Azul,

asefru-a ula d nekk mεebbareγ yid-s yiwen wass, segmi ur fessus ara fell-i, ğğiγ-t.
Tanemmirt a mass Ḥud ilmend n tebγest-ik!

Atan drus neγ ciṭuḥ-nni d-sxerbubceγ deg-s:

Ass d-yusan yečča wayeḍ, ccama-s ur d-gerri.
Si rruḥ-iw kra ur kem-iseffeḍ, a targit d-yeqqimen i tayri.

La ttwaliγ iseggasen-iw yezzfezfen, ddan-d di leεqab deffir-i
am useklu inezfen, yettwali ifer-is yettefruri.

Akud yerra anyir-iw mellul, idim-iw s weḥnunef kan i itenneḍ
am lmuja yurez lqid deg wul, nnhati sebken-t si tesmeḍ.

Udem-im ilemẓi yettdeqdiqen, i d am-tcebbeḥ tura nndama.
Temẓi-s deg yedmaren-iw teqqen, ur yettimγur , am rruḥ leεmer ur t-yesεa.

Uhu, ur tedrigeḍ zdat wallen-iw. D tawlawalt lemmer ad iyi-tuγal tmuγli,
lemmer ur kem-ttwaliγ di ddunit-iw, tili ad ddreγ yid-m deg igenni.

Azul,

Tanmirt s tusda γef usefru yaggi n Daudet. D ayen ifazen.

Taγṛast ugayemru

A taγṛast ugayemru
A tin γef izga umennuγ
Ay ul yetthajen am aḍu
D timura n beṛṛa i εennuγ
Teḍṛa yid-i am ubandu
Deg ayla meden ttṛağuγ
Nejlaγ-d tagara unebdu
Ay assen ma ad at tettuγ
Am ugṭiṭ i iddem ufalku
I ḥewṣṣ-i mazal cennuγ
A taγṛast ugayemru
A tin γef izga umennuγ

L'Hocine Ukerdis
http://iflisen2008.over-blog.com/article-26859080.html

azul,
yelha ayen din usefru-agi a mass Hud, maca lemmer d lebγi a Dda malek aγ-d sedduḍ xersum isem n wungal-agi i deg d-yedda weḍris anasli iwakken a tenγer s tefransist , txil-ek fkaγ-ed anamek n wawalen-a : tabuhyut,taleṭfant,tuγrist,leqamat,aqqaren.

Azul
Tanemmirt-ik a Malek, tasuqqilt tuεer mliḥ, maca keč tefkiḍ-as rruḥ i usefru n Lamarine, terriḍ-t-id γer Teqbaylit akken ilaq, ur texdiεeḍ ur tunifeḍ γef unamek n umedyaz aneṣli, ama d lbenna n wawalen i tesqedceḍ, ula d aglam-is. Ur d-yeqqar ḥedd d asuqel u yerna yedda d tmeγrut !
Seg usennan γer tmellalt ; seg wawalen yemyegzamen γer tmucuha, γer udeyyez, γer usuqel γer ... mačči d aḥsad ! ammer zemreγ ad k-zwireγ γer tṣefṣasft n Muḥend Saεid amlikec.
Ttxil-k ! awi-yaγ-d yiwwas γer usmel-a tavidyut-nni n usefru-k γef-s.
Ḥmed

azul fell-awen
d isefra n tayri, gerrzen nezzeh, tanemmirt a Malek Ḥudd, s tsuqqilt-a d abaγur i d-terniḍ i tutlayt-nneγ, imi kečč deg usefru-agi tessqedceḍ taqbaylit s teγzi s tehri "taqburt tatrart"llan wawalen ara nelmed deg-s, am (takuskayt) d wayen-nni i d-yenna Meqran, d acu-t unamek-nsen?
s isefra-nwen ay imedyazen-nneγ, i si tedder teqbaylit, buddeγ-awen tabγest d wafud igerrzen,

azul a Dda Lḥusin Ukerdis: akken gziγ isem-agi "ugayemru", γur-neγ waqila, neqqar-as "arjuj" (taγrast warjuj) ixeddem-itt s wakal, wissen ma d wa neγ dayen nniḍen.
muḥend

γ Azul

I Mass Meqqran d Mass Muḥend
Kra n yinumak n wawalen iγef d-tessutrem:
tabuhyut: la solitaire
taleṭfant: la douce, la faible
tuγrist: la sacrée
lemqamat, mačči leqamat, asuf-is d lemqam: le temple
aqqaren: le rayon (de soleil)
tahuskayt: la belle, yekka-d seg "tahuski" (la beauté)

I Mass Lxuğğa: Tasuγelt-inek tgerrez lufan kan i tt-tfukkeḍ, tettak anzi cwiṭ γer tayla-w.

Ma d win yebγan ad iγer asefru "Souvenir" s tefransist yezmer ad t-yaf deg udlis "Méditations" n Alphonse De Lamartine deg yisbetren:33, 34, 35.
Tanemmirt.

azul, a yat tmedyezt,ferḥeγ aṭas imi walaγ amek tetturarem s tektiwin, γef wakken walaγ tettaṭṭafem rrecba i umeslay, tettakem-as tahuski ama deg talγa-s ama deg thuski, maca γur-i yiwet n tamawt d tamecṭuḥ i Mass Hud: walaγ yella kra lxilaf gar uḍris amezwaru akked wayen d-turiḍ amer axir ad tefkeḍ udem n teqbaylit i usefru-k. tanemmirt.