" Ihendiyen meqqar rebbi-nsen yesεa nfeε, yettakk-d ayefki"
Ad tiniḍ seg yimi n Muḥya i d-tekksem lehdur-agi a Ğamal d Lbacir. Tanemmirt!

Tiyita deg leqbayel tessneḍ-as. Ceggε-as-t uwriḍ-agi inek i Said Cemmax a k-ifk mya dduṛu. Ḥess-iyi-d a k-iniγ yiwet. L'anarchiste deg tmura n lislam iteddu akk d uwdayen, iteddu mgal les palestiniens, ikkat di lislam, iteddu d Bush, ibγa l'autonomie i yal tarbaεt, i yal tamnaṭ, iteddu mgal akk ayen af acu ibedd udabu. Ma d kečč zaama d l'anarchiste n Paris: les palestiniens sont opprimés, les américains sont des impérialistes..tatabatata
a xu, ẓiḍ uyaẓiḍ

tanemirt a Sεid,

Waw! degmi n Muhya id nekkes awal agi
tanemirt atas

tanemirt i Imyura.net
ssaram-eγ tikkelt nniḍen ad aru ayen igerzen.
wagi d amenzu s teqbaylit, maca ak iniγ
d afellaq, tira s teqbaylit!
ufiγas abrid
segmi akka ttaruγ s tmaziγt, ali am weslem di lgazuz
s tfransist, ylha daγen , maca mači kifkif
akka awen eqqar-eγ tanemirt ala ma ...
tanemirt i Djamal at udi3, d apupi.
afud igerzen ikecc a Sεid akk d wid d yettεeddayen seg wesmel agi.

nekk ḥemlaγ-k kečč tuddiḍ am tqerract,
"anarciw ietteddu d Bush, magal falastin...", d laεjeb!
ma kkat-eγ di Zeṭla n urezqi, a tagi tettkeyyifeḥ, ugar!

yenna Ferhat imaziγen:" win yettnadin ad yekkes i wiyyid ayen yettnadi iyiman-is" uqbel ad ifiq di leγlaḍ i yella.
kecc a Amidi d aqcic lεali t baned ihwa-ak kan tregmeḍ degi.
tanemirt ik

azul,

d tidett, aḍris-a n Lbacir amzun yessuḍ-d deg-s waḍu n Muḥya,
mi yi t i d-yuzen γṛiγ-t, nniγ-as, zeṛ kan tura i wagi, "akken yessen ad yaru s tefransist i yessen ad yaru s teqbaylit" !

ḥemleγ tira n Lbacir acku abrid id yewwi d abrid "uffessuy*" n tuẓmikin, "la déconstruction" tezga deg iḍrisen-is, "ikeččem anda keččmen waman n lluḍu"

a Lbacir arnuy-aγ-d, ttxilek, iḍrisen "isenququlen ayen yereṣṣan" !

a Sεid tanemmirt-ik



*afessuy neγ "afettuy"
yusa-d seg, ffsi, yeffsi, ad ffsiγ

ffsi cced i taγaṭ
ffsi neγ ak sqqerṣeγ (ccna n tarbaεt n "djurdjua")

tanmirt a Lvachir !!! ferhaγ aṭas imi i yas-tufiḍ abrid i tira s taggi neγ :) am iḥutiw di lgazzuz :D ur ḥebbes ara kan di laanaya-k !

Anaṛciw am keččini am les oposants nni n l PAGS.
Ṛuḥ ar Bouteflika ad ak-ifk amkan d aneγlaf n umerreḥ d transport

Zdag rdag! A wi yewwten di leḥnak-is s tazzert! Yuγal-d Lbacir Bu cclaγem, tiγratin a tulawin!!!.. Anṣuf s yes-k a Zizi Lbacir, γurk ansi tettruḥuḍ, qqim kan dagi di leεnaya-k! Aḥiwet, imeṭṭawen axlul, ah ya tawaγit!.. Yekker-itt uhetwir, yuγal-d Lbacir, Lbacir yettaru s teqbaylit!...
Mačči d tuγalin n Lbacir neγ d tira-ines tameεzuzt i yi-d-yessneṭqen, d aḥiḥa-aygi n tugdi lemmer ad yerwel Lbacir! Tin i tent-yugaren akk d tagi " Lbacir amzun seg yimi n Muḥya i d-yettmeslay" ( ixuṣṣ kan a d-yini " Lbacir d akniw n Muḥya" yerna anwa tt-id-yennan?! - D Sεid At Mεemmer-nni iγef d-neqqar " d amedyaz ameqqran"!
Ruḥ ad tmellḥeḍ a dda Sεidu, a dayen teγli lkarṭa-k!
Aḥeqq jeddi Amsed d wayen akk yessefsedr ur d asent-εawdeγ deg wesmel-a!
"Adyu a li midyukr"!
Mmi-s n Wemsed

