w zadt-sen. Mi d-ttmeslayeγ fell-asen, ttwaliγ iman-iw imiren d Sεid amdan, daya, mačči d Sεid amedyaz yerna imi tenniḍ llan widak ur nḥemmel ara isefra n Sεid, s uqerru-w ar yennecraḥ wul-iw s isali-k, acuγer?
Nekk s timmad-iw mmleγ deg-sen, nnaγ a gma annect yewεer zhir--nsen deg uqerru amcum, ugaren askefkef isaffen, rεud d wayen akk yessummulen imdanen. Lemmer d-tegra γur-i ata ğğiγ lhemm-nsen, d nutni i yugin ad iyi-xḍun.

Maca daγen, uḥeqq allaγen yettwanasen bururu, widak d-yettawin i imawlan-nsen tisura n tuffγa ula seg uεebbuḍ n yizem
ma swan isefra-s ula d tibṣelt yerkan. Γur-k ad tγileḍ riγ ad ḥetmeγ ula d nekk tamuγli-w i imdanen, maca, tagi d tamuγli-w kan ula d nekk yerna akka ara teqqim alamma zemḍen-iyi aγesmar.

Imi tenniḍ ma ibeddel idi-s d wahi d tahin, mi ara yessaked wemdan amek yettaru isefra a Winna a gma, war ma yuγal d aderwic yezmer a d-yaf ur yelli ara isenned γef yiwen yidi-s, yella yettneqlab, ikemmez a winn yuḍnen ajeğğiḍ, ur yerkid ara.

Ini-yas tura kečč wagi yečča taxsayt ziγen.
Tanemmirt,
Sεid
Tamawt:
Azekka ad fernen at Buzeggan s udebbuz mačči d lqewwa.

Yidis mačči yidi-s

am win yuḍnen ajeğğiḍ, mačči a win...

Attan tukkist seg umagrad n "islam bessaci" yettwarun deg weγmis "El-moudjahed"...riγ ad-iniγ "depeche de bouteflika"
As n 2009-04-06

""(....) Ould Ali El Hadi yumen s wahil n Bouteflika, d win i yesdukkulen iɣalen, d win daɣen ara iεiwden lebni n tmurt seg yiẓuran.
(....) Taggara isuter deg yimezdaɣ n Buzgan akken ad mmagren tisendyaq n lbuṭ ass n 9 deg yibrir i d-iteddun s lqewwa d tebɣest.
Islam Bessaci


- Ar γur-i nek, bessaci d win iran "ould ali lhadi" !

azul fell-awen/t
qerriḥet tegnit deg i d-neggra a Dda Sεid, zik-nni kkaten imeγnasen n Tmaziγt s taεrabt akk d tneslemt, tura daγen zwaren ar izamulen n Tmaziγt akken sen-errnun, ayen yellan γef uccen rran-t-id γef umeksa, ẓer kan anwa yṭṭfen axxam n yedles n Dda Lmulud, acu d ttarun mgal wid ur nḥemmel ara ahil n Butefliqa, wissen daγen dacu teznawt i ttgen deg tẓ4

ayagi akk i ttuwga-d mgal wid iεetben fkan tirwiḥin-nsen γef Tmaziγt

Ay Amnay,

ula d nekk d ayen tegziḍ i yegziγ deg weḍris-is.

Yiwen wass a d-tefrari tafat a dda Muḥ yerna zdat-s ulac afran i at texnanasin akken ad γummen udmawen-nsen.
Afran ula d ass-a ur tesεin ara, fernen Butefliqa s yiẓẓan-is ur d-as-nyehwi.
Izamulen zwaren γur-sen d tidet, maca, ma tegreḍ tamawt, ad tafeḍ tugi-ten teqbaylit, acku tfaq-asen.
Akken ttaẓen γur-s s tkellax, i ten-id-ssusuf.
D nekkni s warraw-iw i d-tuzen γur-sen akken a d-nessaken ixixxan-nsen, widak ara ččen yimawen-nsen asmi a d-yaweḍ wass ideg ara d-ffγent tirga-nneγ.

d acu iqerḥen deg ul, d aγmis-nni n elmuğahed anda i d-yettḍeggir ssem-is Bumedyen γef Leqbayel, nekkni nγill d ayen tezri tallit-nni, ziγen tura ssawden-t-id ar timiṭ n Ğerğer, tura Butef yesεa taseḥart n Leqbayel, d awezγi a d-tara γef wid iγunzan lbuṭ, aṭas i yerẓan tuggdi ffγen-d ar webrid nnan nγunza lbuṭ, deg Weqbu, deg Wizgan, di Tubiret, sserγen ula d tisendyaq n lbuṭ,
maca nutni qqaren kan ahil n Wewdec yelha, ad ibeddel tamurt a tt-yebnu γef iẓuran akken yeqqar Weld Ali Elhadi, "akka ih, deg iẓuran ad yeqleε ayen i d-yeqqimen.

ssureft-iyi riγ ad aruγ " a d-taru" mačči a d-tara

Azul fellawen

Sḥasfeγ di nek yesnen amdan am wergaz agi "Islam" d ineslem n tmes seddaw walim. aḍris agi yura deg uγmis iḥerkiyen armi d ass-a i t-walaγ acku ulac win sneγ yettaγ-it-id. Maca ayen ilaq ad teẓrem ayen d-yura d tikerkas , a s-iniγ i winna mačči s yisem n uneγmas maca s yisem n umeγnas i t-yura imi ala ayen yettcebbiḥen ould tmeṭṭaḥt-is i d-yura . Acuγer ur d-yemmeslay ara γef lkiran n lγaci d-yewwi yid-s ar Buzgan, acuγer ur d-yemeslay ara γef mmis n tadart-is ,mmi-s n colonel Muḥend ulḥağ axabit ḥala nutni i yellan dinna, maca imdanen am islam agi zemren ad nγen yiwen ad wajhen γur-s, yerna yettara iman-is d amyaru anger-is ma d netta ara yarun yerna s tamzight welleh ma yeẓra anda i ṭṭerḍiqent. Ruḥ ad tekseḍ tizitt

Akka i d-tennim, d tidet, d aḍris n umeγnas. Rriγ asirem-iw d tidet. Mači d ccḥani i yugadeγ. Win yettugaden yiwen, ur yettugad ula d yiwen, i s yenna Mas Muḥend Ulḥusin(a y-yessurfen wid yennuγnan ur d-qqareγ ara "ccix" ma γas akka i yettwassen deg umezruy)
Win yeccḍen i tekker, ma yella ur iεebba ara ağeγlal ẓẓayen am yefker; ssarameγ ula d netta ad yekker.
Lewnis, nnan yuki yekker. Tigzi tessemγay-d afriwen, tettarra amdan d afessas n wallaγ, ssarameγ ula d netta tigzi-s a t-id-tessaki.

" bessaci islam" d isem-is i d nneεt-is...

