Am tadla yečča yilef
Tadyant tettkemil, tura akka
Lqaεa γef i nleḥḥu d tirgit
Asurif i ngerr d timendeffirt
Yussa-d ass-nni winna
Steqsaγ-t nniγ-as: “i usirem”?
Mačči d nekki, d tasa, tugar-iyi !
Yenna-k tedderwec, temxel, ur fhimeγ wayra!
Cfiγ ussan imezwura, d tezṛuṛeq, nenna-yas waqila…!
Aṭas i d-ineflen, i d-ikeflen
Ifassen-nneγ flan, yiwet mačči neṭṭf-itt
Nuγal neggar azeṭṭa, nettawi nettarra
Tuγ d aleγẓem tuγal d tirẓi !
S yiwen uḍar neṭṭf-itt d timziraz
Ad d-nger nnehda, ad nwali !
Tekkat tesrakkat
Ad neddari, and’ara neddari!
I winn ur tḥemmel yemma-s ma a t-ḥemmlen lγaci!
Yenna-yas uzemni
Qqemcent wallen, yeddubez wallaγ
Nefka mayna
Tasa tafuḥant mi tezṛa winna tini-yas: I usirem?
Targit taxeddaεt tsendaf-itent-id
Γas ddubez, talwit ala !
Tura ger icangalen
Rekku yeqqaz, yeqqaz!
Am tadla yečča yilef
Tasuta deffir tayeḍ
Akka i tebda:
Ma nuγal d agejdur ma neqqim d wayeḍ !