Azul fell-awen
Γurk ad tγileḍ kerheγ-k neγ usmeγ deg-k a Lbacir Bu wecεir ! A d-iban qrib yiwen webrid i d-nuγ nekk yid-k, maca, nemgerrad deg usurif amenzu, imi kečč tebdiḍ-tt-id si tqacuct, amzun akken tudreḍ-d (bla Rebbi ur d-nniγ « tṣubb »-d, ar d-iniγ tudreḍ-d ! a nekk mačči s la grund) seg igenni ! nekk bdiγ-tt-id swadda, fellaḥi kan. Qebleγ ccḥani n li kapičču, li murru, li frukfun, li beεtist.. ur ttnadiγ ad ssferḥeγ yiwen neγ ad εeǧbeγ i yiwen… d aqerruy n texsayt! Aqerruy-iw di tcacit-iw!
Kečč tettfuxxuḍ (tettzuxxuḍ, yerna tufiḍ wid i k-yekkaten ṭṭbel, acku ula d wigi am kečč, tetturarem-tt d « li ttilija, liz antiliktiya », swa diẓẓa(n) d « l antilijansya kabil » !!! ) teḍra-yak am ujewwaq-nni n « bu sebεa tefla », neγ am uyaẓiḍ-nni yettbeddaden γef leṣwar : kkukukuuuu….a lmumnin atan yewwḍ-d wakud n tẓallit! Limam d « APIDI », Lbacir d BU CCLAΓEM, d AGGAGGAZ !!! (Lemmer lhin cclaγem yili ur d-ttemγayen γef yiri uqerqur bu yiẓẓan, a lbiṭ ?! Hunt a bu a li kabil i yettarran iman-nsen d leqbayel, d nutni ugaren aεraben deg tid tgen acku d allaγ aεrab di teglimt n weqbayli ! Ay axuẓẓiḍ, ay uqunniḍ di leqbayel uẓemmum i ken-yecban a LBAXIR d wid i k-yekkaten afus !)
Εyiγ ttnadiγ ma yella kra unamek yellan deg wayagi akka d-tenniḍ, ur ufiγ ara !! Tura ma d nekk ay d aγyul (ḥaca dadda AΓYUL) ur gziγ ara neγ ur ssawḍeγ ara a d-afeγ anamek-is, a d-kkren wigi i k-yekkaten akka afus a yi-d-mlen d acu n wazal yellan deg wayagi d-tenniḍ ?! Mlelliγ deg uxemmem akken a d-afeγ kra seg waya :
1) D acu n tikti yellan deg WECΣIR (ḥaca ACΣIR acku ula d netta d amexluq am kečč), γurk kan daγen a yi-d-tiniḍ « wagi d asefru » !! Ha ad as-tsemmim asefru i yiẓẓan-agi !! Γef wacu n tikta i yers ubazin-a ?! D acu triḍ a d-tiniḍ?! D abaddar ur nesεi fettus, ur nesεi qejjir!!
2) D acu usentel γef wacu d-yewwi?! Tettjellibeḍ am taγaṭ γef ẓẓrubat! awal ur yeddi d gma-s! d wi ur nefri! Ma a qerruy n texsayt i lliγ, a d-kkren wigi i k-yettcekkiren a yi-d-mlen d acu usentel iγef d-tewwiḍ ajeεbub-agi?!
3) D acu n talγa iγef yettwabna neγ s wayes yettwasudes :
- D tasriṭ neγ d timserreḥt?! D tameγrut?! D acu-t?! Turweḍ-t-id ur yefri d aberriḍ, ur yefri d axunnis?!