Akken yenna wagi d aswen; amagrad i yura islam deg weγmis " el-moudjahed" (depeche-de-boutef..), yura-t am umeγnas!
Yettban-iyi-d dakken yerna aṭas s γur-s, amzun d "ould ali lhadi" i t-id-yuran! Wi yeẓran? Ahat d ould-ali-lhadi i s-d-yeqqaren, islam yettaru?

Aneft-asen kan, ibexsisen ass nnsen ad yaweḍ!

Azul fell-awen mara.
Bγiγ kan ad-nessif taluft aken, an-sazdeg tagnitt ma yella wayen illuγen ger-annaγ. Sḥasfaγ aṭas γef tedmiwin nwen imi yal afus iwjed ityita. Nek d amyaru s tutlayt n tmaziγt,u d-imceyaε n weγmis n yimaziγen (depeche de kabylie). Ayen id-uriγ d-ayen id yenna Ould Ali El Hadi, ur d-zeged-aγ, ur senqes-aγ, fkiγ-d isalen aken llan imsaγṛuyen d-tagi id tilleli n umeslay (liberté d''expression).Nek amennuγ-iw d-amennuγ-nwen,mači dwin yeččan tabarda-s.Aken i yell-iγ iḍelli, i yell-iγ assa, ar yell-iγ azekka.Amennuγ-iw dwin zedigen u dwin iḍulen. Ma yella cḍaγ artiyi-d sabrid, teqsem-iyi-d s-imeslayen nwen, maca semm-nwen yesakkay.
tanmirt
Islam Bessaci

Azul a Islam
Ayen turiḍ deg weḍris nni ur t-ttarun ara yemdanen iteddun ɣef tidett. Γas d aneɣmas kan neɣ d imceyyeɛ n weɣmis i telliḍ tekkiḍ deg uverreḥ n tkerkas yekkaten ad ɣumment tidett. Win ɣef turiḍ deg weḍris-ik neɣ imḍebbren n weɣmis nni zzenzen adrum s weɣrum. Aha kan ziɣ aru-yasen kra ɣef timanit n Tmurt n Yeqvayliyen neɣ ɣef ikavaren nniḍen yellan mgal Butefliqa ma' k-t-id ssufɣen neɣ ala? Lemmer kečč a tagiḍ a taruḍ ɣef wayenni wayeḍ ad yagi, tayeḍ a tagi a d-afen iman-nnsen ula ixedmen. Aṭas i d-yufan iman-nnsen yakan di tegnitt i deg telliḍ u fernen avrid-nnsen. Kečč daɣen yewweḍ-d a tferneḍ ger tikli ɣef tidett neɣ ɣef uɛebbuḍ.

Ger tacciwin kan: dacu-tt "lḥemla n lbuṭ"? d asif i d-iḥemlen laqen libuṭ? Acimi mačči 'Tifranin' kan iman-is alamma ternam-as "lḥemla"???

azul,
ulac d acu ara s d nernu nekwni γef wayen i s d-tenniḍ kečč ay arezqi !! yettara iman-is d nniya !!! ihi ma yella d tidett d argaz i yella ad yaru mgal butefliqa , ma ur teğğan ara ad yeğğ ihi amkan-is zeddig !!!! ğğiγ awen lehna .

Azul n tegmatt akk i Yeqbayliyen n at nnif mačči i i yat uεebbuḍ.

I Islam, sḥasfeγ aṭas i wayen d-yekkan deg-k! imi urğin zriγ tettaruḍ-d deg uγmis ixabiten (xas akken ula d nek lliγ ttaruγ-d deg-s, deg unbir 2007 ar γuct 2008, maca asmi walaγ d akken imdanen-nni d wid yettruẓun di teqbaylit, ladγa di tedyant-nni n ugraw amaḍlal Amaziγ CMA, jebdeγ-d iman-iw deg-s).
Di tefranin-agi sawlen-iyi-d acḥal n tikkelt akken ad ḍefreγ leqdic-nsen dagi di Buzgan maca nniγ-as d awezγi ad fkeγ afus i tkerkas, i lexdeε i Boutef d wid t-yecban, a yi-tezzem teqbaylit-iw i lebda.
Γur-i yiwen usteqsi acimi tefreḍ aya fell-aneγ? yal tikkelt mi ara d-taseḍ, tessahdareḍ-d deg-neγ imi nečča times di tezzeγzeγt yettεadayen γef ugdud aqbayli. Asteqsi wi sin, imi teqleḍ d aneγmas. Acimi ur d-tseddaḍ ara tikli n Timanit d-yellan di Buzgan?
A k-d-yerr Rebbi ar ubrid n tidet, d ayagi ara k-d-iniγ.
Wid mi d-ččuren icekkaren, ad qlen ad faken, wid mi fkan imekwan, d nutni ara yenneqlaben fell-asen, aten-id-stixren imi akka i numen xedmen.
Am rrezg n win mi d-yezwar laεqel, iḥezzeb i nnif-is d teqbaylit-is.
akken yebγu yiγzif yiḍ ulaqrar ad yali wass.
Kra n win iteddun γef tidett yessawaḍ

Azul!
Ahya Islam ḥku kan i ibuhalen am kečč! ini-yi-d anda akka tlemdeḍ Tamaziγt imi terriḍ iman-ik d amyaru, deg uḍris-agi inek yakan iban-d uswir n tira-k, ur tt-tufiḍ di tjerrumt wala deg usentel, ad teḥzen tmaziγt ma d timital-ik ara yarun.
tγaḍeḍ-iyi a Taqbaylit-iw imi d-tegriḍ γer yergazen am Islam
ad k-id-yahdu Yakuc

Attan tikli n timanit d-yellan di Buzgan, walit-tt
http://www.dailymotion.com/video/x8x377_makvuzgen2009_news

