Γef usteqsi n uneγmas γef  tmuγli n "Le MAK", dacu i d tamuγli n Ferḥat γef tmurt n Leqbayel mgal tifranin. Ad tettekki ur tettekki ara ? Dacu d tidmi-s ?
Ferhat: Ass-a zemreγ ad d-iniγ ferḥeγ aṭas imi ikubar i illan ṛessan deg wayen iεeddan di tmurt n iqbayliyen d wid i tt-igezmen yakk d tefranin-agi, ur ttṛuḥun ara. Yiwen deg-sen ur d-ibedd. Yiwen yeṭṭaxer akkit di tsertit i lmend n tefranin-agi ur yettekki ara, ur yettili ara. Wayeḍ, FFS, iger-d iman-is i wakken ad yegzem tifranin-agi am akken i d-nenna nekkni yakan di tuber i iεeddan. I d-nenna ilaq a negzem tifranin γef tselwayt. Ayagi yessefraḥ imi berzidan ad yili d berzidan n wiyaḍ merra lameεna mačči d berzidan n yeqbayliyen, mačči d berzidan n weγref aqbayli. Aγref aqbayli yesεa imḍebbren yuklalen leqder, mačči d win ad iqeblen i wakken ad yettwarkeḍ s yiwen akka am Butefliqa, yenγan yakan di tarwa-nneγ, d wid yellan yid-s.

Asteqsi nniḍen n uneγmas-agi γef tirza ur yerzi ara Butefliqa ar tmurt n iqbayliyen seg 2004, γef ukemmel i ikemmel deg webrid n wid i d-yeḍfer seg 62(sdiset tmerwin d sin) ar ass-agi. Yesteqsa ma yella ur d-tewwiḍ ara teswiεt i wakken ad temmeslay tmurt n yeqbayliyen d udabu ass-agi.
Yenna Ferḥat: tamurt n yeqbayliyen ad temmeslay γef nnefε-is. Lḥukkuma n Lezzayen d tin i yettnadin nnefε-is uqbel kulci. Wid i tt-iḥekkmen seg 62 ar ass-agi d wid i yebγan ad ṛzen ajeggu n weεrur n tmurt n leqbayel n weγref aqbayli. Γef aya ma a d-yas abaεḍ n wussan umeslay ger-aneγ akk d lḥukkuma a d-yili γef yimal n tmurt n leqbayel mačči γef 4 dduṛu neγ 5 dduṛu i ilaqen i "l budget" n tmurt n leqbayel. Ayagi a d-yas di taggara. Di tazwara, ilaq tamurt n leqbayel ad testeεṛef yes-s lḥukkuma n Lezzayer belli iqbayliyen d aγref s lekkmal-is u tamurt-a tuklal i wakken d arraw-is ad tt-yesselḥayen. Nekkni ttceyyeεen-aγ-d ḥala "la sécurité militaire" akk d lεeṣker i wakken a γ-ttεassan. Ur aγ-ssinen ara deg wayen nniḍen.Yerna Leεrac. Kkren-d leεṛac mmeslayen akk d lḥukkuma. Dacu i d-yeqqimen di leεṛac, dacu i d-yeqqimen deg wayen mmeslayen akk d lḥukkuma ass-a ? Llan ikubar kecmen di tsertit, ttbeddaden-d ar lbuṭ, dacu i d-wwin neγ dacu i sen-d-fkan ar ass-agi i wakken a d-inin belli tamurt n leqbayel ur texdim aṭas i lḥukkuma n lezzayer ? D tamurt n leqbayel i d-yurwen tamurt n lezzayer, lxir i s-terra tḥesb-itt d taεdawt-is. I d-yeqqimen dakken, akken qqaren s teqbaylit, ur nttemlaεi ara; ur nttemlaεi ara nekkni d lḥukkuma skud ur steεṛifen ara yes-neγ. Qqaren yeqbayliyen deg wanza: win i k-ibeddlen s yibiw, beddl-it s yiclem. Ur swin wara i wakken a γ-ṛzen akken i γ-ttṛuzun deg wayen-agi iεeddan. Deg ass-nni tefra lgirra, melt-iyi-d dacu i γ-d-fkan menγir leḥbas, menγir timenγiwt, menγir "les grenades lacrimogènes". Ḥala tiyita i nečča si lḥukkuma n Lezzayer; wannag lxir, kra nwanda i d-yusa lxir, iṛuḥ anda nniḍen, ar γur-neγ ulac. Twalam belli tamurt leqbayel tesεa "les potentialités" tezmer i wakken ad tesserbeḥ Lezzayer merra. Tella luzin n "L'ENIEM"; tella  luzin a d-ixedmen "les carcasses" dinna di Tizi Wezzu, wwin-tt almi d Sidi Belεebbas, tella yiwet Luzin niqal ad tettwixdim di Tizi Wezzu, wwin-tt ar Seḥra, ar Berwagiya. Llan lewzinat i wwin ar Tunes uqbel a tent-id-rren ar Qsentina. Ayagi mačči ma nessusem ad aγ-d-iṣaḥ. Skud nessusum nutni ad ttεebbin fell-aneγ. Yegra-d fell-aneγ a d-nbedd am yiwen n wemdan i wakken a d-nini tifranin-agi nekkni ur nettikki ara deg-sent axaṭer nekkni d aγref yuklalen qbel a nebuṭṭi fell-awen ad tebuṭṭim fell-aneγ, ad testeεerfem yes-neγ belli nella. Skud ur nelli ara, ur nezmir ara a nebuṭṭi. Amek ad yebuṭṭi yiwen ma ulac-it.