4) D acu n tmeslayt i tessqedceḍ? Tewwiḍ-d kra imeslayen igerrzen, imeεnen n teqbaylit ama d iqdimen neγ d ijdiden? Tewwiḍ-d kra n wawal si trumit neγ si taεrabt neγ si teglizit yesseḍṣayen neγ yesruyen ara nesseqdec di teqbaylit ass-a azekka?! D acu d-tewwiḍ akka?! Ma yella mačči akka a d-kkren wigi i k-yettcuffun aqendur ma zemren a yi-d-mlen kra seg waya, neγ a yi-d-inin : tzegleḍ! Cic!..
5) Γef tira!!!!!!!!! Yettali-d Rebbi-inu mi ara sleγ neγ mi ara γreγ i yiwen ara d-yeqqaren : “TAMAJJIRT, TQWBAYLIT” d netta ur yessaweḍ ara ula a tt-yaru xerṣum 50/100 s ilugan-is iṣeḥḥan! (ayagi werǧin i s-t-nniγ i kra n yiwen, yebdan tira neγ yekkaten ad yelmed, ladγa ma yebda-tt s lmul, mačči s zzux!), D acu n rrebb-agi i γ-d-tesnulfam?! Tettzuxxum s wayen ur nesεi azal, trekkḍem deg wayen yesεan azal! Zwiret lemdet tira, nεettabet, alit adret, tinim-d imiren “TAMAJJIRT, IMAJJIREN, AMEDYAJJ, TAMEDYAJJT”!! Tzggirem deg temγer qbel temẓi! I wacu tarumit n yiẓẓan tettqadarem-tt, tettarum-tt akken iwulem, a wid irefden iqelqulen irumyen: tettsetḥim ma ur tt-turim ara akken yessefk! Tettagadem a s-inin medden “ur ssinen ara tarumit”, ma d taqbaylit maεlic “ tella ssebba, d almud ( bla rebbi ur tt-telmidem s wid i ken-yecban acku tettwalim-tt s tiṭ n temḥeqranit, maca, d nettat i ken-yugin ay iqezzaben, ay iqewwaden!!!
Akuffit-agi d-kkuffteγ mačči γef ddra-k a LBACIR BU WECΣIR, maca, γef irebbaben-agi i yettrebbiben fell-aγ (Yewwi-d si MUḤYA), wama werǧin a k-iniγ aya i kečč, lemmer ssusmen!
Berka-ken asxuẓẓeḍ d wesqunneḍ! Ay aqunniḍ, ay axuẓẓiḍ ma yewwiḍ LBACIR si MUḤYA!!!! Berka-ken ur s-ḍellut ara aberriḍ i MUḤYA! Ǧǧet MUḤYA di liser, ur t-sfuḥuyet ara ayen yellan, ur ssamaset ara ayen zeddigen! Muḥya nḥemmel-it, nessen-it swayen d-yenna, d wayen yura γas ur t-ssineγ s yimmad-is, maca, ttalaseγ deg-s ula d nekk!!!!
Ula d MUḤEND Ssaεid u SAΣIDU N At Mεemmer imi ula d netta yefka afus deg MUḤYA! Yeqqel uqelmun s iḍarren! Sεid amedyaz yeqqar “LBACIR AMZUN SEG YIMI N MUḤYA I D-YETTMESLAY”!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! Teččiḍ Bunerjuf a SΣID a mmi neγ tẓeṭleḍ, neγ tṣekreḍ, d acu k-yuγen akka?! Maca, ur teḍlimeḍ ara, imi iḍelli kan i tferneḍ BUTEFLIQA d aqerruy n tmurt”! amek ur tettarraḍ ara LBACIR D MUḤYA”?! Ur k-nwiγ ara akka a SΣIDU?!!!
Asekkur a War isem!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Lu grun Pewwiṭ