Azul fell-awen mara( merra ).
Bγiγ kan ad-nessif taluft( imi d kečč i yebγan, acimi d-turiḍ ad nessif? Anwa i yellan yid-k εni?) aken( akken ), an-sazdeg ( ad ssizedgeγ neγ yella yid-k dagi daγen mmi-s n Σli? Ma yella ih, ihi mačči akka i yettwaru) tagnitt( tagnit) ma yella wayen illuγen
(iluγen) ger-annaγ(gar -aneγ). Sḥasfaγ( sḥasfeγ neγ tesḥasfem ma llan wiyaḍ yid-k) aṭas γef tedmiwin nwen(tedmiwin-nwen) imi yal afus iwjed ityita( yewğed i tyita). Nek
(nekk) d amyaru s tutlayt n tmaziγt( tutlayt tamaziγt yerna anta tamaziγt iγef tettmeslayeḍ a winnat?),u d-imceyaε( d imceyyeε) n weγmis n yimaziγen( n weγmis imaziγen, ma mačči d aγmis uqerqur i yella) (depeche de kabylie)(La Dépêche de Kabylie). Ayen id-uriγ d-ayen id yenna Ould Ali El Hadi( ayen i d-uriγ d ayen i d-yenna wemεellem-iw), ur d-zeged-aγ, ur senqes-aγ( ur zeggdeγ, ur sneγseγ), fkiγ-d isalen aken(akken) a llan(llan daya, mačči a llan)imsaγṛuyen(tagi d taqbaylit n tmesxir a winnat. Imseγruyen. A ziγ kečč seg widak yeqqaren tifunasin i tsita neγ d amigri i teddreḍ?) d-tagi id tilleli n umeslay( d tagi i d tilelli umeslay) (liberté d''expression)( yehwa-yak kan tafransist-agi, ur d-teṭṭifeḍ ara izem seg umeẓẓuγ imi d-tenniḍ sin imeslayen ssnen akk medden s tagi-nneγ).Nek(nekk) amennuγ-iw d-amennuγ-nwen( Amennuγ.ik mgal amennuγ-nneγ),mači( mačči) dwin( d win ) yeččan tabarda-s.Aken i yell-iγ iḍelli, i yell-iγ assa,( anwa i k-yellin iḍelli d wass-a? Steqsi amek ttmeslayen medden taqbaylit war ma llan d ineγmasen neγ d imeγnasen a winnat!) ar yell-iγ azekka.Amennuγ-iw dwin( d win ) zedigen
(zeddigen am tira-w) u dwin( d win ) iḍulen(Ay iṭij ḥader ad teγliḍ!). Ma yella cḍaγ artiyi-d sabrid(ccḍeγ, erret-iyi-d s abrid), teqsem-iyi-d s-imeslayen nwen (teqqsem-iyi-d s imeslayen-nwen), maca semm-nwen(ssemm-nwen) yesakkay(yessakay).
tanmirt(tagi d tawaγit tameqqrant, ur tessineḍ ara ad taruḍ ula tanemmirt)

Ur ssneγseγ (yessenγes neγ yessenqes akken tettmeslayeḍ kečč)

Am tidet i k-tt-zzenzen turart, ma d tidet m tidet teṣkeṛ.
Teğği-ṭen ssεewjen-ak tudert, tγileḍ ddunit d amesxer.
Atan ihi seṭṭlen-ak tamart, sbubben-ak kra meqqer.
Lemmer d nekk ad ferneγ tamrart, ur d-yegri waẓ neγ wexxer

Ur d-yegri waẓ neγ wexxer, aql-i nneḥcameγ deg wemḍiq-ik
Ihi amek akken i d as-neqqar?: Uḥeqq widak ur nebrik,
ar d-nefqeḍ taγruṭ n lεar, ar k-ifen ula d widak-nni yessulin ssenğaq berrik.
Nnejli tura, εnu zrazer neγ qqim ma iqebba wul-ik!


S wid ifernen tilelli, aqendur yiwen ur d aγ-t-yeččuffu.
Nekkni neqqim am yiḍelli, nessakad γer zdat, nceffu.
Axxam yiwen wass ad yali, ẓriγ annect-a a k-yesserfu:
Aqjun umeksa aqbayli, ulac-it, ad t-id-nesnulfu.

Yuεer ticki yehwah yedda d tidet, ad yerr iman-is dγa d netta i d-tidet, ticki i yedda d tkerkas nebna fell-as. Yettuγaḍ laṣel ticki i yedda d tkerkas, ticki yedda d tidet nettkel fell-as. A islam a mmi, aki skud meẓẓiyeḍ. Win i teddun γef tidet ad yebγu a d-takiḍ ma d yehwah ad yebγu ad teqqimeḍ deg tfukal n tmurt n texnanasin akken a k-yaf abrid. yehwah, iswi-s yewwḍ-it imi netta tεekka-d fell-as tidet, bu-yiseγ skud llan wid yennegran yeqqar werεad.
Trennum i wid yexnunsen ibixxan s isefra am wigi neγ s tsuqas-nwen. D wigi i d atmaten-nwen, d wigi a d-ternum ar terni, maca mači s ijenwiyen. Atenaya iḥerkiwen awiwt-aγ-d ijenwiyen; ffγeγ timanit a d-yasen s ijenwiyen. Ar ijenwiyen, tigzi tettnegray, aleggam a d-yeqqim ar yehwah akken i d-teqqim lezdayer imi tefra deg ufus n at-ijenwiyen, ijiniraliwen. Anda-ten ijiniraliwen n tmurt n leqbayel uzekka ? Atnad ssuturen ijenwiyen.

Yenna mulud at-mεemmaṛ:
"Win i yet-ruẓun asalu,iteddu aken yufa, mači aken yebγa"

SIBUS

Atanrran-aγ-d Sibus
laεṛuṛ ṭfen-as-d afus
Neḥṣel deg yir tawenza

Aseglef yugar aṭarus
Kra iγ-yewwet yenna drus
Deεwessu γer-neγ id-terza

Igarfiwen i tezzin γef umurḍus
Nnan-as εelli ṣṣut-ik ur yettnus
Yettsuγ fell-aγ am wenza

Tamurt fsin-as agus
Rnu kksen-as abernus
Ur tuklal qden-tt tezza

Yek Rebbi yezga iεus
S tegmat as-nezwi amus
Nekni d imawlan n trugza

Taεkemt zayen ad tifsus
Azelmaḍ at-nleqem s uyeffus
Laṣel-nneγ d awezγi yenza

sγur Islam Bessaci

Tezgiḍ tseḥbibireḍ
γef wid yeqqeṛṣen.
Temmaleḍ-asen amzun tessneḍ,
tettweṣṣiḍ deg-sen.

S tfelsuft-ik treggmeḍ
war akukru imdanen.
Acuγer tezgiḍ treggleḍ
s tidet mi ara k-ḥerṣen?

Γas deg waṭṭan-ik dawi,
s tidet sseḥmu!
Ssusem ma ur d ak-tehwi
a jeddi Ḥemmu.

islam bessaci yuγal d "lmunaḍil n ljebha"
uld εli lhadi, abu-yunes, ḥanaci, mmi-s n welḥağ...d yawk "lmunaḍilin" izenzen s rrxa tamurt n leqbayel i mmi-s n teγyult n tlemsan bu-tefliqin, ass nnsen ad yass.

"lmunaḍilin" agi d asawen, wwin-ten yedrimen. U daγen, mačči d "nnif" i yeṭṭuqten ar γur-sen.

Ma yella saḥen-k-tt-id kra n tudurin a islam, aqla-k telhiḍ!
Jbed iman-ik seg texnanasin n widak izenzen ula d tiyemmatin nnsen (amek a s-tsemmiḍ i yiwen yekkat-as afus i bu-tefliqin, yenγan 126 n watmaten-is?).

Wali tura a gma Winna amek tetteddu tẓuri! Mačči yuγal uqelmun s iḍarren?

Butefliqa yuγal d ṣibbuss.
Ṣibbuss meskin d afrux iwumi yeqqen baba-inu ba imdanen am nekkni γer twenza-s, γef wayen i yectaq tudert di talwit gar-aneγ.
Yessalay leεcuc-is zdat wallen-nneγ γef yiran inekrawen deg iγezran d isaffen s nniyya, mi tnesγaffel, ad t-nekbel s netta s tmellalin-is.
Yak d nekkni i d ṣibbuss, mačči d Butef neγ uhu?

