azul a sεid ,
yecbeḥ usefru-a , ahat akka i tḍerru d yiminigen i d-yettruḥun γer tmurt deg unebdu, tikelt niḍen aru-yaγ-ed yiwen niḍen γef wid yettruḥun si tmurt γer lγerba, amek i ten-ttmuqulen wid yellan din yakkan , s yir tamuγli daγen? zriγ allen ik ḥercent !! yak akka i tenniḍ yakkan deg yiwen usefru "allaγ yesbelaε-it lmuxx".

Azul fella-ak gmat-neγ
Tazwar, ak id iniγ a Sεid nneγ ur telliḍ d aberrani skud llan wid yetnadid azar nsen.
semmeḤ-iyi ad aruγ deg w annar agi ayen ur nelli tikti γef wayen d tur-id.
tagi tadukla tadelsant t amaynut n yeqvayliyen di tmurt lalman.
isem n tudkla agi " DEUTSCH-KABYLISCHE FREUDSCHAT"
asqamu d mass :LYAZID ABID
am3awen n usqamu d mass: AREZKI KEDDAM
amyaru d massa: ULRIEKE RODE-HECT
amdebber u surdi(tresorier) d mass: ABDERRAHMANE YAHIAOUI
im3awnen n uṣeṛṛef d mass: AHSENE ENDERLE-AMMOUR yakw d NADIR ATEK

Tadukla agi tegred tajmilt i yal aqvayli yettidiren di lalman, t ssawled i yal wid yetεuzzun tamurt leqvayel d w arraw-is, wid yetidiren di tmurt lalman i wakken ad fken afus iy qeddacen agi γef izerfan n weqvayli, γef idles aqvayli. Tadukla agi ttin daγen ar y sseknen iw ugdud almani belli leqvayel ig tidiren di lalman d imdanen ig tqadaren iman nsen, d wid yetqadaren wiyad. Agdud aqvayli y tnadi talwit d tilelli i yal yiwen. Iqvayliyen y ttidiren di tmurt lalman d wid ig saramen tagmat ger ugdud almani d ugdud aqvayli, d wid ig lliw ulawn-nsen i y lmaniyen d idles almani, d wid ig salayen(vennun) ur t huddun.

qimet di talwit.

ps: atan ihi mass arezki KEDDAM y ttidiren di Berlin iqeddec s yisem n tukla" DEUTSCH-KABYLISCHE FREUNDSCHAFT" iqeddec i lmend n uheggi n tmeγra u seggas ajdid "YENNAYER"
kra win ig vγan ad yefk afus adyaru γer da "atamazgha@yahoo.fr"
neγ ad isiwel γer umafus agi: 017624898376
ps ikečč a Sεid nneγ: kečč a gma d ajgu n teqvaylit, leqdic-ik d leqdic n gmat-neγ akli azwaw meḥweğ, ur γ ttağğat ara melt-aγ s wayen it ttarum amek t ddun tγawsiwin.
AFUS DEG FUS IW ṢEGGEM N TMEGHRA AGI
arezqi

Azul,
Asefru-ya yennerna di ccbaḥa, deg inumak; lḥaṣul mačči d ayen nezmer a d-nini, mačči d ayen i wumiu nezmer a t-id-nmel s tira neγ s wawal, imi d tamsalt yugaren taruḥanit!
Qis-it, ktil-it ansi k-yehwa ay amdan, ur tettafeḍ ansi ara s-d-tessukseḍ lixṣaṣ i usefru-ya. Yegra-yi-d kan a d-iniγ asefru-ya yugar isefra, iman-ines yugar akk imanen.. γas mačči d asefru ay d amedyaz, imi amedyaz d aneffu ("iman" s tacwit); dda Sεid d iman; d ul, d allaγ...
"Muqlet ay arrac anwa i t-ilan, mlet-as iberdan,
ḥedqet ssiwlet-as dadda!"
Ugadeγ ansi d-qqareγ kra ma snerniγ deg imeslayen!
Terriḍ-aγ-d tayri isefra, terniḍ-as tiẓeṭ i tmeslayt-nneγ akk d temγer i teqbaylit.
S teγzi n tudert a dda Sεid.
Rğu!.. γas yella-yi deg wul a k-iniγ "rnu-yaγ-d isefra yecban wigi, aql-aγ neffud-iten"; maca, ḥṣiγ ur telliḍ seg wid d-yettawin isefra s "ṭṭelbiyya"!
Ğamal