Aneγmas yesteqsa Ferḥat ma yella tezmer tmurt n yeqbayliyen ad tesgunfu deg umennuγ-is i wakken ad telhu d unegmu kan akken a d-terfed iman-is imi tenṭer deg tdamsa, deg tγellist, deg unegmu...
Ferḥat yenna: ma yella tres liḥala lγaci ad ṭṭsen; iḍes d win i ineqqen. Iḍes d lmut-nneγ. Lemmer yella kra "un plan", yiwen wahil n usnefli a d-fken, dacu i ten-yeğğan ur t-id-fkin ara deg wayen iεeddan. Attan tamurt n leqbayel tres seg 2003 ar ass-agi. Di 2003 ar ass-agi tetthedden liḥala, tres liḥala, acimi ur xdimen wara, qqimen kan akken ? Ihi lḥukkuma-yagi n Lezzayer, adabu azzayri d win i ikerhen tamurt n leqbayel, d win ur aγ-yebγin ara lxir. Ass deg ad yebγu lxir, tamurt n leqbayel, ulac win i yesεan deg ul-is am nettat. Ad ttεiwen yal yiwen.

Aneγmas yesteqsa Ferḥat γef ayen a d-iḍefren tifranin, amek ad tili tmurt n leqbayel.
Ferḥat yenna: yif-it kan win yeṭṭfen di nnif-is ur yettruḥ ara ad yebuṭṭi. Nniγ-d nefka-d acḥal d tikkelt ttbut belli nebγa talwit nebγa lxir, lameεna i d-nufa ḥala cceṛ zdat-neγ. Ihi ass-agi yeqqim-d a nbedd γef nnif-nneγ. Ass deg ad εeddint tefranin-agi, win d-yebγun yeffeγ-d ur yettikki ara deg-neγ, ur aγ-iḥekkem ara, mačči d berzidan-nneγ. Aγref aqbayli yuklal berzidan nniḍen, yuklal imḍebbren-is di tazwara. Syin d afella a nuγal a nebuṭṭit. Ass deg a nesεu timanit, ass deg a nesεu lḥukkuma-nneγ, ass deg a nesεu "les députés"-nneγ n "le parlement"-nneγ n tmurt n leqbayel, ass-nni a nṛuḥ a nebuṭṭi γef tselwayt, ad d-nger iman-nneγ s lqedd-nneγ akken ilaq, mačči d nekk s timmad-iw, tamurt n leqbayel a d-sbedd argaz neγ sin ara tt-yerreprizantin di tselwayt. Taswiεt-agi am win iceṭṭḥen i uderγal -a yi-ssemḥen iderγalen ma yella slan-d i wawal-agi, d awal kan i t-id-yewwin-, ayen nebγa nxedm-it d lxir ur t-id-ttwalin ara.

