azul fell-awen/t
d tagi i d tidet yettekksen ccalwaw γef wallen, ayen akka yenna ugellid Afersi, i Σumar bnu Lxeṭṭab di tebrat-is, iban d axemmem-agi ara yesεu ugellid Amaziγ Kussil, deg Σuqba bnu Nafaε, yettekksen ayla n Imaziγen, yettawi-t yeznuzu-t di tmura ugemuḍ, iban daγen deg wawal-agi i d-teğğa tgelliṭ Dihya, ad nerreẓ ur nkennu, ccwami, i nekkni grant-aγ-id s ccfawa, i Ifersiyen s tira. tanemmirt-ik a Sεid
muḥend

azul a Sεid,

asefru-ya yesmmekta-y-id adlis,"La mort absurde des Aztèques" n Mulud Mεemri, anda i d-yewwi γef tedyant n nnger n "yeztikken"; tadyant-a yewwi-tt-id d amedya γef nnger yeggunin akk igduden, ladγa wid yetturekkḍen, yettuḥeqqṛen !

diγen netta keči a Sεid, kif kif, asefru-k γef "Ifarsiyen" lewhi-k nezṛa anda yerra !

seg assen akka ttmettaten yemdanen s yisem n Lislam, aṭṭas imusnawen i yebdan ssefhamen-d akken nniḍen ddin-agi, s webrid yemgarrden, abrid amaynut...

ccfiγ tikkelt γṛiγ asefhem n yiwen umusnaw (ur ccfiγ ma d Muḥemed Talbi neγ d Yusef Seddiqi !!??) yenna:
"ayen d-yernan akk seg temettant n nnbi Muḥemed ar da (tallit segmi yemmut Muḥemed !) isefk ad t-nzeṛ s tmuγli nniḍen...amedya n "lfutuḥat", aεraben sxessṛen aṭṭas imi s webrid-agi i wwin lislam i yegduden nniḍen... Muḥemed ur d iweṣṣa ara γef "lfutuḥat", d asimγeṛ kan ismeγṛen iman nsen waεraben, lislam gan-t d sseba"

akken i nezmer a nwaffeq amusnaw-a i nezmer a tenxalef, ayγer ?
acku ma nuγal ar umezruy n ddinat-agi (yessawalen s yiwen n rebbi, monothéiste) ad n-aff d-akken ulac ddin iγ d-yewwḍen s talwit, s "ssif" akk i ftin, ama d udayen, ama d imasiḥen, ama d inselmen, kif kif, yiwen n rebbi nsen.

tura teqqimed deg wemzruy, ayen yeḍran yeḍra. dacu amezruy ur iḥebbes ara, ma tella tmusni, kullec yettuγal-d ar ttex, kra ur ireṣṣa i lebda !

s talwit d tmusni ayen izelgen as d n-aff ixf-is !

tanmirt a Sεid

suref-t-iyi, amusnaw i d-bedreγ qqaren-as "Yusef Seddiq" mačči "Seddiqi"

alih ar tufat !

azul,
ayen yelhan deg isefra-k a sεid d akken yezmer walbaεd a ten yettawi d inzan seg tegnitt γer tayeḍ imi lhan aṭṭas ,labeεda imi ur nṭiḍen ara, yal taseddart s unamek iman-is, ur tnegziγ ara w awalen-agi: nesmehduy , tiyessitin , s ukasan . txil-ek ma ulac aγilif sefhem-aγ-ed anamek-nsen, tanemmirt.

azul
"lfutuḥat"dacu-tent a ğamal, d ddεawi, neγ d ansayen="leεwayed" ma d ansayen, di tallit-nni deg i d-jemεen leqran a t-arun, tama n Σicca ur temtawa yara d tin n Aεli bnu Ṭalleb, γef amek ara yettwaru, dγa yekker ṭṭrad gar-asent, γef wayagi daγen, yiwen u Ṛabbin, laṣel-is n Γerddaya, akken i d-yenna leqran γran-t feḥmen-t acku yettemcabi aṭas ar ddin-nsen, maca Aεraben sxelḍen-as ansayen-nsen, γef waya anda wwḍen mačči siwa ddin iman-is kan i wwin yella wayen nniḍen.
muḥend

imi tettwaγḍel tama n Σicca, yerna nettat tessen ugar argaz-is, deg wayen ideg iga ccek, γas tettwamneε di lmut, maca εezlen-tt a Lmaddina, armi temmut, d tama-nni n yiγil i t-yuran, i t-yessawḍen ar iγerfan nniḍen, ar ass-a ur yezmir yiwen a d-yini mačči akka, dacu i wumi yezmer Muḥemed Arkun, neγ Zuhir Bencix, i iran ad gen tasemmeskelt, i wakken ad kksen deg-s ayen yettḍurun amdan, war ma γlin-d fell-asen am warẓaẓen, yerna ad asen-rnun lfetwa, wid yesεan taγennat am ta, qqaren d nutni kan ulac wiyaḍ, d wagi i d axemmem n taεrabt-tineslemt, ur ttağğan ara yiwen nniḍen ad yeḥkem, ma mačči nnsen, di yebrir 65 yebda-d awal yiwen γef Krim Belqasem, ṭṭrad d netta i t-yebdan di 54 tamurt d netta i γ-tt-id-iḥerren di 62 ihi ass-a ilaq d netta kan ara tt-iḥekmen, εni stuwtuwen-as-id ar tmeẓẓuγt-is winna d aqbayli, dγa yuγal ar tama-nni n Ledzayer taεrabt-tineslemt, dinn iban ur yebγa-yara aqbayli ad yeḥkem, d ayen akk i yeḍran i yimeγnasen n tama Ledzayer Idzayeriyen, bdu-tt-id di 1926 ar ass-a, siwa tiyita ssleγder, amek tram ad ğğen, Saεid d Ferḥat, ad ḥekmen Ledzayer, awwah uggaden ama sen-tettwikkes tneslemt-nni s wacu i ttakren d weγmar-nni i rran γef Imaziγen,
muḥend