Tagi yiwet, ma d tayeḍ d ta:
" Tidet ur teḥwağ limin, win yettgallan i icukk d iman-is".

Waaaa nniγ-aaaak " ur terkid ara tegnit a Winna a gma"!

Azul fell-awen. isuleffell-i aken ad d-inniγ amgarad-iw ula d nek.Wallγ awal yezzi aṭas γef yislam bessaci d wayen id-yura deg weγmis.Yal wa yefkad amgarad-is,yiwen yefka-d tamuγli-s seg wul-is, yetterra-d s-abrid win yecḍen naγ win iγeflen,am (Amnay, Winna, Muḥend, Sεid, Ḥemmu, tidet s wacciwen-is...atg). Llan wiyaḍ Rennun zzit i-tmes. Llan wiyaḍ t-meslayen s lkarh am Tafzimt, ayen? Nekni nekkat amek ar-adnawi imdanen γer tama-neγ aken andakel acku skud nedukel iswi-neγ ad-tnaweḍ. Win i-walan wayeḍ yecceḍ at-id-sduqes.Aken isyenna lwennas asyaεfu Rebbi" Wi γelṭen ad asnaεfu anem-yaεqal d-atmaten.

Tecbeḥ tmuγli-k a mmi-s ugellil, d ṣṣwab i d-tenniḍ, tanemmirt!
Tella daγen tγawsa-agi, wissen ma teẓriḍ-tt:
" Akken telliḍ kečč a mmi-s ugelli, i yellan daγen warraw imerkantiyen".
Ihi lemmer ur telliḍ, ur ttilin.
Lemmer ur llin, rwaḥ-ik γer da yebṭel".

Nutni ttwalin ayagi s wallem k-yexḍan:
1)- Aqejmur ur ineddi ara d taqellaεt.
2)- Aẓru yegrarben muḥal ad t-yejmeε leḥcic.
3)- Ttifxir ṣṣber, wala yir imensi.

Neγ triḍ asali n wexxam s rrmel?

Tamawt:
Tafzimt ahat mačči d lkerh i izedγen ul-is, maca, tekker tmess deg-s seg wayen ttwalint wallen-is.

Awal yenna-t-id ugeswaḥ-nni n Mmi-s n Wemsed " werεad nessaweḍ ad nili d agdud"!.. Yal yiwen itetti idis, yal yiwen itetti tama...Leqbayel ttneqlaben am tata!..

Nekk ur mwataγ ara d wid yessuturen akken ad ttwikksen imagraden n Islam neγ n wayeḍ seg wesmel,acku aya anagar ccḥani ara d-yernu. Yerna anda ara d-iban Islam-agi zdat tlafsiwin i d-nurew (nniγ "i d-nurew: anwa i ssulin Weld-Σli? Mačči d Ferḥat d imedyaten-ines?! Anwi i yessawḍen Xalida γer Lmuradiya, mačči RCD? Anwi i yessnen Xalida ngum 1988, anagar kan snat neγ kraḍ tlawin...) Acḥal i nessuli γef tuyat-nneγ, taggara zzin-d fell-aneγ rekḍen-aγ. Yerna anwa ur necciḍ ara seg iqemqumen-nneγ seg wid i wumi nekkat afus? D Ferḥat? D Sseεdi? D At Ḥmed? D Benyunes?...
Ayen i yi-yettazun deg wul ass-a, ugar n wayen-nniḍen akk, mačči d adabu, mačči d ijufar-ines, mačči d wid iteddun γef iεebbaḍ-nsen am izerman...Maca d yagi: Nesseγlaḍ seg yiman-nneγ, nekkat a s-nesself i yiwen alamma yerfed taεrurt-ines am wemcic ini iγil yewweḍ igenni... Ideg yessefk imeqqranen-agi-nneγ am Ferḥat (ma yella s tidet nḥemmel-it) a t-nessebγes, ad nbedd yid-s anda yella di nnican, ma anda yezgel neγ yezleg yessefk a t-nwelleh, a s-nmel tidet...
Nekk, aql-i nniγ-d ayen i yi-d-ibanen... Maca, ha a s-tinim daγen "sfeḍ i d-tenna Zulixa, a Wansen!
Yerna win i wumi ur yeεjib wayen i d-nniγ...

Ttuγ ur d-steqsaγ Winna γef Mmi-s n Wemsed, cukteγ tbellzem-t seg wesmel?

Mebruk fell-awen amussu amaynut i d-ilulen di Tizi Wezzu " MJK" = Amussu n Yelmeẓyen n Leqbayel. At umussu-ya ffγen-d ddifilin deg iberdan n Tizi d lfal imi yerbeḥ Butef

Azul
Ur nbellez yiwen. Ayen i ibeddlen akken tẓerreḍ, yessefk ad tkelseḍ akken a d-taruḍ kra. Ahat ulac-as ttawil amek ad yekles neγ ma yekles ur yessin ara amek ad yekcem (llan "les cyber" anda regglen "Java Script", dγa yettuγal weklas neγ akeccum d iwezγi). Ma d abellez, ur nbellez yiwen, ur nettbelliz yiwen, skud tira s teqbaylit. Ma yezgel yiwen deg-neγ, ad yuγal yaki, ma nezgel akk, a wer tt-nekker.

Nedmeγ imi kem-cedheγ ussan ideg teffreḍ taqerrut-im n texsayt a Zulixa.

Ferḥat ma kkateγ-as afus yuklal yerna d tidet.
Wiyaḍ ẓriγ d ameddaḥ kan i ten-id-yewwin di teqsiṭ, wamma
mačči yid-sen i d-telhiḍ yerna teẓriḍ ulac anida i s-newwteγ afus, maca, zgiγ feṣṣleγ-asen ikustimen.

Ihi ma triḍ ad teẓreḍ ugar annect ay ḥemmleγ l´ancien:

Luleγ-d asmi d-luleγ, ulseγ-d talalit asmi sliγ yeğğa aḍu γer zdeffir i ukabar n rcd.
imiren neγ imalas-nni i uriγ asefru-w " Lemmer", kelseγ-t deg useggas 2000, yeffeγ-d di 2001.
Qqareγ-as deg usefru-nni " lemmer nezmir ad nesferḥet",
anamek-is lemmer iqbayliyen am Ferḥat i yellan.
Taggara usefru ssutreγ deg-s i l´ancien a d-yaf abrid amaynut ara d aγ-d-yessufγen si tillas.
Mačči d nekk i d as-yefkan tikti akken a d-yeslal amussu imiren, acku ur yesli ara i usefru-w yerna wissen ma yesla-yasen ar tura, maca, asteqsi yelhan dagi d wagi:
Acuγer d netta ideg ssutreγ ayagi?
Tidet d tagi: ur ufin ara wallaγ-iw d wul-iw wayeḍ neγ tayeḍ.