Aneγmas yuγal-d ar tekti-nni ines n umeslay akk d Butefliqa. Yesteqsa Ferḥat ma yella ilaq ad tkemmel tmurt n leqbayel aγunzu n udabu neγ yessefk ad temmeslay yid-s, ad teqdec yid-s i tbaγurt n tmurt n leqbayel.
Yenna Ferḥat: lemmer a d-yeddu d win εzizen fell-aγ merra, ur d-yettuγal d amdan llεali. Butefliqa yenna-d belli nekkni ur neswi wara, ireggm-aγ-id, iṛuḥ-d ar Tizi Wezzu, iṛuḥ-d ar Bgayet, ireggm-aγ-id. Yella d berzidan, ttirin γef tarwa-nneγ, werğin i sen-yenni ḥebset ur neqqet ara seg ilmeẓyen. Iṛuḥ-d ar Tizi Wezzu yenna-yas belli ad isemmeḥ i wid yenγan, yerna ireggm-aγ-id di tlemmast n Tizi Wezzu i tikkelt nniḍen. Yenna-k belli Tamaziγt-agi, nella d imaziγen d tidet, lameεna "ḥemdullah" lislam yerra-yaγ d aεṛaben. Dacu i tzemreḍ ad txedmeḍ akk d wergaz am wagi-nni. Yerna ur umineγ ara belli iḥemml-aγ neγ yebγa ad yexdem kra n wayen yelhan ar γur-neγ. Ar γur-s, yewwi-d cceḥna n temẓi, yesεa "Racisme" ar γur-neγ, d win yekkaten ad aγ-yemḥu, mačči d win yekkaten i wakken a nezdi lqedd-nneγ. Ur nettraju acemma si tama-s. Yerẓa leqwanen. Yettawi imdanen ar lḥebse γef ulac. Netta yerẓa lqanun n tmendawt, yerna a d-ibedd i tis 3, netta ula d tazmert-is ur s-tefki ara i wakken ad yesselḥu leḥwal. Mačči d berzidan ass-agi. Netta yenna-yak lweqt-nni i d-yusa akken "ur ttiliγd 3/4 n berzidan". Ass-agi ur yessawaḍ d tis 10 n berzidan. Dacu yesselḥay i wakken ad ikemmel akkagi. Taselwayt d tin yellan ger ifassen n wiyaḍ skud d ameεlal akka am Butefliqa i yellan d aqerru; d wid yellan deffir ara yesselḥayen liḥala mačči d netta. Netta iḥemmel kan ad as-ccuffen aqendur atan d berzidan ad yemmet akken d berzidan.

Aneγmas yesteqsa Ferḥat γef tdukli n wid ixeddmen tasertit di tmurt n yeqbayliyen: ikabaren akk d umussu n timanit akken tamurt n yeqbayliyen ad tt-id-yuγal unegmu, talwit...atg
Ferḥat yenna: nekki a d-greγ tiγri ama i "le FFS" neγ i "le RCD". Nekkni i γ-izedγen d tagmatt; newjed i wakken a nqeṣṣer yid-sen. Axxi ma yella ur nedukkel ara, meqqar ur nettemyiwwat ara ger-aneγ, a nettemqaddar. D leqdder ad yili, mbiγir ma da yella nettemyiwwat am akken i d-yella deg wayen iεeddan. Tagmatt tugar amennuγ. S tegmatt s a d-yili wemsefhem wala s udebbuz. Timecki yella udebbuz yettγab umsefhem.

Aneγmas yesteqsa-t ma yella yeεreḍ yakan netta s timmad-is ad yemmeslay akk d ikabaren-agi.
Ferḥat yerra-yas-d: greγ-d tiγratin acḥal d tikkelt ur iyi-d-slin ara. Bγiγ ad kecmeγ ciṭṭuḥ di lεeqliya-nsen acimi i yugin. Axaṭer qqaren-as wagi: "le Mak c'est un mouvement régionaliste." nutni "c'est des partis nationaux" γas ma yella d leqbayel kan i yellan daxel-nsen. Kukran ahat ma mcawaren d "le mak" a sen-inin belli ttεawanen "un mouvement séparatiste" am akken i γ-semman γas ma da yella d timanit i nessutur mačči d azarug neγ d "l'indépendance", d timanit kan. Ulac tamurt i teγḍel timanit ḥala tamurt i d-terfed.