azul a Muḥend,

ur zmireγ ara ay d-heddṛeγ γef wayen yellan di leqqran si timmad-is, acku ilaq yiwen ad isalqi tamusni-is deg waya, akken ma yewwet ad izeṛ amek ara yewwet.
γas ma awal yeshel i tufγa, m'ur d yewwi ara leḥqis, ulayγer !

"lfutuḥat" mačči d ansayen a Muḥend, d tumγa-nni i mmγen waεṛaben γef tmura n medden i wakken as nawin awal n rebbi.
mi akken sxedmen iγil (ssif), yuγal wawal-nni id wwin yettuḥetem i yegduden (akka i d-abrid n ddin !). γef waya kra imusnawen, akken d-nniγ tazwara, wwten-d deg "lfutuḥat", nnan-d ur "ğuz-t" ara !

yelha win ara yeγṛen amezruy n ddin, akken ad izeṛ anda i tuḍen icc-is, amennuγ s tmusni kan id yettawi !!

alih ar tufat
tanemmirt

Azul,

tenemmrt-nwen merra ay atmaten!
----------------------------------------------------
Tamusni ulac anwa i tt-yugin a Ğamal a gma lemmer tt-nufa.
Uḥeqq jeddi-s Amsed d wayen akk yessefsed ma riγ ad s-rewteγ deffir wennar, asefru-w mačči d lmefti, maca, d amsiwel n umezruy, d tabrat yellan yakan d tabrat i d-rriγ d asefru.
Iwakken dγa a d-tuγal d asefru yessefk-as timerna n tfettusin, tiqejjirin d tefzimin, ma ulac ulayγer taṛuẓi uqerru.
Tabrat atta da:
http://www.tamazgha.fr/David-Abbasi-ami-des-Berberes,2362.html
Tegra-d di tmuγli n waya, yal amdan ğğiγ-as(neγ ma triḍ ur zmireγ ara ad as-tt-kseγ) tilelli i wallaγ-is ad yesriffeg sanda i s-yehwa war lvisa.
Ssarameγ ulac li kuntr andikasyu deg waya.
Tanemmirt a Ğamal!
--------------------------------
I yuba:
nesmehduy: nettẓalla
tiyessitin: yelli-k, yessi-k
s ukasan: s lkerh

Tanemmirt-nwen i tikkelt-nniḍen,
Sεid

azul fell-awen/t
tiyita nuγ-itt imeṭṭawen nettru, imi i γ-mazal nettamen s tidet n wid i γ-yettbuddun fennu, ar melmi ara yili wezref i yal yiwen ad yenher aγyul-is akken yeγs mačči akken ran at wesγan, anwa yettγiḍen di taluft-a?! neẓra akk kcemen-d s yiγil, mi nbedd ad ḥebsen mi neγli a d-mγen, ula di 62 daγen, s tsertit, s wesγan, s idrimen, akk d yiγil, ass-a d ayen tewweḍ ar wanda ur nezmir ara,
muḥend

Mmiεeww (azul) mmiεeww (fell-awen)
Wa ẓikuṭ!… Awi-d γer dagi lmitra d lmizan akken ad nqis u ad nektil asfru-s. Zeg-d ssyihin tqiseḍ-d s wadda, sufella, azgal ulac!
Ẓiguṭ: aql-i qaseγ-d, ktaleγ-d akk asefru-ya, d acu ara sserseγ deg urabul?
- Ayen ara k-iniγ aru-t!
Ẓiguṭ: I taruḍ-t kan keččini?!
- Yenɛel ddin n yemma-k, yak teẓriḍ ur ssineγ ara ad aruγ.
Ẓiguṭ: D acu ara aruγ?
- ssers aya: asefru-ines yezleg, ffγent-as-d tqerniyin akk d tγemmar. Yesɛa tacciwin, tixebbazin, tiqejjirin… Ur tettu ara “bsirvasyu”: Sɛid ur yessin ara taqbaylit. Ibi situ.
Siniyi: Ẓikuṭ i ttunami ( umeddakel-is)