Azul, tazwara ad ak-iniγ tanemmirt γef usefru-ya imi yebna akken ilaq yerna yewwi-d γef yiwen n usentel ur nelli ara s waṭas deg tmedyezt taqbaylit. maca ma nerra tamawt i talγa ad naf yella wanda i zadent kra n tṭiqin.nessaram-ak afud igerzen a mass, am wakken i d-yenna gmat-nneγ ma tzemreḍ awiyaγ-d yiwen γef wid yettruḥun sya γer tmura-tiberraniyin.

azul a Dda Sεid
asefru-yagi-inek, d ayen igerrzen, s inumak-is, gziγ kra, deg wallaγ yekkes uxemmem, imi mačči d iminigen i n-yettasen i ibeddlen, d tamuγli kan n at tmurt i igan akka, ay arrac berka-ken urar, awer tawim ddeεwessu,
ayen yelhan, yelha, isefra am wi d abaγur i teqbaylit,
tanemmirt a gma.

muḥend

Azul i yal amaziγ, d kra n wid yett-nadin γef izerfan n yegduden deg lqqaεa.
Isem-iw Slimane ZAMOUCHE, d amyaru n 4 yidlisen:

1- Udan n tegrest ou les nuits de l’hivers : est un recueil du poésie de deux chapitres, le premier de (27 poèmes ) qui traite un ensemble de thème sociaux, culturelles ,les conflits de générations, ainsi que la condition personnelle de l’Auteur.
Le deuxième chapitre contiens (24 poèmes ) d’ amour dans ses différents niveaux.

2- INAGAN ou les témoins : est le titre d’un long poème de 141 pages, dédié à tout les damnés de la terre. Il raconte la vie avec son lot d’injustice et de mensonges ainsi que cette recherche de la vérité ou qu’elle se trouve ; la vérité sur le terrorisme et la mort d’homme et surtout sur les assassinats de l’élite algérienne. Ce poème est aussi un hymne à la liberté, à la démocratie et aux droits de l’Homme. Ces vers sont donc, des témoins (INAGAN ) de la vérité sur tout ce qui se passe dans ce monde.
Alors j’ai débâté avec tout ce qui sont présent dans les différentes crises ou les différentes catastrophes qui on secoué le monde en général et l’Algérie en particulier.
Bref c’est comme un rêve, ou j’ai essayé de faire un cercle de débat avec l’histoire, la vie, les religions, la philosophie, la nature, la Société, la culture, L'âme, le rêve, la raison et la logique, les mathématiques, le secret, la patrie, la politique, l’ amour et enfin je me suis retourné vers l’histoire et le gardien de la prison.

3- A nerju Rebbi ou on attendons le destin : est un Ouvrage de deux chapitres, le premier c’est un ensemble de poème de (65 poèmes ) qui contiens une variété de thème.
Le deuxième chapitre est consacré aux proverbes populaire Kabyle alors j’ai pu recensé 1400 proverbes pour objectif de sauver une sagesse nationale en danger de disparition, les proverbes constituent un lien commun à la tradition et à l’évolution .

4- Agellil d yenffuten yelhan ou Le pauvre et les bons esprits: Roman.
Tanmirt-nwen

Anṣuf a Sliman, tanemmirt imi d-terziḍ γer wesmel n yeqbayliyen yettarun s teqbaylit !!!

Yelha lemmer a γ-d-tessfehmeḍ s teqbaylit isental iγef tettaruḍ, tanemmirt !