Tura ma yal mi ara d-nawi ameslay γef kra uqeclaw, ad terreḍ amzun yettak anzi γer Ferḥat, kkes ayen d-tura Zulixa a Wansen!!!

ihi atan newwi-d fell-asen 'la chanson'... http://www.dailymotion.com/video/x8yfnr_a-twalim-ay-iyerkiyen_music

Azul fell-awen!
A Sεid, ma yella tegriḍ tamawt, "Zulixa", yettas-ed kan ad d-yewwet deg Ferḥat d Yeqbayliyen Ifeḥliyen.
Daya i y-d-yewwin sutreγ deg WANSEN ad yekkes awk tixnanasin-is seg wesmel!

Ur ilaq a Neğ iẓerbuḍen ad rren ayen yellan deg-s fell-aγ!
Nek aql-in zemreγ ad iniγ 90% iqeddec akk d SM, u d aceyyeε i t-id-iceyyeεen ar wesmel n Imyura.net i wakken ad iẓer d anwa i d anwa, u d anta i d anta!

Acu i d-yeqqnen "Xalida" ar Ferḥat Imaziγen??? Amel akka Ferḥat yerra "Xalida" d Taneγlaft?

A Wansen, Rregmat di Ferḥat akk d wegdud Aqbayli, ilaq ad TTWAGEDELNT u bab nnsent, ad yettwakkes seg Wesmel IMYURA.NET.
Ran ad rren Imyura.net am (la depeche de butef).

MJK" = Amussu n Yelmeẓyen n Leqbayel

D akabar i d-yesnulfa uld ali lhadi!
Acu i t-id-yeqqnen ar "IMYURA.NET" neγ ar Ferḥat Imaziγen??????
- Tura kan akka, ad yuγal Imyura.Net d tawwurt i iqeddacen n SM d Iğadarmiyen??
Iwacu TIKERKAS γef Yeqbayliyen? Acu ad yawin leqdic n "ulc ali lhadi" ar "Ferḥat"??
Neγ d Ferḥat daγen i t-yessalin ar wexxam n yedles??

Asmel IMYURA.NET ilaq ad yeqqim ZEDDIG, ur nreggem ara agdud nneγ d yergazen/tilawin nneγ zeddigen!
Llan iqeddacen s SM, ran ad swesxen ayen yellan zeddig, ur ilaq ara a sen-neldi tiwwura!

Azul fell-awen d tirni.
Deg tazwara, riγ ad nemreγ Sεid γef usefru ucbih.
Γriγ tadmiwin-nwen , walaγ γezzifet tmusni-nwen. Riγ ula d nekk ad iniγ ayen iyi-ceγben xas tamusni-w d talemmast kan.
Ad iyi-tsurfen, ad awiγ yiwet n tullist tawezlant, n Σisa neγ Ğisus (akken ira yiwen a s-isemmi). Ufiγ deg-s azal.
Yiwet n tikkelt, usan-d yimdanen ar tqaεett n temdint, wwin-d yid-sen tamettut, ran a tt-rejmen s izemza alamma temmut imi tγur argaz-is s wayeḍ. Wwin-tt-id γer Σisa, nwan ad yemwata yid-sen imi deg tallit nni d ayenni i yeḍarrun i tlawin am nettat.
Netta yenna-yasen:" Win werğin yeγleḍ, a tt-yerjem d amezwaru."
Ula d nekk am kunwi, i qarḥ-iyi umagrad agi n yislam, bḥaṛa netta s timad-is la d-yeqqar yeγleḍ, yessaram a t-id-nerr s abrid. Γef wayen wallaγ ngum a nγunez kra n win yefγen i wabrid kan akka cwiṭ, issefk a nesikked γer lemri a nesteqsi iman-neγ ma neγleḍ deg tuddert-neγ. Isefk a narğu meqqar cwiṭ, a nwali ma yeqqim deg ubrid-is neγ yuγal γer tezdeg.
Ixabiten banen am Lhadi, Σmaṛa, Uyeḥya, Xalida, Racid Σisat...
Walaγ daγen amihi s-γur agad yettximimmen am Zulixa yagi.
Tyill ala nettat i yelhan ger yeqbayliyen imi tezga tekkat deg-negh, neγ tra aγ tegzem asirem? Ma γur-s kra n tririt aγ-tt-id-ini.

Azul,

tanemmirt a Ḥsen ilmend n wesnemmer-ik d wayen akk d-tenniḍ!

A Zulixa, awer tafeḍ argaz di ddunit-im a yelli imi akka i triḍ!
Ssarameγ ad temmteḍ d tamengurt.

Ma yella s tidet tettnadiḍ ad aγ-d-ssiwdeḍ isalen yellan akken ad aγ-teldiḍ allen-nneγ, mačči d rregmat i d aγ-tregmeḍ, ihi afed a yelli ttawil-nniḍen swayes ad nuγal negza-kem, acku ma s uqerru kan ad aγ-tekkateḍ, nekkni nettwali ayagi d aberrez neγ tessawalem-as akken-nniḍen i tyita uqerru? Riγ a d-iniγ kennwi ah, acku wehmeγ amek almi tfehmeḍ yerna kemm mačči sγur-neγ.

Zulixa d yir meṭṭu ay Amnay, tsel kan i tqerrut-is n texsayt, maca, ur tezmir ara ad tili n S.M., ula d nutni ur ččin ara taxsayt am nettat akken ad ğğen ddeεwessu-agi γur-sen yerna ẓran yiwet temcumt am Zulixa tezmer ad as-tini i wul-is "akken riγ ḥerceγ ur ifeγ ara Σebdella Xalef, muqel ihi amek yemmut".

Zulixa ay Amnay d tigzi ( lantilijans ) i izaden deg-s, yuγal wallaγ-is sakin am yezgaren mi ara slen i ṭikkuk. D anejli γer zdat, ayen ara yeḍrun deg useggas 3000 twala-t, d tavizyunirt.

Tikkelt yezrin twala amek ara teḍru yid-neγ asmi ara d-nawi tadsimant, anwi ara yuγalen d imḍebbren-nneγ war ma temmekti-d ayagi 20 iseggasen fell-as seg wasmi i t-id-yenna Lewnis, d acu kan aneggaru-a yenna-yaγ-d " alamma nessawel ad yeḥder i uberrani a d-aγ-yefru", wamma nettat tenna-k xaṭi, d Lhadi mmi-s n Σli ara nessali imiren γef tuyat-nneγ.

Zulixa tezmer ahat ad tili am Sigmund Freud i tettwali timsal, nekkni d imeslab. Ihi segmi d aγ-tettdawi terwi akken yessefk.
Nekkni ur nejji, nettat terna-d γur-neγ yerna yettban-iyi-d wudem-is yuγal am winna n Ṣeddam mi akken t-id-ssulin imarikaniyen seg waγjiḍ-nni ideg yella yeffer.


Zulixa γas tbeddel isem d taẓidant am lmeεjun.
Zulixa tegzem asirem sakin tesseḍ am yir aqjun.