Azul fell-awen
A tugiḍ ad tessetḥiḍ γef yiman-k ay amedyaz! Asefru deffir wayeḍ, yerna lhan akk; alammi d-tettban gar-asen tsefrut-iw amzun d taqaqqaḥt. Tekkseḍ fell-aneγ sser! Dγa nekk teǧǧiḍ-iyi bla taserwalt. Aḥeqq rrasul ar d-tesserseḍ kra usefru n diri neγ ma tɛawdeḍ a d-tesserseḍ aḍar-ik deg wesmel-a, aql-i nniγ-k-d, tesliḍ neγ d aɛeẓẓug i telliḍ?! Ma ulac aḥeqq jeddi ar d-fkeγ fell-awen tawriṭ
Lu grund pewwiṭ

Ajul fell-awen
Alur !.. nefreḥ i cin, am nekk am Lhadi Weld ɛli-nneγ imi dduklen dda Cɛid akk Lenwic At Mangellat γef uqerru n Mmi-c n Wmced, ttemɛawanen fell-ac, acku yiwen deg-cen iman-ic kan ur c-yejmir ara! C waya ara ijer d akken arraw n Yejwawen n Ǧerǧer Uɛren, ur cen-yejmir yiwen. Aḥeqq Cidi Ɛetman ar kra n wass a d-neɛreḍ dda Cɛid akken ad yečč akuckuc c ubicar akk d uyajiḍ; yuklal. Win ara c-d-yeffγen d aɛdaw i Mmi-c n Wemced atan d ameddakel-iw. Viv tamajirt, viv imajiren, viv la grand.
Muḥ n Muḥ c ccemma imi-c ifuḥ.

Hellu !
A Muḥ n Muḥ, a lbiṭ,
A ziγ mazal-ik d nniya, a texxuceḍ! A d Mmi-s n Wemsed i wumi teqqarem “dda Sɛid”! Ssya tekkatem deg-s, ssya tettcekkirem-t! Ssya a s-teqqarem “”Mmi-s n Wmsed” d lbiṭ, d afγul kan, ssya ad as-teqqarem “tanemmirt a dda Sɛid, ay amedyaz ameqqran! Lɛahud n Rebbi ma gziγ acemma deg-wen, wissen ma teẓram tɛemmdem neγ tegnem di tebḥirt n nneɛnaɛ tjexxrem! Ini-yas ma yezmer a s-izerreg i lalla-s tagezzant!
Ɛdada Ben manipilasiyu.

Ulac azzzul, d sslam n Yuc fell-awen i yellan.
D Mmi-s n Wemsed neγ d Sɛid, ur ten-neḥwaj ara I sin deg wesmel-a! alih berra akin fell-aγ. ɛni alamma bbumbardin-aγ-d waɛraben ilmend n tqusas-agi-nsen? Ma kemmlen akka s tigi-nsen, atan a γ-dyewwet Ḥamas s qessam-nsen (s tbumbiḍin-nni swayes yessenger udayen)! Akk ass d nutni d rregmat deg waɛraben d yenselmen, d acekker di teqbaylit…
Mizirma

Azul fell-awen ay atmaten,
Acḥal aya i ffreγ fell-awen aya, maca, qqaren tidet am zzit, tezga tettfrir! A ziγ ulac tuffra, ulac lbaḍna deg wesmel-a. Ihi imi d-iban ass-a wayen ffreγ seg wacḥal aya, yegra-d kan a d-mleγ tidet, daya: d Mmi-s n Wemsed i yerran iman-is d Sɛid At Mɛemmer; yettaru ayen yelhan s yisem n Sɛid, ayen ur nelhi s yisem n Mmi-s n Wemsed. Γas semmḥet-iyi ay atmaten γef waya. Nekk nwiγ ur yelli wayen ara ibedlen, imi mačči d isem i yesɛan azal, ar γur-i nekk d aḍris ara d-yersen deg wesmel i yesɛan azal.
Amek I tfaqeḍ γef waya a tamexluqt?! γas ini-yi-d wi m-d-yemlan aya?! Cukkeγ d Winna i yi-d-yezzenzen!
Mmi-s n Wemsed

Azul fell-awen, azul a dda Sɛid
Lemmer d lebγi n wul, yili yiwen akka am dda Sɛid a t-nḥader, ma yeγli-yaγ-d deg tiṭ ur t-id-nseffeḍ ara! Drus-iten yergazen i t-yecban, yugar agerruj ur nfennu, ur netfuku….Ayagi ur yelli d asqizzeb, ur yelli d tugdi neγ d kra! Dda Sɛid d ayen iga ara d-yemmeslayen fell-as, d tira-ines: iḍrisen d-yessuqel si talmant, isefra-s imalqayanen, icebḥanen, d taqbaylit-ines yufafen… Dda Sɛid yettwakelles yisem-is s isekkilen n wureγ, d win ikellsen tallit-is, amarzeg-is ad yidir yisem-is i lebda alamma tefna yemma-s n ddunit. Gedha yes-k a dda Sɛid. Ssarameγ-ak ad yiγzif usemmud-ik akken ad tjuǧǧeg yes-k akk d wid i k-yecban teqbaylit. War ma ttuγ asteqsi-yagi: amek llan warraw-ik: Lewnis, Tiziri d wayeḍ-nni ( winna akken i wumi yuɛer yisem-is, ur cfiγ ara fell-as!)? Ahat tura meqqrit? Ssarameγ ula d nutni a d-ffγen d imedyazen akka am kečč mi ara meqqrit.
Tamawt: Ur yessefk ara ad tesfuǧǧuγem kan deg imeslayen mi ara tettmeslayem d dda Sɛid, netta mellul wul-is, d anecraḥ, γef waya ur yessefk ara ad tettfaraṣem leḥdaqa-ines akken a tt-tettarram i wesqecmeɛ! Yessfek daγen ad teḥṣum d akken dda Sɛid mačči d menwala, lemmer mačči d taqbaylit i yeččuren ul-is yili ur tettawḍem ara akk a t-tissinem.
Γas ur ssineγ ad mmeslayeγ maca, ayen d-nniγ yekka-yi-d si tlemmast n wul-iw. Ma zegleγ ssurfet-iyi.
Tamawt: Tura, aql-i di Zimbabwi, ttlawiγ deg imuḍan-nni i tḥuza lkulira.
Aṭlas