Ulac azul, ulac sslam, ulac bujuṛ!
Imi akka i teddunt temsal deg wesmel-agi, ihi ula d nekk aql-i uzneγ-ak-d asefru, ḥwajeγ a t-id-afeγ dagi! ulac asmesxer neγ aεeṭṭel, tesliḍ neγ ur tesliḍ ara a Winna, ay amcum?! Bla Rebbi ar neqqel akk d imedyajjen! Asefru-inu i d-ḍergeγ tura kan, semmaγ-as “ASMI LLIΓ DI LBILAJ” yerna lemmer ur t-id-tessrusuyeḍ ara, ar t-id-sserseγ nekk bla lebγi-k a Winna!
Ruḥet ad teksem tizit
Lu GRUN PEWWIṬ

Teḥḥrem ar tt-yekker wah d ruḥu dagi! Tebra ar d-isuḍ waḍu n wurḍan ara yessengugin asmel-a! Aḥeqq jeddi-s n Wemsed d tlawin akk yessefsed ar d-yeḥmel wasif n "la dyari" ur nettağğa ula d yiwen si "leklu" (tarbaεt) n Kanada, ar teḍru yid-sen akken teḍra d Inuγmunen!
Teḥrem ar tt-id-jebdeγ dagi zdat-wen, ar tt-teẓrem ass-a (tameẓyant-iw); ṭṭfet γur-wen ihi:
Ṭaṭaṭaṭa....ṭeẓ.. imenza d urḍan "ssak"; ineggura umsen-d cwiṭ s yiẓẓan
Lu grun Rrivulisyuniṛ

azul,

A s-nger belli llant snat n Tikliwin (marches):
- yiwet i wegdud n "Falasṭin"
- Tayeḍ i Timanit n tmurt n leqbayel akk d wegdud aqbayli.

Asteqsi:
Acu n tikli ar a-yaγ Lbacir bu claγem??

Azul a mmi-s n Wemsed!
1)- Asmi lliγ meẓẓiyeγ, γur-neγ yiwen ikerri yettberriz ( yakkat imdanen ) s wacciwen-is.
Maca, mi s-yeglalez wemdan di tγerγert, d awezγi ad t-yewwet.
Ad yeẓḍem fell-as, mi yewweḍ kan γer zdat-s, ad yefrini.
Wagi d ikerri, d lmal, wali tura kečč akk ayagi...
2)- Lbacir ma nniγa-s amzun seg imi n Muḥya i d-ffγen imeslayen-agi"Ihendiyen meqqar rebbi-nsen yesεa nfeε, yettak-d ayefki" ur ndimeγ ara.
Imi tettnadiḍ inumak n wayen d-yenna Lbacir, ma ur ten-tegziḍ ara, ata wayen yellan zdeffir imeslayen-agi ufella:
Mmi-s n Wemsed yerra iman-is d Rebbi, maca, Rebbi-agi ( mmi-s n Wemsed ) tif-it ula d tafunast, acku nettat meqqar tettak-d ayefki, wamma netta d rregmat kan i wumi yessen.
3)- Ẓriγ γelṭeγ aṭas imi d-ak-mliγ tura kra, acku kečč mi ara k-yesseččay wemdan tamment, ad t-id-tessusufeḍ.
Riγ a k-mleγ kra mi akken d-tenniḍ imeslayen-agi:
" Sitiyasyu familyal: ambur (g leεmer i ddiγ d isli". iwakken ad yecreh wul-ik, kečč teṭṭfeḍ-iyi tuḥsift, tesmareḍ-d tura fell-i akerciw-ik.
Ccah deg-i, teγziḍ-iyi, d nekk i yewwḍen azrem s axjiḍ neγ tizizwa γer yimi n teγrast.
-------------
Yiwen tikkelt fkiγ-d tamuγli-w γef yiwet tezlit n Lbacir, ur d-yenni ula d kra ( ur d iyi-rgim, ur tergimeγ ).
Segmi yessusem ata wayen gziγ:
1)- Yefka-yi azref neγ
2)- Yerwa deg-i tadṣa
Maca, iquder tamuγli-w, yeğğa-yi greγ-d nnefs.
D acu n tegzi yellan sennig ta?
---------------------
Ma tuγeḍ awal-iw kemmel kan deg usufeγ isefra, iḍriden d wayen-nniḍen deg wesmel, anef akk i tigi ifeγ-k, tifeḍ-iyi, yifi-k, tifeḍ-t! Ulac anwa i yifen wayeḍ, ifen-aγ akk medden-nniḍen.
D nekkni i d ineggura a tawaγit-ik, a mmi-s n Wemsed afuḥan!!!
------------
Muḥya deg wayen yelhan kan i t-id-udreγ, azekka ad mden 4 iseggasen segmi d aγ-yeğğa nettṛağu Rebbi-agi i d aγ-k-id-yuznen deg wadeg-is. Ihi γas eğğ-it ad yesres iγsan-is di talwit, ur t-id-ssekcam ara di tmucuha-agi-inek yettaken anzi γer tidak-nni n tmeγarin-nni n zik mi ara qqiment deg iseqqif ad mecḍent iqerra-nsent, ad as-rsent i yejneε, yefneε, tahi tewwi 16 n tbulaz mi tedda d tislit...atg!