Ijeğğigen-nwen merra ṭṭfeγ-ten, yennecraḥ wul-iw akken yessefk, tanemmirt-nwen ay atmaten!
Nnaγ a Smaεil ( Smail ) a gma, mel-iyi s yixef-ik d acu i wumi teqqreḍ akka " tṭiqin"!
Ur ssineγ ara ameslay-a.
Mi ara t-id-tessegzuḍ, ma ulac fell-as, rnu mel-iyi anida yella waya, riγ a d-iniγ fek-iyi-d kra imedyaten!
Aql-i gguniγ tiririt-ik s tujjma.
Sεid
Tamawt: Imi d-tessutrem ad awiγ asefru n waya neγ aya, s uqerru-w ar lammer d ayen yellan deg ufus-iw ar tura ad yettwazger, maca, ẓriγ teẓram ula kenwi isefra mačči d ayen d-yettağew wemdan s wamud ameẓyan.
Tram kan ad twalim tamuγli-w ay uḥrinen, ah, faqeγ-awwwen...

ssurfet-iyi riγ a d-aruγ:
teqqareḍ mačči teqqreḍ.
Uḥricen mačči uḥrinen ( a yemma dagi yewwet-iyi wecruf, mačči d ugur ).
Sεid

Azul,
Mačči d awal ara d-awiγ γef usefru n dadda Sεid, imi mačči d ayen yellan d menwala kan, akken ad ssebruriγ d asebruri kan awal!..
Da, riγ a d-mleγ asemḥissef-inu γef gma-tneγ Sliman Ẓamuc, imi d-yebda awal s teqbaylit, din kan yuγal γer trumit!
Tamenzut, xuḍi nessen-it d amyaru s teqbaylit; yura yakan, u yessaẓreg-d yakan kraḍ yedlisen : sin wammuden isefra d yiwen wungal. Amek ara d-yettaru s tefransist deg wesmel n teqbaylit?!
Tis-snat, γas ma ikukra ad yecceḍ di tira, yessefk ad yeεreḍ, ttif ay yezgel ass-a, azekka ad yennam. Neγ amek ara nennam tira s teqbaylit?!
Ma nniγ-d aya ahat ula d netta yeḥṣa : ur d-usiγ a s-mleγ taqbaylit, neγ d tuḥsift, neγ d takesna sγur-i... yuγ lḥal nemyussan, anagar lxir ay yellan gar-aneγ.
Awer tennuγniḍ kan fell-aγ a Sliman, a gma. Azul i kečč akk d imeddakel-nneγ n At Wertiran.
Tram ad terrem dadda Sεid am Sliman Sa'iḥi i d-yettawin isefra s usuter, amedya:
Di 1958, yenna: "Ya Ddigulu ya Ddisambaru"; di 1985, yenna: " Ya Cadliyyu ya Nufambaru" ( tadyant-agi d Σebdennur Σebdesslam i yi-tt-id-yemlan yiwwas).
Ihi, riγ kan a d-iniγ d akken dadda Sεid d amedyaz deg yiman, mačči kan deg usefru.
Tanemmirt.
Ğamal

azul,
asteqsi i Ğamal , asebruri d usefruri d yiwen n wawal neγ d sin inumak yemxalafen ? neγ tebγiḍ a d-tiniḍ abray ??? werğğin i s-sliγ i wawal-agi " asebruri " .

Azul fell-awen
I Ḥamid,
Ma mačči yiwen unamek-nsen, ad ilin myudafen (myeqraben) nezzeh sin wawalen-a : “ asefruri” d “usebruri”; d acu kan amenzu neqqar-it i wayen fessusen, wis-sin neqqar-it i wayen yeqquren, yecban “abruri”…
Tanemmirt
Ǧamal.

Azul,

Isegem daγen usefru ayi!
Tura ad qleγ d-aqcic amezyan, ad-steqsiγ amer ahat ay-twahim s-anda ilaq...ḥṣiγ aqeṛuy-iw yeččuṛ ḍ-ilem...maca cfiγ, ḍ ceffu n temẓi, γaf asmi yela w-ull yeččuṛ d ṭṭirga, d tayri n Timuzγa..

Riγ ad dmeγ imru aḍ ssefruγ...yergagi uffus...m-ur-ssineγ!
Tannnemirt i wiḍ yesnnen ad-sneṭṭ-qen Tamazγa...nek yegray-id kan ad zmumgeγ!

ṭṭuγ asteqsi-nni!...am aken i tettuγ imman-iw tiswiεin!

D-acu ilaqen i w-aken ad-qleγ d-amesefraw?