Zulixa n 13 lamuṭu, ad teγli ad teṛṛeẓ ligaṭu.

Azul fell-awen, ssarameγ tgerrzem akk !

Aḍris n tezlit "a tamurt-iw" sγur Lwennas Maεṭub.

Ṭṭfeγ leğmeε d rray-iw
Tezzmeγ iman-iw
Ma γezzif yiles-iw
Init-d ma s-εeḍfeγ

A tamurt-iw, a dduḥ n temẓi-w
Acimi i d-luleγ ?

Luleγ-d, ḍalleγ-d γer ddunit
Ziγemma d targit
Kriγ-tt tameddit
Ṣṣbeḥ a tt-ffγeγ

A tamurt-iw, a dduḥ n temẓi-w
Aḥbib ma t-kesbeγ

Tawwurt yeffren lesrar-iw
Llin-tt yeḥbiben-iw
Kecmen-tt yeεdawen-iw
Lbaḍna-w teffeγ

A tamurt-iw, a dduḥ n temẓi-w
Fell-am ma ad rewleγ ?

Imi d-luleγ d aqbayli
Isem-iw imenγi
Γas teḥfa tdukli
A tt-id-ssmesdeγ

Ay at tmurt-iw
S tidi lmux-iw
Ara ken-in-dehneγ

Fkiγ γer ssuq isem-iw
Γer rreḥba idzayriyen
Ad yezzenz imeṭṭawen-iw
Ma llan wid ara ten-yaγen

Ğeεleγ a d-qḍuγ lebγi-w
Ziγen teqleb tewriqt-iw
Anda akken ufiγ leḥbab-iw
I d-ttnejmaεen yeεdawen

Nestufa-d akk i tγerṣi
Ammus γef leεḍam yettban
Ntett ayen ur d aγ-nehwi
Neqqar wa d aẓidan

Tidet ttecceḍ deg yimi
Deg mi akka nuder d tirni
Sebεa qama di lxali
Lberr yexreb, ur iban

Nettḥir ad nleqqem lekdeb
I wakken ad nγellet lγella-s
Nemḥezwar s asegrireb
Nettemḥezwar γer txidas

Mi d-iban wemdan d ddheb
Fell-as a d-nger leεğeb
Di tidet a t-neskideb
Alamma nhudd-as tissas

Anda-t weqbayli iṣeḥḥan
D tisegnit daxel n walim
Ur iban wemdan yeγran
Ur iban win yellan d abhim

Asmi d-neffeγ s iberdan
Ziγ akken a d-nawi imekwan
I Sidi akk d Si Flan
Ass-a kull wa anda yeqqim

Nnan win yeččan, yečča
Win yegran tarbut tekkes
Uγalen akk d iqerra
Widen i wumi γezzif yiles

Annar i sen-d-nḍerra
Nnif deg-s i yexnunes

Cfiγ usan-d s teḍṣa
Ad dduγ di lğerra-nsen
Nnan ilaq-aγ tura
Tamurt a s-nbeddel udem

Yuγal mi akken ur qbileγ ara
Ggullen ar d iyi-ssimsen
Ass-a wa yeqqar i wa
Aqcic-nni d imciṭṭen

Sswen aẓar n tecmat
Yuγ amḍiq di ddunit-iw
Ur d iyi-d-teqqim tegmat
Ṭṭlam idel tafat-iw

Lfinga undin-tt, qurεen-tt
Alamma tezla lferḥ-iw

Ḍḥiγ-d d aqell ger tizzya-w
Anda ddiγ a yi-ssweεden
I leḥbab qqleγ d aεdaw
Qlil win γaḍeγ seg-sen

Win i d-yuẓan γer lğerra-w
Ad as-nnḍen am wegraw
Lmux-is a s-t-ssirden

Cbiγ ttejra yeknan
Σebban ddel wafriwen-is
Teṣber i tmes d iḥerqan
Teṣber i cctawi d wegris

Leḥbab ur iyi-gan ccan
Rniγ deεwessu imawlan
Tewwi-yi ddaw iferrawen-is

Cfiγ aḍu lemḥibba
Ul-iw assen mi t-yedhen
Ggulleγ ur ḥniteγ ara
Wwiγ-as-d win i t-yessferḥen

Di taddart ur bγin ara
Nnan-as irkell winna
Ilaq win a t-yessferγen

Γas akken wwḍeγ lebγi-w
Temγi tteγziza qerrḥen
Γas akka aql-i s wexxam-iw
Mazal-iten deg-i a kkaten

Tγedreḍ-iyi a tamurt-iw
Ur teğğiḍ ara ixṣimen-iw
A sen-ẓmeγ lebṣel s allen

Tγedreḍ-iyi a tamurt-iw
Teğğiḍ mmaren idammen-iw
Xnunsen di lqaεa-inem

Ah annaγ a tamurt-iw
Teswiḍ tidi leεḍam-iw
Terriḍ γer lḥebs asirem

Ad ruḥeγ ad beddleγ isem-iw
Ssamsen-as wat taddart-iw
Nnif-iw yettwaqeccem

Skud akka ur yefcil wul-iw
Ad nnejliγ a tamurt-iw
Ad rewleγ si lbaṭel-inem

Ur d iyi-d-yeqqim weḥbib
D acu iyi-d-yegran d nnṣib
Siwa lemḥibba leḥlal

Yid-s ad awiγ abrid
Ur d aγ-d-iḥebbes usemmiḍ
Iṭij ur d aγ-yessefcal

Ad nqelleb γef lweqt ajdid
Balak di tmura lebεid
Ara naf ddwa n temsal

Ammar a d-ṣfun wussan
A γ-d-iṣaḥ umur di zzman
Wamma ass-a aql-aγ di lmuḥal

Ad nγellet tidi-nneγ yerγan
Am nekkni am imeγban
Nettrağu itri-nneγ a d-ilal

Akken wid i γ-yessweεden
A sen-yezzi s weεrur lawan
Ad asen-yessexreb lecγal

D iẓekwan imawlan-iw
Ara d-ğğeγ d aẓar-iw
Ur yelli wayen nniḍen

Imi yi-yenker wakal-iw
Ad ruḥen ad beddleγ laṣel-iw
A d-yaki sseεd-iw yeṭṭṣen

A d-lhiγ deg wexxam-iw
Ad sseγreγ arraw-iw
D luγa n medden ara ḥefḍen

Dayen tefsed tmurt-iw
Fkan afus watmaten-iw
Zzenzen-tt i yeεdawen

Γef wakken i γ-d-qqaren
Di ccfaya-nsen yemγaren
Leεmer i γ-yeffiγ wammus

Larebεa n At Yiraten
Irumyen mi tt-id-kecmen
D nekkni i yefkan afus
Mazal timsal nniḍen
Γezzifit am yemraren
Ayen i d-ḥkiγ drus