a Mmi-s n Wemsed azul fell-ak,

acḥal ḥemleγ ad γṛeγ ayen d-ttaruḍ, d aḥlalas, yiwen mačči ad t-qqileḍ, tikkwal ur zṛeγ ara ulama amek ara fehmeγ, seg wakken tikkwal tettnecṛah-ḍ, tikkwal teskeεrir-ḍ, tikkwal d azemni ameqqran, ur zṛiγ ara, aḥeqq jedd-ik Amsed ma zṛiγ !

teqqar-ḍ ncuff-as aqqendur i Lbacir, newt-as ṭbel !
yak d keč i yeqqaren yal yiwen aqqeruy-is deg tcacit-is, amek akka dγa tewḍeḍ ar ttexmam am wa !
yak Lbacir ur yesεi ara axriḍ akken as nnini d win i nettgabbaṛ,
dγa keččini, win i d-yennan iεejjbiyi waya, dayen, ad iqqen aγyul?
yak a Wemsed a gma, ur εdilen ara medden, keč ak iεjjeb waya wayeḍ yezmer ur s iεejjb ara, neγ ala ?

asenqqed deg tira a Wemsed mačči s rregmat, ur zmireγ ara as inniγ i yiwen tira-k d iẓẓan, γas dirit wakken yettaru, m'ulli tuγal ar din, nezmer as nssemi i waya zzux (acku teqqareḍ nekkni nettzzuxu !), yax ulac wi d-yekkren yessen, ddunit d almud n yal ass !
ma d "lapulitik" ur nxeddem ara "lapulitik", yal yiwen abrid i s-yehwan yaγit, ayγer nekkini ḥemleγ "Imyura.net", acku myal tiγmi ad ttetaffeḍ deg-s (aya ur tenettaf ara deg ismlen yessawalen s tefransist, yarnu zaεma d "lidimukraṭ"), awid kkan ad ikkemel akka deg webrid-a. yiwen ur yessusuq wayyeḍ, yiwen ur yeqqar ar γuri i tella tidett, wiyyiḍ akk d akkelex,
yal yiwen tidett-is, yal yiwen d awal-is, nnuba i yal yiwen !

ur ḥemleγ ara amsečču n baṭṭel, ladγa ma yell s wudem n "lankizisiu".
s wull zeddigen am aman, a Wemsed a gma.
azeγṭiṭ n cceḥna ur yelli !