Ay Aṭlas a ssalupri!
Ad teǧǧeḍ gma-k ad tedduḍ d uberrani?! Ili-k d argaz a ssalupri, ur steɛrif ara !
ssi lwi

Azul fell-awen ay atmaten imeεzuzen
Anwa i yessnen deg-wen Ṣabrina-nni i d-yuran tidmi-s ddaw usefru n Malek Ḥudd?! Riγ a s-mmeslayeγ, meεna ugadeγ a d-tennulfu d aqcic (mačči d taqcict), u a yi-iεell du la hunt ddaryar mwa!
Meskin

yughal sit nwen d asluçem

A mmi-s n Wemsed,

dayen tura aql-i ḍeggreγ tiserbiṭ, reffdeγ ifassen-iw,
ur d ak-zmireγ ara ay amcum n yemcumen.
Ihi tura sifini, ččiṭan yenγa-t Xumayni, Xumayni yenγa ččiṭan!
Ula d nekk ẓriγ sγur-k kan i yezmer a d-yeffeγ wayen yelhan.
Aru-d s yixef-ik la pitisyun i mass Caker akken ad ak-yefk dduktura n yiseγ, ala kečč i yuklalen tagi n Tmazirt.
Tzemreḍ ad tettekleḍ fell-i, d nekk ara tt-yestenyin d amezwaru.
S teγzi n tfuḥanin-ik,
Lurijinal ireffden ifassen-is

Tamawt: Ttḥadar taqerrut-ik ay ageswaḥ! Γur-k ad ak-teḍru am win iγef d-ssawalen tamacahut-a:
Yella yiwen d amagad n yiḍ, ad yeγli kan yiṭij ad yekcem s axxam yerna ayen iran yeḍra d aweγzi a d-yeffeγ deg yiḍ ula γer zdat wemnar si tugdi.
Seg wakken yezger waṭṭan-is tilas, yuγal yugad ad faqen medden yella deg-s waya, d acu n ttawil d-yufa?
Mi d-yuli wass ad yeffeγ γer tejmeεt, yeqqarasen i lγaci" Iḍelli akken izeggen yiḍ ffγeγ seg wexxam, rriγ metwal tiẓgi, akken wwḍeγ γur-s, εyiγ, dgedeγ, ṭṭṣeγ dinna, almi d-iyi-d-ssakin yefrax mi yuli wass i d-kkreγ".
Mi testeqsan yemdanen γef wacu ur yeṭṭis ara deg wexxam,
yal ass d acu n triririt d-yettheggi i tidet-is ( d aẓγal, d tizit...atg.).
Yerna yal ass d amḍiq ideg yeggan ( akka i d asen-yeqqar ).
Yiwen wass yenna-yasen ṭṭṣeγ di kra n wadeg, uγalen ufan imsebriden yiwen wergaz dinna yettwaεelleq, wissen anwa i t-yenγan. Amcum-nni yettaken anzi γur-k yekcem takurmut
(lḥebs) ilmend n waya, yeqqim dinna kra n 20 iseggasen.
Ttḥadar iman-ik!

yeqqar-asen mačči yeqqarasen

ufan yemsebriden mačči ufan imsebriden

yezri usegwas iḍil
qrib ay ul ur teḥsiḍ
akud iγleb ṭṭumubil
iteddu deg-uzal deg-iḍ
teffγeḍ iflisen umellil
ur tukireḍ ur tenγiḍ

nuγ ṛṛay ur netwil
nenfa-d a tamurt usemiḍ
tekka-yaγ-d s nig iγil
susem kan ulay ddeniḍ
iγaḍ-i ṛṛehn-iw aḥlil
tefna-yi trewla deg-iḍ