Aneγmas yesteqsa ayγer amussu n timanit ur yettikki ara deg tefranin n tamiwin i wakken ahat ad yawi kra n tγiwanin neγ tamiwin.
Ferḥat yenna: ala. Nekkni mačči d wid yekkaten ad kemmlen di lḥukkuma n Lezzayer laxaṭer "les mairies" neγ "les wilayas" d "les institutions" n lḥukkuma, d tirkabin neγ d tiγemmar n ḥukkuma n Lezzayer. Ma yella nesselḥay-asen-tent nekkni d tazmert i nerna i udabu-yagi i  leḥkkem-agi. Leḥkkem-agi d win yerẓan tamurt n leqbayel. Nekkni nebγa a nerfed tamurt n leqbayel, yerna ma nṛuḥ ar lbuṭ am akken d aεebbuḍ i γ-yewwin mačči d timanit i γ-yewwin. Nekkni d wid i yettnadin γef nnif i yettnadin γef tezdeg, mačči d wid ad iṛuḥen a ten-yesxef uεebbuḍ.

Aneγmas yesteqsa-t γef teγlist i ulac deg tmurt n yeqbayliyen dacu i d tamentilt, d ṛṛwaḥ n iğaddarmiyen, d adabu i yellan deffir...
Ferḥat yenna: taγlit ur d-ttuγal ara ar tmurt n leqbayel alamma tamurt n leqbayel tesεa timanit-is. Skud ur tesεi ara "la police" ines, skud ur tesεi ara "l'administration" ines, ur d-tettili ara teγlist dihinna. Kullec yuddi ar timanit i wakken aγref aqbaylit ad yezdi lqedd-is yes-s. Lakkul ad tbedd, tadamsa ad telḥu,..Ass-agi ma tebγiḍ ad txedmeḍ kra n lḥağa tlaq "l'autorisation" n lḥukkuma n Lezzayer, azekka mbiγir "l'autorisation", d nekkni a tt-ixedmen s "le budget"-nneγ, s wayen s i nezmer. Tamurt n leqbayel tesεa "les atouts", tesεa tarwa-s; tamurt n leqbayel tesεa irgazen d tlawin ifehmen d wid a tt-yesselḥun akken ilaq. Ass deg ad tesεu tmurt n leqbayel timanit-is, yal tamnaṭ imir ad tebγu ad tεaned laxaṭer ad tẓer belli timanit tewwi-d lxir i yiwet n temnaṭ, ad bγun akk imir-nni ad sεun timanit, a s-nεiwed lebni i Lezzayer γef lsas s wudem agdudan, s wudem n tugdut, mačči s wudem n tqacut ara d-yeṛẓen akk yellan ddaw-as, ara d iberken γef ayen yellan ddaw-as.

Asteqsi aneggaru n uneγmas yella-d γef awal timanit. Iwacu mačči d "régionalisme"(tamnaḍit) neγ "décentralisation" ...Ar uneγmas-agi d awal-agi i yeğğan iqbayliyen ur d-kcimen ara aṭas deg umussu n timanit acku ugaden-t akken i t-yuggad daγen udabu.
Ferḥat yenna: Alami i d-nemmeslay γef timanit, yal yiwen yewwi-d amek i s-isemma. Semmit-as "régionalisation" "décentralisation", tamurt n leqbayel teḥwağ ad terfed iman-is. Nekkni ur nettbeddil ara isem. Mačči d taqecmaεt mačči d akellex i γer d-nusa. Nusa-d ar timanit, a tt-nebnu akken ilaq. I yelhan d ayen a nger daxel n timanit neγ daxel "la régionalisation" neγ daxel "la décentralisation" mačči d isem s yiman-is. Nekkni d wid yeqqaren: timanit nebγa ad tili am akken tamurt Lezzayer d taddart-nneγ, tamurt n leqbayel d axxam-nneγ