alih fi laman

A mmi-s n Wemsed,

wamma imi tenniḍ a mmi εzizen ferneγ Butef d aqerru i tmurt,
wali di tavidiyyut-agi amek d-yessufeγ deg yimi-s ameslay-nni
" Wa tγelṭem":!!!
http://www.dailymotion.com/video/xcpvt_mariage-de-bouteflika.
Ula d nekk riγ ad ak-iniγ " Wa tγelteḍ", ma yella triḍ ad iyi-tγeḍleḍ, ad iyi-tawiḍ nekk, ad tawiḍ wiyaḍ kuntr pyi, ad iyi-tezzuzreḍ aγebbar s allen, ad ttṣṣaḍṣaγ.
Atan ihi zemren yemdanen ad walin dagi anta tamurt i wumi ferneγ Butef d aqerru, zemren yemdanen ad walin tafuṭut kan,
war ma ṛẓan iqerra-nsen ad γren asefru:
http://www.imyura.net/Timenza/tabid/57/articleType/ArticleView/articleId/304/Nekk-ad-ferne-Butef-d-aqeu-i-tmurt.aspx
Lemmer d uḥric i telliḍ, tili ad tafeḍ winna d-yessersen agejdur-nni n lehdur yiwen wass dagi deg wesmel di Tnaṣlit, acku yusem fell-as. Yerna seg yiwen usiber i d-tettarum kečč yakk yid-s si Wehran. Steqsi kan fell-as taqcict-nni n usiber tessneḍ, ahat teẓra anwa-t! D acu i d-iyi-yeswehmen deg-s wemdan-nni,
amek yeẓra War isem yejweğ d γur-s tarwa? Yerna yesseddak-id ula d kečč s yimmad-ik di taluft-nni neγ ira kan ad aγ-yezzuzer aγebbar s allen s wayen?
A mmi-s n Wemsed, a mmi-s n Wemsed teṣubbeḍ-aγ nnivu ama yehwa-yaγ neγ ur d aγ-yehwi, d wagi i d iswi-k?
Wamma imi tenniḍ i Lbacir temgaradem kečč yakk yid-s s waya d waya, netta yebda s ufella, kečč s wadda, anida akken tettzuxxuḍ s yiman-ik, ula d nekk ihi ad zuxex tura imi triḍ akka.
Teẓriḍ d acu-t wemgired yellan gar-aneγ nekk yid-k?
Nekk ḥemmleγ widak iqeddcen, d-yessufuγen ayen yelhan seg wallaγ-nsen, kerheγ leqdic ( mačči d imdanen ) ur nelhi, kečč tkerheḍ at wallaγen d-yettarwen ayen yelhan.
A nnger-im a taγeddiwt!!!
Nekk γur-i amdan akken ira yili, ama yessen neγ ur yessin, ama yelha neγ uhu, ma yelha wul-is yelha γur-i, ma d yir ul i yesεa diri-t γur-i.
Tikkelt-nniḍen lemmer ad tuγaleḍ s war ṣṣwab d rregmat kan s ameslay neγ ur ttafeγ ara inumak deg wayen ara d-tiniḍ, atan ad ssusmeγ, kečč rgem γef yiman-ik war cceḥa!
Riγ ad ṛẓeγ aqerru-w γef wayen icebḥen yerna γur-i 3 warraw-iw, ulac akud i txeṭwaẓ, tiğeεlabin d tiyi yakk.
Yerna a mmi rregmat d awal, tisusaf d aman.
" Win yeččan yečča, wayeḍ tarbut tekkes".

Azul fell-awen a tagmat.
S wul zeddigen d tujjma meqqren i d-rriγ γer da ass-a; niγ teḥṣam mačči di tmurt i lliγ, aql-i deg wayen yugaren lγerba. Yal tagnit anda ara yi-d-taf, ass di Amaẓun, ass d Himalaya... ansi d-tendeh twaγit ad iliγ din, anda d-yessawel lḥeqq a yi-d-yaf deg webrid-is. Tura aql-i di Nnipal anda yeẓẓa leḥkem asnaraf n lεeṣker, aql-i dagi ssakayeγ-d seg wegdud n tmurt-a akken ad kkren ad zwin γef yiman-nsen aγebbar, γas ulamma leqher d ẓẓur ibedd usenğaq-nsen dagi, meεni asirem-nneγ meqqer akken ad yettwarreẓ uzaglu-yagi... Ussan yezrin lliγ di Tibat tamurt n Dalay Lama... Ihi nniγ ferḥeγ imi yi-tessulef tegnit kecmeγ-d γer wesmel-agi; maca, wehmeγ, u ssḥassfeγ aṭas γef kra n yir tedmiwin yecban tiyiti deg kra n watmaten! S tewzel kan: Yiwen am dda Sεid lemmer i nesεi deg iqerray-nneγ yili a t-nḥader am tmellalt. Acimi? - Asmel-agi ma yuli d dda Sεid i d llsas-ines. Ur yessefk ara a γ-yeεreq lγerḍ a d-nesseγlay itran-nneγ akken ad neqqim nettulles i ṭṭlam. Maca, ur yessefk ara ad nefqeε ay atmaten, mačči win yeccḍen ad nernu ula d nekkni ad necceḍ yid-s. Yelha usuref d ssmaḥ gar-aneγ.
Afud igerrzen, tiwḍin s iswan, s wazul meqqren... Ssurfet-iyi attan tejba-d temsulta taserdast n Nnipal, ar tikkelt-nniḍen.
Aṭlas