Nnayer-a kraḍ tεekkwzin
mi kniγ gg-lεetba n tebburt
nekwni i d-yekren di tγaltin
yuraren deg tuddar takurt
a lγurba mm teryacin
deg-em iγ-i d-ṣṣaḥ lqut

ugar n tlatin n tegrisin
seg asmi nhujeṛ si tmurt
yerna eẓẓiγ tineqwlin
leqmeγ ula ttazemurt
neğğatent tura d lesnin
ar γuṛsent ur d-nettnunut
-------------------------------

a s-ayt uẓeṭṭa uselkim
a wid ur d-neddhim
s wayen akw id nesfra

ay nezizel deg uγanim
kečč ssefru neγ qqim
ay ul iwmi teggeγ ameksa

tura ifaḍ-d ugelmim
awal d ameččim
alaγ iččuṛ ttabulga

am ifires n idmim
id igman s ttelqim
ha ttγilem kkreγ-d i luḍa

ay la ttruγ bla aẓalim
γef nekk ur neqqim
di tmurt n baba d yemma

L'Hocine Ukerdis
http://iflisen2008.over-blog.com/

azul
SVP a l'hocine dacu i dagarwal ?

agrawal

agrawal : révolutionnaire

Azehhiḍ

iffuk uḥaği d ukkelax
neṛṛeẓ am icmax
mačči d kra id nfeddu

yidnaγ aka i tettwansex
nenfa nettwaclex
teḍṛa-yaγ am ubanddu

deg ugafa aqlaγ neneslax
neγli deg umeṛdax
am uzerẓuṛ yeṭṭef unebdu

waqila zhheḍen-aγ lecyax
yiwwi-yaγ usyax
issusef-aγ-d γer umensu

si beṭṭu aγrib yelexlax
ecnut-ett ay ifrax
tadyant naγ i Vermondo

L'Hocine Ukerdis

Azul fell-awen
Isku d tidet tedyant-agikana n Mmi-s n Wemsed i d dda Sεid ?Nekk, cukkeγ d dda Sεid kan i yebγan ad yessexreb tiwriqin, yerra iman-is d netta i d Mmi-s n Wemsed! I tura anwa i d wa, anwa i d wayeḍ, εerqent-aγ!
La ḥewla, la qqewwa i la bilahi.
Sidi Lmexfi

azul fell-awen
tadyat-agikana, ttemcabi ar tinna n meεmu sureft-iyi ar tinna n bururu, yemuqlen di tferawin-is, yiwet meẓẓiyet, tayeḍ d meqqret, yal yiwet amek yettmeslay yid-s, wiss ma d tidet, γas d netta i tt-id-yennan, ar tura ur umineγ ara, anwa i wa neγ d wa, ahat ula Sidi Lmexfi, rrnan-t-id kan d wis-kraḍ

Azul a Wagi!
D acu triḍ ad ak-iniγ a gma tura?
Imi akka i yura di twenza-w, zemreγ kan ad ak-iniγ:
Ula d nekk s yimmad-iw ata yeεreq-iyi yiman-iw, ur ẓriγ anwa i d nekk, anwa i mačči d nekk.
Yesseεreq-aγ-tent akk mmi-s n Wemsed a gma, argaz-agi yeḥrec aṭas, Sigmund Freud ad t-yerr d ameslub ma yehwa-yas.

- Awer tafeḍ talwit di ddunit-ik a mmi-s n Wemsed afuḥan!!!

Ma nejgugel deg ujeḥlum n tallit, ad nerwu amager n wurḍan.
Ma nezdel γef kra ar tameddit, tameddit ad aγ-d-tessefrurex uḍan.
Akken nra nuqem ulac talwit, sakin kra ad naf nerwi-t,
ulawen ddren d imuḍan.
Neqqel ayen nettnadi nugi-t, dduklen YELHA d DIRI-T
cebbḥen tezdeg s ilefḍan.

acu ara d-tiniḍ? mačči wi yekkren a s-yini a d-awiγ iḍebbalen di Tizi Wezzu, akken d-nnan, imedyazen akk sεan inegluzen i sen-id-yeqqaren amek ara d-sefrun tidyanin, akka daγen i k-teḍra i kečč a Dda Sεid? yerna a s-tiniḍ γran tamaziγt, ma d nekk imi mačči d amedyaz, a d-siwleγ kan asefru-yagi n Si Muḥend u Mḥend,

lefhama wi umi tt-yefka
teγleb ttrika,
abεaḍ meskin d igellil

bab-is yewwi lbaraka
ihedder s ṣṣfa
ur ixeddeε ur yettḥeyyil

mačči am wi tewwi lhawa
la ddin la lmilla
mi tt-iεebba ad as-tmil

Azul a Wagi!
D acu triḍ a d-timiḍ s wawalen-agi?:
La ddin la lmilla
----------------
Steqsaγ-k, acku ur gziγ ara sani terriḍ tixnefyac.
Ihi " awal yeḥwağ asefru" s yixef-ik!

a d-tiniḍ mačči a d-timiḍ

azul
d ddin uqabac, ddin ukessar d usawen, ddin qessam, ma d lmilla, qqaren, ad terreḍ lmil i lmilla a lγiḍa, wigi d isefra n Si Muḥend u Mḥend, azal n 130 iseggasen aya fell-asen, maca sεan anamek meqqer, atan wayeḍ usefru-ines:

qessam abrid-a yewqeε
a t-serseγ deg ccreε
a t-qableγ ar lakkur dassiz

d idrimen-iw a ten-xesreε
akka ay gguleγ
lkarṭa a d-tendeh γef yisem-is

ḍemεeγ di Ṛebbi a t-rebḥeγ
s jijma a s-ḥekmeγ
ad ḍelbeγ ddumaj i antiris

aseggas ameggaz i kečč a Dda Sεid, akk d Mmi-s n Wemsed, d yismawen-nni akk nniḍen i d-yettarun i wakken ad yidir wesmel n imyura,

Azul a Wagi,

ula d nekk ssarameγ-wen akk ( kečč, mmi-s n Wemsed afuḥan, atmaten d tyessetmatin ) d-irezzun s asmel-agi aseggas ameggaz! Ssarameγ-awen aṭas n teqbaylit aseggas-a 2009.