I yi-tt-igan d idammen-iw
Mačči d kemm a tamurt-iw
Ur lliγ d aεdaw-inem

I yi-xedεen d atmaten-iw
Asmi akken i sen-ldiγ ul-iw
Uγaleγ la ttnaγeγ yid-m

Ssmaḥ, ssmaḥ a tamurt-iw
Γas ad tebεed tenṭelt-iw
Err-itt-id s irebbi-inem

tifawin fell-awen!
Ahbuh a Zulixa a yir tameṭṭut ad k-yekkes Yakuc yernu lxalat tid ixellun am kem , awer tawḍeḍ ma d yiwet am kem ara yesneqsen deg wazal n wucbiḥ Ferhat a tabuhalt maεna akken qqaren yeqqel uqelmun s iḍarren d ucmiten i yettcemiten d imaεfan i ifuken aman
timensiwin a tarwa

a tarwa n Sṭalin d umayni!
D acu i ken-yuγen akka, εni tessḍem?! Teḍra yid-wen am weqjun-nni ameγlut yeččan bab-is! Seg wakken tennumem gar-awen kan, wa ad yekket i wayeḍ ajewwaq, alamma tuγalem ur tezmirem ad twalim tikti yemgerraden d yid-wen!...
Akken εerḍeγ a d-netqeγ, teγlim-d fell-i am igarfiwen, ur yi-teğğim a d-fakkeγ ula d awal; ur d-nniγ ula d yiwet si meyya rregmat i d-yersen fell-i! Wa yeqqar " daxabit", wa yeqqar "tregmeḍ Ferḥat", "awer trebḥeḍ"! D acu-t ueṣṣar-agi? D taγaṭ γas tufeg, rray-nwen kan i iweqmen, d kunwi kan i yessnen, i iḥemmlen ferḥat, i ḥemmlen taqbaylit....Tin i ten-yugaren akk d asiwel i ccif(ameqqran)-nwen: A Wansen sfeḍ ayen d-tenna (kunwi ay ibkan teqqarem i d-yenna acku yeğğa-d deg-wen lxelεa MMI-S N WEMSED, yessker deg iεebbaḍ-nwen aberriḍ!) akken a tt-nergem nekkni!
A dda Sεid ur tuγeḍ ara tannumi tzeggleḍ lγerḍ! ur teddiḍ ara di llem iqezzaben, ur tennumeḍ ara tettruẓuḍ di tmeslayt-ik ( am wid yettarun s teγyulit "v"), deg watmaten-inek ay uḥdiq... maca tikkelt-a tzegleḍ ay uqbiḥ! Kečč d Winna (skud ur yessawel ara i Wansen-nsen akken ad yesfeḍ ayen d-nniγ) init-d ayen tram, ulac fell-as.
Ma d aγyul (amnay yexṣer deg-s yisem i yefka i yiman-is, ur t-yuklal) -nni i wumi d-yebra sidi-s Kunsil n Lanjiri di Kanada akken ad yergem deg watmaten-is! Aha kan a s-d-stifeγ!
Zulixa ara wen-yuγalen d tazuliγt, ay izuliγen (anagar wid ur nuklal)
Tamawt: Ṭṭef "IP"-inu tawiḍ-as-t i sidi-k akunsil ay abiyyaε!

Sεu leεqel a Zulixa a yelli!!!
Lemmer ara tεerdeḍ yiwet tikkelt di ddunit-im ad tegzuḍ ayen d am-d-qqareγ, maεεac a d-tiniḍ i dadda-m Sεid wahin neγ tahin.

Azul fell-awen ay Isṭaliniyen d Yeṭrutskiyen, ur tessefraḥ tegnit ideg d-ufiγ asmel n tsekla, yuget umennuγ d wawalen irẓaganen, ssarameγ ad tifrir tagut fell-awen ay uḥricen.

Ar tayeḍ !

Mazal itezzi ccmta agi da?
"zulixa"! Yennum ixeddem-itentt cmata!
cmata imu yuza wudem, yerna yettmeslay γef "ukunsul"...am akken, mačči d aqeddac n la "SM" ccmta-ya!


Akka cwiyya, a sen-d-yebru i yiẓẓan-is da!

A WANSEN, ekkes ayen yawk rregmat mgal agdud n leqvayel akk d Ferḥat, mačči yiwen n ccmata, abeyyaε n la SM, aγ-d-yawi tilufḍa-s γer da. A wer yaweḍ!

" Aha kan a s-d-stifeγ! "

Afed-d yiwen "upsido" iqernen akka ciṭ a ccmata!
Wid wiγer tqedceḍ, d ibuhyufen akka am kečč! Seg tazwara faqen-ak...
Seg tazwara, faqen-ak wid yettarun da, dakken kečč d ccmta, tettnadi kan nnec ger yeqbayliyen u tettragameḍ deg-sen! Ur ufin akka meqqar yiwen "yessnen" akka cwiyya! A axerfi agi kan i -d-ufan.


Ulac yawk win a k-yamnen...
A d-stifeḍ s wacu? Ahbuh!! Ar umennuγ i d-usiḍ ay axnanas, ay aqeddac n la SM?

Ay Ayirat,

ayen yebγun yella neγ ad yili akka d afella, maca, annect-a neγ ayen ara d-yernun mačči d ayen ara yenγan asmel-a neγ tasekla taqbaylit s umata, γas kkes anezgum i wul-ik!
Wissen acuγer tγabeḍ aṭas aya tura, yak ulac d acu i d ak-nexdem?

yenγen mačči yenγan

Azul a tidet s wacciwen-is, ur tufiḍ d acu yi-txedmem, d ayen-nniḍen i yi-ṭṭfen, tanemmirt imi d-testeqsaḍ fell-i, ar tayeḍ !

Uriγ-aken aṭas n tikkal, ur ṭṭifeγ ara tiririt sγur-k.
Steqsaγ dda Muḥ fell-ak, ur yesεi ara ula d netta isalen-ik.
Awi-d ukan imi ur k-yuγew ara ay Ayirat!

azul fell-awen/t
anwa ur nennuγna ara s tefranin-agi n Butef, igan tikerkas s iṣurdiyen n Ldzayer yuγ akk wid iteddun γef uεebbuḍ, acu kan mačči am zik, tura wid yeznuzun tamurt, ttruẓun deg wid zeddigen, ismawen-nsen banen, amezruy a sen-yeḍlu ammus,
baγ γef wesmel imalas aya, mi d-uγaleγ uffiγ Ayirat yuγal-d, yennecrah wul yekkes unnuγni, acḥal tettgerriz tegnit mi ara mmlilen watmaten γer wayen i ten-yeεnan, d kečč i d-yennan ameγnas d win yettarun, yettmeslay Tamaziγt, tanemmirt ay Ayirat i γ-id-yessmektan daγen asefru-agi n Luwnas Maεṭub:

imi d-luleγ d aqbayli
isem-iw imenγi
γas teḥfa tdukli
a tt-id-ssmesdeγ

Azul a tidet s wacciwen-is d Muḥend, tansa-nni-inu i yellan γur-wen tettwakkes, kkseγ-tt, γef waya ur d-ṭṭifeγ ara iznan-nwen, tin γer-s ddeqs n twuri i sεiγ d imi ur d-rezzuγ ara γer da, tura imi stufaγ kra, ad d-keččmeγ s asmel ssya γer da, ar tayeḍ !