azul fell-awen/t
tanemmirt a Mass Aṭlas, ansuf yis-k ar wesmel n imyura, acḥal sefraḥen imeslayen-a-inek, imi iẓeṭṭen tadukli ger watmaten, nekk daγen nnwiγ kra n wid i d-yettarun ar wesmel, ttakken-d tidmiwin-nsen, armi i sen-tella seg wul tmaziγt, maca yal yiwen s wayen yessen, yak tamaziγt teγs akk arraw-is ara tt-yarun, ara tt-yeγren, yessefk ad nefrez ayen yelhan d wayen n diri, ma qqaren i yiwen "Dda" armi yuklal, kra n win yettgerrizen, yettwenniε, s tira-s, yettawi-d awal amaynut, yessnernay tutlayt s wayen i d-yettaru, widi akk uklalen asnemmer, daya i d abaγu, daya i d leqdder i tutlayt-nneγ, ihi Dda Sεid d yiwen deg-sen, ahat maḍi d netta i d aselmad-nni iwumi neqqar Ṭaglal, winna akken i γ-isselmaden timsirin n tmaziγt deg wesmel, γileγ daγen ulac wara yefken afus deg wayla-s, ala tamsetla taserdast, i d-yettarun mgal tamaziγt, widak-nni banen ssnen akk timeslayin, ala tamaziγ ur nnekcim ara iqerray-nsen, acku γulen-tt, sseqsi ar wesmel kabyle.com, neγ tamazγa.fr, a k-id-innin? ttarun-d ula s tcinwat, kkaten-d deg-s, ihi ay Aṭlas melmi tfukkeḍ cceγl-ik di Nnipal anda yeẓẓa leḥkem asnaraf n lεesker, uγal-d ar tmurt-nneγ, anda yella ccγel yugaren winna n Nnipal, neγ Amaẓun, neγ Tibat, tamurt n Dalay Lama, meqqar ad tiliḍ ar yidis n Dda Σebdenur Ali Yeḥya, iman-is kan weεrent-as i tifra, yelha imi ara dduklen watmaten, ay atmaten!
ar tufat
muḥend

ssureft-iyi ccḍeγ deg tira, riγ ad aruγ "abaγur mačči abaγu "wigi mačči widi" "tamaziγt mačči tamaziγ"

Azul a dda Muḥ,
tanemmirt ilmend n wawalen-ik yesbuḥrayen i ideddicen mi ara nedfen!
Wamma imi tenniḍ ahat d nekk i d Ṭaglal, mačči d nekk a dda Muḥ.
Asmi lliγ meẓẓiyeγ γur-i aṭas n Tirga, wali dagi kra imedyaten:
Ad ssefruyeγ am Lewnis, ad tturareγ ddabex am Adγiγ Racid.
Tura mi meqqreγ ẓriγ ifut-iyi waya, ihi atta targit d iyi-d-yegran: Ad ttaruγ tutlayt-nneγ am Ṭaglal neγ xerṣum ad iyi-d-teṣṣaḥ teḥdert tamecṭuḥt si tmusni-s s umata.
Ma d Aṭlas-nni tesnemmreḍ a dda Muḥ, d acu ara k-iniγ tura?
A winna d Lhemm-nni a dda Muḥ, wa d mmi-s n Wemsed i yuγalen fell-aγ d tajenwit n Ğeḥḥa " a k-ineγ, a k-id-yeḥyu".
Waaa yerwi-yaγ a dda Muḥ!!!
Ihi " Alexander d Fleming, Fleming d Alexander".