Aseggas ameggaz, ssarameγ d aseggas ara d-yeglun s wayen akk tessaramem.

Aseggas ameggaz ay atmaten, buddeγ d win ara ken-id-yettafen yal mi ara d-yezzi di talwit, liser, tazmert d wussan yelhan.
Di tagi n Mmi-s n Wemsed i yerran iman-is d dda Sεid, a d-mleγ kan yiwet tedyant tameẓyant:
Yiwen uḍebbel, yiwwas yebra-d i wewriḍ di tmeγra zdat medden; akken ad yesmeεreq (acku yessetḥa, imi s-d-slan medden), yerra-tt i tyiti n ṭṭbel s ẓẓur. Dγa yessawel-d γur-s yiwen i yellan dinna yid-sen: Iban wewriḍ, tban tyiyi n ṭṭbel!
Awer nenneḥcam zdat yemdanen, awer yettwikkes fell-aγ sser.
Azul i tikkelt-nniḍen a dda Sεid ameεzuz.
Aṭlas

Azul fell-awen,
Aṭlas-agi iban d ameddakel n dda Sεid, γef waya i t-i-id-yettcekkir! Yerna yehwa-yas kan, ma icekker Sεid atna d Mmi-s n Wemsed i icekker, imi d winna i d winna.
Yegra-yi-d kan ad steqsiγ γef waya: Imi akka i wacu at wesmel-agi ur ttarran ara isem n Mmi-s n Wemsed deg wadeg n yisem n dda Sεid, am wakka: dda Sεid= Mmi-s n Wemsed?
Ssurfet-iyi ma zegleγ!
Akasekruṭ

Tabrat ugellid afarsi






Aha ddem-d axudkar*

ad as-nerr tabrat i Σumar,
ssuqel-itt γer taεrabt, ẓwer,
kečč teγriḍ!

A k-n-hedreγ s tfarsit,
win ur nefhim, ssefhem-it,
ini-yas " tagi d tiririt
ugellid"!

Aru-yas i bu rrebrab,
ini-yas " a mmi-s n Lxeṭṭab,
tugarem iqjan imeslab
akken teṣṣḍem"!
S tidet tessewhameḍ,
d lxalif n waεraben tḥekmeḍ,
maca, acemma ur t-tessineḍ
ay aεeggun.

Γas ulamma ur d aγ-tessinem,
di tniri izeqlen i d-tlulem,
ger ileγman i d-tekkrem
s war tamusni.

Deg-neγ teggulleḍ ad nefnu,
akken i d ak-yehwa cnu,
nekkni ad nerreẓ, ur nkennu
zdat Rebbi-k.

Nif-iken, amek ad aγ-temlem?
Ma nugi, ad aγ-tenγem,
s yiγil d ujenwi i theddrem,
akka i d kenwi.

S ifarsiyen ay argaz n lεali
d agdud n yedles d tẓuri,
nezwar-d iyuẓaḍ mi d-nuki,
ur nexxuc.

Tram ad aγ-terrem d lmal,
d llah wekber ad nesεu d lecγal,
ad nesmuhduy semmus tikkal
neγ sḍis yal ass.

Nesmuhduy i Rebbi ameqqran,
mačči s webrid n leqran,
akken imdanen anida rran
ad afen tayri.


Llsas imenzayen yelhan,
nessuli-t s uxemmem aẓidan,
mi akken tesseblaεem izerman
di tniri.

Tiyessitin-nwen ideg d-teffγem,
tin d-yegren nnefs a tt-tenγem,
d timuddurin i tent-meḍlem,
acimi?

Tukerḍa, tukksa n leqder,
imenγi, azaglu d leγder,
teqqarem yid-neγ a ken-neẓẓuγer
deg webrid n Rebbi.

Tennam nesmuhduy i tmess,
yir tanamit ad awen-tt-nekkes,
tessemγarem deg yiles
γef wulac.

Rebbi-nneγ ur d aγ-yenniḍ takurt,
Nettwali-t am yiṭij γef tmurt
di tafat d wurγu n tafukt,
amek ur teẓrim?

S ukasan tessekrem lhull,
yif-iken aqerru weγyul,
tram ad tsefḍem axlul
s ibernyas-nneγ.

Imi d nutni i d aγ-d-yewwḍen,
a d-nefsi tidak yennḍen,
aru-yas akk ayen-nniḍen,
ini-yas ṭṭef ihi !:


Tessawalem llah i Rebbi, tennam d ameqqran imeqqranen.
Yuzen-awen-d Meεmu d nnbi, s yisem-is di tmegraḍ tγeṭṭlem.
Di tmegraḍ mi ara tγeṭṭlem, wissen ma teẓram tγelṭem
neγ d netta kan i tḍefrem, daya i wen-d-yewwi?
Yal wa yeqqar nekk d ineslem, di tudert i medden ttekksem,
ur tettseḍḥim theddrem, γas terwi, tebberwi.