Azul fell-awen

Awal-iw i Tzizwit, ur zriγ ara anta neγ anwa tata i yeffren deffir yisem-agi n Tzizwit, ḥṣu kan d akken Suhila-yagi i terriḍ d tawkilt nnig lkanun, ulac tameṭṭut i tt-yecban, d amdan zeddigen am waman deg wasmi i tt-nessen urğin i tbeddel tacacit, amennuγ-is yiwen, deg wasmi tella d tameẓyant i tebda amennuγ γef tmaziγt , imdanen n Buzgan d inigan, wid tesselmed tajerrumt d umezruy n tmaziγt ḥṣan d acu n wazal n tmeγnast yecban Suhila, deg unnar umennuγ s wawal urğin tefka afus di teqbaylit-is, di tikli-nni kan iεeddan, tella ger kraḍ n tlawin yelḥan, mgal tifranin n lεar, magal wid yebγan ad rren takmamt i Ferhat. Ihi akken qqaren "d ucmiten i yettcemmiten d imaεfan i ifuken aman" Ma d kem a Suhila ur ilaq ara ad ttεandeḍ imdanen-agi, anef i temsal ad εeddint, imi cwal yeshel d awal ẓiden kan i yuεren. Ḥṣiγ d akken ayen iγef d-temmeslayeḍ γef Bessaci d ayen icudden ar tira d umennuγ imi argaz-agi d amdan nessen, yerna ur nerği ara ayen d-yusan deg-s maca tamsalt terra-tt Tzizwit d ayen nniḍen. sḥasfeγ di rregmat-agi, yerna ma wa ad yettεanad wa ar ucemmet d ayen ara d-yawin ayen n diri ama i kunwi ama i wesmel.

Azul fell-awen

widak d tikak agi i d-yettaddren ismawen n medden da, ulac γur-sem amḍiq ar γur-neγ!
Wi iran ad izenzen ayetma-s neγ tiyestam-s, ad imuqqel anda nniḍen.
Wi tt-yettalasen i wayeḍ, ad yeffru yid-s anda nniḍen.

Ad εawdeγ tiγri i wakken ad ttwagedlent yawk rregmat n "wegdud akk d wayla n yeqbayliyen".
Ilaq ad ttwaksen ywak ISMAWEN n medden i d-yettwabdaren da

Ayen yemmeslay l´ancien ass-a n 20.04.2009 di tiliγri (tilifun) yakk d yeqbayliyen yelḥan di tikli n MAK d-yellan di Tizi Wezzu:

Azul fell-awen

Kunwi yelḥan ass-a n 20 di Yevrir 2009, ternam-d ccbaḥa, tirrugza d yiseγ i weγref aqvayli. Ternam ccan i tmurt n yeqvayliyen, terram tajmilt i wid yennuγen γef lḥerma-nneγ d nnif nnegh, di lğil γer wayeḍ.

Ssurfet-iyi ma ulac-iyi gar-awen. Lemmer ufiγ, d nekk i d amenzu di tikli-a. Adavu amesvaṭli d win i d iyi-gezmen avrid. Tilelli n yal yiwen tesεa azal. Tilelli-inu ur tt-ttakeγ ara d tarzeft i lvaṭel. Xas ulac-iyi gar-awen, aql-i di lxiḍ n tilifun yid-wen. Ass-a, mačči yiwen wemdan i yesselḥayen timsal, d kunwi ay ilmeẓyen, i izemren. Am akken i t-id- nniγ yakan “ass-a twerrek tegnit yis-swen a tarwa”. Ass-a teččurem-iyi tiṭ, teččurem tiṭ i umezruy, teččurem tiṭ i tmurt n yeqvayliyen!

Ssarameγ-awen AFUD IGERRZEN,

Tamurt n yeqvayliyen a d-tawi tilelli-ines, ad tezdi lqed-is ger iγerfan umaḍal.

(Sγur Ferḥat At Saεid i yersen di nnekwa: Ferhat Mehenni)

Azul akk fell-awen ay Imaziγen

Acḥal aya ur yelli ujdid deg usmel, nessaram d akken ur tufiḍ i ken-yuγen akk ay at yimru yettarun, ay at yimi iḥekkun nejjem tira-nwen akken ma tellam ama d Ğamal B, Amnay, Mmi-s n wemseḍ, Nuwara, Winna ... atg. ula d tidmiwin ur llin, wissen ayen akka?
Tudert d tezmert i wen-sarameγ s waṭas n rrezg ay atmaten n yedles.

azul fell-awen/t
azul a Tamaziγt, acimi akka i nemmuγben, ahat imi ur d-nufa ara tamurt-nneγ telsa talaba-s, teṭṭeff deg iẓuran-is, yelha ammer i tt-nwala akk tedda ger iγerfan teğuğğeg s warraw-is, yerna menyif ad nessexdem at uεebbuḍ ad ssali tamurt, wala a ten-ssxedmen icenga ad hudden tamurt,
mmektaγ-d yiwen umedyaz d Amaziγ n Uheggar, isem-is Hawad tewwi-t-id yiwet tnedlist a d-yemmeslay γef wedlis yura, mi d-yebda awal yal mraw tesdatin ad yekkes talaba γef yiri-s, armi d taggara yekkes sa n tluba, dagi kan ahat iga-t d azamul, s wawal ara nekkes talaba i γ-sellsen yemnekcamen i d-ikecmen ar Tamazγa, yessegra-d awal s Teqbaylit i nekkni yellan din: kra akka ttebbin deg-nneγ, ara d-naki ad neqdec γef wayla-nneγ

azul ay atmaten, s yixef wayen icudden tarwiḥt-agi tamcumt γer ddunit-agi tamcumt ar simmal tzehher tmes di tṣeṭṭa-nneγ ur neẓri neγ ahat neẓra, nεemmed-as i truγi???????
ayen akka i iḍerrun, ger tacciwin kan ara t-id-iniγ,( d axnunnes deg waluḍ, ay aḍar s anda tettedduḍ????..... akka i ran yeqjan, ad nettemhurruy, ad nettemcukku ad nettemyexzar am ulli yugaden uccen....seddan tifranin akken sen-yehwa, medden akk ferḥen,medden akk ceḍḥen, ttargun lbaṭaṭa, d ssardin, d weksum yilef...kullec ad yuγal s walef!!!!!!!! ačč ay azayri, ččar aεebbuḍ, tzemmeḍ imi-k, sser lhemm-ik,ini-asen i leğnas nezha, nesεa "ttaqafa" nesεa "dimuqraḍia" nesεa daγen ...... anef-as i wanu s temdelt-is ay axir ma ulac ad ggten leεrur d-yettlalen si lehdur....