azul fell-awen
Mmi-s n Wemsed d Dda Sεid
nekkni i sin nḥemmel-iten
deg wayen d-ttarun nesikkid
sselmaden-aγ di tmusni-nsen
neẓra akk di targit n yiḍ
ula d imazanen, deg-s γelḍen
yewwi mmi-s a t-yezlu d lεid
asfel yuγal d akraren
nnal ihi mmi-s i tyaẓiṭ
m'ur k-id-tenqib ar wallen

ssureft-iyi ay imeselmen lεid-nwen d tameggazt, asefru-yagi-inu, d taluft lqaεa kan i t-id-yewin, γas yugar asefru-nni n Uwḥid Yusef, maca ur yewwiḍ ara am isefra n Lewnis,

taggara n wawal am akken yeqqar Dda Ğamal
nnig teqbaylit
s ddaw teqbaylit
d taqbaylit

ar tufat
muḥend

azul a lvacir ,attas aya aken ik ufiγ i-s-wehmiyi w-ayen t-qedceḍ
ufiγ d akken d ayen illan id qaṛeḍ ama d aẓawan ama d isefra .
t ččur t qaruyt ik .ssarameγ ad mlileγ d idek ahat illa w ayen γaf an mesli . sliγ i tizlatin ik ,gar asent ( ivawen,limam, ac3i...d ttiyaḍ.tanmirt seg ul ,ssarameγ d akken att dduḍ deg uvrid agi n unadi .fud igarzen .ar tufat .

azul fellawen a yatma,

Tazwara tanmirt i wesmel agi "imyura.net" imi d tsersem aḍris agi inu.
Smaḥ kan a dda Sεid, imi ik d wwiγ rregmat, mačči d lebγ-iw!
tanmirt i Ğamal at udiε, daγ.
tanmirt i muh at vurenna, akk d hakim tizwal.
ma d wiyyaḍ, smaḥ garaneγ !

ur gemneγ ara aḍris agi ad d-yawi akk annecta n wawal. maεna ma tmeyzeḍ, ad taffeḍ dayen yelhan, imi taggara , yal yiwen ad yelmed γef wayeḍ !
wid yerfan yelha-y-asen, akka d assawen ad zzṛen d akken llan wid yesεan tiktiwin yemgarden γef tiktiwin nsen. aṭas i s yennan d nekkni kan i yessnen a nemesslay, dγa ttmesslayen s yisem nneγ, d iseggasen aya tura!

Imeslayen am:" la race kabyle, la pureté,... atg" uγalen-d am TSUNAMI, γurneγ. yarnu tikli akk d umennuγ γef tmaziγt mačči akka id bdan. tikli γef tmaziγt tedda d tikli γef izerfan s umata.
di tallit ideg acḥal d "aεrab" yeqqar nekk d amaziγ, (yebda yettkkes-asen ukukru !), id teffeγ" la mode" agi n la "race kabyle".
abrid-a yettwassen, u neẓra sani yettawi. amezruy n talsa d anagi!

ata wawal-iw:

Dda Sεid akk d Ğamal m id nnan, aḍris a yejbed γur Muḥya, ẓran d akken ur wwiḍ-eγ ara tifdent is, mačči d iγyal i llan!
maca bγan kan ay id fkken afud akken ad kkeml-eγ tira s tmaziγt,
γas ma ahat ur εdilen ara tamuγli yidi.

ad fakk-eγ awaliw akka:

iccekker iyi Sεid ferḥ-eγ,
ireggmi-yi mmis n wemsed sγert-eγ

Lvacir ad yeḥbes nnefs uqbel ad yeyeḥbes tira s teqbaylit
asmi ara illiγ "d'accord" d win ara k yinnin:
<<azul,

A s-nger belli llant snat n Tikliwin (marches):
- yiwet i wegdud n "Falasṭin"
- Tayeḍ i Timanit n tmurt n leqbayel akk d wegdud aqbayli.>>

atan nniγ asen iy imdukkal ad iyi d ṭṭfen ttiεad akk d u "Psychiatre"

tanmirt ,

wa_yečča_wa,

Susmat rfan leqbayel,
Wa yečča wa.
Lemmer neḥrec, neẓra taadawt lamer tenfa bab-is

A winnat nat winnat, aaqel axṣim tettḥadareṭ
Win d ineṭqen, win d innan awal izad neγ yenqes
Ad iqaṛa iman is, din din at neṭlen,

Iγ iğğan nessusum naagwen nγil neḥdeq,
ziγ d akakru i nkukra, ttigwdi i nugawd.

Meqwṛan ur d iffiγ d ṭbib ney d ajenyur
Ur d iffiγ d aafrit,
Ur ikkat snitra,
Yuẓam awal
iqeggel
ar tagara...