Ad awen-εeggneγ ḥadret, ṭṭfet izmawen n Sikikda-nwen!
Ẓriγ tram ad nemmet, ayla-nneγ ad yuγal d ayla-nwen.
Ayla-nneγ ad yuγal d ayla-nwen, kenwi mačči d izmawen,
nniγ-awen yakan d iqjan yeṣṣḍen, ur ndimeγ ara.
Ur tesεim ara ulawen, tessulim i medden asawen,
tessekcam tugdi tmuγli-nwen, mačči d tirrugza.

Sεid At Mεemmer= Mmi-s n Wemsed
Axudkar: Amru s tfarsit.

Nekk cukkeγ akken-nniḍen: d dda Sεid i d Mmi-s n Wemsed, mačči d Mmi-s n Wemsed i d dda Sεid, i wacu? Yiwwas yemmeslay-d deg yiwet tmacahut γef tmeṭṭut i ibubben asaγur, argaz-is iteddu ur yerfid acemma. Ayagi d nekkni kan i tt-yesεan deg Tizi-Wezzu ( i tt-yetturaren d imegdayen ḥqa ḥqa!), at Lberğ asaγur ttaεebbin-t i weγyul mačči i tmeṭṭut, yerna d awezγi ad naf γur-sen tameṭṭut ad tbibb kra, argaz ad yeddu s ifassen-is d ilmawen. I tura tegzam i wacu i cukkeγ d aya?!
Tinhinan si tesdawit n Tizi-Wezzu.

A mmi awer tafeḍ ass amellal di ddunit-ik!

Iyya-d a lhemm ad necrek asefru nekk yid-k , meqqar ad nesnulfu kra yerna ma yehwa-yak stenyi-t s udebbuz, aru-d isem n MMI-S N WEMSED annect n tqubbet n Eifel!

D acu tenniḍ deg wezwel-agi?:
" A D-NESSUFEΓ ILES I USEQDIḌ"

Ma yella yeffeγ fell-ak, mi uriγ kra, kečč kemmel-as, sakin d nekk, d kečč, d nekk...atg.

Atan ihi:
Ma tekker tmess, ad tt-neknef, ad nḥader iẓuran n waṭṭan
am tebḥirt ijeğğigen.
Ula d adubbez ad t-nekref, mi ara nẓer yeṭṭeṣ cciṭan,
d awezγi ad t-neğğ ad igen.
..................................., ...........................................
...................................
...................................,.............................................
..................................

Tamawt: Ma ur yeffiγ ara fell-ak usentel neγ azwel, aql-i ttrağuγ tikti-k.

Ma nniγ-as i lhemm“nerwa-k“, acku ur t-ncedha si dduḥ.
Ay Aṭlas mačči fell-ak, γas ulamma imi-k ifuḥ.
Ihi tura gzu lehlak, mekken-as tizlit ur mecṭuḥ!
Maca, ma yella εerqent-ak, ax tifrat à la si Muḥ!:

Akka si zik, si zik akka:

Si zzman n zik, tessen deg idammen-nsen, ur ttṣṣeḍḥin.
Zdat-k, zdat-i, zdat Saεid d Lḥusin.

Nettmal, maca, ur nγelli, nezmer-asen i wid d-yestufan.
Tettakaγ tazmert tlelli yettarran amγar d llufan.
Uguren zwaren tili, uγalen-as-d d icerfan.
Ay Aṭlas kker, wali, ili-k seg widak yecfan!:

Akka si zik, si zik akka:

Si zzman n zik i neqqen ifrax di leεcuc.
Zdat-k, zdat-i, zdat tanekra n leεruc.

Uguren zwaren tiKli, mačči tili

ttayaziṭ d yasΣan tamllalt neγ akken niḍen !
dasmel n weslučen gezget

Wa Tikellax,

ad iniγ d ayaziḍ mačči d tayaziṭ i d-yurwen (i d-yesεan) tamellalt.
Ma tella tifrat-nniḍen ini-yaγ-tt-id, d kečč ara ferneγ di tefranin ara d-yilin di yebrir d-iteddun!
Asmel-a ma ur yeffiγ ara fell-ak, snulfu-d wayeḍ neγ wwet aselkim-ik s rrkel ma ur tezmireḍ ara!
Wwet-as taqerεet n Sidi Brahim!
" Deg umaḍal alelli yal amdan γur-s azref a d-yini ayen i d as-yehwan, yal wayeḍ γur-s ula d netta azref ur s-yettak ara tameẓẓuγt".

azul
tikellax nerwa-tent, neẓra akk d acu, ma "d aslučen-agi" wissen d acu-t?, ma mačči akken i d-kecmen netta d ukellex ar Barca di 642 acku mazal ar tura ḍerrunt tkellax-nni di 24.12. 2008 Qaddafi yuzen-d wid yessḍaden itran, mačči am"les Rois mage"i iḥemmlen itran, wigi gullen ar d kfun ayen i d-yegran di tmazγa, yerna izux-as i wegraw amaḍlan amaziγ, a d-yerr azref-nsen i imaziγen, ziγen d tikellax, i wakken kan a d-binen a ten-iḥuc, ahat d wagi iwumi qqaren "aslučen" neγ uhu?
muḥend

Azul
ur talasagh ara iwin yevghan a dyini i gevgha ,walakin ighaḍi-yi lesite leqvayel yattawid i gelhan itteddu wayen ndiri (aslučem war nesâ lmaana surtout ma dimaqraren.vghigh hsen d l'husin . smmah a said d muhend. ghaf aya d nnigh ttikellax gelweqt n ssah

Wa tikellax,
ulac fell-as a gma, tura gziγ-k.
Ttxil-k tikkelt-nniḍen kkat azrem s aqerru!
Ini-yas war akukru
- TETTFUḤUḌ A MMI-S N WEMSED.
- ABRID-Ik MAČČI D WIN YESSUFUΓEN.
- I WUMI TIMEQQRṢA-AGI?
- NEMMEL(NEΣYA) DI TkELLAX-Ik...atg.
-----------------------------
Acimi ur d as-nniγ ara nekk ayagi?
Nniγ-as-t akken-nniḍen.

timeqqerṣa

Azzul fel_awen
Tagikana d taberrat i γ-dd-yewwṭen sγur Lbacir amedyaz bucclaghem:
A mmis n wemsed, d acu i tettnadiḍ γer dda Sεid, ani tebγiḍ a t-tecceḍ! La prucan fwa ma tuγaleḍ-d γer yir lehdur-agikan, aḥeqq limam n taddart ar d :
A k-t-wwteγ alamma greγ-ak akk aburan-agikana-inu ameqqran, ad ak-ssγerseγ tajeḥniṭ-ik alamma tuγaleγ ur tettaṭṭafeḍ ara urḍan, ansa ara tekkeḍ ad teqqareγ ṭṭeẓ,ṭṭeẓ,ṭṭeẓ!..
Aqerdac

Azull
Mlalen leεrac n at Weqbuc
Nnejmaεen di Genduza
Zedlen γef leεcuc
Urwen-d taγaṭ m tfenza
Rnan amay i Yakuc
a d-yesxeḍ mmi-s n leεza
Nnan: a s-tt-nessebzegn a s-tt-nrucc
A s-tt-nesseḥmu am lkuca
S waya ara kksen lγecc
Deg wagi, yettarran iman-is yessen "lpewwiẓa" (mmi-s n wemsed)

Asefru ssawlen-t-id deg unejmeε:
Yiwen deg-sen d Gerninuc
Tayeḍ isem-is Lwiza
D sulidariti n At Weqbuc γer tama n dda Sεid

YENNAYER


Anṣuf s uggas amaynut
Ferḥen imawlan n tmurt
Ass-a d tameγra n yennayer

Yal tamnaṭ yeffeγ-d ṣṣut
Am urgaz am tmeṭṭut
Nnan timlilit s inurar

Ass-a wwin-d akk s ttbut
Muḥal ruḥen di tatut
Acḥal i yelha wurar

Atan teldi tewwurt
Dayen tekkes tagut
Iṭij-nneγ yufrar

Ay atmaten ilaq ad necfut
Γef wid γ-iqellan tarbut
Ur nufi ula d asiger

Deg yimi ssareẓgen-aγ lqut
Yal ass sewjaden-aγ-d lmut
Bγan laṣel-nneγ ad yenger

Rbaḥ ay atma ur ifut
Ad nressi llsas a t-nebnut
Ssaεd-nneγ ad yekker

D lawan ad neṭṭef taqacuct
A nefru yal taluft
Ur nelli d ccetla ibenduyar

Nekni d imawlan n tegdut
Yir awal ur tnessugut
Yettban fell-aγ sser

Tamsalt-nneγ d tamacahutt
Yal tasuta teḥku-tt
Tirugza tezdeγ idurar

(sγur islam Bessaci)

Ay atmaten ilaq ad necfut
Γef wid γ-iqellan tarbut
Ur nufi ula d asiger

Sani yuγalent tyessetmatin ay amedyaz?

azul,

Tayyi d ttabṛatt taheqqanit n ugeliḍ Afarsi, niγ d-asefru n umedyaz Sεid?

Azul ay Azul,
kra yella, kra yerna.
Wali dagi:
http://tamazgha.fr/David-Abbasi-ami-des-Berberes,2362.html

Kra yela, kra yerna...d-awal!

Tannemirt a gma, affud igerzen.

tanemirt af issefra agi yečuren tidett i d iqaren ayen uk izedγen ulawen iqebren di tmurt lbaṭṭel d temhuqranit.
Tanemirt af iskilen n tmaziγt icebhen tira, d leqdic nwen w akken tutlayt ennaγ aṭnaru am tutlayin n dunnit ara.
Afud igarzzen.

Tanemmirt yemmden a mass Ubacir ilmend usebγes-inem! :-)

Yewwet-iyi daγen wugur-nni amcum, ssuref-iyi s yixef-im!
Ihi, massa Ubacir.